वेदव्यासस्तोत्रम् ५ Shri Veda Vyasa Stotram 5

सुखमुखगुणबिम्बः साधुमार्गावलम्बःसुमति जलजमोदो दूषितान्यप्रमोदः ।भुवन वितत मोहध्वान्त विध्वंसकेतुःदिशतु दृशमभीष्टां व्याससूर्यः स्वनिष्ठाम् ॥ १॥

sukhamukhaguṇabimbaḥ sādhumārgāvalambaḥsumati jalajamodo dūṣitānyapramodaḥ |bhuvana vitata mohadhvānta vidhvaṃsaketuḥdiśatu dṛśamabhīṣṭāṃ vyāsasūryaḥ svaniṣṭhām || 1||

आनन्दादि गुणोद्रिक्तमानन्दादिपदाभिधम् ।आनन्दमुनिपं व्यास स्वानन्दाय भजेमुहुः ॥ २॥

ānandādi guṇodriktamānandādipadābhidham |ānandamunipaṃ vyāsa svānandāya bhajemuhuḥ || 2||

विदोषभाश्चिन्तितसन्मनोरथप्रदेशः सुधीमण्डल मण्डनायितः ।सदा ममाज्ञानतमोविनाशकः श्रुतीश चिन्तामणिरस्तु भूतिदः ॥ ३॥

vidoṣabhāścintitasanmanorathapradeśaḥ sudhīmaṇḍala maṇḍanāyitaḥ |sadā mamājñānatamovināśakaḥ śrutīśa cintāmaṇirastu bhūtidaḥ || 3||

वासवीवियति व्यक्तं परापरविभासकम् ।व्यासाभिधमहं वन्दे महामोहतमोपहम् ॥ ४॥

vāsavīviyati vyaktaṃ parāparavibhāsakam |vyāsābhidhamahaṃ vande mahāmohatamopaham || 4||

(श्रीमन्यायसुधा टिप्पणि)व्यास भारतकर्तारं मध्वं मूलगुरुं तथा ।चेतो वाग्देवतां वाणीं गुरूंश्च प्रणमाम्यहम् ॥ ५॥

(śrīmanyāyasudhā ṭippaṇi)vyāsa bhāratakartāraṃ madhvaṃ mūlaguruṃ tathā |ceto vāgdevatāṃ vāṇīṃ gurūṃśca praṇamāmyaham || 5||

व्यासं सर्वगुणावासं वासवीनन्दनं प्रभुम् ।श्रीनिवासं सदा वन्दे भासमानं हृदम्बरे ॥ ६॥

vyāsaṃ sarvaguṇāvāsaṃ vāsavīnandanaṃ prabhum |śrīnivāsaṃ sadā vande bhāsamānaṃ hṛdambare || 6||

(श्री यमकभारत टिप्पणि)भूखण्ड प्रकटीकृतामलवपुः विस्तारिताशेषगुर्वेदान्ताब्ज विकासको हरिर्जगत्तत्वप्रकाशप्रदः ।ध्वस्तध्वान्तततिः शरण्य जनसन्मार्गप्रदर्शी मुहुःवेदव्यास दिवाकरो लसतु मे हार्दाम्बरे सर्वदा ॥ ७॥

(śrī yamakabhārata ṭippaṇi)bhūkhaṇḍa prakaṭīkṛtāmalavapuḥ vistāritāśeṣagurvedāntābja vikāsako harirjagattatvaprakāśapradaḥ |dhvastadhvāntatatiḥ śaraṇya janasanmārgapradarśī muhuḥvedavyāsa divākaro lasatu me hārdāmbare sarvadā || 7||

(श्रीमद्भागवत प्रथम स्कन्ध टिप्पणि)वासवीनन्दनं व्यासं वासुदेव पराभिदम् ।श्रीशं नौमि सदा मध्वहृदयाम्बुज वासिनम् ॥ ८॥

(śrīmadbhāgavata prathama skandha ṭippaṇi)vāsavīnandanaṃ vyāsaṃ vāsudeva parābhidam |śrīśaṃ naumi sadā madhvahṛdayāmbuja vāsinam || 8||

(श्रीमद्भागवत प्रथम स्कन्ध टिप्पणि)सत्यवत्यालवालोत्थं सद्विद्यालतया युतम् ।नाना शाखाभिरुत्कृष्टं व्यास कल्पद्रुमं भजे ॥ ९॥

(śrīmadbhāgavata prathama skandha ṭippaṇi)satyavatyālavālotthaṃ sadvidyālatayā yutam |nānā śākhābhirutkṛṣṭaṃ vyāsa kalpadrumaṃ bhaje || 9||

(श्रीमद्भागवत द्वितीय स्कन्ध टिप्पणि)सुखज्ञानादि सद्रत्नः शुकयोगीन्दु सम्भवः ।व्यासदेवामृताम्बोधिः भूयाद्भूत्यै ममानिशम् ॥ १०॥

(śrīmadbhāgavata dvitīya skandha ṭippaṇi)sukhajñānādi sadratnaḥ śukayogīndu sambhavaḥ |vyāsadevāmṛtāmbodhiḥ bhūyādbhūtyai mamāniśam || 10||

(श्रीमद्भागवत तृतीय स्कन्ध टिप्पणि)सत्यवत्यालवालोत्थं वेदशाखोपबृंहितम् ।शुकादिद्विजसन्नादं व्यास कल्पद्रुमं भजे ॥ ११॥

(śrīmadbhāgavata tṛtīya skandha ṭippaṇi)satyavatyālavālotthaṃ vedaśākhopabṛṃhitam |śukādidvijasannādaṃ vyāsa kalpadrumaṃ bhaje || 11||

(श्रीमद्भागवत चतुर्थ स्कन्ध टिप्पणि)सुखादिगुण सम्पूर्णं दुःखाज्ञान विवर्जितम् ।शुकादिमुनि मध्यस्तं व्यासयोगीशमाभजे ॥ १२॥

(śrīmadbhāgavata caturtha skandha ṭippaṇi)sukhādiguṇa sampūrṇaṃ duḥkhājñāna vivarjitam |śukādimuni madhyastaṃ vyāsayogīśamābhaje || 12||

(श्रीमद्भागवत सप्तम स्कन्ध टिप्पणि)इति श्रीयादवार्यविरचितं श्रीवेदव्यासस्तोत्रं सम्पूर्णम् ।

(śrīmadbhāgavata saptama skandha ṭippaṇi)iti śrīyādavāryaviracitaṃ śrīvedavyāsastotraṃ sampūrṇam |