शिवापराधक्षमास्तोत्रम् दक्षकृतम् Dakshakrita Shivakshama Shtotram

नमस्यामि देव त्वदीयाङ्घ्रियुग्मगंयदाधाय चित्ते त्यजे मृत्युभीतिम् ।भवव्याधिशान्त्यै भवन्नामभिन्नंन भैषज्यमास्ते श्रुतिस्तत्प्रमाणम् ॥ १॥

namasyāmi deva tvadīyāṅghriyugmagaṃyadādhāya citte tyaje mṛtyubhītim |bhavavyādhiśāntyai bhavannāmabhinnaṃna bhaiṣajyamāste śrutistatpramāṇam || 1||

प्रभो दीनबन्धो कृपापारसिन्धोमनश्चक्षुरात्मस्वधिष्ठानकारिन् ।मनोवृत्तिसाक्षिन्नमस्यामि तेऽङ्घ्रीक्षमस्वापराधं महादेव शम्भो ॥ २॥

prabho dīnabandho kṛpāpārasindhomanaścakṣurātmasvadhiṣṭhānakārin |manovṛttisākṣinnamasyāmi te'ṅghrīkṣamasvāparādhaṃ mahādeva śambho || 2||

पुरो जन्मजन्मार्जितात्कर्मणो वैशरीरात्मकोऽसौ धुवं बन्ध एषः ।अतो बन्धमुक्त्यै नमस्यामि तेऽङ्घ्रीक्षमस्वापराधं महादेव शम्भो ॥ ३॥

puro janmajanmārjitātkarmaṇo vaiśarīrātmako'sau dhuvaṃ bandha eṣaḥ |ato bandhamuktyai namasyāmi te'ṅghrīkṣamasvāparādhaṃ mahādeva śambho || 3||

इदं यच्छरीरं वृथा मोहरूपंममाहं तवेत्यादिदुष्टग्रहञ्च ।जिहासुः कदा वा नमस्यामि तेऽङ्घ्नीक्षमस्वापराधं महादेव शम्भो ॥ ४॥

idaṃ yaccharīraṃ vṛthā moharūpaṃmamāhaṃ tavetyādiduṣṭagrahañca |jihāsuḥ kadā vā namasyāmi te'ṅghnīkṣamasvāparādhaṃ mahādeva śambho || 4||

मनस्ते वचस्ते दृशौ ते करौ तेरसञ्चापदत्वक्श्रुती ते मदीये ।विनिश्चित्य चेदं नमस्यामि तेऽङ्घ्रीक्षमस्वापराधं महादेव शम्भो ॥ ५॥

manaste vacaste dṛśau te karau terasañcāpadatvakśrutī te madīye |viniścitya cedaṃ namasyāmi te'ṅghrīkṣamasvāparādhaṃ mahādeva śambho || 5||

दिगाकाशकालस्वरूपो महात्मान तद्वस्तु यत्र त्वमेको न भासि ।शरीरी सदागा नमस्यामि तेऽङ्घ्रीक्षमस्वापराधं महादेव शम्भो ॥ ६॥

digākāśakālasvarūpo mahātmāna tadvastu yatra tvameko na bhāsi |śarīrī sadāgā namasyāmi te'ṅghrīkṣamasvāparādhaṃ mahādeva śambho || 6||

शरीरस्वभावात् सदागतःप्रबन्धोन चेत्त्वं प्रभुः सङ्क्षमेथा महेशो ।क्व याम्येष तस्मान्नमस्यामि तेऽङ्घ्रीक्षमस्वापराधं महादेव शम्भो ॥ ७॥

śarīrasvabhāvāt sadāgataḥprabandhona cettvaṃ prabhuḥ saṅkṣamethā maheśo |kva yāmyeṣa tasmānnamasyāmi te'ṅghrīkṣamasvāparādhaṃ mahādeva śambho || 7||

क्षमस्वापराधं न वा मे क्षमस्वप्रभो ते गृहीते पदे पङ्कजाभे ।मृतौ वा जनौ वा धृते जीवने वागतिस्त्वं गतिस्त्वं महादेव शम्भो ॥ ८॥

kṣamasvāparādhaṃ na vā me kṣamasvaprabho te gṛhīte pade paṅkajābhe |mṛtau vā janau vā dhṛte jīvane vāgatistvaṃ gatistvaṃ mahādeva śambho || 8||

॥ इति बृहद्धर्मपुराणे दक्षकृतशिवापराधक्षमास्तोत्रं सम्पूर्णम् ॥॥ बृहद्धर्मपुराणम् । मध्यखण्डः । अध्यायः ३९। ३१३८ ॥

|| iti bṛhaddharmapurāṇe dakṣakṛtaśivāparādhakṣamāstotraṃ sampūrṇam |||| bṛhaddharmapurāṇam | madhyakhaṇḍaḥ | adhyāyaḥ 39| 3138 ||