शारदादेवीस्तुतिः Shri Sharadadevi Stuti

रामकृष्णोऽब्रवीत् पत्नीं शारदे ! हे सरस्वति ! ।शक्तिस्त्वं मम विश्वेऽस्मिन् ज्ञान दानार्थमागता ॥ १॥

rāmakṛṣṇo'bravīt patnīṃ śārade ! he sarasvati ! |śaktistvaṃ mama viśve'smin jñāna dānārthamāgatā || 1||

श्री शारदैकदा प्राह, ठाकुरः स्वदिवं गतः ।परं मामत्र मातृत्वप्रचाराय नियुक्तवान् ॥ २॥

śrī śāradaikadā prāha, ṭhākuraḥ svadivaṃ gataḥ |paraṃ māmatra mātṛtvapracārāya niyuktavān || 2||

परमा प्रकृतिः साक्षात् शक्तिरूपेण भूतले ।देव श्रीरामकृष्णस्य गुप्तलीलासमागता ॥ ३॥

paramā prakṛtiḥ sākṣāt śaktirūpeṇa bhūtale |deva śrīrāmakṛṣṇasya guptalīlāsamāgatā || 3||

सिद्धा वा साधिका वाऽपि नासीत् साधारणी हि सा ।मानवं देहमाश्रित्य सा साक्षाद्भवतारिणी ॥ ४॥

siddhā vā sādhikā vā'pi nāsīt sādhāraṇī hi sā |mānavaṃ dehamāśritya sā sākṣādbhavatāriṇī || 4||

विविधाः साधनास्तस्या जपो वा लक्ष सङ्ख्यकः ।नासीत् स्वफललाभाय जगत्कल्याणहेतवे ॥ ५॥

vividhāḥ sādhanāstasyā japo vā lakṣa saṅkhyakaḥ |nāsīt svaphalalābhāya jagatkalyāṇahetave || 5||

उवाच बहुशो देवी दुर्लभं नेशदर्शनम् ।सकृच्चक्षुर्निमीलिते शक्यं कर्तुं न संशयः ॥ ६॥

uvāca bahuśo devī durlabhaṃ neśadarśanam |sakṛccakṣurnimīlite śakyaṃ kartuṃ na saṃśayaḥ || 6||

परवर्तिनि काले तु चक्षुरुन्मीलनेऽपि सा ।सर्वत्रैवाकरोद्देवी निश्चलं ब्रह्मदर्शनम् ॥ ७॥

paravartini kāle tu cakṣurunmīlane'pi sā |sarvatraivākaroddevī niścalaṃ brahmadarśanam || 7||

असङ्ख्यनरनारीणां गणं समवतारयत् ।धृतहस्ताऽमृताम्भोधेस्तीरं श्रीरामकृष्णवत् ॥ ८॥

asaṅkhyanaranārīṇāṃ gaṇaṃ samavatārayat |dhṛtahastā'mṛtāmbhodhestīraṃ śrīrāmakṛṣṇavat || 8||

मातृनाम्ना तदाह्वानं श्रवणे तत्सुचेतसि ।सविशेषोर्मिमालायाः सृष्टिः प्रभवति स्म वै ॥ ९॥

mātṛnāmnā tadāhvānaṃ śravaṇe tatsucetasi |saviśeṣormimālāyāḥ sṛṣṭiḥ prabhavati sma vai || 9||

ये मात'रिति तां देवीं सम्बोध्योचुः सभक्तिकाः ।मुक्तेर्मार्गं च तेषां तु कृतेऽकारि तया ध्रुवम् ॥ १०॥

ye māta'riti tāṃ devīṃ sambodhyocuḥ sabhaktikāḥ |muktermārgaṃ ca teṣāṃ tu kṛte'kāri tayā dhruvam || 10||

संन्यासिनी न सिद्।ह्ध्यर्थं साधनायै तथा न च ।पर्वतारोहणं चक्रे पतिसेवापराऽनिशम् ॥ ११॥

saṃnyāsinī na sid|hdhyarthaṃ sādhanāyai tathā na ca |parvatārohaṇaṃ cakre patisevāparā'niśam || 11||

मातृदेवो भवे'त्युक्तं पितृदेवो भवेत्यपि ।शास्त्रे तत्र तया प्रोक्तं पतिदेवाः स्त्रियो मताः ॥ १२॥

mātṛdevo bhave'tyuktaṃ pitṛdevo bhavetyapi |śāstre tatra tayā proktaṃ patidevāḥ striyo matāḥ || 12||

धार्मिके जीवने पत्युः कृत्वा साहाय्यमद्भुतम् ।इत्यस्य ख्यापनं चक्रे पत्नी हि सहधर्मिणी ॥ १३॥

dhārmike jīvane patyuḥ kṛtvā sāhāyyamadbhutam |ityasya khyāpanaṃ cakre patnī hi sahadharmiṇī || 13||

सदाक्षरिकभावेन स्वाम्यादेशस्य पालनम् ।आसीत्तस्याः कृते नूनं जीवनस्य परं व्रतम् ॥ १४॥

sadākṣarikabhāvena svāmyādeśasya pālanam |āsīttasyāḥ kṛte nūnaṃ jīvanasya paraṃ vratam || 14||

स्त्रीभिः कथमवस्थेयं संसारेऽस्मिन्नदर्शयत् ।आदर्शरूपमास्थाय समग्रे जीवने निजे ॥ १५॥

strībhiḥ kathamavastheyaṃ saṃsāre'sminnadarśayat |ādarśarūpamāsthāya samagre jīvane nije || 15||

श्रीमत्याः शारदादेव्या जीवनं निर्मलं महत् ।विश्वजगति स्त्री जातेः श्रेष्ठादर्शो न संशयः ॥ १६॥

śrīmatyāḥ śāradādevyā jīvanaṃ nirmalaṃ mahat |viśvajagati strī jāteḥ śreṣṭhādarśo na saṃśayaḥ || 16||

आदर्शरूपिणी कन्या भार्या चादर्शरूपिणी ।सर्वेषां मातृरूपा सा गुरुर्नैवात्र संशयः ॥ १७॥

ādarśarūpiṇī kanyā bhāryā cādarśarūpiṇī |sarveṣāṃ mātṛrūpā sā gururnaivātra saṃśayaḥ || 17||

सीता श्रीरामचन्द्रस्य राधाकृष्णस्य या मता ।सैव श्रीरामकृष्णस्य शारदैक्यं त्रिषुस्थिरम् ॥ १८॥

sītā śrīrāmacandrasya rādhākṛṣṇasya yā matā |saiva śrīrāmakṛṣṇasya śāradaikyaṃ triṣusthiram || 18||

इति न्यायाचार्यपण्डितआनन्दझाइत्येतेनविरचिताश्रीशारदादेवीस्तुतिः समाप्ता ।

iti nyāyācāryapaṇḍitaānandajhāityetenaviracitāśrīśāradādevīstutiḥ samāptā |