राधानामावलिः Shri Radha Namavali

(\* अपूर्णा)श्रीकृष्णदयिता श्रीड्या श्रीकण्ठस्तुतसद्गुणा ।श्रीमती श्रीदपन्द्यान्निर्विधिमाता सुरार्चिता ॥ १॥

(\* apūrṇā)śrīkṛṣṇadayitā śrīḍyā śrīkaṇṭhastutasadguṇā |śrīmatī śrīdapandyānnirvidhimātā surārcitā || 1||

राधा महासती मान्या पुण्यकीर्तिसुधासरित् ।भद्रादितिस्नुषाख्याता देवी त्रैलोक्यसुन्दरी ॥ २॥

rādhā mahāsatī mānyā puṇyakīrtisudhāsarit |bhadrāditisnuṣākhyātā devī trailokyasundarī || 2||

व्यासादिसत्कविस्तव्या शुकयोगीन्द्रवर्णिता ।भगवत्सस्कृतारामा सुभगा कोटिसंस्तुता ॥ ३॥

vyāsādisatkavistavyā śukayogīndravarṇitā |bhagavatsaskṛtārāmā subhagā koṭisaṃstutā || 3||

मधुभिन्मोहिनी मुख्या मानिनी मधुराकृतिः ।ललना ललितानन्दप्राप्ताशीर्वृषभानुजा ॥ ४॥

madhubhinmohinī mukhyā māninī madhurākṛtiḥ |lalanā lalitānandaprāptāśīrvṛṣabhānujā || 4||

यशोदालालिता लक्ष्मीसपत्नी लक्षणाश्रया ।राजगोपाललीलोत्का गोपीवृन्दशिरोमणिः ॥ ५॥

yaśodālālitā lakṣmīsapatnī lakṣaṇāśrayā |rājagopālalīlotkā gopīvṛndaśiromaṇiḥ || 5||

कृष्णदर्शनसर्वस्वा कृष्णसर्वस्वदर्शना ।वासुदेवसखी पुण्या वरेण्यपरदा वरा ॥ ६॥

kṛṣṇadarśanasarvasvā kṛṣṇasarvasvadarśanā |vāsudevasakhī puṇyā vareṇyaparadā varā || 6||

धरालिरार्या स्वार्तिघ्नी सदाराध्या सनातनी ।गोलोकवासिनी नित्यानन्दा नन्दात्मजानुगा ॥ ७॥

dharālirāryā svārtighnī sadārādhyā sanātanī |golokavāsinī nityānandā nandātmajānugā || 7||

नर्मदा शर्मदा प्राज्ञा प्रभूतगुणशालिनी ।प्रसन्नवदना प्राज्यलावण्या प्रभुसुप्रिया ॥ ८॥

narmadā śarmadā prājñā prabhūtaguṇaśālinī |prasannavadanā prājyalāvaṇyā prabhusupriyā || 8||

पुराणपुरुषप्रीता परब्रह्मप्रसादिनी ।बृहत्कीर्तिः परब्रह्मसहचर्यतिगौरवा ॥ ९॥

purāṇapuruṣaprītā parabrahmaprasādinī |bṛhatkīrtiḥ parabrahmasahacaryatigauravā || 9||

कलिन्दजाप्रियसखी कलिकल्मषनाशिनी ।महाविदग्धा कालिन्दीतीरकुञ्जविहारिणी ॥ १०॥

kalindajāpriyasakhī kalikalmaṣanāśinī |mahāvidagdhā kālindītīrakuñjavihāriṇī || 10||

कलावती रासरक्ता रम्याकृतिरुदारधीः ।गोविन्दाङ्कासनासीना गोविन्दाश्लेषनिर्वृता ॥ ११॥

kalāvatī rāsaraktā ramyākṛtirudāradhīḥ |govindāṅkāsanāsīnā govindāśleṣanirvṛtā || 11||

विलासिनी विशालाक्षी मदिराक्षी मदालसा ।तन्वी तनूदरी सुभ्रूः सुमुखी सुदती सुवाक् ॥ १२॥

vilāsinī viśālākṣī madirākṣī madālasā |tanvī tanūdarī subhrūḥ sumukhī sudatī suvāk || 12||

