पञ्चमुखहनुमत् हृदयम् Shri Pamchamukha Hanumat Hridayam

॥ श्रीगणेशाय नमः ॥॥ श्रीसीतारामचन्द्राभ्यां नमः ॥ॐ अस्य श्रीपञ्चवक्त्र हनुमत् हृदयस्तोत्रमन्त्रस्यभगवान् श्रीरामचन्द्र ऋषिः ।अनुष्टुप् छन्दः ।श्रीपञ्चवक्त्र हनुमान् देवता । ॐ बीजम् ।रुद्रमूर्तये इति शक्तिः । स्वाहा कीलकम् ।श्रीपञ्चवक्त्र हनुमद्देवता प्रसादसिद्ध्यर्थे जपे विनियोगः ।इति ऋष्यादि न्यासः ॥ॐ ह्रां अञ्जनासुताय अङ्गुष्ठाभ्यां नमः ।ॐ ह्रीं रुद्रमूर्तये तर्जनीभ्यां नमः ।ॐ ह्रूं वायुपुत्राय मध्यमाभ्यां नमः ।ॐ ह्रैं अग्निगर्भाय अनामिकाभ्यां नमः ।ॐ ह्रौं रामदूताय कनिष्ठिकाभ्यां नमः ।ॐ ह्रः पञ्चवक्त्रहनुमते करतलकरपृष्ठाभ्यां नमः ।इति करन्यासः ॥ॐ ह्रां अञ्जनासुताय हृदयाय नमः ।ॐ ह्रीं रुद्रमूर्तये शिरसे स्वाहा ।ॐ ह्रूं वायुपुत्राय शिखायै वषट् ।ॐ ह्रैं अग्निगर्भाय कवचाय हुम् ।ॐ ह्रौं रामदूताय नेत्रत्रयाय वौषट् ।ॐ ह्रः पञ्चवक्त्रहनुमते अस्त्राय फट् ।इति हृदयादि षडङ्गन्यासः ।ॐ भूर्भुवः स्वरोमिति दिग्बन्धः ॥अथ ध्यानम् ।ध्यायेद्बालदिवाकरद्युतिनिभं देवारिदर्पापहंदेवेन्द्रप्रमुखैः प्रशस्तयशसं देदीप्यमानं ऋचा ॥सुग्रीवादिसमस्तवानरयुतं सुव्यक्ततत्त्वप्रियंसंरक्तारुणलोचनं पवनजं पीताम्बरालङ्कृतम् ॥इति ध्यानम् ॥ॐ नमो वायुपुत्राय पञ्चवक्त्राय ते नमः ।नमोऽस्तु दीर्घबालाय राक्षसान्तकराय च ॥ १॥

|| śrīgaṇeśāya namaḥ |||| śrīsītārāmacandrābhyāṃ namaḥ ||oṃ asya śrīpañcavaktra hanumat hṛdayastotramantrasyabhagavān śrīrāmacandra ṛṣiḥ |anuṣṭup chandaḥ |śrīpañcavaktra hanumān devatā | oṃ bījam |rudramūrtaye iti śaktiḥ | svāhā kīlakam |śrīpañcavaktra hanumaddevatā prasādasiddhyarthe jape viniyogaḥ |iti ṛṣyādi nyāsaḥ ||oṃ hrāṃ añjanāsutāya aṅguṣṭhābhyāṃ namaḥ |oṃ hrīṃ rudramūrtaye tarjanībhyāṃ namaḥ |oṃ hrūṃ vāyuputrāya madhyamābhyāṃ namaḥ |oṃ hraiṃ agnigarbhāya anāmikābhyāṃ namaḥ |oṃ hrauṃ rāmadūtāya kaniṣṭhikābhyāṃ namaḥ |oṃ hraḥ pañcavaktrahanumate karatalakarapṛṣṭhābhyāṃ namaḥ |iti karanyāsaḥ ||oṃ hrāṃ añjanāsutāya hṛdayāya namaḥ |oṃ hrīṃ rudramūrtaye śirase svāhā |oṃ hrūṃ vāyuputrāya śikhāyai vaṣaṭ |oṃ hraiṃ agnigarbhāya kavacāya hum |oṃ hrauṃ rāmadūtāya netratrayāya vauṣaṭ |oṃ hraḥ pañcavaktrahanumate astrāya phaṭ |iti hṛdayādi ṣaḍaṅganyāsaḥ |oṃ bhūrbhuvaḥ svaromiti digbandhaḥ ||atha dhyānam |dhyāyedbāladivākaradyutinibhaṃ devāridarpāpahaṃdevendrapramukhaiḥ praśastayaśasaṃ dedīpyamānaṃ ṛcā ||sugrīvādisamastavānarayutaṃ suvyaktatattvapriyaṃsaṃraktāruṇalocanaṃ pavanajaṃ pītāmbarālaṅkṛtam ||iti dhyānam ||oṃ namo vāyuputrāya pañcavaktrāya te namaḥ |namo'stu dīrghabālāya rākṣasāntakarāya ca || 1||

