भवानीशङ्करसुप्रभातम् Shri Bhavanishankara Suprabhatam

वागर्थाविव सम्पृक्तौ वागर्थप्रतिपत्तये ।जगतः पितरौ वन्दे पार्वतीपरमेश्वरौ ॥ १॥

vāgarthāviva sampṛktau vāgarthapratipattaye |jagataḥ pitarau vande pārvatīparameśvarau || 1||

मातस्समस्तजगतां त्रिपुरासुरारेःअर्धाङ्गहारिणि महोज्ज्वलदिव्यकान्ते ।शौरीन्द्रकादिदिविजैः परिसेविताङ्घ्रेश्रीवामदेवदयिते तव सुप्रभातम् ॥ २॥

mātassamastajagatāṃ tripurāsurāreḥardhāṅgahāriṇi mahojjvaladivyakānte |śaurīndrakādidivijaiḥ parisevitāṅghreśrīvāmadevadayite tava suprabhātam || 2||

सन्ध्यामुपास्य परिपूज्य च कामधेनूःता दोहयन्ति विधिवद्धुतवह्निमुख्याः ।प्राध्यापयन्ति मुनयः श्रुतिमन्त्रपाठान्कैलासवासवनिते तव सुप्रभातम् ॥ ३॥

sandhyāmupāsya paripūjya ca kāmadhenūḥtā dohayanti vidhivaddhutavahnimukhyāḥ |prādhyāpayanti munayaḥ śrutimantrapāṭhānkailāsavāsavanite tava suprabhātam || 3||

प्राच्यङ्गनामरुणकाम्बरधारयन्तींप्रेम्णा विहस्य ननु धावति सूर्यदेवः ।गन्धानिलस्तु शिशिरश्च शनैः प्रवातिश्रीशैलनाथललने तव सुप्रभातम् ॥ ४॥

prācyaṅganāmaruṇakāmbaradhārayantīṃpremṇā vihasya nanu dhāvati sūryadevaḥ |gandhānilastu śiśiraśca śanaiḥ pravātiśrīśailanāthalalane tava suprabhātam || 4||

उत्तिष्ठ देवि वरदे कनकाद्रिवासेराजत्सहस्रदलपद्मविहारशीले ।नीवारशूकतनुभास्वरपीतभासेश्रीकण्ठमानिनि शिवे तव सुप्रभातम् ॥ ५॥

uttiṣṭha devi varade kanakādrivāserājatsahasradalapadmavihāraśīle |nīvāraśūkatanubhāsvarapītabhāseśrīkaṇṭhamānini śive tava suprabhātam || 5||

शिवाकान्त शम्भो शशाङ्कार्धमौलेमहेशान शूलिन् जटाजूटधारिन् ।नमस्ते विभो विश्वमूर्ते सुमूर्तेभवानीपते ते शिवं सुप्रभातम् ॥ ६॥

śivākānta śambho śaśāṅkārdhamaulemaheśāna śūlin jaṭājūṭadhārin |namaste vibho viśvamūrte sumūrtebhavānīpate te śivaṃ suprabhātam || 6||

रामेश्वराधिष्ठितभव्यलिङ्गसंस्तूयमानामरसार्वभौम ।चित्रापुरश्रीमठमुख्यदेवशम्भो भवानीधव सुप्रभातम् ॥ ७॥

rāmeśvarādhiṣṭhitabhavyaliṅgasaṃstūyamānāmarasārvabhauma |citrāpuraśrīmaṭhamukhyadevaśambho bhavānīdhava suprabhātam || 7||

लिपिब्रह्मरूपिन् गुणातीतरूपचिदाकाशरूपिन् भवातीतरूप ।महालिङ्गरूपिन् क्षरातीतरूपभवानीपते ते शिवं सुप्रभातम् ॥ ८॥

lipibrahmarūpin guṇātītarūpacidākāśarūpin bhavātītarūpa |mahāliṅgarūpin kṣarātītarūpabhavānīpate te śivaṃ suprabhātam || 8||