सुकुमारी सुखखनिः सुतनुः सुज्ञसश्नुताता ।सुकेशी सुप्रभा सुज्ञा सुमासीरप्रजावती ॥ १३॥

sukumārī sukhakhaniḥ sutanuḥ sujñasaśnutātā |sukeśī suprabhā sujñā sumāsīraprajāvatī || 13||

सुवर्णवर्णा सुमतिः सुमनोलङ्कृताकृतिः ।कुञ्जगा कुञ्जरगतिः कुन्ददामविभूषिता ॥ १४॥

suvarṇavarṇā sumatiḥ sumanolaṅkṛtākṛtiḥ |kuñjagā kuñjaragatiḥ kundadāmavibhūṣitā || 14||

कुम्भस्तनी कुङ्कुमाभा कुन्तलालिजितालिनी ।वेणुनादहतस्वान्ता कान्तकान्तिः कलध्वनिः ॥ १५॥

kumbhastanī kuṅkumābhā kuntalālijitālinī |veṇunādahatasvāntā kāntakāntiḥ kaladhvaniḥ || 15||

कान्तकल्पितकल्पद्रुमसूनानल्पप्रगा (?) ।कर्णपूरीकृतप्रेष्ठप्रेमार्पितशिखिच्छदा ॥ १६॥

kāntakalpitakalpadrumasūnānalpapragā (?) |karṇapūrīkṛtapreṣṭhapremārpitaśikhicchadā || 16||

वंशतीष्टार्वंशभूषा हंसगद्गदभाषिणी ।श्रीराऽभिसारिका नैकयुक्तवेषा प्रियंवदा ॥ १७॥

vaṃśatīṣṭārvaṃśabhūṣā haṃsagadgadabhāṣiṇī |śrīrā'bhisārikā naikayuktaveṣā priyaṃvadā || 17||

समयज्ञा पुण्यशीला वेदज्ञा वन्द्यवन्दिता ।सुरङ्गनागीतकेलिर्गुणाढ्या गणिसङ्गता ॥ १८॥

samayajñā puṇyaśīlā vedajñā vandyavanditā |suraṅganāgītakelirguṇāḍhyā gaṇisaṅgatā || 18||

गन्धर्वगीतचरिता मेनकाद्यप्सरःस्तुता ।सर्वशीकृतसरकारा घृताचीरचिताञ्जलिः ॥ १९॥

gandharvagītacaritā menakādyapsaraḥstutā |sarvaśīkṛtasarakārā ghṛtācīracitāñjaliḥ || 19||

रम्भासंवीजितापादपद्मप्रह्ला तिलोत्तमा ।मिस्सिन्ग्गोपीश्वरी गोपलक्षमीर्गोमती गोकुलोद्भवा ।कृष्णचेतोहरा कृष्णसहगानधुरन्धरा ॥ २४॥

rambhāsaṃvījitāpādapadmaprahlā tilottamā |missinggopīśvarī gopalakṣamīrgomatī gokulodbhavā |kṛṣṇacetoharā kṛṣṇasahagānadhurandharā || 24||

कृष्णस्कन्धार्पितभुजा कृष्णास्थनिहितेक्षणा ।कृष्णाननात्तताम्बूला कृष्णाश्लेषनिमीलिता ॥ २५॥

kṛṣṇaskandhārpitabhujā kṛṣṇāsthanihitekṣaṇā |kṛṣṇānanāttatāmbūlā kṛṣṇāśleṣanimīlitā || 25||

कृष्णस्तुता कृष्णहृता कृष्णचित्तप्रमाथिनी ।कृष्णानुकारकुशला कृष्णप्राणेश्वरीश्वरी ॥ २६॥

kṛṣṇastutā kṛṣṇahṛtā kṛṣṇacittapramāthinī |kṛṣṇānukārakuśalā kṛṣṇaprāṇeśvarīśvarī || 26||

रत्युत्तमा रतीशाक्षी रसश्रेष्ठैकमानसा ।रात्रीशरश्मिधवला धवलाम्बरधारिणी ॥ २७॥

ratyuttamā ratīśākṣī rasaśreṣṭhaikamānasā |rātrīśaraśmidhavalā dhavalāmbaradhāriṇī || 27||

