रेणुका अष्टोत्तरशतनामस्तोत्रम् Sri Renuka Ashtottarashatanama Stotram

॥ श्री गणेशाय नमः ॥

|| śrī gaṇeśāya namaḥ ||

॥ श्री भगवत्यै रेणुकाजगदम्बायै नमोनमः ॥

|| śrī bhagavatyai reṇukājagadambāyai namonamaḥ ||

ॐ अस्य श्री रेणुका देव्यष्टोत्तरशत नामावलिस्तोत्रमहामन्त्रस्यशाण्डिल्य महर्षिः अनुष्टुप् छन्दः श्रीजगदम्बा रेणुका देवताॐ बीजं नमः शक्तिः ॐ महादेवीति कीलकंश्री जगदम्बा रेणुका प्रसादसिद्ध्यर्थंसर्वं पापक्षय द्वारा श्रीजगदम्बारेणुकाप्रीत्यर्थंसर्वाभीष्ट फल प्राप्त्यर्थं च जपे विनियोगः ।

oṃ asya śrī reṇukā devyaṣṭottaraśata nāmāvalistotramahāmantrasyaśāṇḍilya maharṣiḥ anuṣṭup chandaḥ śrījagadambā reṇukā devatāoṃ bījaṃ namaḥ śaktiḥ oṃ mahādevīti kīlakaṃśrī jagadambā reṇukā prasādasiddhyarthaṃsarvaṃ pāpakṣaya dvārā śrījagadambāreṇukāprītyarthaṃsarvābhīṣṭa phala prāptyarthaṃ ca jape viniyogaḥ |

अथ करन्यासःॐ ह्रां रेणुकायै नमः अङ्गुष्ठाभ्यां नमः ।

atha karanyāsaḥoṃ hrāṃ reṇukāyai namaḥ aṅguṣṭhābhyāṃ namaḥ |

ॐ ह्रीं राममात्रे नमः तर्जनीभ्यां नमः ।

oṃ hrīṃ rāmamātre namaḥ tarjanībhyāṃ namaḥ |

ॐ ह्रूं महापुरुषवासिन्यै नमः मध्यमाभ्यां नमः ।

oṃ hrūṃ mahāpuruṣavāsinyai namaḥ madhyamābhyāṃ namaḥ |

ॐ ह्रैं एकवीरायै नमः अनामिकाभ्यां नमः ।

oṃ hraiṃ ekavīrāyai namaḥ anāmikābhyāṃ namaḥ |

ॐ ह्रौं कालरात्र्यै नमः कनिष्ठिकाभ्यां नमः ।

oṃ hrauṃ kālarātryai namaḥ kaniṣṭhikābhyāṃ namaḥ |

ॐ ह्रः एककाल्यै नमः करतलकरपृष्ठाभ्यां नमः ।

oṃ hraḥ ekakālyai namaḥ karatalakarapṛṣṭhābhyāṃ namaḥ |

अथ षडङ्गन्यासःॐ ह्रां रेणुकायै नमः हृदयाय नमः ।

atha ṣaḍaṅganyāsaḥoṃ hrāṃ reṇukāyai namaḥ hṛdayāya namaḥ |

ॐ ह्रीं राममात्रे नमः शिरसे स्वाहा ।ॐ ह्रूं महापुरुषवासिन्यै नमः शिखायै वषट् ।ॐ ह्रैं एकवीरायै नमः कवचाय हुं ।ॐ ह्रौं कालरात्र्यै नमः नेत्रत्रयाय वौषट् ।ॐ ह्रः एककाल्यै नमः अस्त्राय फट् ।

oṃ hrīṃ rāmamātre namaḥ śirase svāhā |oṃ hrūṃ mahāpuruṣavāsinyai namaḥ śikhāyai vaṣaṭ |oṃ hraiṃ ekavīrāyai namaḥ kavacāya huṃ |oṃ hrauṃ kālarātryai namaḥ netratrayāya vauṣaṭ |oṃ hraḥ ekakālyai namaḥ astrāya phaṭ |

