त्रैलोक्यमोहनश्रीरामकवचम् Trailokyamohana Shrirama Kavacham

विनियोगःॐ अस्य त्रैलोक्यमोहनश्रीरामकवचस्य ब्रह्मा ऋषिरनुष्टुप् छन्दः ।श्रीरामचन्द्रो देवता । अनन्तोऽग्न्यासनः । सेन्दुरितिबीजम् ।ॐ श्रीराम एव परं ब्रह्म इति शक्तिः ।ॐ मधुरप्रसन्नवदनायेति हृदयम् । ॐ क्लीं रामभद्रायेति कीलकम् ।ॐ हूँ जानकीवल्लभायेत्यस्रम् । ॐ अमिततेजसे बलायेति कवचम् ।ॐ श्रीं रां रामायेति परमो मन्त्रः ।मम सकलविधिश्रीसीतारामपदारविन्दानुरागार्थे (जपे) पाठे विनियोगः ॥ऋष्यादिन्यासःॐ ब्रह्मा ऋषये नमः शिरसि ।ॐ अनुष्टुप् छन्दसे नमो मुखे ।ॐ श्रीरामचन्द्रो देवतायै नमो हृदये ।ॐ अनन्तोऽग्न्यासनः सेन्दुरिति बीजाय नमो नाभ्याम् ।ॐ मधुरप्रसन्नवदनायेति हृदयाय नम उदरे ।ॐ क्लीं रामभद्रायेति कीलकाय नमः कट्याम् ।ॐ हूँ जानकीवल्लभायेत्यस्राय नमो गुहये ।ॐ अमिततेजसे बलायेति कवचाय नमो जङ्घयोः ।ॐ श्रीं रां रामायेति परममन्त्राय नमः पुनः शिरसि ।श्रीसीतारामपदारविन्दानुरागार्थे पाठे विनियोगाय (जपे) सर्वाङ्गे ॥करन्यासःॐ रां अङ्गुष्ठाभ्यां नमः । ॐ रां तर्जनीभ्यां नमः ।ॐ मां मध्यामाम्यां नमः । ॐ यं यमनामिकाभ्यां नमः ।ॐ नं कनिष्ठिकाभ्यां नमः । ॐ मः करतलकरपृष्ठाभ्यां नमः ।हृदयादिन्यासःॐ रां हृदयाय नमः । ॐ रां शिरसे स्वाहा ।ॐ मां शिखायै वषट् ।ॐ यं कवचाय हूं। ॐ नं नेत्राभ्यां वौषट् । ॐ मः अस्त्राय फट् ।ॐ हीं क्लीं श्रीं रां क्षौं क्रौं एँ हुँ फट् स्वाहा इति दिग्बन्धनं कुर्यात् ॥ध्यानम्वैदेही सहितं सुरदुमतले है मे महामण्डपेमध्ये पुष्पकमासने मणिमये वीरासने संस्थितम् ।अग्रे वाचयति प्रभञ्जनसुते तत्त्वं मुनीन्द्रैः परंव्याख्यातं भरतादिभिः परिवृतं रामं भजे श्यामलम् ॥पार्वत्युवाच ।भगवन् सर्वदेवेश सर्व देवनमस्कृत ।सर्वं मे कथितं देव राममन्त्रो विशेषतः ॥ १॥