तमिस्रदीपिकाकान्तिस्तारुण्यामृतनिम्नगा ।कात्यायन्यर्चनपरा कृष्णेभालानदृक्छटा ॥ २८॥

tamisradīpikākāntistāruṇyāmṛtanimnagā |kātyāyanyarcanaparā kṛṣṇebhālānadṛkchaṭā || 28||

गम्भीरनाभिर्गम्भीरभावा गम्भीरभाषणा ।कृष्णप्रसाधिता कृष्णहस्तलब्धविशेषका ॥ २९॥

gambhīranābhirgambhīrabhāvā gambhīrabhāṣaṇā |kṛṣṇaprasādhitā kṛṣṇahastalabdhaviśeṣakā || 29||

स्तनभारनमन्मध्या नखदन्तक्षताञ्चिता ।प्रेमक्रीताच्युता प्राज्यप्रीतपीताम्बरप्रभुः ॥ ३०॥

stanabhāranamanmadhyā nakhadantakṣatāñcitā |premakrītācyutā prājyaprītapītāmbaraprabhuḥ || 30||

पक्ष्मलाक्षी पनपत्रव्यजनानिलसेविनी ।पुरुषायितसम्प्रीतप्रियाकृष्टमनोघना ॥ ३१॥

pakṣmalākṣī panapatravyajanānilasevinī |puruṣāyitasamprītapriyākṛṣṭamanoghanā || 31||

विहारिणी विशदधीर्विश्ववाहृविनोदिनी ।वीक्षाविध्वस्तस्वविपद् विष्णुसाक्षाकृतिप्रवा ॥ ३२॥

vihāriṇī viśadadhīrviśvavāhṛvinodinī |vīkṣāvidhvastasvavipad viṣṇusākṣākṛtipravā || 32||

दीर्घदृष्टिदग्धदासदैन्या विश्वस्तवत्सला ।धर्मलभ्या धैर्यदात्री धुतारिर्धूपितालका ॥ ३३॥

dīrghadṛṣṭidagdhadāsadainyā viśvastavatsalā |dharmalabhyā dhairyadātrī dhutārirdhūpitālakā || 33||

फणीन्द्रतल्पा फलिता स्फारभा स्फटिकद्विजा ।यज्ञसिद्धिर्यशोराशिर्यतिसेव्या यमाधिदा ॥ ३४॥

phaṇīndratalpā phalitā sphārabhā sphaṭikadvijā |yajñasiddhiryaśorāśiryatisevyā yamādhidā || 34||

यतीष्टदा यत्नदृश्य योगिध्येयाऽथ नाजिता(?) ।यदुनन्दनयत्नात्ता ॥।पतिगमीरहृत् ॥ ३५॥

yatīṣṭadā yatnadṛśya yogidhyeyā'tha nājitā(?) |yadunandanayatnāttā |||patigamīrahṛt || 35||

मोहहन्त्री मोहदात्री मोमासाविञ्युपासिता ।मोहिनी मोचितासङ्ख्या मोघाहितमनोरथा ॥ ३६॥

mohahantrī mohadātrī momāsāviñyupāsitā |mohinī mocitāsaṅkhyā moghāhitamanorathā || 36||

उरुक्रमानतिक्रान्तमानोर्व्युन्नतमस्तका ।उद्योगिन्युद्धतापाङ्गच्छटोपद्रवनाशिनी ॥ ३७॥

urukramānatikrāntamānorvyunnatamastakā |udyoginyuddhatāpāṅgacchaṭopadravanāśinī || 37||

उद्दामरूपसम्पत्तिरुल्लसन्मणिमेखला ।उत्कणश्रीरुदात्तर्धिरुपस्थितमहोदया ॥ ३८॥

uddāmarūpasampattirullasanmaṇimekhalā |utkaṇaśrīrudāttardhirupasthitamahodayā || 38||

उदारोदाहृतकथा प्रशस्तिरुचितोचिता ।हर्यक्षमध्या हरिणीप्रेक्षणा हीरमण्डना ॥ ३९॥

udārodāhṛtakathā praśastirucitocitā |haryakṣamadhyā hariṇīprekṣaṇā hīramaṇḍanā || 39||

