शिवभक्तिमहिमावर्णनम् जैगीषव्यकृतं Jaigishavyakritam Shivabhaktimahimavarnanam

त्वमेव देवदेवेश पिता माता सखा प्रभुः ।त्वमेव सर्वं देवेश विश्वेश्वर महेश्वर ॥ ६\।१॥नजाने गिरिजाजाने त्वत्तोह्यन्यं सुरेश्वर ।तस्मात्प्रसीद भगवन् करुणासागराधुना ॥ ६\।२॥प्रपन्नोऽस्मि पदद्वन्द्वं निर्द्वन्द्वं ते महेश्वर ।भ्रातरौ स्कन्दहेरम्बौ सखायो गणपा मम ॥ ६\।३॥जगतां जननी गौरी जनित्री मम शङ्करी ।जगत्पिता त्वमेवेश पिता मम महेश्वर ॥ ६\।४॥नान्यं वरं वृणे देव त्वत्पादाम्बुजभक्तितः ।सैव धर्माथेकामादिमोक्षहेतुर्मममाधुना ॥ ६\।५॥यया भक्त्या महादेव मुक्तास्सर्वेसुरासुराः ।त्वद्भक्त एव जगतिमुक्तोऽन्यान्मोचयत्यपि ॥ ६\।६॥त्वद्भक्त्यैव विधिर्विश्वं सृजत्येव महेश्वर ।त्वत्तो वेदानधिगतस्सत्यलोकाधिपोऽभवत् ॥ ६\।७॥विष्णुस्तव पदद्वन्द्वं नेत्राब्जेन समर्चयन् ।दैत्यवृन्दैकसंहत्यै चक्रं प्राप सुदर्शनम् ॥ ६\।८॥त्वद्भक्त्यैव विरूपाक्ष वैकुण्ठस्याधिपोऽभवत् ।पद्मसद्मापतिश्चापि जातो रुद्रस्त्वदाश्रयात् ॥ ६\।९॥दत्वा शूलवरं तस्मै रुद्रायामिततेजसे ।रुद्राणामाधिपत्ये च त्वया सोऽप्यभिषेचितः ॥ ६\।१०॥यस्यशूलानलज्वालादग्धमन्ते चराचरम् ।शक्रोऽमरेन्द्रतां प्राप्तस्त्वद्भक्त्ययैव हराधुना ॥ ६\।११॥शचीपतित्वं सम्प्राप नानास्वर्गैकभोगभाक् ।धनाधिपत्वनधनदस्त्वद्भक्त्ययैव महेश्वर ॥ ६\।१२॥यमोऽपित्वत्पदार्चातो लोकपालोऽभवच्छिव ।वरुणोयादसान्नाथस्सूर्यचन्द्रानिलानलाः ॥ ६\।१३॥त्वद्भक्त्यैव विरूपाक्ष लेमिरे दिक्पतित्वताम् ।समर्चयन्ति त्वल्लिङ्गंभक्त्या सर्वेसुरासुराः ॥ ६\।१४॥सहस्रभुजतां प्राप्तो बाणो भक्त्या तवेश्वर ।पौलस्त्यतनयश्शम्भो रावणो लोकरावणः ॥ ६\।१५॥जिग्ये सुरान्नृपवरांस्त्वद्भक्त्यैव महेश्वर ।घटोद्भवेन त्वद्भक्त्या समुद्राश्चुलुकीकृताः ॥ ६\।१६॥दधीचिनापित्वद्भक्त्याविष्णवे रूपमद्भुतम् ।दर्शितम्मायिने शम्भोभृगुणाशापितोहरिः ॥ ६\।१७॥उपमन्युनाचबालेनलब्धःक्षीरैकवारिधिः ।त्वद्भक्त्याकालपाशैश्चपाशितोऽपिमृकण्डुजः ॥ ६\।१८॥जिगाय मृत्युं तरसा श्वेतोऽपि नृपनन्दनः ।शिलाशनेन त्वद्भक्त्यापुत्रःप्राप्तोह्ययोनिजः ॥ ६\।१९॥त्वद्भक्त्यानन्दिकेशोऽपिगाणापत्यमवाप्तवान् ।चण्डीश्वरोऽपिपितरंहतवांस्तवभक्तितः ॥ ६\।२०॥मङ्कणोऽपिपुरासिद्धस्सिद्धिम्प्रापत्वदर्चनात् ।सोमोऽपिमुक्तवात्राजयक्ष्मतस्त्वत्प्रसादतः ॥ ६\।२१॥दक्षोऽपि दीक्षितो यज्ञे शिक्षितोऽनुग्रहीकृतः ।शतर्चनादयोऽपीशव्याघ्रपादादयस्तथा ॥ ६\।२२॥दुर्वासाद्या महाभागा दत्तात्रेयादयस्तथा ।रामोऽपि भार्गवश्शम्भो नृपाणांकुलघातकः ॥ ६\।२३॥तथैवान्ये नृपतयस्सोमसूर्यान्वयोद्भवः ।आदितेयाश्च दितिजा गणा रुद्रा मुनीश्वराः ॥ ६\।२४॥भूता भव्या वर्षमाना भक्तास्त्वद्भक्तिभाविताः ।तव भक्त्यैव सर्वेषां स्वर्गमोक्षौ हि शङ्कर ॥ ६\।२५॥त्वद्भक्तिमेव याचेऽहं त्वनन्यगसिरीश्वर ।