अथ देहन्यासःॐ ह्रां रेणुकायै नमः शिरसे स्वाहा ।ॐ ह्रीं राममात्रे नमः मुखे ।ॐ ह्रूं महापुरुषवासिन्यै नमः हृदये ।ॐ ह्रैं एकवीरायै नमः गुह्ये ।ॐ ह्रौं कालरात्र्यै नमः पादयोः ।ॐ ह्रः एककाल्यै नमः सर्वाङ्गे ।

atha dehanyāsaḥoṃ hrāṃ reṇukāyai namaḥ śirase svāhā |oṃ hrīṃ rāmamātre namaḥ mukhe |oṃ hrūṃ mahāpuruṣavāsinyai namaḥ hṛdaye |oṃ hraiṃ ekavīrāyai namaḥ guhye |oṃ hrauṃ kālarātryai namaḥ pādayoḥ |oṃ hraḥ ekakālyai namaḥ sarvāṅge |

ॐ भूर्भुवः स्वः इति दिग्बन्धः ।

oṃ bhūrbhuvaḥ svaḥ iti digbandhaḥ |

ध्यानम्ध्यायेन्नित्यमपूर्ववेशललितां कन्दर्प लावण्यदांदेवीं देवगणैरुपास्यचरणां कारुण्यरत्नाकराम् ॥लीलाविग्रहणीं विराजितभुजां सच्चन्द्रहासादिभिर्भक्तानन्दविधायिनीं प्रमुदितां नित्योत्सवां रेणुकाम् ॥

dhyānamdhyāyennityamapūrvaveśalalitāṃ kandarpa lāvaṇyadāṃdevīṃ devagaṇairupāsyacaraṇāṃ kāruṇyaratnākarām ||līlāvigrahaṇīṃ virājitabhujāṃ saccandrahāsādibhirbhaktānandavidhāyinīṃ pramuditāṃ nityotsavāṃ reṇukām ||

ॐजगदम्बा जगद्वन्द्या महाशक्तिर्महेश्वरी ।महादेवी महाकाली महालक्ष्मीः सरस्वती ॥

oṃjagadambā jagadvandyā mahāśaktirmaheśvarī |mahādevī mahākālī mahālakṣmīḥ sarasvatī ||

महावीरा महारात्रिः कालरात्रिश्च कालिका ।सिद्धविद्या राममाता शिवा शान्ता ऋषिप्रिया ॥

mahāvīrā mahārātriḥ kālarātriśca kālikā |siddhavidyā rāmamātā śivā śāntā ṛṣipriyā ||

नारायणी जगन्माता जगद्बीजा जगत्प्रभा ।चन्द्रिका चन्द्रचूडा च चन्द्रायुधधराशुभा ॥

nārāyaṇī jaganmātā jagadbījā jagatprabhā |candrikā candracūḍā ca candrāyudhadharāśubhā ||

भ्रमराम्बा तथानन्दा रेणुका मृत्युनाशिनी ।दुर्गमा दुर्लभा गौरी दुर्गा भर्गकुटुम्बिनी ॥

bhramarāmbā tathānandā reṇukā mṛtyunāśinī |durgamā durlabhā gaurī durgā bhargakuṭumbinī ||

कात्यायनी महामाता रुद्राणी चाम्बिका सती ।कल्पवृक्षा कामधेनुः चिन्तामणिरूपधारिणी ॥

kātyāyanī mahāmātā rudrāṇī cāmbikā satī |kalpavṛkṣā kāmadhenuḥ cintāmaṇirūpadhāriṇī ||

सिद्धाचलवासिनी च सिद्धवृन्दसुशोभिनी ।ज्वालामुखी ज्वलत्कान्ता ज्वालाप्रज्वलरूपिणी ॥

siddhācalavāsinī ca siddhavṛndasuśobhinī |jvālāmukhī jvalatkāntā jvālāprajvalarūpiṇī ||

