भोगापुरेशाष्टकम् Shribhogapureshashtakam

श्रीमद्भोगापुरेशो भवतु भवगुरुर्भूतये मे दयालुःज्ञानं भक्तिं विरक्तिं प्रदित शमदमाद्यङ्गजातं सुखाय ।स्तोतुं वाऽऽराधितुं त्वां न च मम सुमतिः कल्यदीनेन्द्रियेशैःसन्मार्गाद्भ्रान्तितोऽयं पुरुगुण दयया पाहि भोगापुरेश ॥ १॥

śrīmadbhogāpureśo bhavatu bhavagururbhūtaye me dayāluḥjñānaṃ bhaktiṃ viraktiṃ pradita śamadamādyaṅgajātaṃ sukhāya |stotuṃ vā''rādhituṃ tvāṃ na ca mama sumatiḥ kalyadīnendriyeśaiḥsanmārgādbhrāntito'yaṃ puruguṇa dayayā pāhi bhogāpureśa || 1||

मूढोऽहं ज्ञानहीनस्तव पदयुगले भक्तिहीनो दुरात्मा-थापि त्वामेव जाने गुरुवर वचसा स्वामिनं नापरं वा ।तस्मादस्मत्कृतागः क्षमय कुरु कृपां सत्त्वसिन्धो हनूमन्दास्यं मे देहि नित्यं दशरथतनयप्रीत भोगापुरेश ॥ २॥

mūḍho'haṃ jñānahīnastava padayugale bhaktihīno durātmā-thāpi tvāmeva jāne guruvara vacasā svāminaṃ nāparaṃ vā |tasmādasmatkṛtāgaḥ kṣamaya kuru kṛpāṃ sattvasindho hanūmandāsyaṃ me dehi nityaṃ daśarathatanayaprīta bhogāpureśa || 2||

त्वद्धृत्पद्मान्तरङ्गे सकलगुणगणालङ्कृताङ्गो विदोषःस्वामी वेदान्तवेद्यो मम मनसि तथा वर्ततां श्रीमनोज्ञः ।श्रीमद्भोगापुरेशानिलतनय हितं मामकं वेत्सि सर्वंकिं मे विज्ञापनीयं सकलमपि सदा जानतः पूर्णशक्तेः ॥ ३॥

tvaddhṛtpadmāntaraṅge sakalaguṇagaṇālaṅkṛtāṅgo vidoṣaḥsvāmī vedāntavedyo mama manasi tathā vartatāṃ śrīmanojñaḥ |śrīmadbhogāpureśānilatanaya hitaṃ māmakaṃ vetsi sarvaṃkiṃ me vijñāpanīyaṃ sakalamapi sadā jānataḥ pūrṇaśakteḥ || 3||

रक्षःपुत्रप्रणाशो जलनिधितरणं द्रोणगिर्याहृतिश्चे-त्याद्यं दुःसाध्यकर्म त्वयि कृतवति मे संशयं याति चेतः ।यद्यस्मन्मानसस्थप्रबलतरमहाकाममुख्यारिनाशोभूयाच्छीघ्रं त्वयायं सकलमपि बलं वेद्मि ते सत्यमेव ॥ ४॥

rakṣaḥputrapraṇāśo jalanidhitaraṇaṃ droṇagiryāhṛtiśce-tyādyaṃ duḥsādhyakarma tvayi kṛtavati me saṃśayaṃ yāti cetaḥ |yadyasmanmānasasthaprabalataramahākāmamukhyārināśobhūyācchīghraṃ tvayāyaṃ sakalamapi balaṃ vedmi te satyameva || 4||

सर्वात्मप्रेरकेशाद्भुतबलनिखिलप्राणिवृन्दप्रविष्टानेकै रूपै रमेशं परिचरसि हरे वेत्ति कस्ते महत्त्वम् ।वत्सानुक्रोशदृष्टिर्भवतु मयि चिरं संसृतिव्याधिरुग्णेश्रीमद्भोगापुरेशाभयद विरतिविज्ञानभक्त्यादिपूर्ण ॥ ५॥

sarvātmaprerakeśādbhutabalanikhilaprāṇivṛndapraviṣṭānekai rūpai rameśaṃ paricarasi hare vetti kaste mahattvam |vatsānukrośadṛṣṭirbhavatu mayi ciraṃ saṃsṛtivyādhirugṇeśrīmadbhogāpureśābhayada virativijñānabhaktyādipūrṇa || 5||

