मङ्गलाष्टकम् ४ यन्त्रोद्धारकमङ्गलाष्टकम् Shri Yantroddharaka Mangala Ashtakam

यन्त्रोद्धारकनामको रघुपतेराज्ञां गृहीत्वार्णवंतीर्त्वाशोकवने स्थितां स्वजननीं सीतां निशाम्याशुगः ।कृत्वा संविदमङ्गुलीयकमिदं दत्वा शिरोभूषणंसङ्गृह्यार्णवमुत्पपात हनूमान् कुर्यात् सदा मङ्गलम् ॥ १॥

yantroddhārakanāmako raghupaterājñāṃ gṛhītvārṇavaṃtīrtvāśokavane sthitāṃ svajananīṃ sītāṃ niśāmyāśugaḥ |kṛtvā saṃvidamaṅgulīyakamidaṃ datvā śirobhūṣaṇaṃsaṅgṛhyārṇavamutpapāta hanūmān kuryāt sadā maṅgalam || 1||

प्राप्तस्तं सदुदारकीर्तिरनिलः श्रीरामपादाम्बुजंनत्वा कीशपतिर्जगाद पुरतः संस्थाप्य चूडामणिम् ।विज्ञाप्यार्णवलङ्घनादिशुभकृन्नानाविधं भूतिदंयन्त्रोद्धारकनाममारुतिरयं कुर्यात् सदा मङ्गलम् ॥ २॥

prāptastaṃ sadudārakīrtiranilaḥ śrīrāmapādāmbujaṃnatvā kīśapatirjagāda purataḥ saṃsthāpya cūḍāmaṇim |vijñāpyārṇavalaṅghanādiśubhakṛnnānāvidhaṃ bhūtidaṃyantroddhārakanāmamārutirayaṃ kuryāt sadā maṅgalam || 2||

धर्माधर्मविचक्षणः सुरतरुर्भक्तेष्टसन्दोहनेदुष्टारातिकरीन्द्रकुम्भदलने पञ्चाननः पाण्डुजः ।द्रौपद्यै प्रददौ कुबेरवनजं सौगन्धिपुष्पं मुदायन्त्रोद्धारकनाममारुतिरयं कुर्यात् सदा मङ्गलम् ॥ ३॥

dharmādharmavicakṣaṇaḥ suratarurbhakteṣṭasandohaneduṣṭārātikarīndrakumbhadalane pañcānanaḥ pāṇḍujaḥ |draupadyai pradadau kuberavanajaṃ saugandhipuṣpaṃ mudāyantroddhārakanāmamārutirayaṃ kuryāt sadā maṅgalam || 3||

यः किर्मीर-हिडिम्ब-कीचक-बकान् प्रख्यातरक्षोजनान्संहृत्य प्रययौ सुयोधनमहन् दुःशासनादीन् रणे ।भित्वा तद्धृदयं स घोरगदया सन्मङ्गलं दत्तवान्यन्त्रोद्धारकनाममारुतिरयं कुर्यात् सदा मङ्गलम् ॥ ४॥

yaḥ kirmīra-hiḍimba-kīcaka-bakān prakhyātarakṣojanānsaṃhṛtya prayayau suyodhanamahan duḥśāsanādīn raṇe |bhitvā taddhṛdayaṃ sa ghoragadayā sanmaṅgalaṃ dattavānyantroddhārakanāmamārutirayaṃ kuryāt sadā maṅgalam || 4||

यो भूमौ महदाज्ञया निजपतेर्जातो जगज्जीवनेवेदव्यासपदाम्बुजैकनिरतः श्रीमध्यगेहालये ।सम्प्राप्ते समये त्वभूत् स च गुरुः कर्मन्दिचूडामणिःयन्त्रोद्धारकनाममारुतिरयं कुर्यात् सदा मङ्गलम् ॥ ५॥

yo bhūmau mahadājñayā nijapaterjāto jagajjīvanevedavyāsapadāmbujaikanirataḥ śrīmadhyagehālaye |samprāpte samaye tvabhūt sa ca guruḥ karmandicūḍāmaṇiḥyantroddhārakanāmamārutirayaṃ kuryāt sadā maṅgalam || 5||

मिथ्यावादकुभाष्यखण्डनपटुर्मध्वाभिधो मारुतिःसद्भाष्यामृतमादरान्मुनिगणैः पेपीयमानं मुदा ।स्पृष्ट्वा यः सततं सुरोत्तमगणान् सम्पात्ययं सर्वदायन्त्रोद्धारकनाममारुतिरयं कुर्यात् सदा मङ्गलम् ॥ ६॥

mithyāvādakubhāṣyakhaṇḍanapaṭurmadhvābhidho mārutiḥsadbhāṣyāmṛtamādarānmunigaṇaiḥ pepīyamānaṃ mudā |spṛṣṭvā yaḥ satataṃ surottamagaṇān sampātyayaṃ sarvadāyantroddhārakanāmamārutirayaṃ kuryāt sadā maṅgalam || 6||

पाकार्कार्कसमानसान्द्रपरमासाकीर्ककाकारिभि-र्विद्यासार्कजवानरेरितरुणा पीतार्कचक्रः पुरा ।कङ्कार्कानुचरार्कतप्तजरया तप्ताङ्कजातान्वितोयन्त्रोद्धारकनाममारुतिरयं कुर्यात् सदा मङ्गलम् ॥ ७॥

pākārkārkasamānasāndraparamāsākīrkakākāribhi-rvidyāsārkajavānareritaruṇā pītārkacakraḥ purā |kaṅkārkānucarārkataptajarayā taptāṅkajātānvitoyantroddhārakanāmamārutirayaṃ kuryāt sadā maṅgalam || 7||

श्रीमद्व्यासमुनीन्द्रवन्द्यचरणः श्रेष्ठार्थसम्पूरणःसर्वाघौघनिवारणः प्रविलसन्मुद्रादिसम्भूषणः ।सुग्रीवादिकपीन्द्रमुख्यशरणः कल्याणपूर्णः सदायन्त्रोद्धारकनाममारुतिरयं कुर्यात् सदा मङ्गलम् ॥ ८॥

śrīmadvyāsamunīndravandyacaraṇaḥ śreṣṭhārthasampūraṇaḥsarvāghaughanivāraṇaḥ pravilasanmudrādisambhūṣaṇaḥ |sugrīvādikapīndramukhyaśaraṇaḥ kalyāṇapūrṇaḥ sadāyantroddhārakanāmamārutirayaṃ kuryāt sadā maṅgalam || 8||

यन्त्रोद्धारकमङ्गलाष्टकमिदं सर्वेष्टसन्दायकंदुस्तापत्रयवारकं द्विजगणैः सङ्गृह्यमाणं मुदा ।भक्ताग्रेसरभीमसेनरचितं भक्त्या सदा यः पठेत्श्रीमद्वायुसुतप्रसादमतुलं प्राप्नोत्यसौ मानवः ॥ ९॥

yantroddhārakamaṅgalāṣṭakamidaṃ sarveṣṭasandāyakaṃdustāpatrayavārakaṃ dvijagaṇaiḥ saṅgṛhyamāṇaṃ mudā |bhaktāgresarabhīmasenaracitaṃ bhaktyā sadā yaḥ paṭhetśrīmadvāyusutaprasādamatulaṃ prāpnotyasau mānavaḥ || 9||

इति श्रीभीमसेनविरचितं श्रीयन्त्रोद्धारकमङ्गलाष्टकं सम्पूर्णम् ।

iti śrībhīmasenaviracitaṃ śrīyantroddhārakamaṅgalāṣṭakaṃ sampūrṇam |