अजा पिनाकिनी भद्रा विजया विजयोत्सवा ।कुष्ठरोगहरा दीप्ता दुष्टासुरगर्वमर्दिनी ॥

ajā pinākinī bhadrā vijayā vijayotsavā |kuṣṭharogaharā dīptā duṣṭāsuragarvamardinī ||

सिद्धिदा बुद्धिदा शुद्धा नित्यानित्यतपःप्रिया ।निराधारा निराकारा निर्माया च शुभप्रदा ॥

siddhidā buddhidā śuddhā nityānityatapaḥpriyā |nirādhārā nirākārā nirmāyā ca śubhapradā ||

अपर्णा चान्नपूर्णा च पूर्णचन्द्रनिभानना ।कृपाकरा खड्गहस्ता छिन्नहस्ता चिदम्बरा ॥

aparṇā cānnapūrṇā ca pūrṇacandranibhānanā |kṛpākarā khaḍgahastā chinnahastā cidambarā ||

चामुण्डी चण्डिकानन्ता रत्नाभरणभूषिता ।विशालाक्षी च कामाक्षी मीनाक्षी मोक्षदायिनी ॥

cāmuṇḍī caṇḍikānantā ratnābharaṇabhūṣitā |viśālākṣī ca kāmākṣī mīnākṣī mokṣadāyinī ||

सावित्री चैव सौमित्री सुधा सद्भक्तरक्षिणी ।शान्तिश्च शान्त्यतीता च शान्तातीततरा तथा ॥

sāvitrī caiva saumitrī sudhā sadbhaktarakṣiṇī |śāntiśca śāntyatītā ca śāntātītatarā tathā ||

जमदग्नितमोहन्त्री धर्मार्थकाममोक्षदा ।कामदा कामजननी मातृका सूर्यकान्तिनी ॥

jamadagnitamohantrī dharmārthakāmamokṣadā |kāmadā kāmajananī mātṛkā sūryakāntinī ||

मन्त्रसिद्धिर्महातेजा मातृमण्डलवल्लभा ।लोकप्रिया रेणुतनया भवानी रौद्ररूपिणी ॥

mantrasiddhirmahātejā mātṛmaṇḍalavallabhā |lokapriyā reṇutanayā bhavānī raudrarūpiṇī ||

तुष्टिदा पुष्टिदा चैव शाम्भवी सर्वमङ्गला ।एतदष्टोत्तरशत नामस्तोत्रं पठेत् सदा ॥

tuṣṭidā puṣṭidā caiva śāmbhavī sarvamaṅgalā |etadaṣṭottaraśata nāmastotraṃ paṭhet sadā ||

सर्वं सम्पत्करं दिव्यं सर्वाभीष्टफलप्रदम् ।अष्टसिद्धियुतं चैव सर्वपापनिवारणम् ॥

sarvaṃ sampatkaraṃ divyaṃ sarvābhīṣṭaphalapradam |aṣṭasiddhiyutaṃ caiva sarvapāpanivāraṇam ||

दिग्बन्धन शान्तिमन्त्राःइन्द्रादि दिग्पालकाः स्वस्थस्थानेषु स्थिरी भवन्तु ।

digbandhana śāntimantrāḥindrādi digpālakāḥ svasthasthāneṣu sthirī bhavantu |

ॐ शान्तिः शान्तिः शान्तिः ।

oṃ śāntiḥ śāntiḥ śāntiḥ |

इति श्री शाण्डिल्यमहर्षिविरचिताश्रीरेणुकादेव्यष्टोत्तरशतनामावलिः सम्पूर्णा ।

iti śrī śāṇḍilyamaharṣiviracitāśrīreṇukādevyaṣṭottaraśatanāmāvaliḥ sampūrṇā |