वेदव्यासकरावलम्बनस्तोत्रम् Shri Veda Vyasa Karavalambana Stotram

त्रय्या विकासकमजं मुहुरन्तदेवसञ्चिन्त्य मध्वगुरुपादयुगं गुरूंश्च ।वेदेश पादजलजं हृदि साधुकृत्वासंप्रार्थये श्रुतिविकासक हस्तदानम् ॥ १॥

trayyā vikāsakamajaṃ muhurantadevasañcintya madhvagurupādayugaṃ gurūṃśca |vedeśa pādajalajaṃ hṛdi sādhukṛtvāsaṃprārthaye śrutivikāsaka hastadānam || 1||

पद्मासनादि सुरसत्तमभूसुरादिसल्लोक बोधदहरे बदरी निवासिन् ।सच्छास्त्रशस्त्र हृतसत्कुमते सदिष्टवासिष्ठकृष्ण ममदेहि करावलम्बम् ॥ २॥

padmāsanādi surasattamabhūsurādisalloka bodhadahare badarī nivāsin |sacchāstraśastra hṛtasatkumate sadiṣṭavāsiṣṭhakṛṣṇa mamadehi karāvalambam || 2||

आम्नाय विस्तर विशारद शारदेशभूतादिपादिसुरसंस्तुत पादपद्म ।योगीश योगि हृदयामलकञ्जवासवासिष्ठकृष्ण ममदेहि करावलम्बम् ॥ ३॥

āmnāya vistara viśārada śāradeśabhūtādipādisurasaṃstuta pādapadma |yogīśa yogi hṛdayāmalakañjavāsavāsiṣṭhakṛṣṇa mamadehi karāvalambam || 3||

सद्ब्रह्मसूत्र वरभारत तन्त्रपूर्वनिर्माण निर्मलमतेखिलदोषदूर ।आनन्दपूर्ण करुणाकर वेवदेववासिष्ठकृष्ण ममदेहि करावलम्बम् ॥ ४॥

sadbrahmasūtra varabhārata tantrapūrvanirmāṇa nirmalamatekhiladoṣadūra |ānandapūrṇa karuṇākara vevadevavāsiṣṭhakṛṣṇa mamadehi karāvalambam || 4||

अर्कात्मजा जलतरङ्गविचारिचारुवायूपनीत शुभगन्ध तरूपवासिन् ।अर्कप्रभैणवरचर्मधरोरु धामन्वासिष्ठकृष्ण ममदेहि करावलम्बम् ॥ ५॥

arkātmajā jalataraṅgavicāricāruvāyūpanīta śubhagandha tarūpavāsin |arkaprabhaiṇavaracarmadharoru dhāmanvāsiṣṭhakṛṣṇa mamadehi karāvalambam || 5||

तर्काभयेतकरतात शुकस्य कीटराज्य प्रदाघटित सङ्घटकात्म शक्ते ।भृत्यार्तिहन् प्रणत पूरुसुवंशकारिन्वासिष्ठकृष्ण ममदेहि करावलम्बम् ॥ ६॥

tarkābhayetakaratāta śukasya kīṭarājya pradāghaṭita saṅghaṭakātma śakte |bhṛtyārtihan praṇata pūrusuvaṃśakārinvāsiṣṭhakṛṣṇa mamadehi karāvalambam || 6||

काले जले जलद नील कृतोरुवर्मन्आम्नायहारिसुरवैरि हरावतार ।मत्स्यस्वरूप कृत कञ्जज वेददानवासिष्ठकृष्ण ममदेहि करावलम्बम् ॥ ७॥

kāle jale jalada nīla kṛtoruvarmanāmnāyahārisuravairi harāvatāra |matsyasvarūpa kṛta kañjaja vedadānavāsiṣṭhakṛṣṇa mamadehi karāvalambam || 7||

गीर्वाणदैत्य बललोलित सिन्धु मग्नमन्थाचलोद्धरण देवसुधाप्तिहेतोः ।कूर्मस्वरूप धृतभूधर नीरचारिन्वासिष्ठकृष्ण ममदेहि करावलम्बम् ॥ ८॥

gīrvāṇadaitya balalolita sindhu magnamanthācaloddharaṇa devasudhāptihetoḥ |kūrmasvarūpa dhṛtabhūdhara nīracārinvāsiṣṭhakṛṣṇa mamadehi karāvalambam || 8||

