वेदव्यासस्तोत्रम् ३ Shri Veda Vyasa Stotram 3

(श्रीसुमध्वविजय सप्तम सर्गः)अगणेय गुणार्णवोमलःस हि नारायण एष केवलम् ।विधिनानुसृतं पराशरात्सुषुवे सत्यवती किलाश्रयम् ॥ १॥

(śrīsumadhvavijaya saptama sargaḥ)agaṇeya guṇārṇavomalaḥsa hi nārāyaṇa eṣa kevalam |vidhinānusṛtaṃ parāśarātsuṣuve satyavatī kilāśrayam || 1||

धवलेस्य मनः पयोनिधौसदनुक्रोश गिरीन्द्रलोलिते ।प्रकटीभवति स्म सुन्दरीदयिता दैत्यरिपोस्त्रयी मयी ॥ २॥

dhavalesya manaḥ payonidhausadanukrośa girīndralolite |prakaṭībhavati sma sundarīdayitā daityaripostrayī mayī || 2||

इत एव पुराण गौरगौसमहाभारत पारिजातके ।सति जातवति व्यजायतप्रवरं सूत्रगणामृतं स्वयम् ॥ ३॥

ita eva purāṇa gauragausamahābhārata pārijātake |sati jātavati vyajāyatapravaraṃ sūtragaṇāmṛtaṃ svayam || 3||

निरवग्रहमुर्वनुग्रहविदधत्पाण्डु सुतादि सज्जने ॥अवनाववनाय संविदांसुचिरायैष चचार चारुगी ॥ ४॥

niravagrahamurvanugrahavidadhatpāṇḍu sutādi sajjane ||avanāvavanāya saṃvidāṃsucirāyaiṣa cacāra cārugī || 4||

अधुना कलिकालवृत्तयेसवितेव क्षणदानुवृत्तये ।जनदृग्विषयत्वमत्यजद्भगवानाश्रममावसन्निमम् ॥ ५॥

adhunā kalikālavṛttayesaviteva kṣaṇadānuvṛttaye |janadṛgviṣayatvamatyajadbhagavānāśramamāvasannimam || 5||

तदिदं वपुरस्य दृश्यतेदलितेन्दीवर सुन्दरम्मति ।परमाजिन योग पीठगंमम चेतो नयनाभिनन्दनम् ॥ ६॥

tadidaṃ vapurasya dṛśyatedalitendīvara sundarammati |paramājina yoga pīṭhagaṃmama ceto nayanābhinandanam || 6||

अगणेय गुणैः सुपूरितंपरिपूर्णागणितात्म सद्गुणैः ।इदमस्त समस्त दूषणंसचिदानन्दमयं हि केवलम् ॥ ७॥

agaṇeya guṇaiḥ supūritaṃparipūrṇāgaṇitātma sadguṇaiḥ |idamasta samasta dūṣaṇaṃsacidānandamayaṃ hi kevalam || 7||

कमला कमलासनानिलैर्विहगाहीन्द्र शिवेन्द्रपूर्वकैः ।पदपद्मरजोस्य धारितंशिरसा हन्त वहाम्यहं मुहुः ॥ ८॥

kamalā kamalāsanānilairvihagāhīndra śivendrapūrvakaiḥ |padapadmarajosya dhāritaṃśirasā hanta vahāmyahaṃ muhuḥ || 8||

प्रणमामि पदद्वयं विभोर्ध्वजवज्राङ्कुश पद्मचिह्नवत् ।निजमानसराग पीडनादरुणीभूतमिवारुणं स्वयम् ॥ ९॥

praṇamāmi padadvayaṃ vibhordhvajavajrāṅkuśa padmacihnavat |nijamānasarāga pīḍanādaruṇībhūtamivāruṇaṃ svayam || 9||

ननु केवलमेव वैष्णवंश्रीतवन्तः परमात्मरोचिषा ।तमसोप्युभयस्य नाशकाविजयन्ते नखरा नवं रविम् ॥ १०॥

nanu kevalameva vaiṣṇavaṃśrītavantaḥ paramātmarociṣā |tamasopyubhayasya nāśakāvijayante nakharā navaṃ ravim || 10||