viniyogaḥoṃ asya trailokyamohanaśrīrāmakavacasya brahmā ṛṣiranuṣṭup chandaḥ |śrīrāmacandro devatā | ananto'gnyāsanaḥ | senduritibījam |oṃ śrīrāma eva paraṃ brahma iti śaktiḥ |oṃ madhuraprasannavadanāyeti hṛdayam | oṃ klīṃ rāmabhadrāyeti kīlakam |oṃ hūm̐ jānakīvallabhāyetyasram | oṃ amitatejase balāyeti kavacam |oṃ śrīṃ rāṃ rāmāyeti paramo mantraḥ |mama sakalavidhiśrīsītārāmapadāravindānurāgārthe (jape) pāṭhe viniyogaḥ ||ṛṣyādinyāsaḥoṃ brahmā ṛṣaye namaḥ śirasi |oṃ anuṣṭup chandase namo mukhe |oṃ śrīrāmacandro devatāyai namo hṛdaye |oṃ ananto'gnyāsanaḥ senduriti bījāya namo nābhyām |oṃ madhuraprasannavadanāyeti hṛdayāya nama udare |oṃ klīṃ rāmabhadrāyeti kīlakāya namaḥ kaṭyām |oṃ hūm̐ jānakīvallabhāyetyasrāya namo guhaye |oṃ amitatejase balāyeti kavacāya namo jaṅghayoḥ |oṃ śrīṃ rāṃ rāmāyeti paramamantrāya namaḥ punaḥ śirasi |śrīsītārāmapadāravindānurāgārthe pāṭhe viniyogāya (jape) sarvāṅge ||karanyāsaḥoṃ rāṃ aṅguṣṭhābhyāṃ namaḥ | oṃ rāṃ tarjanībhyāṃ namaḥ |oṃ māṃ madhyāmāmyāṃ namaḥ | oṃ yaṃ yamanāmikābhyāṃ namaḥ |oṃ naṃ kaniṣṭhikābhyāṃ namaḥ | oṃ maḥ karatalakarapṛṣṭhābhyāṃ namaḥ |hṛdayādinyāsaḥoṃ rāṃ hṛdayāya namaḥ | oṃ rāṃ śirase svāhā |oṃ māṃ śikhāyai vaṣaṭ |oṃ yaṃ kavacāya hūṃ| oṃ naṃ netrābhyāṃ vauṣaṭ | oṃ maḥ astrāya phaṭ |oṃ hīṃ klīṃ śrīṃ rāṃ kṣauṃ krauṃ em̐ hum̐ phaṭ svāhā iti digbandhanaṃ kuryāt ||dhyānamvaidehī sahitaṃ suradumatale hai me mahāmaṇḍapemadhye puṣpakamāsane maṇimaye vīrāsane saṃsthitam |agre vācayati prabhañjanasute tattvaṃ munīndraiḥ paraṃvyākhyātaṃ bharatādibhiḥ parivṛtaṃ rāmaṃ bhaje śyāmalam ||pārvatyuvāca |bhagavan sarvadeveśa sarva devanamaskṛta |sarvaṃ me kathitaṃ deva rāmamantro viśeṣataḥ || 1||

त्रैलोक्यमोहनं नाम कवचं पूर्वसूचितम् ।कथयस्व महादेव यद्यहं तव वल्लभा ॥ २॥

trailokyamohanaṃ nāma kavacaṃ pūrvasūcitam |kathayasva mahādeva yadyahaṃ tava vallabhā || 2||

ईश्वर उवाच ।शृणु वक्ष्यामि देवेशि कवचं परमाद्भुतम् ।अत्यन्तं गोपनं गुह्यं ब्रह्ममन्त्रौघविग्रहम् ॥ ३॥

īśvara uvāca |śṛṇu vakṣyāmi deveśi kavacaṃ paramādbhutam |atyantaṃ gopanaṃ guhyaṃ brahmamantraughavigraham || 3||

ॐ प्रणवो मे शिरः पातु तारको ब्रह्मरूपकः ।अनन्तोऽग्न्यासनः सेन्दुर्नासामेकाक्षरोऽवतु ॥ १॥

oṃ praṇavo me śiraḥ pātu tārako brahmarūpakaḥ |ananto'gnyāsanaḥ sendurnāsāmekākṣaro'vatu || 1||

ॐ रां रामाय नमः पातु भाड्वर्णो भुक्तिमुक्तिदः ।भालं पायान्नेत्रयुग्मं रामो द्वयक्षरसंज्ञकः ॥ २॥

oṃ rāṃ rāmāya namaḥ pātu bhāḍvarṇo bhuktimuktidaḥ |bhālaṃ pāyānnetrayugmaṃ rāmo dvayakṣarasaṃjñakaḥ || 2||

ॐ क्लीं पायाच्छ्रोत्रयुग्मं ह्यकाक्षरविमोहनः ।ॐ ह्रीं श्रीं क्लीं नमो रामाय मुखं मे परिरक्षतु ॥ ३॥

oṃ klīṃ pāyācchrotrayugmaṃ hyakākṣaravimohanaḥ |oṃ hrīṃ śrīṃ klīṃ namo rāmāya mukhaṃ me parirakṣatu || 3||

ॐ नमः श्री राघवेन्द्राय कण्ठं पातु मनुस्त्वयम् ।ॐ क्लीं श्रीं रां रामाय नमः स्कन्धौ पातु खरान्तकः ॥ ४॥

oṃ namaḥ śrī rāghavendrāya kaṇṭhaṃ pātu manustvayam |oṃ klīṃ śrīṃ rāṃ rāmāya namaḥ skandhau pātu kharāntakaḥ || 4||