क्षोणीहरोरुबलदैत्य हिरण्यनेत्रप्रध्वंस दंष्ट्रयुगलाग्र सुरप्रमोद ।पृथ्वी धराध्वरवराङ्ग वराहरूपवासिष्ठकृष्ण ममदेहि करावलम्बम् ॥ ९॥

kṣoṇīharorubaladaitya hiraṇyanetrapradhvaṃsa daṃṣṭrayugalāgra surapramoda |pṛthvī dharādhvaravarāṅga varāharūpavāsiṣṭhakṛṣṇa mamadehi karāvalambam || 9||

प्रह्लाद शोकविनिमोचन देवजातसन्तोषदोरुबलदैत्य हिरण्यदारिन् ।सिंहास्यमानुषशरीरयुतावतारवासिष्ठकृष्ण ममदेहि करावलम्बम् ॥ १०॥

prahlāda śokavinimocana devajātasantoṣadorubaladaitya hiraṇyadārin |siṃhāsyamānuṣaśarīrayutāvatāravāsiṣṭhakṛṣṇa mamadehi karāvalambam || 10||

देवेन्द्रराज्यहरदान वराजयज्ञशालार्थि रूपधर वज्र धरार्तिहारिन् ।याञ्चामिषादसुरवञ्चक वामनेशवासिष्ठकृष्ण ममदेहि करावलम्बम् ॥ ११॥

devendrarājyaharadāna varājayajñaśālārthi rūpadhara vajra dharārtihārin |yāñcāmiṣādasuravañcaka vāmaneśavāsiṣṭhakṛṣṇa mamadehi karāvalambam || 11||

तातापकारिनृपवंशवनप्रदाहवह्ने भ्रगुप्रवरराम रमानिवास ।सूर्या०शुशुभ्र परशुप्रवरायुधाड्यवासिष्ठकृष्ण ममदेहि करावलम्बम् ॥ १२॥

tātāpakārinṛpavaṃśavanapradāhavahne bhragupravararāma ramānivāsa |sūryā0śuśubhra paraśupravarāyudhāḍyavāsiṣṭhakṛṣṇa mamadehi karāvalambam || 12||

रक्षोधिराज दशकन्धर कुम्भकर्णपूर्वारि कालनमरुव्वरसूनुमित्र ।सीतामनोहर वराङ्ग रघूत्थरामवासिष्ठकृष्ण ममदेहि करावलम्बम् ॥ १३॥

rakṣodhirāja daśakandhara kumbhakarṇapūrvāri kālanamaruvvarasūnumitra |sītāmanohara varāṅga raghūttharāmavāsiṣṭhakṛṣṇa mamadehi karāvalambam || 13||

कृष्णाप्रियाप्रियकरावनिभारभूतराजन्यसूदन सुरद्विजमोददायिन् ।भैष्मीपुरःसरवधूवर केलिकृष्णवासिष्ठकृष्ण ममदेहि करावलम्बम् ॥ १४॥

kṛṣṇāpriyāpriyakarāvanibhārabhūtarājanyasūdana suradvijamodadāyin |bhaiṣmīpuraḥsaravadhūvara kelikṛṣṇavāsiṣṭhakṛṣṇa mamadehi karāvalambam || 14||

सद्धर्मचारिजिनमुख्य सुरारिवृन्दसम्मोहन त्रिदशबोधन बुद्द रूप ।उग्रादिहेति निचयग्र सनामितात्मन्वासिष्ठकृष्ण ममदेहि करावलम्बम् ॥ १५॥

saddharmacārijinamukhya surārivṛndasammohana tridaśabodhana budda rūpa |ugrādiheti nicayagra sanāmitātmanvāsiṣṭhakṛṣṇa mamadehi karāvalambam || 15||

