ललिताष्टोत्तरशतनामदिव्यस्तोत्रम् Shrilalitashtottarashatanamadivyastotram

॥ श्रीः ॥॥ अथ श्रीललिताऽष्टोत्तरशतनामदिव्यस्तोत्रम् ॥शिवप्रियाशिवाराध्या शिवेष्टा शिवकोमला ।शिवोत्सवा शिवरसा शिवदिव्यशिखामणिः ॥ १॥

|| śrīḥ |||| atha śrīlalitā'ṣṭottaraśatanāmadivyastotram ||śivapriyāśivārādhyā śiveṣṭā śivakomalā |śivotsavā śivarasā śivadivyaśikhāmaṇiḥ || 1||

शिवपूर्णा शिवघना शिवस्था शिववल्लभा ।शिवाभिन्ना शिवार्धाङ्गी शिवाधीना शिवंकरी ॥ २॥

śivapūrṇā śivaghanā śivasthā śivavallabhā |śivābhinnā śivārdhāṅgī śivādhīnā śivaṃkarī || 2||

शिवनामजपासक्ता शिवसांनिध्यकारिणी ।शिवशक्तिः शिवाध्यक्षा शिवकामेश्वरी शिवा ॥ ३॥

śivanāmajapāsaktā śivasāṃnidhyakāriṇī |śivaśaktiḥ śivādhyakṣā śivakāmeśvarī śivā || 3||

शिवयोगीश्वरीदेवी शिवाज्ञावशवर्तिनी ।शिवविद्यातिनिपुणा शिवपञ्चाक्षरप्रिया ॥ ४॥

śivayogīśvarīdevī śivājñāvaśavartinī |śivavidyātinipuṇā śivapañcākṣarapriyā || 4||

शिवसौभाग्यसम्पन्ना शिवकैङ्कर्यकारिणी ।शिवाङ्कस्था शिवासक्ता शिवकैवल्यदायिनी ॥ ५॥

śivasaubhāgyasampannā śivakaiṅkaryakāriṇī |śivāṅkasthā śivāsaktā śivakaivalyadāyinī || 5||

शिवक्रीडा शिवनिधिः शिवाश्रयसमन्विता ।शिवलीला शिवकला शिवकान्ता शिवप्रदा ॥ ६॥

śivakrīḍā śivanidhiḥ śivāśrayasamanvitā |śivalīlā śivakalā śivakāntā śivapradā || 6||

शिवश्रीललितादेवी शिवस्य नयनामृता ।शिवचिन्तामणिपदा शिवस्य हृदयोज्ज्वला ॥ ७॥

śivaśrīlalitādevī śivasya nayanāmṛtā |śivacintāmaṇipadā śivasya hṛdayojjvalā || 7||

शिवोत्तमा शिवाकारा शिवकामप्रपूरिणी ।शिवलिङ्गार्चनपरा शिवालिङ्गनकौतुकी ॥ ८॥

śivottamā śivākārā śivakāmaprapūriṇī |śivaliṅgārcanaparā śivāliṅganakautukī || 8||

शिवालोकनसंतुष्टा शिवलोकनिवासिनी ।शिवकैलासनगरस्वामिनी शिवरञ्जिनी ॥ ९॥

śivālokanasaṃtuṣṭā śivalokanivāsinī |śivakailāsanagarasvāminī śivarañjinī || 9||

शिवस्याहोपुरुषिका शिवसंकल्पपूरका ।शिवसौन्दर्यसर्वाङ्गी शिवसौभाग्यदायिनी ॥ १०॥

śivasyāhopuruṣikā śivasaṃkalpapūrakā |śivasaundaryasarvāṅgī śivasaubhāgyadāyinī || 10||

शिवशब्दैकनिरता शिवध्यानपरायणा ।शिवभक्तैकसुलभा शिवभक्तजनप्रिया ॥ ११॥

śivaśabdaikaniratā śivadhyānaparāyaṇā |śivabhaktaikasulabhā śivabhaktajanapriyā || 11||

शिवानुग्रहसम्पूर्णा शिवानन्दरसार्णवा ।शिवप्रकाशसंतुष्टा शिवशैलकुमारिका ॥ १२॥

śivānugrahasampūrṇā śivānandarasārṇavā |śivaprakāśasaṃtuṣṭā śivaśailakumārikā || 12||

शिवास्यपङ्कजार्काभा शिवान्तःपुरवासिनी ।शिवजीवातुकलिका शिवपुण्यपरंपरा ॥ १३॥

śivāsyapaṅkajārkābhā śivāntaḥpuravāsinī |śivajīvātukalikā śivapuṇyaparaṃparā || 13||

शिवाक्षमालासंतृप्ता शिवनित्यमनोहरा ।शिवभक्तशिवज्ञानप्रदा शिवविलासिनी ॥ १४॥

śivākṣamālāsaṃtṛptā śivanityamanoharā |śivabhaktaśivajñānapradā śivavilāsinī || 14||