ॐ नमो रां रामचन्द्राय मन्त्रः पातु भुजद्वयम् ।ॐ श्रीमद्रामभद्राय करौ पातु मनुस्वराट् ॥ ५॥

oṃ namo rāṃ rāmacandrāya mantraḥ pātu bhujadvayam |oṃ śrīmadrāmabhadrāya karau pātu manusvarāṭ || 5||

ॐ श्रीरामचन्द्राय रक्षोघ्नाय नमो मन्त्रोऽयं द्वादशाक्षरः ।हृदयं मे सदा पातु रघुवंशसमुद्भवः ॥ ६॥

oṃ śrīrāmacandrāya rakṣoghnāya namo mantro'yaṃ dvādaśākṣaraḥ |hṛdayaṃ me sadā pātu raghuvaṃśasamudbhavaḥ || 6||

ॐ क्लीं रामभद्राय नमः पातु नाभिं दुष्टान्तकः प्रभुः ।ॐ नमः श्रीरामचन्द्राय कटिमष्टाक्षरोऽवतु ॥ ७॥

oṃ klīṃ rāmabhadrāya namaḥ pātu nābhiṃ duṣṭāntakaḥ prabhuḥ |oṃ namaḥ śrīrāmacandrāya kaṭimaṣṭākṣaro'vatu || 7||

सक्थिनी सततं पातु राक्षसेन्द्र विमर्द कः ।ॐ ह्रीं रामचन्द्राय नमः पातु मे ऊरूयुग्मकम् ॥ ८॥

sakthinī satataṃ pātu rākṣasendra vimarda kaḥ |oṃ hrīṃ rāmacandrāya namaḥ pātu me ūrūyugmakam || 8||

ॐ प्रणवो रामचन्द्राय नमो वस्वक्षरः स्वराट् ।जानुनी मे सदा पातु रक्षःकुलविनाशकः ॥ ९॥

oṃ praṇavo rāmacandrāya namo vasvakṣaraḥ svarāṭ |jānunī me sadā pātu rakṣaḥkulavināśakaḥ || 9||

ॐ प्रणवो रामभद्राय नमोऽष्टाक्षरस्वयम् ।पादयुग्मं सदा पातु वानरेन्द्रश्रियः प्रदः ॥ १०॥

oṃ praṇavo rāmabhadrāya namo'ṣṭākṣarasvayam |pādayugmaṃ sadā pātu vānarendraśriyaḥ pradaḥ || 10||

ॐ नमो रामभद्राय सर्वाङ्ग पातु सर्वतः ।ॐ ह्रीं सीतापतये नमः प्राच्यां मां सर्वदावतु ॥ ११॥

oṃ namo rāmabhadrāya sarvāṅga pātu sarvataḥ |oṃ hrīṃ sītāpataye namaḥ prācyāṃ māṃ sarvadāvatu || 11||

ॐ हीं जानकीवल्लभाय दक्षिणे पातु सर्वदा ।ॐ क्लीं जानकीशाय नमो वारुण्यां मां सदावतु ॥ १२॥

oṃ hīṃ jānakīvallabhāya dakṣiṇe pātu sarvadā |oṃ klīṃ jānakīśāya namo vāruṇyāṃ māṃ sadāvatu || 12||

ॐ श्रीं रघुनाथाय नमः कौबेर्या दिशि रक्षतु ।ॐ ह्रीं जानकीवल्लभाय आग्नेयां मां सदावतु ॥ १३॥

oṃ śrīṃ raghunāthāya namaḥ kauberyā diśi rakṣatu |oṃ hrīṃ jānakīvallabhāya āgneyāṃ māṃ sadāvatu || 13||

ॐ ह्रीं क्लीं भरताग्रजाय पातु मां नैऋत्यां दिशि ।ॐ श्रीं जानकीवल्लभाय वायव्यां मां सदावतु ॥ १४॥

oṃ hrīṃ klīṃ bharatāgrajāya pātu māṃ naiṛtyāṃ diśi |oṃ śrīṃ jānakīvallabhāya vāyavyāṃ māṃ sadāvatu || 14||

ॐ श्रीं ह्रीं क्लीं दाशरथाय चेशान्यां रक्ष मां सदा ।ॐ नमो भगवते रघुनन्दनाय रक्षोघ्नविषदायमधुरप्रसन्नवदनाय अमिततेजसे बलाय रामाय विष्णवे नमः ॥ १५॥

oṃ śrīṃ hrīṃ klīṃ dāśarathāya ceśānyāṃ rakṣa māṃ sadā |oṃ namo bhagavate raghunandanāya rakṣoghnaviṣadāyamadhuraprasannavadanāya amitatejase balāya rāmāya viṣṇave namaḥ || 15||

