चन्द्रमौलिपञ्चकम् १ Shri Chandramaulipanchakam

सदा मुदा मदीयके मनःसरोरुहान्तरेविहारिणेऽघसञ्चयं विदारिणे चिदात्मने ।निरस्ततोयतोयमुङ्निकायकायशोभिनेनमः शिवाय साम्बशङ्कराय चन्द्रमौलये ॥ १॥

sadā mudā madīyake manaḥsaroruhāntarevihāriṇe'ghasañcayaṃ vidāriṇe cidātmane |nirastatoyatoyamuṅnikāyakāyaśobhinenamaḥ śivāya sāmbaśaṅkarāya candramaulaye || 1||

नमो नमोऽष्टमूर्तये नमो नमानकीर्तयेनमो नमो महात्मने नमः शुभप्रदायिने ।नमो दयार्द्रचेतसे नमोऽस्तु कृत्तिवाससेनमः शिवाय साम्बशङ्कराय चन्द्रमौलये ॥ २॥

namo namo'ṣṭamūrtaye namo namānakīrtayenamo namo mahātmane namaḥ śubhapradāyine |namo dayārdracetase namo'stu kṛttivāsasenamaḥ śivāya sāmbaśaṅkarāya candramaulaye || 2||

पितामहाद्यवेद्यकस्वभावकेवलाय तेसमस्तदेववासवादिपूजिताङ्घ्रिशोभिने ।भवाय शक्ररत्नसद्गलप्रभाय शूलिनेनमः शिवाय साम्बशङ्कराय चन्द्रमौलये ॥ ३॥

pitāmahādyavedyakasvabhāvakevalāya tesamastadevavāsavādipūjitāṅghriśobhine |bhavāya śakraratnasadgalaprabhāya śūlinenamaḥ śivāya sāmbaśaṅkarāya candramaulaye || 3||

शिवोऽहमस्मि भावये शिवं शिवेन रक्षितःशिवस्य पूर्णवर्चसः समर्चये पदद्वयम् ।शिवात्परं न विद्यते शिवे जगत् प्रवर्तयेनमः शिवाय साम्बशङ्कराय चन्द्रमौलये ॥ ४॥

śivo'hamasmi bhāvaye śivaṃ śivena rakṣitaḥśivasya pūrṇavarcasaḥ samarcaye padadvayam |śivātparaṃ na vidyate śive jagat pravartayenamaḥ śivāya sāmbaśaṅkarāya candramaulaye || 4||

मरन्दतुन्दिलारविन्दसुन्दरस्मिताननोन्मिलन्मिलिन्दववृन्दनीलनीलकुन्तलां शिवाम् ।कलाकलापसारिणीं शिवां च वीक्ष्य तोषिणीं(णे)नमः शिवाय साम्बशङ्कराय चन्द्रमौलये ॥ ५॥

marandatundilāravindasundarasmitānanonmilanmilindavavṛndanīlanīlakuntalāṃ śivām |kalākalāpasāriṇīṃ śivāṃ ca vīkṣya toṣiṇīṃ(ṇe)namaḥ śivāya sāmbaśaṅkarāya candramaulaye || 5||

॥ इति श्रीचन्द्रमौलिपञ्चकं सम्पूर्णम् ॥

|| iti śrīcandramaulipañcakaṃ sampūrṇam ||