शिवसंमोहनकरी शिवसांराज्यशालिनी ।शिवसाक्षाद्ब्रह्मविद्या शिवताण्डवसाक्षिणी ॥ १५॥

śivasaṃmohanakarī śivasāṃrājyaśālinī |śivasākṣādbrahmavidyā śivatāṇḍavasākṣiṇī || 15||

शिवागमार्थतत्त्वज्ञा शिवमान्या शिवात्मिका ।शिवकार्यैकचतुरा शिवशास्त्रप्रवर्तका ॥ १६॥

śivāgamārthatattvajñā śivamānyā śivātmikā |śivakāryaikacaturā śivaśāstrapravartakā || 16||

शिवप्रसादजननी शिवस्य हितकारिणी ।शिवोज्ज्वला शिवज्योतिः शिवभोगसुखंकरी ॥ १७॥

śivaprasādajananī śivasya hitakāriṇī |śivojjvalā śivajyotiḥ śivabhogasukhaṃkarī || 17||

शिवस्य नित्यतरुणी शिवकल्पकवल्लरी ।शिवबिल्वार्चनकरी शिवभक्तार्तिभञ्जनी ॥ १८॥

śivasya nityataruṇī śivakalpakavallarī |śivabilvārcanakarī śivabhaktārtibhañjanī || 18||

शिवाक्षिकुमुदज्योत्स्ना शिवश्रीकरुणाकरा ।शिवानन्दसुधापूर्णा शिवभाग्याब्धिचन्द्रिका ॥ १९॥

śivākṣikumudajyotsnā śivaśrīkaruṇākarā |śivānandasudhāpūrṇā śivabhāgyābdhicandrikā || 19||

शिवशक्त्यैक्यललिता शिवक्रीडारसोज्ज्वला ।शिवप्रेममहारत्नकाठिन्यकलशस्तनी ॥ २०॥

śivaśaktyaikyalalitā śivakrīḍārasojjvalā |śivapremamahāratnakāṭhinyakalaśastanī || 20||

शिवलालितळाक्षार्द्रचरणांबुजकोमला ।शिवचित्तैकहरणव्यालोलघनवेणिका ॥ २१॥

śivalālitaḷākṣārdracaraṇāṃbujakomalā |śivacittaikaharaṇavyālolaghanaveṇikā || 21||

शिवाभीष्टप्रदानश्रीकल्पवल्लीकरांबुजा ।शिवेतरमहातापनिर्मूलामृतवर्षिणी ॥ २२॥

śivābhīṣṭapradānaśrīkalpavallīkarāṃbujā |śivetaramahātāpanirmūlāmṛtavarṣiṇī || 22||

शिवयोगीन्द्रदुर्वासमहिम्नस्तुतितोषिता ।शिवसम्पूर्णविमलज्ञानदुग्धाब्धिशायिनी ॥ २३॥

śivayogīndradurvāsamahimnastutitoṣitā |śivasampūrṇavimalajñānadugdhābdhiśāyinī || 23||

शिवभक्ताग्रगण्येशविष्णुब्रह्मेन्द्रवन्दिता ।शिवमायासमाक्रान्तमहिषासुरमर्दिनी ।शिवदत्तबलोन्मत्तशुम्भाद्यसुरनाशिनी ॥ २४॥

śivabhaktāgragaṇyeśaviṣṇubrahmendravanditā |śivamāyāsamākrāntamahiṣāsuramardinī |śivadattabalonmattaśumbhādyasuranāśinī || 24||

शिवद्विजार्भकस्तन्यज्ञानक्षीरप्रदायिनी ।शिवातिप्रियभक्तादिनन्दिभृङ्गिरिटिस्तुता ॥ २५॥

śivadvijārbhakastanyajñānakṣīrapradāyinī |śivātipriyabhaktādinandibhṛṅgiriṭistutā || 25||

शिवानलसमुद्भूतभस्मोद्धूलितविग्रहा ।शिवज्ञानाब्धिपारज्ञमहात्रिपुरसुन्दरी ॥ २६॥

śivānalasamudbhūtabhasmoddhūlitavigrahā |śivajñānābdhipārajñamahātripurasundarī || 26||

इत्येतल्ललितानाम्नामष्टोत्तरशतं मुने ।अनेकजन्मपापघ्नं ललिताप्रीतिदायकम् ॥ २७॥

ityetallalitānāmnāmaṣṭottaraśataṃ mune |anekajanmapāpaghnaṃ lalitāprītidāyakam || 27||

सर्वैश्वर्यप्रदं नॄणामाधिव्याधिनिवारणम् ।यो मर्त्यः पठते नित्यं सर्वान्कामानवाप्नुयात् ॥ २८॥

sarvaiśvaryapradaṃ nṝṇāmādhivyādhinivāraṇam |yo martyaḥ paṭhate nityaṃ sarvānkāmānavāpnuyāt || 28||

इतिश्रीललितोपाख्याने स्तोत्रखण्डे श्रीललिताष्टोत्तरशतनामस्तोत्रं सम्पूर्णम् ॥

itiśrīlalitopākhyāne stotrakhaṇḍe śrīlalitāṣṭottaraśatanāmastotraṃ sampūrṇam ||