चिदम्बरेशनटराजशिवस्तुतिः व्याघ्रपादजैमिनिशेषादिकृता Chidambaresha Nataraja Shiva Stuti by Vyaghrapadajaiminisheshadi

ईश्वरःचिदम्बरमिति प्रोक्तं वेदवेदान्तसंस्तुतम् ।मां सर्वे तत्र नृत्यन्तं वर्णयन्ति मुनीश्वराः ॥देवीतत्र त्वां देवदेवेशं नृत्यन्तं ते मुनीश्वराः ।कथं स्तुवन्ति हे शम्भो श्रोतुमिच्छामि तत्स्तुतिम् ॥सूतःमहादेवो गिरिजया तदा सम्प्रार्थितो द्विजाः ।स्वनृत्तचित्रं तद्देव्यै कथयामास विस्तरात् ॥ईश्वरःव्याघ्रपादादयो देवि शेषाद्याः प्रमथाधिपाः ।जैमिनिप्रमुखाः सर्वे मन्नृत्यं वर्णयन्ति च ।तत्तेऽहं वर्णयिष्यामि सावधानमनाः शृणु ॥व्याघ्रपादजैमिनिशेषादयःविनिहितविधिजातमुण्डमालाकलितोरःस्थल शूलमूलबाहो ।मणीगणखचिताङ्घ्रिनूपुरोद्यत्प्रभवविदीपितदिक्तट प्रसीद ॥ १॥

īśvaraḥcidambaramiti proktaṃ vedavedāntasaṃstutam |māṃ sarve tatra nṛtyantaṃ varṇayanti munīśvarāḥ ||devītatra tvāṃ devadeveśaṃ nṛtyantaṃ te munīśvarāḥ |kathaṃ stuvanti he śambho śrotumicchāmi tatstutim ||sūtaḥmahādevo girijayā tadā samprārthito dvijāḥ |svanṛttacitraṃ taddevyai kathayāmāsa vistarāt ||īśvaraḥvyāghrapādādayo devi śeṣādyāḥ pramathādhipāḥ |jaiminipramukhāḥ sarve mannṛtyaṃ varṇayanti ca |tatte'haṃ varṇayiṣyāmi sāvadhānamanāḥ śṛṇu ||vyāghrapādajaiminiśeṣādayaḥvinihitavidhijātamuṇḍamālākalitoraḥsthala śūlamūlabāho |maṇīgaṇakhacitāṅghrinūpurodyatprabhavavidīpitadiktaṭa prasīda || 1||

डमरुकविनदोत्थितप्रकर्षप्रतिशब्दैर्बधिरीकृता (खिला) मरेन्द्र ।करचालनखेलनोर्ध्वपादप्रतिहतभूतलनम्रमस्तनाग ॥ २॥

ḍamarukavinadotthitaprakarṣapratiśabdairbadhirīkṛtā (khilā) marendra |karacālanakhelanordhvapādapratihatabhūtalanamramastanāga || 2||

पतत्ताराजालस्फुटितगगनाभोगविलसद्विमानस्थैर्देवैः कलितसुमनोवर्षनिकरैः ।अदभ्रादभ्राभ्रस्थलकृतनिवासैर्मुनिगणैर्भवज्जातं दृष्टं नटनमखिलैः सायमुमया ॥ ३॥

patattārājālasphuṭitagaganābhogavilasadvimānasthairdevaiḥ kalitasumanovarṣanikaraiḥ |adabhrādabhrābhrasthalakṛtanivāsairmunigaṇairbhavajjātaṃ dṛṣṭaṃ naṭanamakhilaiḥ sāyamumayā || 3||

वारंवारमघापहारिचरणं लीलाकृताण्डस्फुटत्त्रुट्यत्तारपतङ्गदीप्तिविशिखैर्विध्वस्तध्वान्तं स्फुटम् ।पातालान्तरगाम्बिकेशनखरैर्दृष्ट्वाऽभिजिह्वोल्लसद्रक्तान्तोत्थितलोचनोरुयुगलं नक्तञ्चरखान्तकृत् ॥ ४॥

vāraṃvāramaghāpahāricaraṇaṃ līlākṛtāṇḍasphuṭattruṭyattārapataṅgadīptiviśikhairvidhvastadhvāntaṃ sphuṭam |pātālāntaragāmbikeśanakharairdṛṣṭvā'bhijihvollasadraktāntotthitalocanoruyugalaṃ naktañcarakhāntakṛt || 4||

भीमच्चारुशशाङ्कसङ्कुलमिलद्गङ्गातरङ्गोल्लसल्लीलालोलजटासटाविघटनत्रुट्यन्महोडुच्छट ।ढक्काढम्बरधांधुमध्वनिकृताहङ्कारदिक्चक्रकंतालोद्भेदमृदङ्गकालहलकरापारप्रभेदैः सुराः ।त्वां सेवन्ति शिवं मुकुन्दविधयः सेन्द्राः प्रदोषे मुदा ॥ ५॥

bhīmaccāruśaśāṅkasaṅkulamiladgaṅgātaraṅgollasallīlālolajaṭāsaṭāvighaṭanatruṭyanmahoḍucchaṭa |ḍhakkāḍhambaradhāṃdhumadhvanikṛtāhaṅkāradikcakrakaṃtālodbhedamṛdaṅgakālahalakarāpāraprabhedaiḥ surāḥ |tvāṃ sevanti śivaṃ mukundavidhayaḥ sendrāḥ pradoṣe mudā || 5||