हेलानिर्जितदिव्वस्त्रीहेमतालफलस्तनी ।कृष्णहृस्पञ्जरशुकी कृष्णमेघशतह्रदा ॥ ४०॥

helānirjitadivvastrīhematālaphalastanī |kṛṣṇahṛspañjaraśukī kṛṣṇameghaśatahradā || 40||

कृष्णचेतोङ्गणनटी कृष्णसत्तरुसल्लता ।कृष्णलोचनकर्पूरशलाकायितविग्रहा ॥ ४१॥

kṛṣṇacetoṅgaṇanaṭī kṛṣṇasattarusallatā |kṛṣṇalocanakarpūraśalākāyitavigrahā || 41||

श्रीकृष्णशशभृज्ज्योत्स्ना श्रीकृष्णद्युमणियुतिः ।श्रीकृष्णब्रह्मसावित्री श्रीकृष्णेश्वरपार्वती ॥ ४२॥

śrīkṛṣṇaśaśabhṛjjyotsnā śrīkṛṣṇadyumaṇiyutiḥ |śrīkṛṣṇabrahmasāvitrī śrīkṛṣṇeśvarapārvatī || 42||

श्रीकृष्णाब्धिमहासिन्धुः श्रीकृष्णाम्नायसत्क्रिया ।श्रीकृष्णहिमभृन्मेना श्रीकृष्णैरावणाभ्रमुः ॥ ४३॥

śrīkṛṣṇābdhimahāsindhuḥ śrīkṛṣṇāmnāyasatkriyā |śrīkṛṣṇahimabhṛnmenā śrīkṛṣṇairāvaṇābhramuḥ || 43||

श्रीकृष्णदेवेन्द्रशची कृष्णश्रीरामजानकी ।श्रीकृष्णशूरासिलता श्रीकृष्णब्राह्मणश्रुतिः ॥ ४४॥

śrīkṛṣṇadevendraśacī kṛṣṇaśrīrāmajānakī |śrīkṛṣṇaśūrāsilatā śrīkṛṣṇabrāhmaṇaśrutiḥ || 44||

कृष्णहृच्चातकप्रावृट् कृष्णबर्ह्यभ्रमालिका ।गोविन्दचक्षुस्तृषितचकोरस्मितचन्द्रिका ॥ ४५॥

kṛṣṇahṛccātakaprāvṛṭ kṛṣṇabarhyabhramālikā |govindacakṣustṛṣitacakorasmitacandrikā || 45||

पुण्यश्लोकप्रणयिनी परमात्मप्रलोभिनी ।शारदिदुव्रीडदास्या शारदातिविशारदा ॥ ४६॥

puṇyaślokapraṇayinī paramātmapralobhinī |śāradiduvrīḍadāsyā śāradātiviśāradā || 46||

शृङ्गारसिन्धुलहरी शृङ्गारारण्यसिंहिका ।शृङ्गारेन्दुशरद्राका शृङ्गाराभ्युदयोद्भवा ॥ ४७॥

śṛṅgārasindhulaharī śṛṅgārāraṇyasiṃhikā |śṛṅgārenduśaradrākā śṛṅgārābhyudayodbhavā || 47||

असङ्ख्यपीतोर्वरिताऽनन्तपुण्यकथासुधा ।अनादिनिधना द्योत्या छद्मबल्लवदारिका ॥ ४८॥

asaṅkhyapītorvaritā'nantapuṇyakathāsudhā |anādinidhanā dyotyā chadmaballavadārikā || 48||

शाश्वन्निःसीमसौभाग्या शश्वद्भरविदञ्चिता ।निरन्तरानन्दपूर्णा निरन्तरनवस्तुतिः ॥ ४९॥

śāśvanniḥsīmasaubhāgyā śaśvadbharavidañcitā |nirantarānandapūrṇā nirantaranavastutiḥ || 49||

प्रहर्षिणीरोमराजित्रिवलीललितोदरी ।जारस्त्वहरजारत्वा जगत्पावनपावनी ॥ ५०॥

praharṣiṇīromarājitrivalīlalitodarī |jārastvaharajāratvā jagatpāvanapāvanī || 50||