सुकुमार तलाङ्गुलीमतोःपदयोरस्य निगूढ गुल्फयोः ।उपमानमहो नलभ्यतेकविवर्यैरितरेतरं विना ॥ ११॥

sukumāra talāṅgulīmatoḥpadayorasya nigūḍha gulphayoḥ |upamānamaho nalabhyatekavivaryairitaretaraṃ vinā || 11||

उचितां गुरुतां दधत् क्रमाच्छुचि तेजस्वि सुव्रत्तमुत्तमम् ।भजतोत्र च भाजयत्यदोविभुजङ्घायुगलं सरूपताम् ॥ १२॥

ucitāṃ gurutāṃ dadhat kramācchuci tejasvi suvrattamuttamam |bhajatotra ca bhājayatyadovibhujaṅghāyugalaṃ sarūpatām || 12||

अचलासनयोगपट्टिकावरकक्ष्या सकृदाप्तमिष्टदम् ।परितोऽपि हरिं स्फुरन्त्यहोअनिशं धन्यतमेति मे मतिः ॥ १३॥

acalāsanayogapaṭṭikāvarakakṣyā sakṛdāptamiṣṭadam |parito'pi hariṃ sphurantyahoaniśaṃ dhanyatameti me matiḥ || 13||

रुचिरेण वरैण चर्मणारुचिराजय्युति चारुरोचिषा ।परमोरु नितम्ब सङ्गिनापरमाश्चर्यतया विराजते ॥ १४॥

rucireṇa varaiṇa carmaṇārucirājayyuti cārurociṣā |paramoru nitamba saṅgināparamāścaryatayā virājate || 14||

तनुनिम्नसुनाभि शोभितेवलिभे वारिजनाभ आददे ।प्रतनावति सुन्दरे मृदावुदरेस्मिन् जगदण्डमण्डलम् ॥ १५॥

tanunimnasunābhi śobhitevalibhe vārijanābha ādade |pratanāvati sundare mṛdāvudaresmin jagadaṇḍamaṇḍalam || 15||

हृदये कृत सज्जनोदयेसुविशाले विमले मनोहरे ।उभयं वहति तयि मयंभगवान् ब्रह्मसुसूत्रमुत्तमम् ॥ १६॥

hṛdaye kṛta sajjanodayesuviśāle vimale manohare |ubhayaṃ vahati tayi mayaṃbhagavān brahmasusūtramuttamam || 16||

असमेनधिके सुसाधितेनिजताते रविराशिदीधिति ।प्रददौ त्रिजगज्जयध्वजंविधिरेतद्गलसङ्गिभूषणम् ॥ १७॥

asamenadhike susādhitenijatāte ravirāśidīdhiti |pradadau trijagajjayadhvajaṃvidhiretadgalasaṅgibhūṣaṇam || 17||

अरिवारिजलक्षणोल्लसत्सुकुमारारुण पाणिपद्मयोः ।पृथुपीवर वृत्त हस्तयोरुपमां नैव लभामहेनयोः ॥ १८॥

arivārijalakṣaṇollasatsukumārāruṇa pāṇipadmayoḥ |pṛthupīvara vṛtta hastayorupamāṃ naiva labhāmahenayoḥ || 18||

भजतां वरतर्कमुद्रयाव्यति हस्ताग्रमबोधमीशितुः ।अधिजानुसमर्पित परंकृतभूयो भयभङ्ग मङ्गलम् ॥ १९॥

bhajatāṃ varatarkamudrayāvyati hastāgramabodhamīśituḥ |adhijānusamarpita paraṃkṛtabhūyo bhayabhaṅga maṅgalam || 19||

सततं गलता स्वतः श्रुतित्रितयेनैव निकाममङ्कितः ।सुविडम्बित कम्बुरीक्ष्यतेवररेखात्रयवान् गुरोर्गलः ॥ २०॥

satataṃ galatā svataḥ śrutitritayenaiva nikāmamaṅkitaḥ |suviḍambita kamburīkṣyatevararekhātrayavān gurorgalaḥ || 20||

सकलास्त कलङ्क कालिमस्पुरदिन्दु प्रकरोरु विभ्रमम् ।अधरी कुरुते स्वशोभयावदनं देव शिखामणेरिदम् ॥ २१॥

sakalāsta kalaṅka kālimaspuradindu prakaroru vibhramam |adharī kurute svaśobhayāvadanaṃ deva śikhāmaṇeridam || 21||

