शिवलिङ्गपूजामहिमकथनम् चित्रगुप्तप्रोक्तं बिल्वमूलस्थिते Chitraguptaproktam Bilvamulasthite Shivalingapujamahimakathanam

चित्रगुप्तःयो बिल्वमूलस्थितलिङ्गपूजां करोति भक्त्या नवबिल्वपत्रैः ।तत्पुण्यराशिर्गणनामतीतः स एव कैलासपतिप्रियोऽपि ॥ ७७॥

citraguptaḥyo bilvamūlasthitaliṅgapūjāṃ karoti bhaktyā navabilvapatraiḥ |tatpuṇyarāśirgaṇanāmatītaḥ sa eva kailāsapatipriyo'pi || 77||

बिल्वमूलस्थिते लिङ्गे शिवः सन्निहितः स्वयम् ।बिल्वपत्राणि गृह्णाति शिवभक्तार्पितानि सः ॥ ७८॥

bilvamūlasthite liṅge śivaḥ sannihitaḥ svayam |bilvapatrāṇi gṛhṇāti śivabhaktārpitāni saḥ || 78||

न रत्नानि गृह्णाति गौरीसहायो यथा बिल्वपत्राणि गृह्णाति मूर्ध्ना ।स्वभक्तार्पितानि प्रियाणीति मत्वा ददात्येव मुक्ति स तैरर्चितोऽपि ॥ ७९॥

na ratnāni gṛhṇāti gaurīsahāyo yathā bilvapatrāṇi gṛhṇāti mūrdhnā |svabhaktārpitāni priyāṇīti matvā dadātyeva mukti sa tairarcito'pi || 79||

किमन्यन्महादेवलिङ्गार्पितेन परिच्छिन्नबिल्वीदलेनापि तुल्यः ।तदेकं महापातकापारशैलप्रदाहाय शक्तं महापावकाभम् ॥ ८०॥

kimanyanmahādevaliṅgārpitena paricchinnabilvīdalenāpi tulyaḥ |tadekaṃ mahāpātakāpāraśailapradāhāya śaktaṃ mahāpāvakābham || 80||

किमन्यन्महेशाय देयं प्रियं वा न बिल्वीदलान्यत् प्रियं भूतलेऽस्मिन् ।पुरा बिल्वपत्रैः समाराध्य धीराः सुरत्वं च लब्ध्वा शिवं ते प्रपन्नाः ॥ ८१॥

kimanyanmaheśāya deyaṃ priyaṃ vā na bilvīdalānyat priyaṃ bhūtale'smin |purā bilvapatraiḥ samārādhya dhīrāḥ suratvaṃ ca labdhvā śivaṃ te prapannāḥ || 81||

अहो बिल्वमूलस्थलिङ्गार्चनेन प्रयान्त्येव सर्वेऽपि शर्वं महार्हम् ।पदं प्राप्य तुष्टा भवन्त्येव सत्यं न तैरस्ति तुल्योऽत्र लोके परत्र ॥ ८२॥

aho bilvamūlasthaliṅgārcanena prayāntyeva sarve'pi śarvaṃ mahārham |padaṃ prāpya tuṣṭā bhavantyeva satyaṃ na tairasti tulyo'tra loke paratra || 82||

यः कल्मलीकतमनुत्तमबिल्वमूले बिल्वीदलेन कमलैरमलैश्च भक्त्या ।सम्पूजयत्यसकृदादरतो विलोक्य तं पूजयन्ति बहुधा त्रिदशा मुनीन्द्राः ॥ ८३॥

yaḥ kalmalīkatamanuttamabilvamūle bilvīdalena kamalairamalaiśca bhaktyā |sampūjayatyasakṛdādarato vilokya taṃ pūjayanti bahudhā tridaśā munīndrāḥ || 83||

न बिल्वपत्रार्पणपुण्यतुल्यं पुण्यं न वेदेषु यतस्तदेव ।सर्वार्थसिद्धिर्भवतीति मन्ये धन्ये धन्येन मान्येन शिवार्चनेन ॥ ८४॥

na bilvapatrārpaṇapuṇyatulyaṃ puṇyaṃ na vedeṣu yatastadeva |sarvārthasiddhirbhavatīti manye dhanye dhanyena mānyena śivārcanena || 84||

॥ इति शिवरहस्यान्तर्गते चित्रगुप्तप्रोक्तं बिल्वमूलस्थिते शिवलिङ्गपूजामहिमकथनं सम्पूर्णम् ॥॥ श्रीशिवरहस्यम् । हराख्यः तृतीयांशः । उत्तरार्धम् । अध्यायः ४६। ७७८४ ॥

|| iti śivarahasyāntargate citraguptaproktaṃ bilvamūlasthite śivaliṅgapūjāmahimakathanaṃ sampūrṇam |||| śrīśivarahasyam | harākhyaḥ tṛtīyāṃśaḥ | uttarārdham | adhyāyaḥ 46| 7784 ||

– ॥ श्रीशिवरहस्यम् ।हराख्यः तृतीयांशः ।उत्तरार्धम् ।अध्यायः ४६। ७७-८४ ॥

– || śrīśivarahasyam |harākhyaḥ tṛtīyāṃśaḥ |uttarārdham |adhyāyaḥ 46| 77-84 ||