ज्ञानादिसद्गुणविहीन जन प्रकीर्णकाले कले स्तुरगवाहन दुष्टपारिन् ॥कल्किस्वरूप कृतपूर्वयुग प्रवृत्ते ।वासिष्ठकृष्ण ममदेहि करावलम्बम् ॥ १६॥

jñānādisadguṇavihīna jana prakīrṇakāle kale sturagavāhana duṣṭapārin ||kalkisvarūpa kṛtapūrvayuga pravṛtte |vāsiṣṭhakṛṣṇa mamadehi karāvalambam || 16||

यज्ञैतरेय कपिलर्षभदत्तधन्वंतर्यश्व सन्मुख कुमार सुयोषिदात्मन् ।सद्धर्म सूनुवर तापस हंसरूपवासिष्ठकृष्ण ममदेहि करावलम्बम् ॥ १७॥

yajñaitareya kapilarṣabhadattadhanvaṃtaryaśva sanmukha kumāra suyoṣidātman |saddharma sūnuvara tāpasa haṃsarūpavāsiṣṭhakṛṣṇa mamadehi karāvalambam || 17||

सत्केशवादि द्विषडात्मक वासुदेवाद्यात्मादिना सुचतुरूप सुशिंशुमार ।कृद्धोल्कपूर्वक सुपञ्चक देवरूपवासिष्ठकृष्ण ममदेहि करावलम्बम् ॥ १८॥

satkeśavādi dviṣaḍātmaka vāsudevādyātmādinā sucaturūpa suśiṃśumāra |kṛddholkapūrvaka supañcaka devarūpavāsiṣṭhakṛṣṇa mamadehi karāvalambam || 18||

नारायणादि शतरूप सहस्वरूपविश्वादिना सुबहुरूप परादिना च ।दिव्याजिताद्यमितरूप सुविश्वरूपवासिष्ठकृष्ण ममदेहि करावलम्बम् ॥ १९॥

nārāyaṇādi śatarūpa sahasvarūpaviśvādinā subahurūpa parādinā ca |divyājitādyamitarūpa suviśvarūpavāsiṣṭhakṛṣṇa mamadehi karāvalambam || 19||

श्रीविष्णुनामग सुवर्ण सन्धितात्मन्मण्डूकसत्तनुज ह्रस्वसुनामकेन ।ध्यातर्षिणा सुसुखतीर्थ कराब्ज सेव्यवासिष्ठकृष्ण ममदेहि करावलम्बम् ॥ २०॥

śrīviṣṇunāmaga suvarṇa sandhitātmanmaṇḍūkasattanuja hrasvasunāmakena |dhyātarṣiṇā susukhatīrtha karābja sevyavāsiṣṭhakṛṣṇa mamadehi karāvalambam || 20||

वैकुण्ठपूर्वक त्रिधामगतत्रिरूपस्वक्ष्यादिधामगत विश्वपुरः सरात्मन् ।सत्केशवादि चतुरुत्तरविंशरूपवासिष्ठकृष्ण ममदेहि करावलम्बम् ॥ २१॥

vaikuṇṭhapūrvaka tridhāmagatatrirūpasvakṣyādidhāmagata viśvapuraḥ sarātman |satkeśavādi caturuttaraviṃśarūpavāsiṣṭhakṛṣṇa mamadehi karāvalambam || 21||

सत्वञ्चरात्र प्रतिपाद्यरमादिरूपव्यूहात् पुरासुपरिपूज्य नवस्वरूप ।विमलादि शक्तिनवकात्मक दिव्यरूपवासिष्ठकृष्ण ममदेहि करावलम्बम् ॥ २२॥

satvañcarātra pratipādyaramādirūpavyūhāt purāsuparipūjya navasvarūpa |vimalādi śaktinavakātmaka divyarūpavāsiṣṭhakṛṣṇa mamadehi karāvalambam || 22||

स्वायम्भुवादिमनुसंस्थित दिव्यराजराजेश्वरात्मक तथा सदुपेन्द्रनामन् ।सर्वेषु राजसु निविष्ट विभूति रूपवासिष्ठकृष्ण ममदेहि करावलम्बम् ॥ २३॥

svāyambhuvādimanusaṃsthita divyarājarājeśvarātmaka tathā sadupendranāman |sarveṣu rājasu niviṣṭa vibhūti rūpavāsiṣṭhakṛṣṇa mamadehi karāvalambam || 23||