प्रणवादिनमोऽन्तोऽयं मालामन्त्र उदीरितः ।राज्यस्थाने सदा पातु रघुवंशसमुद्भवः ॥ १६॥

praṇavādinamo'nto'yaṃ mālāmantra udīritaḥ |rājyasthāne sadā pātu raghuvaṃśasamudbhavaḥ || 16||

ॐ नमो भगवते श्रीरामाय महापुरुषाय नमः ।अष्टादशाक्षरो मन्त्रो मामेव सर्वदावतु ॥ १७॥

oṃ namo bhagavate śrīrāmāya mahāpuruṣāya namaḥ |aṣṭādaśākṣaro mantro māmeva sarvadāvatu || 17||

ध्यायेद्धृत्पुण्डरीकाक्षं परञ्ज्योतिः परात्परम् ।राममेव परं ब्रह्म सच्चिदानन्दलक्षणम् ॥ १८॥

dhyāyeddhṛtpuṇḍarīkākṣaṃ parañjyotiḥ parātparam |rāmameva paraṃ brahma saccidānandalakṣaṇam || 18||

इति ध्यात्वा जपेन्मन्त्रं भुक्तिमुक्तिप्रदायकम् ।ॐ दाशरथाय विद्महे सीताप्रियाय धीमहि ।तन्नो रामः प्रचोदयात् ॥ १९॥

iti dhyātvā japenmantraṃ bhuktimuktipradāyakam |oṃ dāśarathāya vidmahe sītāpriyāya dhīmahi |tanno rāmaḥ pracodayāt || 19||

इत्येवं रामगायत्री भक्तिवीर्यप्रवर्धिनी ।गायत्री जपमात्रेण भुक्तिमुक्तिप्रदायनी ॥ २०॥

ityevaṃ rāmagāyatrī bhaktivīryapravardhinī |gāyatrī japamātreṇa bhuktimuktipradāyanī || 20||

इति ते कथितं देवि ! सर्वमन्त्रौघविग्रहम् ।त्रैलोक्यमोहनं नाम कवचं ब्रह्मरूपकम् ॥ २१॥

iti te kathitaṃ devi ! sarvamantraughavigraham |trailokyamohanaṃ nāma kavacaṃ brahmarūpakam || 21||

प्रातःकाले पठेद्यस्तु सोऽभीष्टफलमाप्नुयात् ।सायम्मध्याह्नकालेऽपि जपात्सिद्धिमनूत्तमाम् ॥ २२॥

prātaḥkāle paṭhedyastu so'bhīṣṭaphalamāpnuyāt |sāyammadhyāhnakāle'pi japātsiddhimanūttamām || 22||

पूजाकाले पठेद्यस्तु कवचं साधकोत्तमः ।कीर्तिः श्रीः कान्तिमेधायुर्जपतो भवति ध्रुवम् ॥ २३॥

pūjākāle paṭhedyastu kavacaṃ sādhakottamaḥ |kīrtiḥ śrīḥ kāntimedhāyurjapato bhavati dhruvam || 23||

राममन्त्रमयं ब्रह्मकवचं मन्मुखोदितम् ।गुरुमभ्यर्च्य विधिवत्कवचं यः पठेत्ततः ॥ २४॥

rāmamantramayaṃ brahmakavacaṃ manmukhoditam |gurumabhyarcya vidhivatkavacaṃ yaḥ paṭhettataḥ || 24||

द्विः सकृद्वा जपेद्यस्तु सोपि पुण्यवतां वरः ।देवमभ्यर्च्य विधिवत्पुरश्चर्या समारभेत् ॥ २५॥

dviḥ sakṛdvā japedyastu sopi puṇyavatāṃ varaḥ |devamabhyarcya vidhivatpuraścaryā samārabhet || 25||

अष्टोत्तरशतं जप्त्वा दशांशं हवनादिकम् ।ततस्तु सिद्धकवचं सर्वकार्याणि साधयेत् ॥ २६॥

aṣṭottaraśataṃ japtvā daśāṃśaṃ havanādikam |tatastu siddhakavacaṃ sarvakāryāṇi sādhayet || 26||

