शारदादेवीस्तोत्रम् २ Shri Sharadadevi Stotram (2)

या देवी मर्त्यदेहेऽमरगणविरलज्योतिषा दीप्यमानायस्याः पुण्य प्रभावैरगणितमनुजा दर्शिता मुक्तिमार्गम् ।यस्याः पीयूषवाणी निखिलतनुभृतां सर्वसन्तापहन्त्रीश्री माँरूपेण नृणां नियतहितकरीं शारदां तां नमामि ॥ १॥

yā devī martyadehe'maragaṇaviralajyotiṣā dīpyamānāyasyāḥ puṇya prabhāvairagaṇitamanujā darśitā muktimārgam |yasyāḥ pīyūṣavāṇī nikhilatanubhṛtāṃ sarvasantāpahantrīśrī mām̐rūpeṇa nṛṇāṃ niyatahitakarīṃ śāradāṃ tāṃ namāmi || 1||

पत्युः स्थानं व्रजन्ती स्वजनपरिहृता प्रान्तरे भीमदस्यूंकन्याऽहं शारदा ते त्वमसि मम पिता रक्षणीया त्वयाऽहम् ।इत्युक्त्वा दस्युचित्तं कुलिशसुकठिनं कोमलं या चकारश्री माँरूपेण मह्यां धृततनुमभयां शारदां तां नमामि ॥ २॥

patyuḥ sthānaṃ vrajantī svajanaparihṛtā prāntare bhīmadasyūṃkanyā'haṃ śāradā te tvamasi mama pitā rakṣaṇīyā tvayā'ham |ityuktvā dasyucittaṃ kuliśasukaṭhinaṃ komalaṃ yā cakāraśrī mām̐rūpeṇa mahyāṃ dhṛtatanumabhayāṃ śāradāṃ tāṃ namāmi || 2||

त्यक्त्वा भोगस्य मार्गं पतिगतहृदया तद्व्रते चैकनिष्ठापूर्णं कर्तुं व्रतं तद् विगलितचिकूरा मातृभावाश्रिता या ।पत्युः पूजामगृह्णाज्जगति निरुपमां षोडशी सिद्धिदात्रीश्री माँख्यां विश्ववन्द्यां गिरिवरतनयां शारदां तां नमामि ॥ ३॥

tyaktvā bhogasya mārgaṃ patigatahṛdayā tadvrate caikaniṣṭhāpūrṇaṃ kartuṃ vrataṃ tad vigalitacikūrā mātṛbhāvāśritā yā |patyuḥ pūjāmagṛhṇājjagati nirupamāṃ ṣoḍaśī siddhidātrīśrī mām̐khyāṃ viśvavandyāṃ girivaratanayāṃ śāradāṃ tāṃ namāmi || 3||

भक्तानां मातृरूपां सततमभयदां सर्वकल्याणकामांपत्यूरुग्णस्य सेवामनलसमनसा कुर्वतीं क्लान्तिहीनाम् ।आतिथ्ये मुक्तहस्तां सुनिपुणगृहिणीमब्धि जातास्वरूपांश्री माँख्यां विश्वरूपामभिमतवरदां शारदामर्चयामि ॥ ४॥

bhaktānāṃ mātṛrūpāṃ satatamabhayadāṃ sarvakalyāṇakāmāṃpatyūrugṇasya sevāmanalasamanasā kurvatīṃ klāntihīnām |ātithye muktahastāṃ sunipuṇagṛhiṇīmabdhi jātāsvarūpāṃśrī mām̐khyāṃ viśvarūpāmabhimatavaradāṃ śāradāmarcayāmi || 4||

लब्ध्वा मातृत्वसम्पद्बहुसुकृतिफलं योषितः पूर्णकामास्तस्मात् सन्तानचिन्ता मनसि समुदिता सा तु तत्रैव लीना ।सङ्ख्यातीतान् सुपुत्रान् निजतनुजनिभान् प्राप्य यासीत्कृतार्थाकल्याणीं शुद्धसत्त्वां जनगणजननी शारदां तां नमामि ॥ ५॥

labdhvā mātṛtvasampadbahusukṛtiphalaṃ yoṣitaḥ pūrṇakāmāstasmāt santānacintā manasi samuditā sā tu tatraiva līnā |saṅkhyātītān suputrān nijatanujanibhān prāpya yāsītkṛtārthākalyāṇīṃ śuddhasattvāṃ janagaṇajananī śāradāṃ tāṃ namāmi || 5||

प्रणतहृदयपद्मन्यस्तपादाब्जयुग्मामधुरवचनगर्भां बिभ्रती कण्ठवीणाम् ।रुचिरविमलकान्तिर्ज्ञानभक्तिप्रदात्रीनिखिलभुवन पूज्या शारदा शारदैव ॥ ६॥

praṇatahṛdayapadmanyastapādābjayugmāmadhuravacanagarbhāṃ bibhratī kaṇṭhavīṇām |ruciravimalakāntirjñānabhaktipradātrīnikhilabhuvana pūjyā śāradā śāradaiva || 6||

जयतु जयतु देवी ध्यानगम्भीरमूर्तिर्जयतु जयतु देवी साधकाभीष्टदात्री ।जयतु जयतु देवी रामकृष्णस्य शक्तिर्जयतु जयतु देवी शारदा विश्वधात्री ॥ ७॥

jayatu jayatu devī dhyānagambhīramūrtirjayatu jayatu devī sādhakābhīṣṭadātrī |jayatu jayatu devī rāmakṛṣṇasya śaktirjayatu jayatu devī śāradā viśvadhātrī || 7||

वैकुण्ठे विष्णु पार्श्वे विहरति कमला विश्वकल्याणदात्रीकैलाशे शम्भुवासे विहरति गिरिजा लोकरक्षाविधात्री ।जाह्नव्यां पुण्यतीर्थे मणिमयभवने कालिकापादपद्मेराजते ध्यानमग्नौ मम हृदयनिधौ शारदारामकृष्णौ ॥ ८॥

vaikuṇṭhe viṣṇu pārśve viharati kamalā viśvakalyāṇadātrīkailāśe śambhuvāse viharati girijā lokarakṣāvidhātrī |jāhnavyāṃ puṇyatīrthe maṇimayabhavane kālikāpādapadmerājate dhyānamagnau mama hṛdayanidhau śāradārāmakṛṣṇau || 8||

इति श्रीकालीपदबन्द्योपाध्यायविद्याविनोदेनविरचितंश्रीश्रीशारदादेवीस्तोत्रम् सम्पूर्णम् ।

iti śrīkālīpadabandyopādhyāyavidyāvinodenaviracitaṃśrīśrīśāradādevīstotram sampūrṇam |