चिदम्बरनटराजसुप्रभातम् Shri Chidambara Nataraja Raja Suprabhata Stotram

योऽदाद्वैय्याघ्रपादप्रभवमपि पयोलिप्सयाग्रे रुदन्तंदृष्ट्वा तस्मै सुधाब्धिं सदयमथ शिलाभुङ्मुनेः स्वस्वरूपम् ।पुत्रं नेत्रार्पणाद्वै हरिवनचरयोश्चक्रमुक्ती प्रमोदात्तस्मै तुभ्यं प्रणामस्त्यज सुखशयनं ते प्रभो सुप्रभातम् ॥ १॥

yo'dādvaiyyāghrapādaprabhavamapi payolipsayāgre rudantaṃdṛṣṭvā tasmai sudhābdhiṃ sadayamatha śilābhuṅmuneḥ svasvarūpam |putraṃ netrārpaṇādvai harivanacarayoścakramuktī pramodāttasmai tubhyaṃ praṇāmastyaja sukhaśayanaṃ te prabho suprabhātam || 1||

उतिष्ठोत्तिष्ठ देव प्रकटितविभवैः स्वादुतल्पाद्विभो त्वांसन्द्रष्टुं श्रीमुकुन्दप्रभृतिसूरवरा द्वारि तिष्ठन्ति मोदात् ।इच्छाशक्त्या उमाया वदनजलरुहं वीक्ष्य शम्भो नमस्तेस्वामिन्नायातु सर्वानवतु शिवभवन् सुप्रभातं सुजातम् ॥ २॥

utiṣṭhottiṣṭha deva prakaṭitavibhavaiḥ svādutalpādvibho tvāṃsandraṣṭuṃ śrīmukundaprabhṛtisūravarā dvāri tiṣṭhanti modāt |icchāśaktyā umāyā vadanajalaruhaṃ vīkṣya śambho namastesvāminnāyātu sarvānavatu śivabhavan suprabhātaṃ sujātam || 2||

कोकूयन्ते स्वनीडस्थितिमविजहतः पक्षिवर्याश्चकोरप्रष्ठाः शीतांशुरर्धास्तमयति भगवान् सप्तसप्तिर्ह्युदेति ।अम्भोजानां विहासं कुमुदमुकुलता रीङ्कृतिर्भ्रामरीणांजातं ब्राह्मं मुहूर्तं विहर नटपते सुप्रभातं प्रसन्नम् ॥ ३॥

kokūyante svanīḍasthitimavijahataḥ pakṣivaryāścakorapraṣṭhāḥ śītāṃśurardhāstamayati bhagavān saptasaptirhyudeti |ambhojānāṃ vihāsaṃ kumudamukulatā rīṅkṛtirbhrāmarīṇāṃjātaṃ brāhmaṃ muhūrtaṃ vihara naṭapate suprabhātaṃ prasannam || 3||

श्रीमूलाद्यास्सुसिद्धाः सनकमुनिवरा योगिनः कुम्भजातःप्रातः श्रीचित्सभायां तव पदजलजं कुञ्चितं द्रष्टुकामाः ।प्रेम्णा वेदान्तसारप्रवचनविगलत्तोयधारादृगन्ताःप्रार्षद्भिः प्रेषितान्तास्सविधतटवरे मेलयन्तो लसन्ते ॥ ४॥

śrīmūlādyāssusiddhāḥ sanakamunivarā yoginaḥ kumbhajātaḥprātaḥ śrīcitsabhāyāṃ tava padajalajaṃ kuñcitaṃ draṣṭukāmāḥ |premṇā vedāntasārapravacanavigalattoyadhārādṛgantāḥprārṣadbhiḥ preṣitāntāssavidhataṭavare melayanto lasante || 4||

दिव्या ह्यप्सरसो भवद्धुरिमुदाकर्तुं च तौर्यत्रिकंब्रह्मा तालधरो मृदङ्गभरणो लक्ष्मीपतिर्वेणुमान् ।शक्रो नारदतुम्बुरू मुनिवरौ वीणाकरौ गायकौह्यायान्तीह भवन्तमीक्षितुमनास्ते सुप्रभातं वरम् ॥ ५॥

divyā hyapsaraso bhavaddhurimudākartuṃ ca tauryatrikaṃbrahmā tāladharo mṛdaṅgabharaṇo lakṣmīpatirveṇumān |śakro nāradatumburū munivarau vīṇākarau gāyakauhyāyāntīha bhavantamīkṣitumanāste suprabhātaṃ varam || 5||

