श्रीकृष्णरक्षाकवचम् Shrikrishnarakshakavacham

गोप्य ऊचुःश्रीकृष्णस्ते शिरः पातु वैकुण्ठः कण्ठमेव हि ।श्वेतद्वीपपतिः कर्णौ नासिकां यज्ञरूपधृक् ॥ १॥

gopya ūcuḥśrīkṛṣṇaste śiraḥ pātu vaikuṇṭhaḥ kaṇṭhameva hi |śvetadvīpapatiḥ karṇau nāsikāṃ yajñarūpadhṛk || 1||

नृसिंहो नेत्रयुग्मं च जिह्वां दशरथात्मजः ।अधराववतां ते तु नरनाराणावृषी ॥ २॥

nṛsiṃho netrayugmaṃ ca jihvāṃ daśarathātmajaḥ |adharāvavatāṃ te tu naranārāṇāvṛṣī || 2||

कपोलौ पातु ते साक्षात्सनकाद्याः कला हरेः ।भालं ते श्वेतवाराहो नारदो भ्रूलतेऽवतु ॥ ३॥

kapolau pātu te sākṣātsanakādyāḥ kalā hareḥ |bhālaṃ te śvetavārāho nārado bhrūlate'vatu || 3||

चिबुकं कपिलः पातु दत्तात्रेय उरोऽवतु ।स्कन्धौ द्वावृषभः पातु करौ मत्स्यः प्रपातु ते ॥ ४॥

cibukaṃ kapilaḥ pātu dattātreya uro'vatu |skandhau dvāvṛṣabhaḥ pātu karau matsyaḥ prapātu te || 4||

दोर्दण्डं सततं रक्षेत्पृथुः पृथुलविक्रमः ।उदरं कमठः पातु नाभिं धन्वन्तरिश्च ते ॥ ५॥

dordaṇḍaṃ satataṃ rakṣetpṛthuḥ pṛthulavikramaḥ |udaraṃ kamaṭhaḥ pātu nābhiṃ dhanvantariśca te || 5||

मोहिनी गुह्यदेशं च कटिं ते वामनोऽवतु ।पृष्ठं परशुरामश्च तवोरू बादरायणः ॥ ६॥

mohinī guhyadeśaṃ ca kaṭiṃ te vāmano'vatu |pṛṣṭhaṃ paraśurāmaśca tavorū bādarāyaṇaḥ || 6||

बलो जानुद्वयं पातु जङ्घे बुद्धः प्रपातु ते ।पादौ पातु सगुल्फौ च कल्किर्धर्मपतिः प्रभुः ॥ ७॥

balo jānudvayaṃ pātu jaṅghe buddhaḥ prapātu te |pādau pātu sagulphau ca kalkirdharmapatiḥ prabhuḥ || 7||

सर्वरक्षाकरं दिव्यं श्रीकृष्णकवचं परम् ।इदं भगवता दत्तं ब्रह्मणे नाभिपङ्कजे ॥ ८॥

sarvarakṣākaraṃ divyaṃ śrīkṛṣṇakavacaṃ param |idaṃ bhagavatā dattaṃ brahmaṇe nābhipaṅkaje || 8||

ब्रह्मणा शम्भवे दत्तं शम्भुर्दुर्वाससे ददौ ।दुर्वासाः श्रीयशोमत्यै प्रादाच्छ्रीनन्दमन्दिरे ॥ ९॥

brahmaṇā śambhave dattaṃ śambhurdurvāsase dadau |durvāsāḥ śrīyaśomatyai prādācchrīnandamandire || 9||

अनेन रक्षां कृत्वास्य गोपीभिः श्रीयशोमती ।इति गर्गसंहितायां गोलोकखण्डे त्रयोदशाध्यान्तर्गतंगोपीभिः कृतं श्रीकृष्णरक्षाकवचम् ।

anena rakṣāṃ kṛtvāsya gopībhiḥ śrīyaśomatī |iti gargasaṃhitāyāṃ golokakhaṇḍe trayodaśādhyāntargataṃgopībhiḥ kṛtaṃ śrīkṛṣṇarakṣākavacam |