चिदानन्दमूर्ते सुरानन्दकर्त्रेपरानन्दमूर्ते शिवानन्ददात्रे ।भवानन्दमूर्ते स्मरानन्दहर्त्रेभवानीपते ते शिवं सुप्रभातम् ॥ ९॥

cidānandamūrte surānandakartreparānandamūrte śivānandadātre |bhavānandamūrte smarānandahartrebhavānīpate te śivaṃ suprabhātam || 9||

त्राहि त्राहि महेश शङ्कर विभो संसारदुःखार्णवात्सुज्ञानाश्रय शङ्करादियतिभिः चित्रापुराधिष्ठितैः ।श्रीमच्छङ्करदेशिकेन्द्रविमलैश्छात्रैः सदा पूजितहे शम्भो तव सुप्रभातममलं श्रीमद्भवानीपते ॥ १०॥

trāhi trāhi maheśa śaṅkara vibho saṃsāraduḥkhārṇavātsujñānāśraya śaṅkarādiyatibhiḥ citrāpurādhiṣṭhitaiḥ |śrīmacchaṅkaradeśikendravimalaiśchātraiḥ sadā pūjitahe śambho tava suprabhātamamalaṃ śrīmadbhavānīpate || 10||

पुरारे स्मरारे सदा तापहारमुरारेर्व्यथारे महापापहार ।सुरारेः परारे त्रिलोकोपकारभवानीपते ते शिवं सुप्रभातम् ॥ ११॥

purāre smarāre sadā tāpahāramurārervyathāre mahāpāpahāra |surāreḥ parāre trilokopakārabhavānīpate te śivaṃ suprabhātam || 11||

रमाकान्तकान्तं शिवाशोकशान्तम्वृषारूढदेवं शिवालिङ्गिताङ्गम् ।चिताभस्मलेपं जटागाङ्गतोयम्भवानीपते ते शिवं सुप्रभातम् ॥ १२॥

ramākāntakāntaṃ śivāśokaśāntamvṛṣārūḍhadevaṃ śivāliṅgitāṅgam |citābhasmalepaṃ jaṭāgāṅgatoyambhavānīpate te śivaṃ suprabhātam || 12||

महेशं सुरेशं गिरीशं गणेशंअजं निर्विकल्पं निजं निर्विकारम् ।तमीशं भजे पञ्चवक्त्रं त्रिनेत्रंभवानीपते ते शिवं सुप्रभातम् ॥ १३॥

maheśaṃ sureśaṃ girīśaṃ gaṇeśaṃajaṃ nirvikalpaṃ nijaṃ nirvikāram |tamīśaṃ bhaje pañcavaktraṃ trinetraṃbhavānīpate te śivaṃ suprabhātam || 13||

ठकारद्वयं सुस्वसायुज्यरूपम्रविग्लौ महाभूतहोतृस्वरूपम् ।भजेऽहं निराकारओङ्कारवेद्यम्भवानीपते ते शिवं सुप्रभातम् ॥ १४॥

ṭhakāradvayaṃ susvasāyujyarūpamraviglau mahābhūtahotṛsvarūpam |bhaje'haṃ nirākāraoṅkāravedyambhavānīpate te śivaṃ suprabhātam || 14||

उत्तिष्ठोत्तिष्ठ देवेश उत्तिष्ठ वृषभध्वज ।उत्तिष्ठ गिरिजाकान्त त्रैलोकीमङ्गलप्रद ॥ १५॥

uttiṣṭhottiṣṭha deveśa uttiṣṭha vṛṣabhadhvaja |uttiṣṭha girijākānta trailokīmaṅgalaprada || 15||

उत्तिष्ठ शम्भो करुणार्द्रपाङ्गऋग्भिर्यजुर्भिश्च सुसामगीतैः ।त्वां स्तौति देवर्षिमहर्षिसङ्घःत्वद्दर्शनेप्सुश्च सुरेशसङ्घः ॥ १६॥

uttiṣṭha śambho karuṇārdrapāṅgaṛgbhiryajurbhiśca susāmagītaiḥ |tvāṃ stauti devarṣimaharṣisaṅghaḥtvaddarśanepsuśca sureśasaṅghaḥ || 16||

