सूर्याष्टोत्तरशतनामस्तोत्रम् ३ Suryashtottarashatanamastotra by vishvakarma

भरद्वाज उवाचयैः स्तुतो नामभिस्तेन सविता विश्वकर्मणा ।तान्यहं श्रोतुमिच्छामि वद सूत विवस्वतः ॥ १॥

bharadvāja uvācayaiḥ stuto nāmabhistena savitā viśvakarmaṇā |tānyahaṃ śrotumicchāmi vada sūta vivasvataḥ || 1||

सूत उवाचतानि मे शृणु नामानि यैः स्तुतो विश्वकर्मणा ।सविता तानि वक्ष्यामि सर्वपापहराणि ते ॥ २॥

sūta uvācatāni me śṛṇu nāmāni yaiḥ stuto viśvakarmaṇā |savitā tāni vakṣyāmi sarvapāpaharāṇi te || 2||

आदित्यः सविता सूर्यः खगः पूषा गभस्तिमान् ।तिमिरोन्मथनः शम्भुस्त्वष्टा मार्तण्ड आशुगः ॥ ३॥

ādityaḥ savitā sūryaḥ khagaḥ pūṣā gabhastimān |timironmathanaḥ śambhustvaṣṭā mārtaṇḍa āśugaḥ || 3||

हिरण्यगर्भः कपिलस्तपनो भास्करो रविः ।अग्निगर्भोऽदितेः पुत्रः शम्भुस्तिमिरनाशनः ॥ ४॥

hiraṇyagarbhaḥ kapilastapano bhāskaro raviḥ |agnigarbho'diteḥ putraḥ śambhustimiranāśanaḥ || 4||

अंशुमानंशुमाली च तमोघ्नस्तेजसां निधिः ।आतपी मण्डली मृत्युः कपिलः सर्वतापनः ॥ ५॥

aṃśumānaṃśumālī ca tamoghnastejasāṃ nidhiḥ |ātapī maṇḍalī mṛtyuḥ kapilaḥ sarvatāpanaḥ || 5||

हरिर्विश्वो महातेजाः सर्वरत्नप्रभाकरः ।अंशुमाली तिमिरहा ऋग्यजुस्सामभावितः ॥ ६॥

harirviśvo mahātejāḥ sarvaratnaprabhākaraḥ |aṃśumālī timirahā ṛgyajussāmabhāvitaḥ || 6||

प्राणाविष्करणो मित्रः सुप्रदीपो मनोजवः ।यज्ञेशो गोपतिः श्रीमान् भूतज्ञः क्लेशनाशनः ॥ ७॥

prāṇāviṣkaraṇo mitraḥ supradīpo manojavaḥ |yajñeśo gopatiḥ śrīmān bhūtajñaḥ kleśanāśanaḥ || 7||

अमित्रहा शिवो हंसो नायकः प्रियदर्शनः ।शुद्धो विरोचनः केशी सहस्रांशुः प्रतर्दनः ॥ ८॥

amitrahā śivo haṃso nāyakaḥ priyadarśanaḥ |śuddho virocanaḥ keśī sahasrāṃśuḥ pratardanaḥ || 8||

धर्मरश्मिः पतंगश्च विशालो विश्वसंस्तुतः ।दुर्विज्ञेयगतिः शूरस्तेजोराशिर्महायशाः ॥ ९॥

dharmaraśmiḥ pataṃgaśca viśālo viśvasaṃstutaḥ |durvijñeyagatiḥ śūrastejorāśirmahāyaśāḥ || 9||

भ्राजिष्णुर्ज्योतिषामीशो विजिष्णुर्विश्वभावनः ।प्रभविष्णुः प्रकाशात्मा ज्ञानराशिः प्रभाकरः ॥ १०॥

bhrājiṣṇurjyotiṣāmīśo vijiṣṇurviśvabhāvanaḥ |prabhaviṣṇuḥ prakāśātmā jñānarāśiḥ prabhākaraḥ || 10||

आदित्यो विश्वदृग् यज्ञकर्ता नेता यशस्करः ।विमलो वीर्यवानीशो योगज्ञो योगभावनः ॥ ११॥

ādityo viśvadṛg yajñakartā netā yaśaskaraḥ |vimalo vīryavānīśo yogajño yogabhāvanaḥ || 11||