सम्बन्धादिमशाम्भवोक्तमनघं द्राविड्यभाषामयंगानालापमनोहरं स्तववरं गायन्ति शैवाश्च ते ।वीथ्यां झल्लरिढक्ककादिसहकृद्गीत्या प्रबोधाय तेसर्वांस्तान् कृपयावलोकय विभो जातं ह्युषो निर्मलम् ॥ ६॥

sambandhādimaśāmbhavoktamanaghaṃ drāviḍyabhāṣāmayaṃgānālāpamanoharaṃ stavavaraṃ gāyanti śaivāśca te |vīthyāṃ jhallariḍhakkakādisahakṛdgītyā prabodhāya tesarvāṃstān kṛpayāvalokaya vibho jātaṃ hyuṣo nirmalam || 6||

पल्लव्यनुपल्लवी त्रिचरणयुक् गीतिस्वरोन्मेलनंत्वद्भक्ताखिलवृत्तकीर्तनवरालापैः प्रतुष्टान्तराः ।द्वारे गोपुरमण्डपस्य पुरतः सौगन्धिकं चन्दनंलाजान् फाणितशर्करे करतले धृत्वा भजन्तेऽनघाः ॥ ७॥

pallavyanupallavī tricaraṇayuk gītisvaronmelanaṃtvadbhaktākhilavṛttakīrtanavarālāpaiḥ pratuṣṭāntarāḥ |dvāre gopuramaṇḍapasya purataḥ saugandhikaṃ candanaṃlājān phāṇitaśarkare karatale dhṛtvā bhajante'naghāḥ || 7||

जाग्रत्स्वप्नसूषुप्तिकालगणना नास्ति त्वयीति स्फुटंनृत्तेशान तथापि मन्दमतिभिर्ह्यारोप्यते लोकवत् ।तत्सर्वं परिनिष्ठितं भवतु ते श्रीचित्सभानायकप्रातःकालमभूत्स्वरूपमपरं सन्दर्शयामोदतः ॥ ८॥

jāgratsvapnasūṣuptikālagaṇanā nāsti tvayīti sphuṭaṃnṛtteśāna tathāpi mandamatibhirhyāropyate lokavat |tatsarvaṃ pariniṣṭhitaṃ bhavatu te śrīcitsabhānāyakaprātaḥkālamabhūtsvarūpamaparaṃ sandarśayāmodataḥ || 8||

व्याघ्राङ्घ्रिश्च पतञ्जलिर्जिमिनजः कृष्णेन साकं महान्शैवाचार्यवरोपमन्युरनघो व्यासश्च सप्तर्षयः ।पञ्चाङ्गं स्वकरे वहन् सुरगुरुश्चाह्नां शुचि ज्ञापितुंनन्दी वेत्रलसत्करो विजयते श्रीभानुकम्पादिभिः ॥ ९॥

vyāghrāṅghriśca patañjalirjiminajaḥ kṛṣṇena sākaṃ mahānśaivācāryavaropamanyuranagho vyāsaśca saptarṣayaḥ |pañcāṅgaṃ svakare vahan suraguruścāhnāṃ śuci jñāpituṃnandī vetralasatkaro vijayate śrībhānukampādibhiḥ || 9||

सोमाद्यध्वरलब्धकुण्डलयुगश्वेतातपत्रोज्ज्वलाःश्रीपत्राक्षतदिव्यगन्धकुसुमस्वर्णादि पात्रावलिम् ।धृत्वा द्वारि भवन्तमर्चितुमुमानाथ प्रभो दीक्षिताःतिष्ठन्ति स्वसभाकपाटमनय प्रातः समायादिते ॥ १०॥

somādyadhvaralabdhakuṇḍalayugaśvetātapatrojjvalāḥśrīpatrākṣatadivyagandhakusumasvarṇādi pātrāvalim |dhṛtvā dvāri bhavantamarcitumumānātha prabho dīkṣitāḥtiṣṭhanti svasabhākapāṭamanaya prātaḥ samāyādite || 10||

तत्कालनिवेदनार्थमनिशं कार्तान्तिकैः कल्पितात्घण्टाघट्टघणं घणायितरवाज्जाग्रज्जनोत्साहितम् ।त्रैसाहस्रमखीन्द्रगेहविसरत्त्रेताग्निधूमोज्ज्वलंप्रातःकालमभूत्त्वया नटनमुत्काली वरीवर्तते ॥ ११॥

tatkālanivedanārthamaniśaṃ kārtāntikaiḥ kalpitātghaṇṭāghaṭṭaghaṇaṃ ghaṇāyitaravājjāgrajjanotsāhitam |traisāhasramakhīndragehavisarattretāgnidhūmojjvalaṃprātaḥkālamabhūttvayā naṭanamutkālī varīvartate || 11||

