ललितापुष्पाञ्जलिस्तोत्रम् Shrilalitapushpanjalistotram

॥ श्रीगणेशाय नमः ॥॥ श्रीललितात्रिपुरसुन्दर्यै नमः ॥ॐ समस्तमुनियक्षकिम्पुरुषसिद्धविद्याधरग्रहासुरसुराप्सरोगणमुखैर्गणैः सेविते\! ।निवृत्तितिलकाम्बराप्रकृतिशान्तिविद्याकलाकलापमधुराकृते कलित एष पुष्पाञ्जलिः ॥ १॥

|| śrīgaṇeśāya namaḥ |||| śrīlalitātripurasundaryai namaḥ ||oṃ samastamuniyakṣakimpuruṣasiddhavidyādharagrahāsurasurāpsarogaṇamukhairgaṇaiḥ sevite\! |nivṛttitilakāmbarāprakṛtiśāntividyākalākalāpamadhurākṛte kalita eṣa puṣpāñjaliḥ || 1||

त्रिवेदकृतविग्रहे\, त्रिविधकृत्यसन्धायिनि\,त्रिरूपसमवायिनि त्रिपुरमार्गसञ्चारिणि\! ।त्रिलोचनकुटुम्बिनि त्रिगुणसंविदुद्युत्पदेत्रयि\, त्रिपुरसुन्दरि\, त्रिजगदीशि\! पुष्पाञ्जलिः ॥ २॥

trivedakṛtavigrahe\, trividhakṛtyasandhāyini\,trirūpasamavāyini tripuramārgasañcāriṇi\! |trilocanakuṭumbini triguṇasaṃvidudyutpadetrayi\, tripurasundari\, trijagadīśi\! puṣpāñjaliḥ || 2||

पुरन्दरजलाधिपान्तककुबेररक्षोहरप्रभञ्जनधनञ्जयप्रभृतिवन्दनानन्दिते\! ।प्रवालपदपीठीकानिकटनित्यवर्तिस्वभूविरिञ्चिविहितस्तुते\! विहित एष पुष्पाञ्जलिः ॥ ३॥

purandarajalādhipāntakakuberarakṣoharaprabhañjanadhanañjayaprabhṛtivandanānandite\! |pravālapadapīṭhīkānikaṭanityavartisvabhūviriñcivihitastute\! vihita eṣa puṣpāñjaliḥ || 3||

यदानतिबलादहङ्कृतिरुदेति विद्यावयस्तपोद्रविणरूपसौरभकवित्वसंविन्मयि\! ।जरामरणजन्मजं भयमुपैति तस्यै समाखिलसमीहितप्रसवभूमि\! तुभ्यं नमः ॥ ४॥

yadānatibalādahaṅkṛtirudeti vidyāvayastapodraviṇarūpasaurabhakavitvasaṃvinmayi\! |jarāmaraṇajanmajaṃ bhayamupaiti tasyai samākhilasamīhitaprasavabhūmi\! tubhyaṃ namaḥ || 4||

निरावरणसंविदुद्भ्रमपरास्तभेदोल्लसत्परात्परचिदेकतावरशरीरिणि\, स्वैरिणि\! ।रसायनतरङ्गिणीरुचितरङ्गसञ्चारिणि\!\,प्रकामपरिपूरिणि\! प्रकृत एष पुष्पाञ्जलिः ॥ ५॥

nirāvaraṇasaṃvidudbhramaparāstabhedollasatparātparacidekatāvaraśarīriṇi\, svairiṇi\! |rasāyanataraṅgiṇīrucitaraṅgasañcāriṇi\!\,prakāmaparipūriṇi\! prakṛta eṣa puṣpāñjaliḥ || 5||

तरङ्गयति सम्पदं तदनुसंहरत्यापदंसुखं वितरति श्रियं परिचिनोति हन्ति द्विषः ।क्षिणोति दुरितानि यत् प्रणतिरम्ब\! तस्यै सदाशिवङ्करि\! शिवे पदे\, शिवपुरन्ध्रि तुभ्यं नमः ॥ ६॥

taraṅgayati sampadaṃ tadanusaṃharatyāpadaṃsukhaṃ vitarati śriyaṃ paricinoti hanti dviṣaḥ |kṣiṇoti duritāni yat praṇatiramba\! tasyai sadāśivaṅkari\! śive pade\, śivapurandhri tubhyaṃ namaḥ || 6||

शिवे\, शिवसुशीतलामृततरङ्गगन्धोल्लसन्नवावरणदेवते\!\, नवनवामृतस्पन्दिनी\! ।गुरुक्रमपुरस्कृते\! गुणशरीरनित्योज्ज्वले\!षडङ्गपरिवारिते\! कलित एष पुष्पाञ्जलिः ॥ ७॥

śive\, śivasuśītalāmṛtataraṅgagandhollasannavāvaraṇadevate\!\, navanavāmṛtaspandinī\! |gurukramapuraskṛte\! guṇaśarīranityojjvale\!ṣaḍaṅgaparivārite\! kalita eṣa puṣpāñjaliḥ || 7||

त्वमेव जननी पिता त्वमथ बन्धवस्त्वं सखात्वमायुरपरा त्वमाभरणमात्मनस्त्वं कलाः ।त्वमेव वपुषः स्थितिस्त्वमखिला यतिस्त्वं गुरुःप्रसीद परमेश्वरि\! प्रणतपात्रि\, तुभ्यं नमः ॥ ८॥

tvameva jananī pitā tvamatha bandhavastvaṃ sakhātvamāyuraparā tvamābharaṇamātmanastvaṃ kalāḥ |tvameva vapuṣaḥ sthitistvamakhilā yatistvaṃ guruḥprasīda parameśvari\! praṇatapātri\, tubhyaṃ namaḥ || 8||

कञ्जासनादिसुरवृन्दलसत्किरीटकोटिप्रघर्षणसमुज्ज्वलदङ्घ्रिपीठे ।त्वामेव यामि शरणं विगतान्यभावं दीनं विलोकय यदार्द्रविलोकनेन ॥ ९॥

kañjāsanādisuravṛndalasatkirīṭakoṭipragharṣaṇasamujjvaladaṅghripīṭhe |tvāmeva yāmi śaraṇaṃ vigatānyabhāvaṃ dīnaṃ vilokaya yadārdravilokanena || 9||