अरुणाश्मदलान्तरोल्लसन्नव मुक्तावलिमस्य लज्जयेत् ।हसतः सितदन्त सन्ततिःपरमश्रीररुणोष्ठरोचिषः ॥ २२॥

aruṇāśmadalāntarollasannava muktāvalimasya lajjayet |hasataḥ sitadanta santatiḥparamaśrīraruṇoṣṭharociṣaḥ || 22||

द्विजवृन्दकृतं कुतूहलादनु योगान्धु सहस्तमुत्तमम् ।इयमेकपदे सरस्वतीश्रुतिभर्तुः परिपूरयत्यहो ॥ २३॥

dvijavṛndakṛtaṃ kutūhalādanu yogāndhu sahastamuttamam |iyamekapade sarasvatīśrutibhartuḥ paripūrayatyaho || 23||

जलजायतलोचनस्य मामवलोकोयमुपेत्यलालयन् ।कुरुते परिरभ्य पूरितंभुवनानन्द करस्मितान्वितः ॥ २४॥

jalajāyatalocanasya māmavalokoyamupetyalālayan |kurute parirabhya pūritaṃbhuvanānanda karasmitānvitaḥ || 24||

उपकर्णममुष्य भासितातुलसी मन्त्रयतीव लालिता ।ममनाथ पदं न मत्सराज्जलजाद्यानि हरेयुरित्यलम् ॥ २५॥

upakarṇamamuṣya bhāsitātulasī mantrayatīva lālitā |mamanātha padaṃ na matsarājjalajādyāni hareyurityalam || 25||

विभवाबिभवोद्भवादिकंभुवनानां भुवन प्रभोर्भुवोः ।अनयोरपि दभ्रविभ्रमात्सभवाम्भोज भवात्मनां भवेत् ॥ २६॥

vibhavābibhavodbhavādikaṃbhuvanānāṃ bhuvana prabhorbhuvoḥ |anayorapi dabhravibhramātsabhavāmbhoja bhavātmanāṃ bhavet || 26||

त्रिजगत्तिलकालिकान्तरेतिलकोयं परभागमाप्तवान् ।हरि नीलगिरीन्द्र मस्तकस्फुट शोणोपलपङ्क्ति सन्निभः ॥ २७॥

trijagattilakālikāntaretilakoyaṃ parabhāgamāptavān |hari nīlagirīndra mastakasphuṭa śoṇopalapaṅkti sannibhaḥ || 27||

नवमम्बुधरं विडम्बयद्वर विद्युद्वलयं जगद्गुरोः ।अवलोक्य कृतार्थतामगांसजटामण्डल मण्डनं वपुः ॥ २८॥

navamambudharaṃ viḍambayadvara vidyudvalayaṃ jagadguroḥ |avalokya kṛtārthatāmagāṃsajaṭāmaṇḍala maṇḍanaṃ vapuḥ || 28||

न रमापि पदाङ्गुलीलसन्नखधूराजदनन्त सद्गुणान् ।गणयेद्गणयन्त्यनारतंपरमान् कोस्य परो गुणान् वदेत् ॥ २९॥

na ramāpi padāṅgulīlasannakhadhūrājadananta sadguṇān |gaṇayedgaṇayantyanārataṃparamān kosya paro guṇān vadet || 29||

सज्ञानायानन्दविज्ञानमूर्तीप्राप्तौ पृथ्वीमाश्रमे तत्र तावत् ।जाज्वल्येते विष्णुवायूस्म देवौवेदव्यासानन्दतीर्थाभिधानौ ॥ ३०॥

sajñānāyānandavijñānamūrtīprāptau pṛthvīmāśrame tatra tāvat |jājvalyete viṣṇuvāyūsma devauvedavyāsānandatīrthābhidhānau || 30||

इति श्रीमन्नारायणपण्डिताचार्यविरचितं श्रीवेदव्यासस्तोत्रं सम्पूर्णम् ।

iti śrīmannārāyaṇapaṇḍitācāryaviracitaṃ śrīvedavyāsastotraṃ sampūrṇam |