वेदव्यासस्तोत्रम् २ Shri Veda Vyasa Stotram 2

अस्यन्विशेषाद्भजतो भवौघाद्व्यगादींश्च विशिष्ट आस ।सोयं हरिर्व्यासपदाभिधेयः संप्रीयतां सत्यवतीसुतोमे ॥ १(तम्म प्रदीपिका)

asyanviśeṣādbhajato bhavaughādvyagādīṃśca viśiṣṭa āsa |soyaṃ harirvyāsapadābhidheyaḥ saṃprīyatāṃ satyavatīsutome || 1(tamma pradīpikā)

याभ्यां शुश्रूषुरासीः कुरुकुलजनने क्षत्र विप्रोदिताभ्यांब्रह्मभ्यां बृंहिताभ्यां चितिसुखवपुषा कृष्णनामास्पदाभ्याम् ।निर्भेदाभ्यां विशेषाद्विवचन विषयाभ्यामुभाभ्याममूभ्यांतुभ्यं च क्षेमदेभ्यः सरसिजविलसल्लोचनेभ्यो नमोऽस्तु ॥ २

yābhyāṃ śuśrūṣurāsīḥ kurukulajanane kṣatra viproditābhyāṃbrahmabhyāṃ bṛṃhitābhyāṃ citisukhavapuṣā kṛṣṇanāmāspadābhyām |nirbhedābhyāṃ viśeṣādvivacana viṣayābhyāmubhābhyāmamūbhyāṃtubhyaṃ ca kṣemadebhyaḥ sarasijavilasallocanebhyo namo'stu || 2

सानुक्रोशैरजस्रं जनिमृति निरयाद्यूर्मिमालाविलेस्मिन्संसाराब्धौ निमग्नान् शरणमशरणानिच्छतो वीक्ष्य जन्तून् ।युष्माभिः प्रार्थितः सन् जलनिधिशयनः सत्यवत्यां महर्षेर्व्यक्तश्चिन्मात्र मूर्तिर्नखलु भगवतः प्राकृतो जातु देहः ॥ ३

sānukrośairajasraṃ janimṛti nirayādyūrmimālāvilesminsaṃsārābdhau nimagnān śaraṇamaśaraṇānicchato vīkṣya jantūn |yuṣmābhiḥ prārthitaḥ san jalanidhiśayanaḥ satyavatyāṃ maharṣervyaktaścinmātra mūrtirnakhalu bhagavataḥ prākṛto jātu dehaḥ || 3

अस्तव्यस्तंसमस्तश्रुतिगतमधमैः रत्नपूगं यथाँदैरर्थं लोकोपक्लृप्तै गुणगणनिलयः सूत्रयामासकृत्स्नम् ।योसौ व्यासाभिदानस्तमहमहरहर्भक्तितस्त्वत् प्रसादात्सद्यो विद्योपलब्धै गुरुतममगुरुं देवदेवं नमामि ॥ ४श्रीहरिवायुस्तुतिः (२६, ३६, ३७)

astavyastaṃsamastaśrutigatamadhamaiḥ ratnapūgaṃ yathām̐dairarthaṃ lokopaklṛptai guṇagaṇanilayaḥ sūtrayāmāsakṛtsnam |yosau vyāsābhidānastamahamaharaharbhaktitastvat prasādātsadyo vidyopalabdhai gurutamamaguruṃ devadevaṃ namāmi || 4śrīharivāyustutiḥ (26, 36, 37)

इति श्रीमत् त्रिविक्रमपण्डिताचार्यविरचितं श्रीवेदव्यासस्तोत्रं सम्पूर्णम् ।

iti śrīmat trivikramapaṇḍitācāryaviracitaṃ śrīvedavyāsastotraṃ sampūrṇam |