शैवे गाङ्गतटे कषायवसनाः भस्माक्षमालाधराःधृत्वा दण्डकमण्डलू च सततं कैवल्यरुद्रादिकम् ।मन्त्रं त्वद्दहरं चिदम्बरसभासम्मेलनाख्यं मुदाजापं जापमुपासते यतिवरा मोक्षार्थिनो वीक्ष्यताम् ॥ १२॥

śaive gāṅgataṭe kaṣāyavasanāḥ bhasmākṣamālādharāḥdhṛtvā daṇḍakamaṇḍalū ca satataṃ kaivalyarudrādikam |mantraṃ tvaddaharaṃ cidambarasabhāsammelanākhyaṃ mudājāpaṃ jāpamupāsate yativarā mokṣārthino vīkṣyatām || 12||

अग्रे गोवृषदन्तिवाजिललनापूर्णाम्बुकुम्भाम्बुजोद्दीपस्वस्तिकशङ्खचामरयुगाऽऽदर्शेक्षुरम्भाफलम् ।श्रीवत्सं श्रुतिपाठपूतवदना विप्राः कलाची लसत्ताम्बूलानि भवन्निरीक्षणविधौ न्यस्तानि सम्पश्यताम् ॥ १३॥

agre govṛṣadantivājilalanāpūrṇāmbukumbhāmbujoddīpasvastikaśaṅkhacāmarayugā''darśekṣurambhāphalam |śrīvatsaṃ śrutipāṭhapūtavadanā viprāḥ kalācī lasattāmbūlāni bhavannirīkṣaṇavidhau nyastāni sampaśyatām || 13||

प्रातःकालभवन्निवेदनकृतेऽप्यन्नं भवाढाभिधंपक्वं जातमभूत्प्रभो धुरि तथाऽखण्डे च पात्रे स्थितम् ।सर्पिं क्षीरगुडादिदिव्यरसयुग्भक्ष्यादिभिश्शोभितंस्वीकर्तुं ह्यररं नयाद्य शिवया ते सुप्रभातं दिनम् ॥ १४॥

prātaḥkālabhavannivedanakṛte'pyannaṃ bhavāḍhābhidhaṃpakvaṃ jātamabhūtprabho dhuri tathā'khaṇḍe ca pātre sthitam |sarpiṃ kṣīraguḍādidivyarasayugbhakṣyādibhiśśobhitaṃsvīkartuṃ hyararaṃ nayādya śivayā te suprabhātaṃ dinam || 14||

पूर्वेद्युर्विहिताभिषेककरणः श्रीरत्नभूषोज्ज्वलःलक्षश्रीदलगन्धचर्चितसुमैरभ्यर्चितो दीक्षितैः ।साहस्राङ्घ्रिनिकेतनादभिजित्यार्द्रादिने नर्तयन्प्राप्तोऽसि स्वसभां तदद्भुततमं लास्यं विजेजीयताम् ॥ १५॥

pūrvedyurvihitābhiṣekakaraṇaḥ śrīratnabhūṣojjvalaḥlakṣaśrīdalagandhacarcitasumairabhyarcito dīkṣitaiḥ |sāhasrāṅghriniketanādabhijityārdrādine nartayanprāpto'si svasabhāṃ tadadbhutatamaṃ lāsyaṃ vijejīyatām || 15||

एतत्स्तोत्रवरं पठन्ति नितरां प्रातः सभायां पुरःप्रीतः श्रीनटराजराजभगवान् तेभ्यः पुमर्थान् वरान् ।इष्टान् पुत्रकलत्रसम्पदखिलान् वाक्श्रीमुखानन्तिमेब्राह्मं वैष्णवमैश्वरं च निलयं दद्याज्जगत्स्याच्छिवम् ॥ १६॥

etatstotravaraṃ paṭhanti nitarāṃ prātaḥ sabhāyāṃ puraḥprītaḥ śrīnaṭarājarājabhagavān tebhyaḥ pumarthān varān |iṣṭān putrakalatrasampadakhilān vākśrīmukhānantimebrāhmaṃ vaiṣṇavamaiśvaraṃ ca nilayaṃ dadyājjagatsyācchivam || 16||

॥ इति श्रीचिदम्बरनटराजराजसुप्रभातस्तुतिः समाप्ता ॥

|| iti śrīcidambaranaṭarājarājasuprabhātastutiḥ samāptā ||