वेदव्याससुप्रभातम् पञ्चकम् Shri Veda Vyasa Suprabhatam

श्रीमत्पराशरतपःफलवासवीसुव्यक्त प्रभूत सुखचिद्बलवीर्य मूर्ते ।प्राज्यप्रबोधपरिपूज्यपदारविन्दश्रीबादरायण हरे तव सुप्रभातम् ॥ १॥

śrīmatparāśaratapaḥphalavāsavīsuvyakta prabhūta sukhacidbalavīrya mūrte |prājyaprabodhaparipūjyapadāravindaśrībādarāyaṇa hare tava suprabhātam || 1||

विज्ञानरोचिरभिपूरितपद्मजाण्डबाह्यान्तरामरगुरो हरितोपलाभ ।तर्काभयोज्ज्वलकराम्बुज योगिवर्यश्रीबादरायण हरे तव सुप्रभातम् ॥ २॥

vijñānarocirabhipūritapadmajāṇḍabāhyāntarāmaraguro haritopalābha |tarkābhayojjvalakarāmbuja yogivaryaśrībādarāyaṇa hare tava suprabhātam || 2||

श्रीभारत द्विनवचारुपुराणकर्तःक्ष्माभार दुर्मति कुवादसमाजहर्तः ।श्रीभारतीशमुखकीर्तित भव्यवार्तःश्रीबादरायण हरे तव सुप्रभातम् ॥ ३॥

śrībhārata dvinavacārupurāṇakartaḥkṣmābhāra durmati kuvādasamājahartaḥ |śrībhāratīśamukhakīrtita bhavyavārtaḥśrībādarāyaṇa hare tava suprabhātam || 3||

सज्जाल हृत्तिमिर सन्तति पद्ममित्रवेदार्थनिर्णयकृते रचितोरु सूत्र ।दैपायन श्रुतिततीरित सच्चरित्रश्रीबादरायण हरे तव सुप्रभातम् ॥ ४॥

sajjāla hṛttimira santati padmamitravedārthanirṇayakṛte racitoru sūtra |daipāyana śrutitatīrita saccaritraśrībādarāyaṇa hare tava suprabhātam || 4||

भूदानवारि हृदयाम्बुज तिग्मभानोपादारविन्दनत कामित कामधेनो ।शीदाप्त कीटपतये मुनिवर्यसूनोश्रीबादरायण हरे तव सुप्रभातम् ॥ ५॥

bhūdānavāri hṛdayāmbuja tigmabhānopādāravindanata kāmita kāmadheno |śīdāpta kīṭapataye munivaryasūnośrībādarāyaṇa hare tava suprabhātam || 5||

विद्यारत्नाकरोक्तं श्रुतिपति सुप्रभात पञ्चकं प्रातः ।भक्त्यापठत्यतन्द्रं नामगिरीण्नृहरिः प्रसीदति क्षिप्रम् ॥इति श्रीविद्यारत्नाकरतीर्थविरचितं श्रीवेदव्याससुप्रभातं सम्पूर्णम् ।

vidyāratnākaroktaṃ śrutipati suprabhāta pañcakaṃ prātaḥ |bhaktyāpaṭhatyatandraṃ nāmagirīṇnṛhariḥ prasīdati kṣipram ||iti śrīvidyāratnākaratīrthaviracitaṃ śrīvedavyāsasuprabhātaṃ sampūrṇam |