लीलानरानन्तशक्तिर्लीलाकैवल्यजारिणी ।योषिल्ललाम श्रीमूर्तिः सर्वरामादिनायिका ॥ ५१॥

līlānarānantaśaktirlīlākaivalyajāriṇī |yoṣillalāma śrīmūrtiḥ sarvarāmādināyikā || 51||

सर्वभावविभावानुभावसात्विकभावभूः ।मणिमालामुद्रितादिपुंशिरोमण्युरस्थला ॥ ५२॥

sarvabhāvavibhāvānubhāvasātvikabhāvabhūḥ |maṇimālāmudritādipuṃśiromaṇyurasthalā || 52||

स्वमुखाम्बुजसौरभ्यलुब्धभृंङ्गात्तसाध्वसा ।दूतीकृतभ्रमद्भृङ्गदुःखदावदवस्मृतिः ॥ ५३॥

svamukhāmbujasaurabhyalubdhabhṛṃṅgāttasādhvasā |dūtīkṛtabhramadbhṛṅgaduḥkhadāvadavasmṛtiḥ || 53||

दुग्धफेनमृदुस्वच्छशय्यातलविहारिणी ।स्वाङ्गरागसुगन्धार्ककन्याजलविहारिणी ॥ ५४॥

dugdhaphenamṛdusvacchaśayyātalavihāriṇī |svāṅgarāgasugandhārkakanyājalavihāriṇī || 54||

स्वभावभव्यसौरभ्या सहजद्युत्यलङ्कृता ।अशिक्षितातिचातुर्या वञ्चनाञ्जितलोचना ॥ ५५॥

svabhāvabhavyasaurabhyā sahajadyutyalaṅkṛtā |aśikṣitāticāturyā vañcanāñjitalocanā || 55||

दामोदरोरःशयना कृष्णबाहूपधानका ।कृष्णोत्तरीयव्यजना कृष्णाङ्घ्रिनखदर्पणा ॥ ५६॥

dāmodaroraḥśayanā kṛṣṇabāhūpadhānakā |kṛṣṇottarīyavyajanā kṛṣṇāṅghrinakhadarpaṇā || 56||

श्रुतिस्तुतस्तुतगुणा ज्ञातिमानितमानिता ।योगिध्येयध्येयमूर्तिर्विश्वपूजितपूजिता ॥ ५७॥

śrutistutastutaguṇā jñātimānitamānitā |yogidhyeyadhyeyamūrtirviśvapūjitapūjitā || 57||

वृत्तोन्मतारक्तनखा विद्योतन्मणिमुद्रिका ।महाविभूतिमानार्हा महती मन्मथारणिः ॥ ५८॥

vṛttonmatāraktanakhā vidyotanmaṇimudrikā |mahāvibhūtimānārhā mahatī manmathāraṇiḥ || 58||

राजरामा रतिश्वश्रूर्गुर्वी कृष्णाम्रकोकिला ।नित्यप्राप्तासङ्गसङ्गा निरातङ्का निरञ्जना ॥ ५९॥

rājarāmā ratiśvaśrūrgurvī kṛṣṇāmrakokilā |nityaprāptāsaṅgasaṅgā nirātaṅkā nirañjanā || 59||

निर्निमेषा निर्विशेषा निरीहार्चा निरामया ।सिन्दूरगर्भसीमन्ता सिन्दूरतिलकालिका ॥ ६०॥

nirnimeṣā nirviśeṣā nirīhārcā nirāmayā |sindūragarbhasīmantā sindūratilakālikā || 60||

सीमन्तिनी सृष्टिसीमा+सीतिक्रान्तवैभवा (?) ।भामिनी शालिनी श्यामा मेघश्यामा तिलालसा ॥ ६१॥

sīmantinī sṛṣṭisīmā+sītikrāntavaibhavā (?) |bhāminī śālinī śyāmā meghaśyāmā tilālasā || 61||

महामण्यङ्गदभुजा मणिकाञ्चनकङ्कणा ।अमृतस्राविताटङ्का मुक्ताचोला सुवासिनी ॥ ६२॥

mahāmaṇyaṅgadabhujā maṇikāñcanakaṅkaṇā |amṛtasrāvitāṭaṅkā muktācolā suvāsinī || 62||