अमृतात्मा शिवो नित्यो वरेण्यो वरदः प्रभुः ।धनदः प्राणदः श्रेष्ठः कामदः कामरूपधृक् ॥ १२॥

amṛtātmā śivo nityo vareṇyo varadaḥ prabhuḥ |dhanadaḥ prāṇadaḥ śreṣṭhaḥ kāmadaḥ kāmarūpadhṛk || 12||

तरणिः शाश्वतः शास्ता शास्त्रज्ञस्तपनः शयः ।वेदगर्भो विभुर्वीरः शान्तः सावित्रिवल्लभः ॥ १३॥

taraṇiḥ śāśvataḥ śāstā śāstrajñastapanaḥ śayaḥ |vedagarbho vibhurvīraḥ śāntaḥ sāvitrivallabhaḥ || 13||

ध्येयो विश्वेश्वरो भर्ता लोकनाथो महेश्वरः ।महेन्द्रो वरुणो धाता विष्णुरग्निर्दिवाकरः ॥ १४॥

dhyeyo viśveśvaro bhartā lokanātho maheśvaraḥ |mahendro varuṇo dhātā viṣṇuragnirdivākaraḥ || 14||

एतैस्तु नामभिः सूर्यः स्तुतस्तेन महात्मना ।उवाच विश्वकर्माणं प्रसन्नो भगवान् रविः ॥ १५॥

etaistu nāmabhiḥ sūryaḥ stutastena mahātmanā |uvāca viśvakarmāṇaṃ prasanno bhagavān raviḥ || 15||

भ्रमिमारोप्य मामत्र मण्डलं मम शातय ।त्वत्बुद्धिस्थं मया ज्ञातमेवमौष्ण्यं शमं व्रजेत् ॥ १६॥

bhramimāropya māmatra maṇḍalaṃ mama śātaya |tvatbuddhisthaṃ mayā jñātamevamauṣṇyaṃ śamaṃ vrajet || 16||

इत्युक्तो विश्वकर्मा च तथा स कृतवान् द्विज ।शान्तोष्णः सविता तस्य दुहितुर्विश्वकर्मणः ॥ १७॥

ityukto viśvakarmā ca tathā sa kṛtavān dvija |śāntoṣṇaḥ savitā tasya duhiturviśvakarmaṇaḥ || 17||

संज्ञायाश्चाभवद्विप्र भानुस्त्वष्टारमब्रवीत् ।त्वया यस्मात् स्तुतोऽहं वै नाम्नामष्टशतेन च ॥ १८॥

saṃjñāyāścābhavadvipra bhānustvaṣṭāramabravīt |tvayā yasmāt stuto'haṃ vai nāmnāmaṣṭaśatena ca || 18||

वरं वृणीष्व तस्मात् त्वं वरदोऽहं तवानघ ।इत्युक्तो भानुना सोऽथ विश्वकर्माब्रवीदिदम् ॥ १९॥

varaṃ vṛṇīṣva tasmāt tvaṃ varado'haṃ tavānagha |ityukto bhānunā so'tha viśvakarmābravīdidam || 19||

वरदो यदि मे देव वरमेतं प्रयच्छ मे ।एतैस्तु नामभिर्यस्त्वां नरः स्तोष्यति नित्यशः ॥ २०॥

varado yadi me deva varametaṃ prayaccha me |etaistu nāmabhiryastvāṃ naraḥ stoṣyati nityaśaḥ || 20||

तस्य पापक्षयं देव कुरु भक्तस्य भास्कर ॥ २१॥

tasya pāpakṣayaṃ deva kuru bhaktasya bhāskara || 21||

तेनैवमुक्तो दिनकृत् तथेतित्वष्टारमुक्त्वा विरराम भास्करः ।संज्ञां विशङ्कां रविमण्डलस्थितांकृत्वा जगामाथ रविं प्रसाद्य ॥ २२॥

tenaivamukto dinakṛt tathetitvaṣṭāramuktvā virarāma bhāskaraḥ |saṃjñāṃ viśaṅkāṃ ravimaṇḍalasthitāṃkṛtvā jagāmātha raviṃ prasādya || 22||

इति श्रीनरसिंहपुराणे एकोनविंशोऽध्यायः ॥ १९॥

iti śrīnarasiṃhapurāṇe ekonaviṃśo'dhyāyaḥ || 19||