भग्ने बिम्बे कदाचित् पुनरपि गुरुसत्पाणिलब्धप्रतिष्ठःसान्निध्यं व्यञ्जितुं यो निहितद्युतिमहादीपतप्तो व्यतानीत् ।सर्वत्राद्धा पतङ्गान् मुहुरथ सुजनैः प्रार्थितः सञ्जहारश्रीमद्भोगापुरेशं तमखिलफलदं सम्भजे पूर्वज्येष्ठम् ॥ ६॥

bhagne bimbe kadācit punarapi gurusatpāṇilabdhapratiṣṭhaḥsānnidhyaṃ vyañjituṃ yo nihitadyutimahādīpatapto vyatānīt |sarvatrāddhā pataṅgān muhuratha sujanaiḥ prārthitaḥ sañjahāraśrīmadbhogāpureśaṃ tamakhilaphaladaṃ sambhaje pūrvajyeṣṭham || 6||

दुर्बुद्धिं दुर्विकारं हर हर हनुमन् पापजालं मदीयंत्वत्सेवैकोपयुक्तां श्रियमपि दिश मे योग्यतां नातिलङ्घ्य ।भूयो वृद्धिर्यथा स्यात्तव पदयुगलद्वन्द्वभक्तेरजस्रंनर्ते त्वां मे गतिः स्यादिति धृतमनसा पालय स्वप्रपन्नम् ॥ ७॥

durbuddhiṃ durvikāraṃ hara hara hanuman pāpajālaṃ madīyaṃtvatsevaikopayuktāṃ śriyamapi diśa me yogyatāṃ nātilaṅghya |bhūyo vṛddhiryathā syāttava padayugaladvandvabhakterajasraṃnarte tvāṃ me gatiḥ syāditi dhṛtamanasā pālaya svaprapannam || 7||

इष्टानिष्टाप्तिनाशप्रकटितनिजसद्भक्तिवर्गात्मशक्तिःस्वस्वान्तध्यातसीतारमणसुचरणो मुक्तिविघ्नेभसिंहः ।स्मृत्याशेषाघहर्ताभिलषितफलदः शेषरुद्रादिवन्द्यःपायाद्भोगापुरेशश्चरणसुरशिरोरत्नमस्मान् सुदीनान् ॥ ८॥

iṣṭāniṣṭāptināśaprakaṭitanijasadbhaktivargātmaśaktiḥsvasvāntadhyātasītāramaṇasucaraṇo muktivighnebhasiṃhaḥ |smṛtyāśeṣāghahartābhilaṣitaphaladaḥ śeṣarudrādivandyaḥpāyādbhogāpureśaścaraṇasuraśiroratnamasmān sudīnān || 8||

श्रीमद्भोगापुरेशस्तुतिमिति कृतवान् भक्तिपूतान्तरात्माप्राणश्लोकाष्टकेन त्रिदशमुनिसमादिष्टमन्त्राङ्गजन्मा ।यस्तां भक्त्या समेतः शुचिरिह पठते नित्यमस्याखिलेष्टंदत्वानिष्टं च हन्ति प्रथितसुमहिमा प्राणिवृन्दप्रणेता ॥ ९॥

śrīmadbhogāpureśastutimiti kṛtavān bhaktipūtāntarātmāprāṇaślokāṣṭakena tridaśamunisamādiṣṭamantrāṅgajanmā |yastāṃ bhaktyā sametaḥ śuciriha paṭhate nityamasyākhileṣṭaṃdatvāniṣṭaṃ ca hanti prathitasumahimā prāṇivṛndapraṇetā || 9||

इति श्रीभोगापुरेशाष्टकम् ।

iti śrībhogāpureśāṣṭakam |