वरारोहेभनासोरुर्नतभ्रूर्मत्तकाशिनी ।नित्यानन्दस्वरूपानुभूतिर्भूतिलकायिता ॥ ६३॥

varārohebhanāsorurnatabhrūrmattakāśinī |nityānandasvarūpānubhūtirbhūtilakāyitā || 63||

कृष्णकर्णामृतोदन्ता कृष्णनेत्रालिपद्मिनी ।हातश्रीकृष्णरमिता यमितापघ्नकीर्तमा ॥ ६४॥

kṛṣṇakarṇāmṛtodantā kṛṣṇanetrālipadminī |hātaśrīkṛṣṇaramitā yamitāpaghnakīrtamā || 64||

देदीप्यमाना दुर्दैवदुर्लभस्मृतिवन्दना ।दयमानमना दासत्रासनाशधृतव्रता ॥ ६५॥

dedīpyamānā durdaivadurlabhasmṛtivandanā |dayamānamanā dāsatrāsanāśadhṛtavratā || 65||

भक्तेक्षणक्षणप्राल्पप्राणप्रियतमास्मृतिः ।अनन्यभक्तसर्वस्वा निजभक्ताभिमानिनी ॥ ६६॥

bhaktekṣaṇakṣaṇaprālpaprāṇapriyatamāsmṛtiḥ |ananyabhaktasarvasvā nijabhaktābhimāninī || 66||

भुक्तिमुक्तिप्रदपदा भुजपाशसिताच्युता ।नेत्राधरप्रभागुञ्जीभूतनासाग्रमौक्तिका ॥ ६७॥

bhuktimuktipradapadā bhujapāśasitācyutā |netrādharaprabhāguñjībhūtanāsāgramauktikā || 67||

निरीहेहाकरीरम्भरीतिरीश्वररीतिभृत् ।शुद्धसत्वोत्कर्षवती सर्वसात्विकसन्नुता ॥ ६८॥

nirīhehākarīrambharītirīśvararītibhṛt |śuddhasatvotkarṣavatī sarvasātvikasannutā || 68||

ब्रह्माण्डमण्डपस्तम्भस्तम्भना सकलेक्षणा ।वंशीनिनादश्रवणक्षणत्यक्ताशनालया ॥ ६९॥

brahmāṇḍamaṇḍapastambhastambhanā sakalekṣaṇā |vaṃśīninādaśravaṇakṣaṇatyaktāśanālayā || 69||

मुरलीनादजीवातुर्मुरलीध्वनिनिस्रपा ।सायंवेणुरवप्रीता प्रातर्वेणुरवाकुला ॥ ७०॥

muralīnādajīvāturmuralīdhvaninisrapā |sāyaṃveṇuravaprītā prātarveṇuravākulā || 70||

दिवावंशीकथानीतयुगयामचर्तुदया ।कृष्णचुम्बितवंशीर्ष्या वंशीकुत्साकृतादरा ॥ ७१॥

divāvaṃśīkathānītayugayāmacartudayā |kṛṣṇacumbitavaṃśīrṣyā vaṃśīkutsākṛtādarā || 71||

वंशीसपत्नी वंश्याप्तमहाभाग्योत्सवासहा ।वंश्यायत्तप्रियप्राप्तिर्वंशीदूतीप्रबोधिता ॥ ७२॥

vaṃśīsapatnī vaṃśyāptamahābhāgyotsavāsahā |vaṃśyāyattapriyaprāptirvaṃśīdūtīprabodhitā || 72||

वंशीसखीसमाहूता वंशीज्वरहरौषधिः ।वंशीनादनिरस्ताधिर्वंशीलज्जासरित्तारिः ॥ ७३॥

vaṃśīsakhīsamāhūtā vaṃśījvaraharauṣadhiḥ |vaṃśīnādanirastādhirvaṃśīlajjāsarittāriḥ || 73||

वनमालिपरिष्वङ्गाऽज्ञातनिर्गतयामिनी ।भगवद्विरहाऽशीतरश्मीभूतसुधाकरा ॥ ७४॥

vanamālipariṣvaṅgā'jñātanirgatayāminī |bhagavadvirahā'śītaraśmībhūtasudhākarā || 74||

