भोगापुरेशहनुमत्स्तोत्रम् Shribhogapureshahanumatstotram

प्रणमतु मम मूर्धा भारती प्राणभार्याभ्रगभुजगपभर्गेन्द्रादिदेवर्षिवन्द्यम् ।सकलसुरपतेऽङ्घ्रीन्दीवरद्वन्द्वमुग्रोग्रतररिपुकुलघ्नं नाथ भोगापुरेशम् ॥ १॥

praṇamatu mama mūrdhā bhāratī prāṇabhāryābhragabhujagapabhargendrādidevarṣivandyam |sakalasurapate'ṅghrīndīvaradvandvamugrogratararipukulaghnaṃ nātha bhogāpureśam || 1||

यत इतरमृते त्वां मामनुग्राहकं द्राग्सुपवनपविजाने नैव जाने न जाने ।विधिकरनिकरेतश्चाधमं मां प्रपन्नंह्यव किल कृपया त्वां नौमि भोगापुरेशम् ॥ २॥

yata itaramṛte tvāṃ māmanugrāhakaṃ drāgsupavanapavijāne naiva jāne na jāne |vidhikaranikaretaścādhamaṃ māṃ prapannaṃhyava kila kṛpayā tvāṃ naumi bhogāpureśam || 2||

वरसदनुजिघृक्षात्तेन तेऽनल्पशक्तेकपिवरवपुषाऽऽविर्भूय भोगापुरे भोः ।विषयविषविशिष्टाशेषदोषान्तकं त्वांनिखिलनिजजनानां नौमि भोगापुरेशम् ॥ ३॥

varasadanujighṛkṣāttena te'nalpaśaktekapivaravapuṣā''virbhūya bhogāpure bhoḥ |viṣayaviṣaviśiṣṭāśeṣadoṣāntakaṃ tvāṃnikhilanijajanānāṃ naumi bhogāpureśam || 3||

असदसुमदतिव्यामोहनार्थं त्विहादावनिमिषमधुकेस्वीकर्तुमासप्तघस्रम् ।उपयम महसुप्राग्वर्चलादोर्ग्रहं त्वांनिजजनकृतसेवां नौमि भोगापुरेशम् ॥ ४॥

asadasumadativyāmohanārthaṃ tvihādāvanimiṣamadhukesvīkartumāsaptaghasram |upayama mahasuprāgvarcalādorgrahaṃ tvāṃnijajanakṛtasevāṃ naumi bhogāpureśam || 4||

स्वजनगणगते कौण्डिन्यगोत्रेऽथ कृष्णेसति तव वरसेवां कर्तरीहाभ्यकार्षीत् ।स्वजनवरदरूपं व्यक्तमञ्जोन्नतं त्वांसदयहृदयभक्त्या नौमि भोगापुरेशम् ॥ ५॥

svajanagaṇagate kauṇḍinyagotre'tha kṛṣṇesati tava varasevāṃ kartarīhābhyakārṣīt |svajanavaradarūpaṃ vyaktamañjonnataṃ tvāṃsadayahṛdayabhaktyā naumi bhogāpureśam || 5||

निजजयविजयौ यो जन्मात्मजत्विजनिजयदपज्जाम्युज्जनिं द्वन्द्वभाजम् ।विविधवृजिनसङ्गान्मां समभ्युद्धरन्तंकजजनुरनुजं त्वां नौमि भोगापुरेशम् ॥ ६॥

nijajayavijayau yo janmātmajatvijanijayadapajjāmyujjaniṃ dvandvabhājam |vividhavṛjinasaṅgānmāṃ samabhyuddharantaṃkajajanuranujaṃ tvāṃ naumi bhogāpureśam || 6||

खलकदन कदाचिन्मूर्तिभेदेऽपि तत्राधिकतरनिजतेजो दर्शयन् शङ्कितान् स्वम् ।अनुदिनमनुकम्पा मय्यलं नाथ तेऽस्तुस्वविधिकरजजे त्वां नौमि भोगापुरेशम् ॥ ७॥

khalakadana kadācinmūrtibhede'pi tatrādhikataranijatejo darśayan śaṅkitān svam |anudinamanukampā mayyalaṃ nātha te'stusvavidhikarajaje tvāṃ naumi bhogāpureśam || 7||

कपिकुलतिलकेशाशोत्तमं स्वाशु भग्नंतव पदयुगलं मे सेवितुं प्रादित त्वम् ।पदकमलनिषेवा नाथ ते मां हि नेष्यत्युचितगतिमलं त्वां नौमि भोगापुरेशम् ॥ ८॥

kapikulatilakeśāśottamaṃ svāśu bhagnaṃtava padayugalaṃ me sevituṃ prādita tvam |padakamalaniṣevā nātha te māṃ hi neṣyatyucitagatimalaṃ tvāṃ naumi bhogāpureśam || 8||

नुतिगतपदमुक्तामालयेत्यष्टपद्यप्रवरतमगुणिन्या मालिनी कृष्णजन्या ।सुफलमिह हनूमन्मूर्तिरेषाप्यमुत्रस्तुतिमथ पठते तामञ्जसा ते प्रदद्यात् ॥ ९॥

nutigatapadamuktāmālayetyaṣṭapadyapravaratamaguṇinyā mālinī kṛṣṇajanyā |suphalamiha hanūmanmūrtireṣāpyamutrastutimatha paṭhate tāmañjasā te pradadyāt || 9||

वाग्विट्विञ्चसहस्रकेन्द्रमुनिमुख्यादिप्रणीतार्हणप्राण त्वं कृपया त्वदङ्घ्रिनिरतं नः पोषकं चान्वहम् ।त्वद्भक्तस्वभिमन्त्रिताक्षतशिखं तत्कामितं पूरयन्श्रीमद्वेङ्कटराजमाश्वव चिरं भोगेश तुभ्यं नमः ॥ १०॥

vāgviṭviñcasahasrakendramunimukhyādipraṇītārhaṇaprāṇa tvaṃ kṛpayā tvadaṅghrinirataṃ naḥ poṣakaṃ cānvaham |tvadbhaktasvabhimantritākṣataśikhaṃ tatkāmitaṃ pūrayanśrīmadveṅkaṭarājamāśvava ciraṃ bhogeśa tubhyaṃ namaḥ || 10||

इति श्रीभोगापुरेशहनुमत्स्तोत्रं सम्पूर्णम् ।

iti śrībhogāpureśahanumatstotraṃ sampūrṇam |