कृष्णशरणाष्टकम् २ Shrikrishnasharanashtakam

द्विदलीकृतदृक्स्वास्यः पन्नगीकृतपन्नगः ।कृशीकृतकृशानुश्च श्रीकृष्णः शरणं मम ॥ १॥

dvidalīkṛtadṛksvāsyaḥ pannagīkṛtapannagaḥ |kṛśīkṛtakṛśānuśca śrīkṛṣṇaḥ śaraṇaṃ mama || 1||

फलीकृतफलार्थी च कुस्सितीकृतकौरवः ।निर्वातीकृतवातारिः श्रीकृष्णः शरणं मम ॥ २॥

phalīkṛtaphalārthī ca kussitīkṛtakauravaḥ |nirvātīkṛtavātāriḥ śrīkṛṣṇaḥ śaraṇaṃ mama || 2||

कृतार्थीकृतकुन्तीजः प्रपूतीकृतपूतनः ।कलङ्कीकृतकंसादिः श्रीकृष्णः शरणं मम ॥ ३॥

kṛtārthīkṛtakuntījaḥ prapūtīkṛtapūtanaḥ |kalaṅkīkṛtakaṃsādiḥ śrīkṛṣṇaḥ śaraṇaṃ mama || 3||

सुखीकृतसुदामा च शङ्करीकृतशङ्करः ।सितीकृतसरिन्नाथः श्रीकृष्णः शरणं मम ॥ ४॥

sukhīkṛtasudāmā ca śaṅkarīkṛtaśaṅkaraḥ |sitīkṛtasarinnāthaḥ śrīkṛṣṇaḥ śaraṇaṃ mama || 4||

छलीकृतबलिद्यौर्यो निधनीकृतधेनुकः ।कन्दर्पीकृतकुब्जादिः श्रीकृष्ण शरणं मम ॥ ५॥

chalīkṛtabalidyauryo nidhanīkṛtadhenukaḥ |kandarpīkṛtakubjādiḥ śrīkṛṣṇa śaraṇaṃ mama || 5||

महेन्द्रीकृतमाहेयः शिथिलीकृतमैथिलः ।आनन्दीकृतनन्दाद्यः श्रीकृष्णः शरणं मम ॥ ६॥

mahendrīkṛtamāheyaḥ śithilīkṛtamaithilaḥ |ānandīkṛtanandādyaḥ śrīkṛṣṇaḥ śaraṇaṃ mama || 6||

वराकीकृतराकेशो विपक्षीकृतराक्षसः ।सन्तोषीकृतसद्भक्तः श्रीकृष्णः शरणं मम ॥ ७॥

varākīkṛtarākeśo vipakṣīkṛtarākṣasaḥ |santoṣīkṛtasadbhaktaḥ śrīkṛṣṇaḥ śaraṇaṃ mama || 7||

जरीकृतजरासन्धः कमलीकृतकार्मुकः ।प्रभ्रष्टीकृतभीष्मादिः श्रीकृष्णः शरणं मम ॥ ८॥

jarīkṛtajarāsandhaḥ kamalīkṛtakārmukaḥ |prabhraṣṭīkṛtabhīṣmādiḥ śrīkṛṣṇaḥ śaraṇaṃ mama || 8||

श्रीकृष्णः शरणं ममाष्टकमिदं प्रोत्थाय यः सम्पठेत्स श्रीगोकुलनायकस्य पदवी संयाति भूमीतले ।पश्यत्येव निरन्तरं तरणिजातीरस्थकेली प्रभोःसम्प्राप्नोति तदीयतां प्रतिदिनं गोपीशतैरावृताम् ॥ ९॥

śrīkṛṣṇaḥ śaraṇaṃ mamāṣṭakamidaṃ protthāya yaḥ sampaṭhetsa śrīgokulanāyakasya padavī saṃyāti bhūmītale |paśyatyeva nirantaraṃ taraṇijātīrasthakelī prabhoḥsamprāpnoti tadīyatāṃ pratidinaṃ gopīśatairāvṛtām || 9||

॥ इति श्रीदेवकीनन्दनात्मज श्रीरघुनाथप्रभुकृतंश्रीकृष्णशरणाष्टकं सम्पूर्णम् ॥

|| iti śrīdevakīnandanātmaja śrīraghunāthaprabhukṛtaṃśrīkṛṣṇaśaraṇāṣṭakaṃ sampūrṇam ||