राधाष्टकम् १ Shri Radha Ashtakam

ॐ दिशिदिशिरचयन्तीं सञ्चयन्नेत्रलक्ष्मींविलसितखुरलीभिः खञ्जरीटस्य खेलाम् ।हृदयमधुपमल्लीं वल्लवाधीशसूनोरखिलगुणगभीरां राधिकामर्चयामि ॥ १॥

oṃ diśidiśiracayantīṃ sañcayannetralakṣmīṃvilasitakhuralībhiḥ khañjarīṭasya khelām |hṛdayamadhupamallīṃ vallavādhīśasūnorakhilaguṇagabhīrāṃ rādhikāmarcayāmi || 1||

पितुरिह वृषभानो रत्नवायप्रशस्तिंजगति किल सयस्ते सुष्ठु विस्तारयन्तीम् ।व्रजनृपतिकुमारं खेलयन्तीं सखीभिःसुरभिनि निजकुण्डे राधिकामर्चयामि ॥ २॥

pituriha vṛṣabhāno ratnavāyapraśastiṃjagati kila sayaste suṣṭhu vistārayantīm |vrajanṛpatikumāraṃ khelayantīṃ sakhībhiḥsurabhini nijakuṇḍe rādhikāmarcayāmi || 2||

शरदुपचितराकाकौमुदीनाथकीर्त्तिप्रकरदमनदीक्षादक्षिणस्मेरवक्त्राम् ।नटयदभिदपाङ्गोत्तुङ्गितानं गरङ्गांवलितरुचिररङ्गां राधिकामर्चयामि ॥ ३॥

śaradupacitarākākaumudīnāthakīrttiprakaradamanadīkṣādakṣiṇasmeravaktrām |naṭayadabhidapāṅgottuṅgitānaṃ garaṅgāṃvalitaruciraraṅgāṃ rādhikāmarcayāmi || 3||

विविधकुसुमवृन्दोत्फुल्लधम्मिल्लधाटीविघटितमदघृर्णात्केकिपिच्छुप्रशस्तिम् ।मधुरिपुमुखबिम्बोद्गीर्णताम्बूलरागस्फुरदमलकपोलां राधिकामर्चयामि ॥ ४॥

vividhakusumavṛndotphulladhammilladhāṭīvighaṭitamadaghṛrṇātkekipicchupraśastim |madhuripumukhabimbodgīrṇatāmbūlarāgasphuradamalakapolāṃ rādhikāmarcayāmi || 4||

नलिनवदमलान्तःस्नेहसिक्तां तरङ्गामखिलविधिविशाखासख्यविख्यातशीलाम् ।स्फुरदघभिदनर्घप्रेममाणिक्यपेटींधृतमधुरविनोदां राधिकामर्चयामि ॥ ५॥

nalinavadamalāntaḥsnehasiktāṃ taraṅgāmakhilavidhiviśākhāsakhyavikhyātaśīlām |sphuradaghabhidanarghapremamāṇikyapeṭīṃdhṛtamadhuravinodāṃ rādhikāmarcayāmi || 5||

अतुलमहसिवृन्दारण्यराज्येभिषिक्तांनिखिलसमयभर्तुः कार्तिकस्याधिदेवीम् ।अपरिमितमुकुन्दप्रेयसीवृन्दमुख्यांजगदघहरकीर्तिं राधिकामर्चयामि ॥ ६॥

atulamahasivṛndāraṇyarājyebhiṣiktāṃnikhilasamayabhartuḥ kārtikasyādhidevīm |aparimitamukundapreyasīvṛndamukhyāṃjagadaghaharakīrtiṃ rādhikāmarcayāmi || 6||

हरिपदनखकोटीपृष्ठपर्यन्तसीमातटमपि कलयन्तीं प्राणकोटेरभीष्टम् ।प्रमुदितमदिराक्षीवृन्दवैदग्ध्यदीक्षागुरुमपि गुरुकीर्तिं राधिकामर्चयामि ॥ ७॥

haripadanakhakoṭīpṛṣṭhaparyantasīmātaṭamapi kalayantīṃ prāṇakoṭerabhīṣṭam |pramuditamadirākṣīvṛndavaidagdhyadīkṣāgurumapi gurukīrtiṃ rādhikāmarcayāmi || 7||

अमलकनकपट्टीदृष्टकाश्मीरगौरींमधुरिमलहरीभिः सम्परीतां किशोरीम् ।हरिभुजपरिरब्ध्वां लघ्वरोमाञ्चपालींस्फुरदरुणदुकूलां राधिकामर्चयामि ॥ ८॥

amalakanakapaṭṭīdṛṣṭakāśmīragaurīṃmadhurimalaharībhiḥ samparītāṃ kiśorīm |haribhujaparirabdhvāṃ laghvaromāñcapālīṃsphuradaruṇadukūlāṃ rādhikāmarcayāmi || 8||

तदमलमधुरिम्णां काममाधाररूपंपरिपठति वरिष्ठं सुष्ठु राधाष्टकं यः ।अहिमकिरणपुत्रीकूलकल्याणचन्द्रःस्फुटमखिलमभीष्टं तस्य तुष्टस्तनोति ॥ ९॥

tadamalamadhurimṇāṃ kāmamādhārarūpaṃparipaṭhati variṣṭhaṃ suṣṭhu rādhāṣṭakaṃ yaḥ |ahimakiraṇaputrīkūlakalyāṇacandraḥsphuṭamakhilamabhīṣṭaṃ tasya tuṣṭastanoti || 9||

इति श्रीरूपगोस्वामिविरचितस्तवमालायां श्रीराधाष्टकं सम्पूर्णम् ॥

iti śrīrūpagosvāmiviracitastavamālāyāṃ śrīrādhāṣṭakaṃ sampūrṇam ||