प्रद्युम्न पार्थनरवैन्य बलानिरुद्धपूर्वेषु संस्थित विशेष विभूति रूप ।ब्रह्मादि जीव निवहाख्य (हस्थ) विभिन्नकांशवासिष्ठकृष्ण ममदेहि करावलम्बम् ॥ २४॥

pradyumna pārthanaravainya balāniruddhapūrveṣu saṃsthita viśeṣa vibhūti rūpa |brahmādi jīva nivahākhya (hastha) vibhinnakāṃśavāsiṣṭhakṛṣṇa mamadehi karāvalambam || 24||

सत्पृश्निगर्भ पितृहृद्यगया प्रयागवाराणसीस्थित गदाधर माधवात्मन् ।श्रीवेङ्कटेश सुविमानग रङ्गनाथवासिष्ठकृष्ण ममदेहि करावलम्बम् ॥ २५॥

satpṛśnigarbha pitṛhṛdyagayā prayāgavārāṇasīsthita gadādhara mādhavātman |śrīveṅkaṭeśa suvimānaga raṅganāthavāsiṣṭhakṛṣṇa mamadehi karāvalambam || 25||

सद्वारकारजतपीठ सुवर्णपूर्वब्रह्मण्य मध्यमठ पाजक संस्थितात्मन् ।रूपैर्गुणैरवयवैस्ततितः स्वनन्तवासिष्ठकृष्ण ममदेहि करावलम्बम् ॥ २६॥

sadvārakārajatapīṭha suvarṇapūrvabrahmaṇya madhyamaṭha pājaka saṃsthitātman |rūpairguṇairavayavaistatitaḥ svanantavāsiṣṭhakṛṣṇa mamadehi karāvalambam || 26||

वेदेश मद्गुरुकरार्चित पादपद्यश्रीकेशव ध्रुवविनिर्मित दिव्यमूर्ते ।श्रीभीमरथ्य मलतीर मणूर वासिन्वासिष्ठकृष्ण ममदेहि करावलम्बम् ॥ २७॥

vedeśa madgurukarārcita pādapadyaśrīkeśava dhruvavinirmita divyamūrte |śrībhīmarathya malatīra maṇūra vāsinvāsiṣṭhakṛṣṇa mamadehi karāvalambam || 27||

श्रीपाण्डुरङ्ग सुस्यमन्तक गण्डिकाश्रीमुष्णादिक्षेत्रवरसंस्थित नैकरूप (मूर्ते)काञ्चीस्थसद्वरदराज(सु) त्रिविक्रमात्मन्वासिष्ठकृष्ण ममदेहि करावलम्बम् ॥ २८॥

śrīpāṇḍuraṅga susyamantaka gaṇḍikāśrīmuṣṇādikṣetravarasaṃsthita naikarūpa (mūrte)kāñcīsthasadvaradarāja(su) trivikramātmanvāsiṣṭhakṛṣṇa mamadehi karāvalambam || 28||

आदिक्षान्तततवर्णसुवाच्यभूत (तैः)निर्भेद मूर्तिकमहासदजादिरूपैः ।शक्त्यादिभिर्विगत भेद दशैक रूपवासिष्ठकृष्ण ममदेहि करावलम्बम् ॥ २९॥

ādikṣāntatatavarṇasuvācyabhūta (taiḥ)nirbheda mūrtikamahāsadajādirūpaiḥ |śaktyādibhirvigata bheda daśaika rūpavāsiṣṭhakṛṣṇa mamadehi karāvalambam || 29||

सूर्यानलप्रभृति हृद्दुरितौघतूलराशि प्रदाहक सुदर्शन रूपकेश ।नारायण प्रभृतिरूप सुपञ्चकात्मन्वासिष्ठकृष्ण ममदेहि करावलम्बम् ॥ ३०॥

sūryānalaprabhṛti hṛdduritaughatūlarāśi pradāhaka sudarśana rūpakeśa |nārāyaṇa prabhṛtirūpa supañcakātmanvāsiṣṭhakṛṣṇa mamadehi karāvalambam || 30||