tvameva devadeveśa pitā mātā sakhā prabhuḥ |tvameva sarvaṃ deveśa viśveśvara maheśvara || 6\|1||najāne girijājāne tvattohyanyaṃ sureśvara |tasmātprasīda bhagavan karuṇāsāgarādhunā || 6\|2||prapanno'smi padadvandvaṃ nirdvandvaṃ te maheśvara |bhrātarau skandaherambau sakhāyo gaṇapā mama || 6\|3||jagatāṃ jananī gaurī janitrī mama śaṅkarī |jagatpitā tvameveśa pitā mama maheśvara || 6\|4||nānyaṃ varaṃ vṛṇe deva tvatpādāmbujabhaktitaḥ |saiva dharmāthekāmādimokṣaheturmamamādhunā || 6\|5||yayā bhaktyā mahādeva muktāssarvesurāsurāḥ |tvadbhakta eva jagatimukto'nyānmocayatyapi || 6\|6||tvadbhaktyaiva vidhirviśvaṃ sṛjatyeva maheśvara |tvatto vedānadhigatassatyalokādhipo'bhavat || 6\|7||viṣṇustava padadvandvaṃ netrābjena samarcayan |daityavṛndaikasaṃhatyai cakraṃ prāpa sudarśanam || 6\|8||tvadbhaktyaiva virūpākṣa vaikuṇṭhasyādhipo'bhavat |padmasadmāpatiścāpi jāto rudrastvadāśrayāt || 6\|9||datvā śūlavaraṃ tasmai rudrāyāmitatejase |rudrāṇāmādhipatye ca tvayā so'pyabhiṣecitaḥ || 6\|10||yasyaśūlānalajvālādagdhamante carācaram |śakro'marendratāṃ prāptastvadbhaktyayaiva harādhunā || 6\|11||śacīpatitvaṃ samprāpa nānāsvargaikabhogabhāk |dhanādhipatvanadhanadastvadbhaktyayaiva maheśvara || 6\|12||yamo'pitvatpadārcāto lokapālo'bhavacchiva |varuṇoyādasānnāthassūryacandrānilānalāḥ || 6\|13||tvadbhaktyaiva virūpākṣa lemire dikpatitvatām |samarcayanti tvalliṅgaṃbhaktyā sarvesurāsurāḥ || 6\|14||sahasrabhujatāṃ prāpto bāṇo bhaktyā taveśvara |paulastyatanayaśśambho rāvaṇo lokarāvaṇaḥ || 6\|15||jigye surānnṛpavarāṃstvadbhaktyaiva maheśvara |ghaṭodbhavena tvadbhaktyā samudrāśculukīkṛtāḥ || 6\|16||dadhīcināpitvadbhaktyāviṣṇave rūpamadbhutam |darśitammāyine śambhobhṛguṇāśāpitohariḥ || 6\|17||upamanyunācabālenalabdhaḥkṣīraikavāridhiḥ |tvadbhaktyākālapāśaiścapāśito'pimṛkaṇḍujaḥ || 6\|18||jigāya mṛtyuṃ tarasā śveto'pi nṛpanandanaḥ |śilāśanena tvadbhaktyāputraḥprāptohyayonijaḥ || 6\|19||tvadbhaktyānandikeśo'pigāṇāpatyamavāptavān |caṇḍīśvaro'pipitaraṃhatavāṃstavabhaktitaḥ || 6\|20||maṅkaṇo'pipurāsiddhassiddhimprāpatvadarcanāt |somo'pimuktavātrājayakṣmatastvatprasādataḥ || 6\|21||dakṣo'pi dīkṣito yajñe śikṣito'nugrahīkṛtaḥ |śatarcanādayo'pīśavyāghrapādādayastathā || 6\|22||durvāsādyā mahābhāgā dattātreyādayastathā |rāmo'pi bhārgavaśśambho nṛpāṇāṃkulaghātakaḥ || 6\|23||tathaivānye nṛpatayassomasūryānvayodbhavaḥ |āditeyāśca ditijā gaṇā rudrā munīśvarāḥ || 6\|24||bhūtā bhavyā varṣamānā bhaktāstvadbhaktibhāvitāḥ |tava bhaktyaiva sarveṣāṃ svargamokṣau hi śaṅkara || 6\|25||tvadbhaktimeva yāce'haṃ tvananyagasirīśvara |

॥ इति शिवरहस्यान्तर्गते माहेश्वराख्ये जैगीषव्यकृता शिवभक्तिमहिमावर्णनम् ॥

|| iti śivarahasyāntargate māheśvarākhye jaigīṣavyakṛtā śivabhaktimahimāvarṇanam ||

॥ श्रीशिवरहस्यम् ।माहेश्वराख्यः प्रथमांशः ।अध्यायः ६ जैगीषव्यागमनम् ।१२६(१) ॥

|| śrīśivarahasyam |māheśvarākhyaḥ prathamāṃśaḥ |adhyāyaḥ 6 jaigīṣavyāgamanam | 126(1) ||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः ६ – जैगीषव्यागमनम् ।१-२६(१) ॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 6 – jaigīṣavyāgamanam | 1-26(1) ||