वज्रदेह नमस्तुभ्यं शताननमदापह ।सीतासन्तोषकरण नमो राघवकिङ्कर ॥ २॥

vajradeha namastubhyaṃ śatānanamadāpaha |sītāsantoṣakaraṇa namo rāghavakiṅkara || 2||

सृष्टिप्रवर्तक नमो महास्थित नमो नमः ।कलाकाष्ठस्वरूपाय माससंवत्सरात्मक ॥ ३॥

sṛṣṭipravartaka namo mahāsthita namo namaḥ |kalākāṣṭhasvarūpāya māsasaṃvatsarātmaka || 3||

नमस्ते ब्रह्मरूपाय शिवरूपाय ते नमः ।नमो विष्णुस्वरूपाय सूर्यरूपाय ते नमः ॥ ४॥

namaste brahmarūpāya śivarūpāya te namaḥ |namo viṣṇusvarūpāya sūryarūpāya te namaḥ || 4||

नमो वह्निस्वरूपाय नमो गगनचारिणे ।सर्वरम्भावनचर अशोकवननाशक ॥ ५॥

namo vahnisvarūpāya namo gaganacāriṇe |sarvarambhāvanacara aśokavananāśaka || 5||

नमो कैलासनिलय मलयाचल संश्रय ।नमो रावणनाशाय इन्द्रजिद्वधकारिणे ॥ ६॥

namo kailāsanilaya malayācala saṃśraya |namo rāvaṇanāśāya indrajidvadhakāriṇe || 6||

महादेवात्मक नमो नमो वायुतनूद्भव ।नमः सुग्रीवसचिव सीतासन्तोषकारण ॥ ७॥

mahādevātmaka namo namo vāyutanūdbhava |namaḥ sugrīvasaciva sītāsantoṣakāraṇa || 7||

समुद्रोल्लङ्घन नमो सौमित्रेः प्राणदायक ।महावीर नमस्तुभ्यं दीर्घबाहो नमोनमः ॥ ८॥

samudrollaṅghana namo saumitreḥ prāṇadāyaka |mahāvīra namastubhyaṃ dīrghabāho namonamaḥ || 8||

दीर्घबाल नमस्तुभ्यं वज्रदेह नमो नमः ।छायाग्रहहर नमो वरसौम्यमुखेक्षण ॥ ९॥

dīrghabāla namastubhyaṃ vajradeha namo namaḥ |chāyāgrahahara namo varasaumyamukhekṣaṇa || 9||

सर्वदेवसुसंसेव्य मुनिसङ्घनमस्कृत ।अर्जुनध्वजसंवास कृष्णार्जुनसुपूजित ॥ १०॥

sarvadevasusaṃsevya munisaṅghanamaskṛta |arjunadhvajasaṃvāsa kṛṣṇārjunasupūjita || 10||

धर्मार्थकाममोक्षाख्य पुरुषार्थप्रवर्तक ।ब्रह्मास्त्रबन्द्य भगवन् आहतासुरनायक ॥ ११॥

dharmārthakāmamokṣākhya puruṣārthapravartaka |brahmāstrabandya bhagavan āhatāsuranāyaka || 11||