इच्छादि शक्ति त्रितयेन तथाणिमादिशक्त्यष्टकेनविगताखिल भेदमूर्ते ।सन्मोचकादि नवशक्ति विभिन्न देह (कांश)वासिष्ठकृष्ण ममदेहि करावलम्बम् ॥ ३१॥

icchādi śakti tritayena tathāṇimādiśaktyaṣṭakenavigatākhila bhedamūrte |sanmocakādi navaśakti vibhinna deha (kāṃśa)vāsiṣṭhakṛṣṇa mamadehi karāvalambam || 31||

जीवस्वरूप विनियामक बिम्बरूपमूलेशनामक सुसारभुगिन्दु (भुगिन्ध) रूप ।प्रादेशरूपक विराडथ पद्मनाभवासिष्ठकृष्ण ममदेहि करावलम्बम् ॥ ३२॥

jīvasvarūpa viniyāmaka bimbarūpamūleśanāmaka susārabhugindu (bhugindha) rūpa |prādeśarūpaka virāḍatha padmanābhavāsiṣṭhakṛṣṇa mamadehi karāvalambam || 32||

क्षी (क्षा)राब्धिसङ्गत महाजलवाडवाग्निस्थरूप परमाणुगताणु रूप (मूर्ते) ।अव्याकृताम्बरगतापरिमेयरूपवासिष्ठकृष्ण ममदेहि करावलम्बम् ॥ ३३॥

kṣī (kṣā)rābdhisaṅgata mahājalavāḍavāgnistharūpa paramāṇugatāṇu rūpa (mūrte) |avyākṛtāmbaragatāparimeyarūpavāsiṣṭhakṛṣṇa mamadehi karāvalambam || 33||

ब्रह्मादि सर्वजगतः सुविशेषतोपिसर्वत्र संस्थिति निमित्तत एव चास ।व्यासः स वीति हि श्रुतेरिति व्यासनामन्वासिष्ठकृष्ण ममदेहि करावलम्बम् ॥ ३४॥

brahmādi sarvajagataḥ suviśeṣatopisarvatra saṃsthiti nimittata eva cāsa |vyāsaḥ sa vīti hi śruteriti vyāsanāmanvāsiṣṭhakṛṣṇa mamadehi karāvalambam || 34||

निर्दोष पूर्णगुणचिज्जडभिन्नरूपश्रुत्यायतस्त्व धिगतोऽसि ततस्त्वनामन् ।सत् श्रीकराख्य हरिनामक व्यूहरूपवासिष्ठकृष्ण ममदेहि करावलम्बम् ॥ ३५॥

nirdoṣa pūrṇaguṇacijjaḍabhinnarūpaśrutyāyatastva dhigato'si tatastvanāman |sat śrīkarākhya harināmaka vyūharūpavāsiṣṭhakṛṣṇa mamadehi karāvalambam || 35||

पैलौडुलोमि वरजैमिनिकाशकृत्स्नकार्ष्णाजिनिप्रभृतिशिष्य सुसेविताङ्घ्रे ।कानीन मद्गुरु सुसेव्य पदाब्जयुग्मवासिष्ठकृष्ण ममदेहि करावलम्बम् ॥ ३६॥

pailauḍulomi varajaiminikāśakṛtsnakārṣṇājiniprabhṛtiśiṣya susevitāṅghre |kānīna madguru susevya padābjayugmavāsiṣṭhakṛṣṇa mamadehi karāvalambam || 36||

नानाविकर्मजनिताशुभसागरान्तःसम्भ्राम्यतः प्रतिहतस्य षडूर्मिजालैः ।पुत्रादिनक्र निगृहीत शरीरकस्यवासिष्ठकृष्ण ममदेहि करावलम्बम् ॥ ३७॥

nānāvikarmajanitāśubhasāgarāntaḥsambhrāmyataḥ pratihatasya ṣaḍūrmijālaiḥ |putrādinakra nigṛhīta śarīrakasyavāsiṣṭhakṛṣṇa mamadehi karāvalambam || 37||