भीमसमागमानन्दचन्द्रीभूतदिवाकरा ।भगवरसङ्गमोत्कर्षपल्लवीकृतबल्लवी ॥ ७५॥

bhīmasamāgamānandacandrībhūtadivākarā |bhagavarasaṅgamotkarṣapallavīkṛtaballavī || 75||

मृद्धङ्गी नागनासोरुः कुञ्जारण्याधिदेवता ।गुञ्जद्भृङ्घनध्वान्सपुञ्जकुञ्जमहर्षिणी ॥ ७६॥

mṛddhaṅgī nāganāsoruḥ kuñjāraṇyādhidevatā |guñjadbhṛṅghanadhvānsapuñjakuñjamaharṣiṇī || 76||

वैकुण्ठीकृतकालिन्दीतटारण्यलतागृहा ।निकुञ्जबन्धुः सर्वाङ्गमञ्जुला वञ्जुलालया ॥ ७७॥

vaikuṇṭhīkṛtakālindītaṭāraṇyalatāgṛhā |nikuñjabandhuḥ sarvāṅgamañjulā vañjulālayā || 77||

वर्शवदरमारङ्गा गङ्गाच्छागुणगर्विता ।कीरनासा चक्रवाकस्तनी खञ्जनलोचना ॥ ७८॥

varśavadaramāraṅgā gaṅgācchāguṇagarvitā |kīranāsā cakravākastanī khañjanalocanā || 78||

जपाप्रसूनरसना विद्रुमाधरपल्लवा ।ग्रीष्मकालहिमस्पर्शा हिमकालोष्णविग्रहा ॥ ७९॥

japāprasūnarasanā vidrumādharapallavā |grīṣmakālahimasparśā himakāloṣṇavigrahā || 79||

दामोदरकरस्पर्शश्लथनीविः स्खलद्गतिः ।श्लक्ष्णदृष्टिदृडस्नेहा दुग्धमुग्धस्मिताधरा ॥ ८०॥

dāmodarakarasparśaślathanīviḥ skhaladgatiḥ |ślakṣṇadṛṣṭidṛḍasnehā dugdhamugdhasmitādharā || 80||

भक्तप्रेमद्रवच्चित्ता भगवद्भक्तिजीवना ।गोविन्दसख्यप्रख्याता दामोदरमणिप्रभा ॥ ८१॥

bhaktapremadravaccittā bhagavadbhaktijīvanā |govindasakhyaprakhyātā dāmodaramaṇiprabhā || 81||

कृष्णलक्ष्मीभ्रमकरीगोपालफणभृन्मणिः ।कृष्णबद्धोल्लसद्वेणी केशवाक्ष्यर्षिताञ्जना ॥ ८२॥

kṛṣṇalakṣmībhramakarīgopālaphaṇabhṛnmaṇiḥ |kṛṣṇabaddhollasadveṇī keśavākṣyarṣitāñjanā || 82||

कृष्णारचितपत्रालिः कृष्णदत्ताङ्घ्रियावका ।कृष्णोत्तरीयव्यजना कृष्णोत्सङ्गवरासना ॥ ८३॥

kṛṣṇāracitapatrāliḥ kṛṣṇadattāṅghriyāvakā |kṛṣṇottarīyavyajanā kṛṣṇotsaṅgavarāsanā || 83||

भगवत्कौस्तुभादर्शा गोविन्दाधरकज्जला ।मानग्रहनमत्कृष्णालिकलग्नाङ्घ्रियावका ॥ ८४॥

bhagavatkaustubhādarśā govindādharakajjalā |mānagrahanamatkṛṣṇālikalagnāṅghriyāvakā || 84||

कृष्णानिमिषदृक्पीतवदनाम्बुरुहासवा ।पूर्णकाममनःकाम्या स्वात्माराममनोरमा ॥ ८५॥

kṛṣṇānimiṣadṛkpītavadanāmburuhāsavā |pūrṇakāmamanaḥkāmyā svātmārāmamanoramā || 85||

सदातृप्तसदारब्धकेलिर्नित्यहरीहिता ।गुहगम्या गुणातीता सद्गुणप्रतिपादिनी ॥ ८६॥

sadātṛptasadārabdhakelirnityaharīhitā |guhagamyā guṇātītā sadguṇapratipādinī || 86||