त्वयि सुप्ते जगत्सुप्तं त्वयि जागर्ति जाग्रति ।तस्मादुत्तिष्ठ लोकेश अस्माकं मङ्गलं कुरु ॥ १७॥

tvayi supte jagatsuptaṃ tvayi jāgarti jāgrati |tasmāduttiṣṭha lokeśa asmākaṃ maṅgalaṃ kuru || 17||

प्रातः स्मरामि भवदीयपदारविन्दम्गौरीकराब्जमृदुसंहननावलीढम् ।स्तुत्यावदानमपि तुम्बुरुनारदाद्यैःसम्बोधयामि मम चेतसि सुप्रबोधे ॥ १८॥

prātaḥ smarāmi bhavadīyapadāravindamgaurīkarābjamṛdusaṃhananāvalīḍham |stutyāvadānamapi tumburunāradādyaiḥsambodhayāmi mama cetasi suprabodhe || 18||

कैलासे सुमनोहरे मणिमये सौधे महामण्डपेपर्यङ्के शयनीयतल्पमृदुले वामाङ्गी वामांसके ।त्वद्वारिस्थितनन्दिनन्दितपदे गौराद्रिगौरीपतेसंविष्टं तव सुप्रभातममलं श्रीमद्भवानीपते ॥ १९॥

kailāse sumanohare maṇimaye saudhe mahāmaṇḍapeparyaṅke śayanīyatalpamṛdule vāmāṅgī vāmāṃsake |tvadvāristhitanandinanditapade gaurādrigaurīpatesaṃviṣṭaṃ tava suprabhātamamalaṃ śrīmadbhavānīpate || 19||

गोकर्णक्षेत्रमध्यस्थ परिज्ञानाश्रमैर्वरैः ।संसेवितपदाब्जाय भवानीशाय मङ्गलम् ॥ २०॥

gokarṇakṣetramadhyastha parijñānāśramairvaraiḥ |saṃsevitapadābjāya bhavānīśāya maṅgalam || 20||

चित्रापुरमठाचार्य प्रथमैश्शङ्कराश्रमैः ।भक्त्याराधितभव्याय भवानीशाय मङ्गलम् ॥ २१॥

citrāpuramaṭhācārya prathamaiśśaṅkarāśramaiḥ |bhaktyārādhitabhavyāya bhavānīśāya maṅgalam || 21||

ज्ञानवैराग्यसम्पन्नपरिज्ञानाश्रमैश्शुभैः ।सम्पूजितमहेशाय भवानीशाय मङ्गलम् ॥ २२॥

jñānavairāgyasampannaparijñānāśramaiśśubhaiḥ |sampūjitamaheśāya bhavānīśāya maṅgalam || 22||

शङ्कराचार्यसच्छिष्यसञ्जातैश्शङ्कराश्रमैः ।संस्तुतामरपूज्याय भवानीशाय मङ्गलम् ॥ २३॥

śaṅkarācāryasacchiṣyasañjātaiśśaṅkarāśramaiḥ |saṃstutāmarapūjyāya bhavānīśāya maṅgalam || 23||

तत्त्वज्ञानसुधासिन्धुविधुभिः केशवाश्रमैः ।श्रद्धयार्चितलिङ्गाय भवानीशाय मङ्गलम् ॥ २४॥

tattvajñānasudhāsindhuvidhubhiḥ keśavāśramaiḥ |śraddhayārcitaliṅgāya bhavānīśāya maṅgalam || 24||

अज्ञानतिमिरव्रातभास्करैर्वामनाश्रमैः ।सन्नुताय गिरीशाय भवानीशाय मङ्गलम् ॥ २५॥

ajñānatimiravrātabhāskarairvāmanāśramaiḥ |sannutāya girīśāya bhavānīśāya maṅgalam || 25||