भक्तकल्पमहाभुज भूतबेतालनाशक ।दुष्टग्रहहरानन्त वासुदेव नमोऽस्तुते ॥ १२॥

bhaktakalpamahābhuja bhūtabetālanāśaka |duṣṭagrahaharānanta vāsudeva namo'stute || 12||

श्रीरामकार्ये चतुर पार्वतीगर्भसम्भव ।नमः पम्पावनचर ऋष्यमूककृतालय ॥ १३॥

śrīrāmakārye catura pārvatīgarbhasambhava |namaḥ pampāvanacara ṛṣyamūkakṛtālaya || 13||

धान्यमालीशापहर कालनेमिनिबर्हण ।सुवर्चलाप्राणनाथ रामचन्द्रपरायण ॥ १४॥

dhānyamālīśāpahara kālaneminibarhaṇa |suvarcalāprāṇanātha rāmacandraparāyaṇa || 14||

नमो वर्गस्वरूपाय वर्णनीयगुणोदय ।वरिष्ठाय नमस्तुभ्यं वेदरूप नमो नमः ।नमस्तुभ्यं नमस्तुभ्यं भूयो भूयो नमाम्यहम् ॥ १५॥

namo vargasvarūpāya varṇanīyaguṇodaya |variṣṭhāya namastubhyaṃ vedarūpa namo namaḥ |namastubhyaṃ namastubhyaṃ bhūyo bhūyo namāmyaham || 15||

इति ते कथितं देवि हृदयं श्रीहनूमतः ।सर्वसम्पत्करं पुण्यं सर्वसौख्यविवर्धनम् ॥ १६॥

iti te kathitaṃ devi hṛdayaṃ śrīhanūmataḥ |sarvasampatkaraṃ puṇyaṃ sarvasaukhyavivardhanam || 16||

दुष्टभूतग्रहहरं क्षयापस्मारनाशनम् ॥ १७॥

duṣṭabhūtagrahaharaṃ kṣayāpasmāranāśanam || 17||

यस्त्वात्मनियमो भक्त्या वायुसूनोः सुमङ्गलम् ।हृदयं पठते नित्यं स ब्रह्मसदृशो भवेत् ॥ १८॥

yastvātmaniyamo bhaktyā vāyusūnoḥ sumaṅgalam |hṛdayaṃ paṭhate nityaṃ sa brahmasadṛśo bhavet || 18||

अजप्तं हृदयं य इमं मन्त्रं जपति मानवः ।स दुःखं शीघ्रमाप्नोति मन्त्रसिद्धिर्न जायते ॥ १९॥

ajaptaṃ hṛdayaṃ ya imaṃ mantraṃ japati mānavaḥ |sa duḥkhaṃ śīghramāpnoti mantrasiddhirna jāyate || 19||

सत्यं सत्यं पुनः सत्यं मन्त्रसिद्धिकरं परम् ।इत्थं च कथितं पूर्वं साम्बेन स्वप्रियां प्रति ॥ २०॥

satyaṃ satyaṃ punaḥ satyaṃ mantrasiddhikaraṃ param |itthaṃ ca kathitaṃ pūrvaṃ sāmbena svapriyāṃ prati || 20||

महर्षेर्गौतमात्पूर्वं मया प्राप्तमिदं मुने ।तन्मया प्रहितं सर्वं शिष्यवात्सल्यकारणात् ॥ २१॥

maharṣergautamātpūrvaṃ mayā prāptamidaṃ mune |tanmayā prahitaṃ sarvaṃ śiṣyavātsalyakāraṇāt || 21||

इति श्रीपराशरसंहितान्तर्गते श्रीपराशरमैत्रेयसंवादेश्रीपञ्चमुखहनुमत् हृदयस्तोत्रं सम्पूर्णम् ॥(श्रीपञ्चवक्त्रहनुमत् हृदयस्तोत्रम्)

iti śrīparāśarasaṃhitāntargate śrīparāśaramaitreyasaṃvādeśrīpañcamukhahanumat hṛdayastotraṃ sampūrṇam ||(śrīpañcavaktrahanumat hṛdayastotram)