चुम्बनोत्कप्रियस्पृष्टचिबुका चपलेक्षणा ।कृष्णमार्जितरत्यन्तमर्मबिन्दुभृदानना ॥ ८७॥

cumbanotkapriyaspṛṣṭacibukā capalekṣaṇā |kṛṣṇamārjitaratyantamarmabindubhṛdānanā || 87||

श्रीकान्तस्य पदन्यस्तक्रीडा बिस्रस्तभूषणा ।श्रियपादाम्बुजापास्तविन्यस्तमणिनूपुरा ॥ ८८॥

śrīkāntasya padanyastakrīḍā bisrastabhūṣaṇā |śriyapādāmbujāpāstavinyastamaṇinūpurā || 88||

कृष्णार्पितस्वङ्गरागा कृष्णबद्धनगम्बरा ।प्रसाधकप्रेष्ठदत्तरसाज्ञापारितोषिका ॥ ८९॥

kṛṣṇārpitasvaṅgarāgā kṛṣṇabaddhanagambarā |prasādhakapreṣṭhadattarasājñāpāritoṣikā || 89||

दन्तकान्तिजितज्योत्स्ना सुधोत्तमरसाधरा ।स्वपादपद्मसौभाग्यजितसौगन्धिकाम्बुजा ॥ ९०॥

dantakāntijitajyotsnā sudhottamarasādharā |svapādapadmasaubhāgyajitasaugandhikāmbujā || 90||

कल्पद्रुपल्लवानल्पस्मयघ्नकरपल्लवा ।वाङ्मूकीकृतगर्वाढ्यशारदाशुकसारिका ॥ ९१॥

kalpadrupallavānalpasmayaghnakarapallavā |vāṅmūkīkṛtagarvāḍhyaśāradāśukasārikā || 91||

कृष्णच्छायासहचरी कृष्णदृष्ट्यास्पदानना ।यज्ञपत्नी पूज्यचित्रानन्दसर्वस्वरक्षिणी ॥ ९२॥

kṛṣṇacchāyāsahacarī kṛṣṇadṛṣṭyāspadānanā |yajñapatnī pūjyacitrānandasarvasvarakṣiṇī || 92||

पुत्ररञ्जनसम्प्रीतयशोदाविहितादरा ।व्रजेश्वरार्पितापत्यनिर्विशेषाङ्कसंस्थितिः ॥ ९३॥

putrarañjanasamprītayaśodāvihitādarā |vrajeśvarārpitāpatyanirviśeṣāṅkasaṃsthitiḥ || 93||

कृष्णास्यार्पितसंयावा राजगोपालभोजिता ।प्रीतिपीतप्रीतपीतचेलेषत्पीतपायसा ॥ ९४॥

kṛṣṇāsyārpitasaṃyāvā rājagopālabhojitā |prītipītaprītapītaceleṣatpītapāyasā || 94||

कृष्णार्पितस्वनेपथ्या कृष्णनेपथ्यधारिणी ।?? अपूर्णाइति श्रीरामनन्दनमयूरेश्वरकृता श्रीराधानामावलिः समाप्ता ।\* इयनामावलिः कविलिखिता चासम्पूर्णा चोपलभ्यते । नामाप्यस्या आवत्या अस्माभिरेव विषयमवलोच्य प्रकल्पितम् । बहुषु स्थलेष्वस्या मातृका यन्त्रादिसाहाय्येनापि नावगन्तुं शक्येति तत्र दुरूह एवार्थः । इतरत्र तु सुगम एव नाम्नामर्थ इत्युपेक्ष्य व्याख्यानम् ।

kṛṣṇārpitasvanepathyā kṛṣṇanepathyadhāriṇī |?? apūrṇāiti śrīrāmanandanamayūreśvarakṛtā śrīrādhānāmāvaliḥ samāptā |\* iyanāmāvaliḥ kavilikhitā cāsampūrṇā copalabhyate | nāmāpyasyā āvatyā asmābhireva viṣayamavalocya prakalpitam | bahuṣu sthaleṣvasyā mātṛkā yantrādisāhāyyenāpi nāvagantuṃ śakyeti tatra durūha evārthaḥ | itaratra tu sugama eva nāmnāmartha ityupekṣya vyākhyānam |