नवयुवद्वन्द्वदिदृक्षाष्टकम् Shri Navayuvadvandvadidrikshashtakam

स्फुरदमलमधूलीपूर्णराजीवराजन्नवमृगमदगन्धद्रोहिदिव्याङ्गगन्धंमिथ इह उदितैरुन्मादितान्तर्विघूर्णद्व्रजभुवि नवयूनोर्द्वन्द्वरत्नं दिदृक्षे ॥ १॥

sphuradamalamadhūlīpūrṇarājīvarājannavamṛgamadagandhadrohidivyāṅgagandhaṃmitha iha uditairunmāditāntarvighūrṇadvrajabhuvi navayūnordvandvaratnaṃ didṛkṣe || 1||

कनकगिरिखलोद्यत्केतकीपुष्पदीव्यन्नवजलधरमालाद्वेषिदिव्योरुकान्त्या ।सबलमिव विनोदैरीक्षयात्स्वं मिथस्तद्व्रजभुवि नवयूनोर्द्वन्द्वरत्नं दिदृक्षे ॥ २॥

kanakagirikhalodyatketakīpuṣpadīvyannavajaladharamālādveṣidivyorukāntyā |sabalamiva vinodairīkṣayātsvaṃ mithastadvrajabhuvi navayūnordvandvaratnaṃ didṛkṣe || 2||

निरुपमनवगौरीनव्यकन्दर्पकोटिप्रठितमधुरिमोर्मिक्षालितश्रीनखान्तम् ।नवनवरुचिरागैर्हृष्टमिष्टैर्मिथस्तद्व्रजभुवि नवयूनोर्द्वन्द्वरत्नं दिदृक्षे ॥ ३॥

nirupamanavagaurīnavyakandarpakoṭipraṭhitamadhurimormikṣālitaśrīnakhāntam |navanavarucirāgairhṛṣṭamiṣṭairmithastadvrajabhuvi navayūnordvandvaratnaṃ didṛkṣe || 3||

मदनरसविघूर्णन्नेत्रपद्मान्तनृत्यैःपरिकलितमुखेन्दुह्रीविनाम्रं मिथोऽल्पैः ।अपि च मधुरवाचं श्रोतुमावर्धिताशंव्रजभुवि नवयूनोर्द्वन्द्वरत्नं दिदृक्षे ॥ ४॥

madanarasavighūrṇannetrapadmāntanṛtyaiḥparikalitamukhenduhrīvināmraṃ mitho'lpaiḥ |api ca madhuravācaṃ śrotumāvardhitāśaṃvrajabhuvi navayūnordvandvaratnaṃ didṛkṣe || 4||

स्मरसमरविलासोद्गारमङ्गेषु रङ्गैस्तिमितनवसखीषु प्रेक्षमानासु भङ्ग्या ।स्मितमधुरदृगन्तैर्ह्रीणसम्फुल्लवक्त्रंव्रजभुवि नवयूनोर्द्वन्द्वरत्नं दिदृक्षे ॥ ५॥

smarasamaravilāsodgāramaṅgeṣu raṅgaistimitanavasakhīṣu prekṣamānāsu bhaṅgyā |smitamadhuradṛgantairhrīṇasamphullavaktraṃvrajabhuvi navayūnordvandvaratnaṃ didṛkṣe || 5||

मदनसमरचर्याचार्यमापूर्णपुण्यप्रसरनववधूभिः प्रार्थ्यपादानुचर्यम् ।स्मररसिकमेकप्राणमन्योन्यभूषंव्रजभुवि नवयूनोर्द्वन्द्वरत्नं दिदृक्षे ॥ ६॥

madanasamaracaryācāryamāpūrṇapuṇyaprasaranavavadhūbhiḥ prārthyapādānucaryam |smararasikamekaprāṇamanyonyabhūṣaṃvrajabhuvi navayūnordvandvaratnaṃ didṛkṣe || 6||

तटमधुरनिकुञ्जे श्रान्तयोः श्रीसरस्यःप्रचुरजलविहारैः स्निग्धवृन्दैः सखीनाम् ।उपहृतमधुरङ्गैः पाययात्तन्मिथस्तैर्व्रजभुवि नवयूनोर्द्वन्द्वरत्नं दिदृक्षे ॥ ७॥

taṭamadhuranikuñje śrāntayoḥ śrīsarasyaḥpracurajalavihāraiḥ snigdhavṛndaiḥ sakhīnām |upahṛtamadhuraṅgaiḥ pāyayāttanmithastairvrajabhuvi navayūnordvandvaratnaṃ didṛkṣe || 7||

कुसुमशररसौघग्रन्थिभिः प्रेमदाम्नामिथ इह वशवृत्त्या प्रौढयाद्धा निबद्धम् ।अखिलजगति राधामाधवाख्यप्रसिद्धंव्रजभुवि नवयूनोर्द्वन्द्वरत्नं दिदृक्षे ॥ ८॥

kusumaśararasaughagranthibhiḥ premadāmnāmitha iha vaśavṛttyā prauḍhayāddhā nibaddham |akhilajagati rādhāmādhavākhyaprasiddhaṃvrajabhuvi navayūnordvandvaratnaṃ didṛkṣe || 8||

प्रणयमधुरमुच्चैर्नव्ययूनोर्दिदृक्षाष्टकमिदमतियत्नाद्यः पठेत्स्फारदैन्यैः ।स खलु परमशोभापुञ्जमञ्जु प्रकामंयुगलमतुलमक्ष्णोः सेव्यमारात्करोति ॥ ९॥

praṇayamadhuramuccairnavyayūnordidṛkṣāṣṭakamidamatiyatnādyaḥ paṭhetsphāradainyaiḥ |sa khalu paramaśobhāpuñjamañju prakāmaṃyugalamatulamakṣṇoḥ sevyamārātkaroti || 9||

इति श्रीरघुनाथदासगोस्वामिविरचितस्तवावल्यांश्रीनवयुवद्वन्द्वदिदृक्षाष्टकं सम्पूर्णम् ।

iti śrīraghunāthadāsagosvāmiviracitastavāvalyāṃśrīnavayuvadvandvadidṛkṣāṣṭakaṃ sampūrṇam |