वेदवेदान्तनिष्णातकृष्णाश्रमगुरूत्तमैः ।सन्नुताय त्रिणेत्राय भवानीशायमङ्गलम् ॥ २६॥

vedavedāntaniṣṇātakṛṣṇāśramagurūttamaiḥ |sannutāya triṇetrāya bhavānīśāyamaṅgalam || 26||

चित्रापुरनवोन्मेषपाण्डुरङ्गाश्रमैर्बुधैः ।वन्दितामरवन्द्याय भवानीशाय मङ्गलम् ॥ २७॥

citrāpuranavonmeṣapāṇḍuraṅgāśramairbudhaiḥ |vanditāmaravandyāya bhavānīśāya maṅgalam || 27||

सारस्वतजनानन्दैरानन्दाश्रमयोगिभिः ।दृष्टानन्दस्वरूपाय भवानीशाय मङ्गलम् ॥ २८॥

sārasvatajanānandairānandāśramayogibhiḥ |dṛṣṭānandasvarūpāya bhavānīśāya maṅgalam || 28||

आश्रिताश्रयसन्दक्षैः परिज्ञानाश्रमैः परैः ।परिज्ञाताय भर्गाय भवानीशाय मङ्गलम् ॥ २९॥

āśritāśrayasandakṣaiḥ parijñānāśramaiḥ paraiḥ |parijñātāya bhargāya bhavānīśāya maṅgalam || 29||

ज्ञानयोगतपोदीप्तैः सद्योजातशङ्कराश्रमैः ।सम्पूजिताय साम्बाय भवानीशाय मङ्गलम् ॥ ३०॥

jñānayogatapodīptaiḥ sadyojātaśaṅkarāśramaiḥ |sampūjitāya sāmbāya bhavānīśāya maṅgalam || 30||

भस्मोद्धूलितदेहाय पञ्चवक्त्राय शम्भवे ।गङ्गाधराय शर्वाय भवानीशाय मङ्गलम् ॥ ३१॥

bhasmoddhūlitadehāya pañcavaktrāya śambhave |gaṅgādharāya śarvāya bhavānīśāya maṅgalam || 31||

देवदानवगन्धर्वसिद्धयक्षोरगादिभिः ।वन्दिताङ्घ्रिसरोजाय भवानीशाय मङ्गलम् ॥ ३२॥

devadānavagandharvasiddhayakṣoragādibhiḥ |vanditāṅghrisarojāya bhavānīśāya maṅgalam || 32||

मङ्गलं ते महेशाय मङ्गलं मृगधारिणे ।मङ्गलं महते तुभ्यं भवानीशाय मङ्गलम् ॥ ३३॥

maṅgalaṃ te maheśāya maṅgalaṃ mṛgadhāriṇe |maṅgalaṃ mahate tubhyaṃ bhavānīśāya maṅgalam || 33||

यत्पादस्मरणं मुदा कलयतां बद्धादराणां हृदिसर्वाघौघहरं कलेर्मलहरं प्रातः स्मरं रुग्घरम् ।सर्वैश्वर्यकरं सदा सुखकरं सन्मार्गदीपं मृडत्वत्पादस्मरणं भवेत् प्रतिभवं सन्मङ्गलं मङ्गलम् ॥ ३४॥

yatpādasmaraṇaṃ mudā kalayatāṃ baddhādarāṇāṃ hṛdisarvāghaughaharaṃ kalermalaharaṃ prātaḥ smaraṃ ruggharam |sarvaiśvaryakaraṃ sadā sukhakaraṃ sanmārgadīpaṃ mṛḍatvatpādasmaraṇaṃ bhavet pratibhavaṃ sanmaṅgalaṃ maṅgalam || 34||

इति श्री भवानीशङ्करसुप्रभातं सम्पूर्णम् ।

iti śrī bhavānīśaṅkarasuprabhātaṃ sampūrṇam |