वीणापाणिनखप्रघट्टनभवैः शब्दैः सुरागैः क्वणद्वाणी तालकरा महेश परमानन्दोल्लसत्ताण्डव ।शर्वाण्या सहित प्रसीद सततं सङ्गीतधारारसैःसम्प्रीणाति शिवं प्रदोषसमये मां शङ्करं चाम्बिके ॥ ६॥

vīṇāpāṇinakhapraghaṭṭanabhavaiḥ śabdaiḥ surāgaiḥ kvaṇadvāṇī tālakarā maheśa paramānandollasattāṇḍava |śarvāṇyā sahita prasīda satataṃ saṅgītadhārārasaiḥsamprīṇāti śivaṃ pradoṣasamaye māṃ śaṅkaraṃ cāmbike || 6||

जटाहीन्दुगङ्गातरङ्गोत्तमाङ्गं लसत्पाणिपादोज्वलच्चारुनागम् ।कृपास्रव्यपाङ्गैर्निरीक्षन्तमीशं नटड्डामरारावनाट्यत्सुरङ्गम् (?) ॥ ७॥

jaṭāhīndugaṅgātaraṅgottamāṅgaṃ lasatpāṇipādojvalaccārunāgam |kṛpāsravyapāṅgairnirīkṣantamīśaṃ naṭaḍḍāmarārāvanāṭyatsuraṅgam (?) || 7||

नन्दिभृङ्गिकृतमर्दलघोषैर्गल्लझल्लरकरैर्गणवृन्दैः ।तण्डूचण्डकरताललयोत्थैर्नर्तनैर्मणिझणत्कृतशब्दैः ॥ ८॥

nandibhṛṅgikṛtamardalaghoṣairgallajhallarakarairgaṇavṛndaiḥ |taṇḍūcaṇḍakaratālalayotthairnartanairmaṇijhaṇatkṛtaśabdaiḥ || 8||

शिञ्जितैर्मधुरनूपुरघोषैर्मण्डितं च नटनं श्रुतिघोषम् ।श्रेष्ठः सुराणां पतिरङ्घ्रिपानां रौद्रं तवार्द्रा प्रथितं च ऋक्षम् ॥ ९॥

śiñjitairmadhuranūpuraghoṣairmaṇḍitaṃ ca naṭanaṃ śrutighoṣam |śreṣṭhaḥ surāṇāṃ patiraṅghripānāṃ raudraṃ tavārdrā prathitaṃ ca ṛkṣam || 9||

तस्मिन्प्रभाते तप पादसूर्यं दृष्ट्वाऽभिनन्दत्यथ भक्तपद्मम् ॥ १०॥

tasminprabhāte tapa pādasūryaṃ dṛṣṭvā'bhinandatyatha bhaktapadmam || 10||

अम्बरचर डम्बरवर घोषणशशिभूषण फणिकङ्कण गरशोषण स्मरमारण भगवन् ।अरुणारुण चरणावित जनवीक्षण भगहारण पुरहन् ।करुणाकर भवतारण वरुणालय कृतपारणं मुनिकारण परिपालय शिव माम् ॥ ११॥

ambaracara ḍambaravara ghoṣaṇaśaśibhūṣaṇa phaṇikaṅkaṇa garaśoṣaṇa smaramāraṇa bhagavan |aruṇāruṇa caraṇāvita janavīkṣaṇa bhagahāraṇa purahan |karuṇākara bhavatāraṇa varuṇālaya kṛtapāraṇaṃ munikāraṇa paripālaya śiva mām || 11||

॥ इति शिवरहस्यान्तर्गते शिवगौरीसंवादे व्याघ्रपादजैमिनिशेषादिकृता चिदम्बरेशनटराजशिवस्तुतिः सम्पूर्णा ॥॥ श्रीशिवरहस्यम् । भर्गाख्यः पञ्चमांशः । अध्यायः २२। २३३७॥

|| iti śivarahasyāntargate śivagaurīsaṃvāde vyāghrapādajaiminiśeṣādikṛtā cidambareśanaṭarājaśivastutiḥ sampūrṇā |||| śrīśivarahasyam | bhargākhyaḥ pañcamāṃśaḥ | adhyāyaḥ 22| 2337||

– ॥ श्रीशिवरहस्यम् ।भर्गाख्यः पन्चमांशः ।अध्यायः २२। २३-३७॥

– || śrīśivarahasyam |bhargākhyaḥ pancamāṃśaḥ |adhyāyaḥ 22| 23-37||