मारुतिस्तवः २ Shri Marutistavah Or Namahpanchashika

ससीतं राघवं नत्त्वा मारुतिं स्वगुरुं तथा ।श्रीमारुतिप्रसादाय कुर्वे श्रीमारुतिस्तवम् ॥ १॥

sasītaṃ rāghavaṃ nattvā mārutiṃ svaguruṃ tathā |śrīmārutiprasādāya kurve śrīmārutistavam || 1||

नमस्ते रामदूताय रामभक्ताय ते नमः ।श्रीहनूमन् नमस्तुभ्यं मारुते ते नमो नमः ॥ २॥

namaste rāmadūtāya rāmabhaktāya te namaḥ |śrīhanūman namastubhyaṃ mārute te namo namaḥ || 2||

नमस्ते वायुपुत्राय अञ्जनासूनवे नमः ।कपीन्द्राय नमस्तुभ्यं मारुते ते नमो नमः ॥ ३॥

namaste vāyuputrāya añjanāsūnave namaḥ |kapīndrāya namastubhyaṃ mārute te namo namaḥ || 3||

गदाधारिन् नमस्तुभ्यमद्रिधारक ते नमः ।विघ्नहारिन् नमस्तेऽस्तु मारुते ते नमो नमः ॥ ४॥

gadādhārin namastubhyamadridhāraka te namaḥ |vighnahārin namaste'stu mārute te namo namaḥ || 4||

नमः सुखप्रदात्रे ते दुःखहारक ते नमः ।नमो रामकृपापात्र मारुते ते नमो नमः ॥ ५॥

namaḥ sukhapradātre te duḥkhahāraka te namaḥ |namo rāmakṛpāpātra mārute te namo namaḥ || 5||

ज्ञानप्रद नमस्तुभ्यं भक्तिदायक ते नमः ।भक्तिप्रद नमस्तुभ्यं मारुते ते नमो नमः ॥ ६॥

jñānaprada namastubhyaṃ bhaktidāyaka te namaḥ |bhaktiprada namastubhyaṃ mārute te namo namaḥ || 6||

नमो लङ्घितपाथोधे लङ्कादाहक ते नमः ।नमः सीताशुचो हर्त्रे मारुते ते नमो नमः ॥ ७॥

namo laṅghitapāthodhe laṅkādāhaka te namaḥ |namaḥ sītāśuco hartre mārute te namo namaḥ || 7||

नमो राक्षसहन्त्रे च भक्तानां रक्षिणे नमः ।नमस्तारकदात्रे च मारुते ते नमो नमः ॥ ८॥

namo rākṣasahantre ca bhaktānāṃ rakṣiṇe namaḥ |namastārakadātre ca mārute te namo namaḥ || 8||

नमो रामरहस्यज्ञ वेदान्तवेदिने नमः ।नमो दयानिधानाय मारुते ते नमो नमः ॥ ९॥

namo rāmarahasyajña vedāntavedine namaḥ |namo dayānidhānāya mārute te namo namaḥ || 9||

नमो बलसमुद्राय मनोवेगाय ते नमः ।महावीर नमस्तुभ्यं मारुते ते नमो नमः ॥ १०॥

namo balasamudrāya manovegāya te namaḥ |mahāvīra namastubhyaṃ mārute te namo namaḥ || 10||

नमस्ते मैथिलीशिष्य ब्रह्मणो गुरुवे नमः ।नमः श्रीरामदासाय मारुते ते नमो नमः ॥ ११॥

namaste maithilīśiṣya brahmaṇo guruve namaḥ |namaḥ śrīrāmadāsāya mārute te namo namaḥ || 11||

आचार्यवासवश्रीमद्राघवानन्दनिर्मितः ।मारुतेर्हि प्रसादाय भवतान्मारुतिस्तवः ॥ १२॥

ācāryavāsavaśrīmadrāghavānandanirmitaḥ |māruterhi prasādāya bhavatānmārutistavaḥ || 12||

इति दुर्वादध्वान्तमार्त्तण्ड जगद्गुरु श्रीराघवानन्दाचार्यसिद्धसंराट्प्रणीता श्रीमारुतिस्तवः (नमःपञ्चाशिका) सम्पूर्णः ।

iti durvādadhvāntamārttaṇḍa jagadguru śrīrāghavānandācāryasiddhasaṃrāṭpraṇītā śrīmārutistavaḥ (namaḥpañcāśikā) sampūrṇaḥ |