कृष्णजयन्ती निर्णयः Shrikrishnajayanti Nirnayah

श्री गुरुभ्यो नमः हरिः ॐश्रीमदानन्दतीर्थ भगवत्पादाचार्य विरचितःश्रीकृष्णजयन्ती निर्णयःरोहिण्या मध्यरात्रे तु यदा कृष्णाष्टमी भवेत् ।जयन्ती नाम सा प्रोक्ता सर्वपापप्रणाशनी(नं) ॥ १॥

śrī gurubhyo namaḥ hariḥ oṃśrīmadānandatīrtha bhagavatpādācārya viracitaḥśrīkṛṣṇajayantī nirṇayaḥrohiṇyā madhyarātre tu yadā kṛṣṇāṣṭamī bhavet |jayantī nāma sā proktā sarvapāpapraṇāśanī(naṃ) || 1||

यस्यां जातो हरिः साक्षान्नि शेते भगवानजः ।तस्मात्तद्दिनमत्यर्थं पुण्यं पापहरं शुभपरम् ॥ २॥

yasyāṃ jāto hariḥ sākṣānni śete bhagavānajaḥ |tasmāttaddinamatyarthaṃ puṇyaṃ pāpaharaṃ śubhaparam || 2||

तस्मात्सर्वैर्रुपोश्या सा जयन्ती नाम सा(वै) सदा ।द्विजातिभिर्विशेषेण तद्भक्तैश्च विशेषतः ॥ ३॥

tasmātsarvairrupośyā sā jayantī nāma sā(vai) sadā |dvijātibhirviśeṣeṇa tadbhaktaiśca viśeṣataḥ || 3||

यो भुङ्क्ते तद्दिने मोहा(लोभा)त् पूयशोणितमत्ति सः ।तस्मादुपवासेन्नित्य(पुण्य)ं तद्दिने(नं) श्रद्धयान्वितः ॥ ४॥

yo bhuṅkte taddine mohā(lobhā)t pūyaśoṇitamatti saḥ |tasmādupavāsennitya(puṇya)ṃ taddine(naṃ) śraddhayānvitaḥ || 4||

कृत्वा शौचं यथा न्यायं स्नानं कुर्यादतंद्रितः ।प्रभात काले कुर्वीत यूगायेत्यादिमन्त्रतः ॥ ५॥

kṛtvā śaucaṃ yathā nyāyaṃ snānaṃ kuryādataṃdritaḥ |prabhāta kāle kurvīta yūgāyetyādimantrataḥ || 5||

नित्याह्निकं प्रकुर्वीत भगवन्तमनुस्मरन् ।मध्याह्न काले च पुमान् सायङ्काले त्वतन्द्रितः ॥ ६॥

nityāhnikaṃ prakurvīta bhagavantamanusmaran |madhyāhna kāle ca pumān sāyaṅkāle tvatandritaḥ || 6||

स्नायेत पूर्वमन्त्रेण वासुदेवमनुस्मरन् ।ततः पूजां प्रकुर्वेत विधिवत्सुसमाहितः ॥ ७॥

snāyeta pūrvamantreṇa vāsudevamanusmaran |tataḥ pūjāṃ prakurveta vidhivatsusamāhitaḥ || 7||

यनायेति च मन्त्रेण श्रद्धाभक्तियुतः पुमान् ।कृष्णं च बलभद्रं च वसुदेवं च देवकीम् ॥ ८॥

yanāyeti ca mantreṇa śraddhābhaktiyutaḥ pumān |kṛṣṇaṃ ca balabhadraṃ ca vasudevaṃ ca devakīm || 8||

नन्दगोपं यशोदाञ्च सुभद्रां तत्र पूजयेत् ।(अर्घ्यं दत्वा समभ्यच्यार्भ्युधिते शशिमण्डले) ।जातः कंसवधार्ताय भूभारोत्थारणाय च ॥ ९॥

nandagopaṃ yaśodāñca subhadrāṃ tatra pūjayet |(arghyaṃ datvā samabhyacyārbhyudhite śaśimaṇḍale) |jātaḥ kaṃsavadhārtāya bhūbhārotthāraṇāya ca || 9||

कौरवानां विनाशाय दैत्यानां निधनाय च ।पाण्डवानां हितार्थाय धर्मसंस्थापनाय च ॥ १०।गृहाणर्घ्यं मया दत्तं देवक्या सहितो हरिः ।अर्घ्यं दत्वासमभ्यर्च्याभ्युदिते शशिमण्डले ॥ ११॥

kauravānāṃ vināśāya daityānāṃ nidhanāya ca |pāṇḍavānāṃ hitārthāya dharmasaṃsthāpanāya ca || 10|gṛhāṇarghyaṃ mayā dattaṃ devakyā sahito hariḥ |arghyaṃ datvāsamabhyarcyābhyudite śaśimaṇḍale || 11||

क्षीरोदार्णवसम्भूत अत्रिनेत्र समुद्भवः ।गृहाणर्घ्यं मया दत्तं रोहिण्या सहितः शशिम् ॥ १२॥

kṣīrodārṇavasambhūta atrinetra samudbhavaḥ |gṛhāṇarghyaṃ mayā dattaṃ rohiṇyā sahitaḥ śaśim || 12||

दत्वार्घ्यं मनुनानेन उपस्थाय विधुं बुधः ।शशिने चन्द्रदेवाय सोमदेवाय छेन्दवे ॥ १३॥

datvārghyaṃ manunānena upasthāya vidhuṃ budhaḥ |śaśine candradevāya somadevāya chendave || 13||

मृगिणे शी(सि)त बिम्बाय लोकदीपाय दीपिणे ।(रोहिणीसक्तचित्ताय कन्यादानप्रदायिने)शीतदीदितिबिम्बाय तारकापतये नमः ॥ १४॥

mṛgiṇe śī(si)ta bimbāya lokadīpāya dīpiṇe |(rohiṇīsaktacittāya kanyādānapradāyine)śītadīditibimbāya tārakāpataye namaḥ || 14||

उपसम्हृत्य तत्सर्वं ब्रह्मचारी जितेन्द्रियः ।विश्वायेति च मन्त्रेण ततः स्वापं समाचरेत् ॥ १५॥

upasamhṛtya tatsarvaṃ brahmacārī jitendriyaḥ |viśvāyeti ca mantreṇa tataḥ svāpaṃ samācaret || 15||

ततो नित्यान्हि कं कृत्वा शक्तितो दीयतां धनम् ।सर्वायेति च मन्त्रेण ततः पारणमाचरेत् ।धर्मायेति ततः स्वस्थो मुच्यते सर्वकिल्बिषैः ॥ १६॥

tato nityānhi kaṃ kṛtvā śaktito dīyatāṃ dhanam |sarvāyeti ca mantreṇa tataḥ pāraṇamācaret |dharmāyeti tataḥ svastho mucyate sarvakilbiṣaiḥ || 16||

॥ इति श्रीमदानन्दतीर्थ भगवत्पादाचार्य विरचितम् ॥॥ जयन्ती निर्णयः सम्पूर्णम् ॥भारतीरमणमुख्यप्राणान्तर्गत श्रीकृष्णार्पणमस्तु

|| iti śrīmadānandatīrtha bhagavatpādācārya viracitam |||| jayantī nirṇayaḥ sampūrṇam ||bhāratīramaṇamukhyaprāṇāntargata śrīkṛṣṇārpaṇamastu