घटिकाचलहनुमत्स्तोत्रम् १ Shrighatikachalahanumatstotram 1

ब्रह्माण्डपुराणतः स्तोत्रंअतिपाटलवक्त्राब्जं धृतहेमाद्रिविग्रहम् ।आञ्जनेयं शङ्खचक्रपाणिं चेतसि धीमहि ॥ १॥

brahmāṇḍapurāṇataḥ stotraṃatipāṭalavaktrābjaṃ dhṛtahemādrivigraham |āñjaneyaṃ śaṅkhacakrapāṇiṃ cetasi dhīmahi || 1||

श्रीयोगपीठविन्यस्तव्यत्यस्तचरणाम्बुजम् ।दरार्यभयमुद्राक्षमालापट्टिकया युतम् ॥ २॥

śrīyogapīṭhavinyastavyatyastacaraṇāmbujam |darāryabhayamudrākṣamālāpaṭṭikayā yutam || 2||

पारिजाततरोर्मूलवासिनं वनवासिनम् ।पश्चिमाभिमुखं बालं नृहरेर्ध्यानसंस्थितम् ॥ ३॥

pārijātatarormūlavāsinaṃ vanavāsinam |paścimābhimukhaṃ bālaṃ nṛharerdhyānasaṃsthitam || 3||

सर्वाभीष्टप्रदं नॄणां हनुमन्तमुपास्महे ।नारद उवाचस्थानानामुत्तमं स्थानं किं स्थानं वद मे पितः ।ब्रह्मोवाचब्रह्मन् पुरा विवादोऽभून्नारायणकपीशयोः ॥तत्तेऽहं सम्प्रवक्ष्यामि सावधानमनाः शृणु ।एकमासाद्वरदः साक्षात् द्विमासाद्रङ्गनायकः ॥ १॥

sarvābhīṣṭapradaṃ nṝṇāṃ hanumantamupāsmahe |nārada uvācasthānānāmuttamaṃ sthānaṃ kiṃ sthānaṃ vada me pitaḥ |brahmovācabrahman purā vivādo'bhūnnārāyaṇakapīśayoḥ ||tatte'haṃ sampravakṣyāmi sāvadhānamanāḥ śṛṇu |ekamāsādvaradaḥ sākṣāt dvimāsādraṅganāyakaḥ || 1||

मासार्धेन प्रवक्ष्यमि तथा वै वेङ्कटेश्वरः ।अर्धमासेन दास्यामि कृतं तु परमं शिवम् ॥ २॥

māsārdhena pravakṣyami tathā vai veṅkaṭeśvaraḥ |ardhamāsena dāsyāmi kṛtaṃ tu paramaṃ śivam || 2||

घटिकाचलसंस्थानाद्धटिकाचलवल्लभः ।हनुमानञ्जनासूनू रामभक्तो जितेन्द्रियः ॥ ३॥

ghaṭikācalasaṃsthānāddhaṭikācalavallabhaḥ |hanumānañjanāsūnū rāmabhakto jitendriyaḥ || 3||

घटिकादेव काम्यानां कामदाता भवाम्यहम् ।शङ्खचक्रप्रदो येन प्रदास्यामि हरेः पदम् ॥ ४॥

ghaṭikādeva kāmyānāṃ kāmadātā bhavāmyaham |śaṅkhacakraprado yena pradāsyāmi hareḥ padam || 4||

घटिकाचलसंस्थाने घटिकां वसते यदि ।स मुक्तः सर्वलोकेषु वायुपुत्रप्रसादतः ॥ ५॥

ghaṭikācalasaṃsthāne ghaṭikāṃ vasate yadi |sa muktaḥ sarvalokeṣu vāyuputraprasādataḥ || 5||

ब्रह्मतीर्थस्य निकटे राघवेन्द्रस्य सन्निधौ ।वायुपुत्रं समालोक्य न भयं विद्यते नरे ॥ ६॥

brahmatīrthasya nikaṭe rāghavendrasya sannidhau |vāyuputraṃ samālokya na bhayaṃ vidyate nare || 6||

तस्माद्वायुसुतस्थानं पवित्रमतिदुलर्भम् ।पूर्वाब्धेः पश्चिमे भागे दक्षिणाब्धेस्तथोत्तरे ॥ ७॥

tasmādvāyusutasthānaṃ pavitramatidularbham |pūrvābdheḥ paścime bhāge dakṣiṇābdhestathottare || 7||

वेङ्कटाद्दक्षिणे भागे पर्वते घटिकाचले ।तत्रैव ऋषयः सर्वे तपस्तप्यन्ति सादरम् ॥ ८॥

veṅkaṭāddakṣiṇe bhāge parvate ghaṭikācale |tatraiva ṛṣayaḥ sarve tapastapyanti sādaram || 8||

