शिवस्तुतिः (दक्षादिकृता शिवरहस्यान्तर्गता) Dakshadikrita Shiva Stuti

(शिवरहस्यान्तर्गते ईशाख्ये)दक्षः उवाच ।पशुपाशहृते नमो नमस्तेशरणं चरणाम्बुजं प्रपद्ये ।पशुपतये करवाणि वाचमिष्टांशरणं यामि शरण्यमिन्दुमौलिम् ॥ ६१॥

(śivarahasyāntargate īśākhye)dakṣaḥ uvāca |paśupāśahṛte namo namasteśaraṇaṃ caraṇāmbujaṃ prapadye |paśupataye karavāṇi vācamiṣṭāṃśaraṇaṃ yāmi śaraṇyamindumaulim || 61||

देवा ऊचुः ।चण्डांशुचन्द्रनयनोद्धतबाहुदण्डसंलग्नपाशवरयुक्त द्विजार्तिखण्ड ।वेतण्डवक्त्रकलितेक्षण तुण्डगण्डसत्कुण्डलीशवरकुण्डलमण्डितास्य ॥ ६३॥

devā ūcuḥ |caṇḍāṃśucandranayanoddhatabāhudaṇḍasaṃlagnapāśavarayukta dvijārtikhaṇḍa |vetaṇḍavaktrakalitekṣaṇa tuṇḍagaṇḍasatkuṇḍalīśavarakuṇḍalamaṇḍitāsya || 63||

विवशाः पशवो वयं महेशभवतान्ताः किल कामपाशबद्धाः ।पशुपाशविमोचकोऽसि शम्भोपशुपस्त्वं परिमोचयाशु नः कुपाशात् ॥ ६४॥

vivaśāḥ paśavo vayaṃ maheśabhavatāntāḥ kila kāmapāśabaddhāḥ |paśupāśavimocako'si śambhopaśupastvaṃ parimocayāśu naḥ kupāśāt || 64||

इन्द्र उवाच ।शरणं किल यामि सामिसोमप्रमथोत्तंसकिरीटकोटिजूटम् ।करटित्वक्पटशोभिसत्कटिं त्वंभज चेतस्तटनीजटं महेशम् ॥ ७०॥

indra uvāca |śaraṇaṃ kila yāmi sāmisomapramathottaṃsakirīṭakoṭijūṭam |karaṭitvakpaṭaśobhisatkaṭiṃ tvaṃbhaja cetastaṭanījaṭaṃ maheśam || 70||

विष्णुरुवाच ।परिपाहि विभो महेश शम्भोऽमरवृन्दोत्तम पुङ्गवोरुकेतो ।कामभगान्धकसूदनाऽन्धकारेप्रमथाधीश सनाथपाशु मां त्वम् ॥ ७४॥

viṣṇuruvāca |paripāhi vibho maheśa śambho'maravṛndottama puṅgavoruketo |kāmabhagāndhakasūdanā'ndhakārepramathādhīśa sanāthapāśu māṃ tvam || 74||

वसुधाधृग्वरहार चापपाणेवसुधास्यन्दनसंस्थ चित्रशक्ते ।वसुधाराधिपपूज्य देव शम्भोवसुधाधृक्तनयाप्रियाय ते नमोऽस्तु ॥ ७५॥

vasudhādhṛgvarahāra cāpapāṇevasudhāsyandanasaṃstha citraśakte |vasudhārādhipapūjya deva śambhovasudhādhṛktanayāpriyāya te namo'stu || 75||

क्षमस्वापराधं मदीयं महेशविभो मायया ते निबद्धोऽस्मि दीनः ।अहं देवमन्यं न मन्ये मदन्यंमहादेव शम्भो प्रसीद प्रसीद ॥ ७६॥

kṣamasvāparādhaṃ madīyaṃ maheśavibho māyayā te nibaddho'smi dīnaḥ |ahaṃ devamanyaṃ na manye madanyaṃmahādeva śambho prasīda prasīda || 76||

॥ इति शिवरहस्यान्तर्गते दक्षादिकृता शिवस्तुतिः सम्पूर्णा ॥॥ श्रीशिवरहस्यम् । ईशाख्यः द्वादशमांशः । ७ महादेवप्रसादनम् । वावृत्तश्लोकाः ॥– ॥ श्रीशिवरहस्यम् । ईशाख्यः द्वादशमांशः । ७ महादेवप्रसादनम् । वावृत्तश्लोकाः ॥

|| iti śivarahasyāntargate dakṣādikṛtā śivastutiḥ sampūrṇā |||| śrīśivarahasyam | īśākhyaḥ dvādaśamāṃśaḥ | 7 mahādevaprasādanam | vāvṛttaślokāḥ ||– || śrīśivarahasyam | īśākhyaḥ dvādaśamāṃśaḥ | 7 mahādevaprasādanam | vāvṛttaślokāḥ ||