आशामद प्रभृति सिंहवृकादिसत्वकीर्णेटतो भवभयङ्कर काननेस्मिन् ।पञ्चेषुचोरहृतबोध सुवित्तकस्यवासिष्ठकृष्ण ममदेहि करावलम्बम् ॥ ३८॥

āśāmada prabhṛti siṃhavṛkādisatvakīrṇeṭato bhavabhayaṅkara kānanesmin |pañceṣucorahṛtabodha suvittakasyavāsiṣṭhakṛṣṇa mamadehi karāvalambam || 38||

लक्ष्मीनिवास भवनीरविहीनकूपमध्यस्थितस्य मदभार विभिन्नबुद्धेः ॥तृष्णाख्यवारण भयेन दिगन्तभाजोवासिष्ठकृष्ण ममदेहि करावलम्बम् ॥ ३९॥

lakṣmīnivāsa bhavanīravihīnakūpamadhyasthitasya madabhāra vibhinnabuddheḥ ||tṛṣṇākhyavāraṇa bhayena digantabhājovāsiṣṭhakṛṣṇa mamadehi karāvalambam || 39||

अज्ञानमोहपटलाद्गत चक्षुषोलंमार्गान्निजात् स्खलत ईश दयाम्बुराशे ।किङ्गम्यमित्यविरतं रटतो रमेशवासिष्ठकृष्ण ममदेहि करावलम्बम् ॥ ४०॥

ajñānamohapaṭalādgata cakṣuṣolaṃmārgānnijāt skhalata īśa dayāmburāśe |kiṅgamyamityavirataṃ raṭato rameśavāsiṣṭhakṛṣṇa mamadehi karāvalambam || 40||

आजन्म जीर्णबहुदोषिण ईशजातुत्वत्पाद नीरजयुगं हृदिकुर्वतोमे ।देवापराधमनवेक्ष्यच वीक्ष्य भक्तंवासिष्ठकृष्ण ममदेहि करावलम्बम् ॥ ४१॥

ājanma jīrṇabahudoṣiṇa īśajātutvatpāda nīrajayugaṃ hṛdikurvatome |devāparādhamanavekṣyaca vīkṣya bhaktaṃvāsiṣṭhakṛṣṇa mamadehi karāvalambam || 41||

आम्नाय भारत पुराण सरः प्रभूतवासिष्ठ कृष्ण नु(स्तु)ति पङ्कजमालिकेयम् ।देवत्वदर्थममलां रचितोचितां तांकृत्वाध्रियस्व हृदये भवभूतिदो मे ॥ ४२॥

āmnāya bhārata purāṇa saraḥ prabhūtavāsiṣṭha kṛṣṇa nu(stu)ti paṅkajamālikeyam |devatvadarthamamalāṃ racitocitāṃ tāṃkṛtvādhriyasva hṛdaye bhavabhūtido me || 42||

वासिष्ठकृष्ण पदपद्म मधुव्रतेनवेदेशतीर्थ गुरुसेवक यादवेन ।हस्तावलम्बनमिदं रचितं पठेद्यस्तस्य प्रदास्यति करं बदरी निवासी ॥ ४३॥

vāsiṣṭhakṛṣṇa padapadma madhuvratenavedeśatīrtha gurusevaka yādavena |hastāvalambanamidaṃ racitaṃ paṭhedyastasya pradāsyati karaṃ badarī nivāsī || 43||

वेदेशतीर्थगुरुमानस नीरजस्थश्रीमध्वहृत्कमलवासि रमा निवासः ।प्रीतोस्त्वनेन शुभदो ममदेव पूजाव्याख्या (स्तुत्या)दि सत्कृति कृतो बदरी निवासी ॥ ४४॥

vedeśatīrthagurumānasa nīrajasthaśrīmadhvahṛtkamalavāsi ramā nivāsaḥ |prītostvanena śubhado mamadeva pūjāvyākhyā (stutyā)di satkṛti kṛto badarī nivāsī || 44||

इति श्रीयादवार्यविरचितं श्रीवेदव्यासकरावलम्बनस्तोत्रं सम्पूर्णम् ॥

iti śrīyādavāryaviracitaṃ śrīvedavyāsakarāvalambanastotraṃ sampūrṇam ||