मन्त्रसिद्धिर्भवेत्तस्य पुरश्चर्याविधानतः ।गद्यपद्यमयी वाणीं तस्य वक्त्रात्प्रवर्तते ॥ २७॥

mantrasiddhirbhavettasya puraścaryāvidhānataḥ |gadyapadyamayī vāṇīṃ tasya vaktrātpravartate || 27||

वक्त्रे तस्य वसेद्वाणी कमला निश्चला गृहे ।पुष्पाञ्जल्यष्टकं दत्त्वा मूलेनैव पठेत्सकृत् ॥ २८॥

vaktre tasya vasedvāṇī kamalā niścalā gṛhe |puṣpāñjalyaṣṭakaṃ dattvā mūlenaiva paṭhetsakṛt || 28||

अपि वर्षसहस्राणां पूजाफलमवाप्नुयात् ।विलिख्य भूर्जपत्रे च स्वर्णस्थं धारयेद्यदि ॥ २९॥

api varṣasahasrāṇāṃ pūjāphalamavāpnuyāt |vilikhya bhūrjapatre ca svarṇasthaṃ dhārayedyadi || 29||

कण्ठे वा दक्षिणे वाहौ स कुर्याद्दासवज्जगत् ।त्रैलोक्यं क्षोभयेद्दवि त्रैलोक्यविजयी भवेत् ॥ ३०॥

kaṇṭhe vā dakṣiṇe vāhau sa kuryāddāsavajjagat |trailokyaṃ kṣobhayeddavi trailokyavijayī bhavet || 30||

तद्गात्रं प्राप्य शस्त्राणि ब्रह्मास्त्रादीनि यानि च ।माल्यानि कुसुमानीव सुखदानि भवन्ति हि ॥ ३१॥

tadgātraṃ prāpya śastrāṇi brahmāstrādīni yāni ca |mālyāni kusumānīva sukhadāni bhavanti hi || 31||

स्पर्धामुधूय भवने लक्ष्मी वाणी मुखे वसेत् ।इदं कवचमज्ञात्वा यो जपेद्राममन्त्रकम् ॥ ३२॥

spardhāmudhūya bhavane lakṣmī vāṇī mukhe vaset |idaṃ kavacamajñātvā yo japedrāmamantrakam || 32||

शतलक्षं प्रजप्तोऽपि न मन्त्रः सिद्धिदायकः ।स शस्त्रघातमाप्नोति सोऽचिरान्मृत्युमाप्नुयात् ॥ ३३॥

śatalakṣaṃ prajapto'pi na mantraḥ siddhidāyakaḥ |sa śastraghātamāpnoti so'cirānmṛtyumāpnuyāt || 33||

सम्यग् ज्ञात्वा तु कवचं मन्त्रः स्याच्छीघ्रसिद्धिदः ।एकावृत्त्या लभेल्लक्ष्मीं द्विरावृत्त्या जगद्वशी ॥ ३४॥

samyag jñātvā tu kavacaṃ mantraḥ syācchīghrasiddhidaḥ |ekāvṛttyā labhellakṣmīṃ dvirāvṛttyā jagadvaśī || 34||

त्रिरावृत्त्या पठेन्नित्यं सर्वार्थसिद्धिदं भवेत् ।चतुर्वारं पठेन्नित्यं पुत्रपौत्रादिकं भवेत् ॥ ३५॥

trirāvṛttyā paṭhennityaṃ sarvārthasiddhidaṃ bhavet |caturvāraṃ paṭhennityaṃ putrapautrādikaṃ bhavet || 35||

पञ्चवारं पठेन्नित्यं दिव्यकायो भवेन्नरः ।षड्वारं तु पठेन्नित्यं सर्वसिद्धीश्वरो भवेत् ॥ ३६॥

pañcavāraṃ paṭhennityaṃ divyakāyo bhavennaraḥ |ṣaḍvāraṃ tu paṭhennityaṃ sarvasiddhīśvaro bhavet || 36||

सप्तावृत्त्या सहोमेन वाचासिद्धिः प्रजायते ।इति श्रीरुद्रयामलतन्त्रे ईश्वरपार्वतीसंवादेत्रैलोक्यमोहनं नाम श्रीरामकवचं सम्पूर्णम् ॥

saptāvṛttyā sahomena vācāsiddhiḥ prajāyate |iti śrīrudrayāmalatantre īśvarapārvatīsaṃvādetrailokyamohanaṃ nāma śrīrāmakavacaṃ sampūrṇam ||