शिवनामस्तोत्रम् Jaigishavyaproktam Shivanama Stotram

(शिवरहस्यान्तर्गते भीमाख्ये)पुरुषं परमेशानं सर्वभूतगुहाशयम् ।व्याप्य व्यापकताहीनं कारणानां च कारणम् ॥ १७॥

(śivarahasyāntargate bhīmākhye)puruṣaṃ parameśānaṃ sarvabhūtaguhāśayam |vyāpya vyāpakatāhīnaṃ kāraṇānāṃ ca kāraṇam || 17||

पतीनां पतिमीशानमुमापतिमनामयम् ।गणानां च पतिं देवं शिवं गृत्सपतिं प्रभुम् ॥ १८॥

patīnāṃ patimīśānamumāpatimanāmayam |gaṇānāṃ ca patiṃ devaṃ śivaṃ gṛtsapatiṃ prabhum || 18||

कुलुञ्चानां पतिं शम्भुं हरं व्रातपतिं विभुम् ।दिशां च पतिमीशानमुग्रं देवं कपर्दिनम् ॥ १९॥

kuluñcānāṃ patiṃ śambhuṃ haraṃ vrātapatiṃ vibhum |diśāṃ ca patimīśānamugraṃ devaṃ kapardinam || 19||

अम्बिकेशं पशुपतिं पथीनां पतिमीश्वरम् ।अन्नानां च पतिं देवं बभ्रुशं मीढुषं शिवम् ॥ २०॥

ambikeśaṃ paśupatiṃ pathīnāṃ patimīśvaram |annānāṃ ca patiṃ devaṃ babhruśaṃ mīḍhuṣaṃ śivam || 20||

भवोद्भवं महादेवं पुष्टानां पतिमीश्वरम् ।जगतां पतिमाशास्यं वनानां च पतिं भवम् ॥ २१॥

bhavodbhavaṃ mahādevaṃ puṣṭānāṃ patimīśvaram |jagatāṃ patimāśāsyaṃ vanānāṃ ca patiṃ bhavam || 21||

क्षेत्राणां च पतिं भीमं वृक्षाणां शर्वमीश्वरम् ।कक्षाणां च पतिं व्योमकेशं कोशादिवर्जितम् ॥ २२॥

kṣetrāṇāṃ ca patiṃ bhīmaṃ vṛkṣāṇāṃ śarvamīśvaram |kakṣāṇāṃ ca patiṃ vyomakeśaṃ kośādivarjitam || 22||

जगतां चैव विश्वेशमोषधीनां महेश्वरम् ।पत्तीनां मेरुधनुषं सत्वानां बाणधारकम् ॥ २३॥

jagatāṃ caiva viśveśamoṣadhīnāṃ maheśvaram |pattīnāṃ merudhanuṣaṃ satvānāṃ bāṇadhārakam || 23||

सहमानं महेशानमाव्याधिपतिमीश्वरम् ।सर्वेषां तस्थुषाणां (षां चैव) च जङ्गमानां पतिं प्रभुम् ॥ २४॥

sahamānaṃ maheśānamāvyādhipatimīśvaram |sarveṣāṃ tasthuṣāṇāṃ (ṣāṃ caiva) ca jaṅgamānāṃ patiṃ prabhum || 24||

सर्वैश्वर्येण सम्पन्नं नाम्ना सर्वेश्वरं शिवम् ।अनामरूपं देवेशं सर्वावासं च दूरगम् ॥ २५॥

sarvaiśvaryeṇa sampannaṃ nāmnā sarveśvaraṃ śivam |anāmarūpaṃ deveśaṃ sarvāvāsaṃ ca dūragam || 25||

सर्वभूतैकशरणं शरण्यं शरणार्थिनाम् ।महाकारुणिकं साम्बं भक्तानामभयप्रदम् ॥ २६॥

sarvabhūtaikaśaraṇaṃ śaraṇyaṃ śaraṇārthinām |mahākāruṇikaṃ sāmbaṃ bhaktānāmabhayapradam || 26||

सर्वेन्द्रियार्थसहितं विषयादिविवर्जतम् ।सर्वेन्द्रियगुणातीतं सर्वाधारमनामयम् ॥ २७॥

sarvendriyārthasahitaṃ viṣayādivivarjatam |sarvendriyaguṇātītaṃ sarvādhāramanāmayam || 27||

सर्वस्य प्रभुमीशानं नात्यकिञ्चिन्तमं स्तवैः ।ध्यात्वा हृत्पङ्कजे देवमुमया सहितं शिवम् ॥ २८॥

sarvasya prabhumīśānaṃ nātyakiñcintamaṃ stavaiḥ |dhyātvā hṛtpaṅkaje devamumayā sahitaṃ śivam || 28||

॥ इति शिवरहस्यान्तर्गते जैगीषव्यप्रोक्तं शिवनामस्तोत्रं सम्पूर्णम् ॥॥ श्रीशिवरहस्यम् । भीमाख्यः अष्टमांशः । अध्यायः १ जैगीषव्यप्रश्ने स्कन्दध्यानम् । १७२८॥

|| iti śivarahasyāntargate jaigīṣavyaproktaṃ śivanāmastotraṃ sampūrṇam |||| śrīśivarahasyam | bhīmākhyaḥ aṣṭamāṃśaḥ | adhyāyaḥ 1 jaigīṣavyapraśne skandadhyānam | 1728||

– ॥ श्रीशिवरहस्यम् ।भीमाख्यः अष्टमांशः ।अध्यायः १ जैगीषव्यप्रश्ने स्कन्दध्यानम् ।१७-२८॥

– || śrīśivarahasyam |bhīmākhyaḥ aṣṭamāṃśaḥ |adhyāyaḥ 1 jaigīṣavyapraśne skandadhyānam | 17-28||