पञ्चाक्षरमहामन्त्रं द्विषट्कं च द्विजातिनाम् ।नाममन्त्रं ततः श्रीमन् स्त्रीशूद्राणामुदाहृतम् ॥ ९॥

pañcākṣaramahāmantraṃ dviṣaṭkaṃ ca dvijātinām |nāmamantraṃ tataḥ śrīman strīśūdrāṇāmudāhṛtam || 9||

तत्र स्नात्वा ब्रह्मतीर्थे नत्वा तं वायुमन्दिरे ।वायुपुत्रं भजेन्नित्यं सर्वारिष्टविवर्जितः ॥ १०॥

tatra snātvā brahmatīrthe natvā taṃ vāyumandire |vāyuputraṃ bhajennityaṃ sarvāriṣṭavivarjitaḥ || 10||

सेवते मण्डलं नित्यं तथा वै ह्यर्धमण्डलम् ।वाञ्छितं विन्दते नित्यं वायुपुत्रप्रसादतः ॥ ११॥

sevate maṇḍalaṃ nityaṃ tathā vai hyardhamaṇḍalam |vāñchitaṃ vindate nityaṃ vāyuputraprasādataḥ || 11||

तस्मात्त्वमपि भोः पुत्र निवासं घटिकाचले ॥ ११॥

tasmāttvamapi bhoḥ putra nivāsaṃ ghaṭikācale || 11||

नारद उवाचकथं वासः प्रकर्तव्यो घटिकाचलमस्तके ।केन मन्त्रेण बलवानाञ्जनेयः प्रसीदति ॥ १२॥

nārada uvācakathaṃ vāsaḥ prakartavyo ghaṭikācalamastake |kena mantreṇa balavānāñjaneyaḥ prasīdati || 12||

विधानं तस्य मन्त्रस्य होमं चैव विशेषतः ।कियत्कालं तत्र वासं कर्तव्यं तन्ममावद ॥ १३॥

vidhānaṃ tasya mantrasya homaṃ caiva viśeṣataḥ |kiyatkālaṃ tatra vāsaṃ kartavyaṃ tanmamāvada || 13||

ब्रह्मोवाचब्रह्मतीर्थे ततः स्नत्वा हनुमत्संमुखे स्थितः ।द्वादशाक्षरमन्त्रं तु नित्यमष्टसहस्रकम् ॥ १४॥

brahmovācabrahmatīrthe tataḥ snatvā hanumatsaṃmukhe sthitaḥ |dvādaśākṣaramantraṃ tu nityamaṣṭasahasrakam || 14||

जपेन्नियमतः शुद्धस्तद्भक्तस्तु परायणः ।निराहारः फलाहारो ब्रह्मचर्यव्रते स्थितः ॥ १५॥

japenniyamataḥ śuddhastadbhaktastu parāyaṇaḥ |nirāhāraḥ phalāhāro brahmacaryavrate sthitaḥ || 15||

मण्डलं तत्र वस्तव्यं भक्तियुक्तेन चेतसा ।ध्यानश्लोकं प्रवक्ष्यामि शृणु नारद तत्त्वतः ॥ १६॥

maṇḍalaṃ tatra vastavyaṃ bhaktiyuktena cetasā |dhyānaślokaṃ pravakṣyāmi śṛṇu nārada tattvataḥ || 16||

तमञ्जनानन्दनमिन्दुबिम्बनिभाननं सुन्दरमप्रमेयम् ।सीतासुतं सूक्ष्मगुणस्वदेहं श्रीरामपादार्पणचित्तवृत्तिम् ॥ १७॥

tamañjanānandanamindubimbanibhānanaṃ sundaramaprameyam |sītāsutaṃ sūkṣmaguṇasvadehaṃ śrīrāmapādārpaṇacittavṛttim || 17||

एवं ध्यात्वा सदा भक्त्या तत्पादजलजं मुदा ।चतुर्थांशेन होमं वा कर्तव्यं पायसेन च ॥ १८॥

evaṃ dhyātvā sadā bhaktyā tatpādajalajaṃ mudā |caturthāṃśena homaṃ vā kartavyaṃ pāyasena ca || 18||

विधिना विधियुक्तस्तु विदित्वा घटिकाचलम् ।जगाम जयमन्विच्छन्निन्द्रियाणां महामनाः ॥ १९॥

vidhinā vidhiyuktastu viditvā ghaṭikācalam |jagāma jayamanvicchannindriyāṇāṃ mahāmanāḥ || 19||

एवं नियमयुक्तः सन् यः करोति हरेः प्रियम् ।विजयं विन्दते देही वायुपुत्रप्रसादतः ॥ २०॥

evaṃ niyamayuktaḥ san yaḥ karoti hareḥ priyam |vijayaṃ vindate dehī vāyuputraprasādataḥ || 20||

इति ब्रह्माण्डपुराणतः श्रीघटिकाचलहनुमत्स्तोत्रं सम्पूर्णम् ।

iti brahmāṇḍapurāṇataḥ śrīghaṭikācalahanumatstotraṃ sampūrṇam |