शारदादेवीध्यानम् १ Shri Sharadadevi Dhyanam

ध्यायेच्चित्तसरोजस्थां सुखासीनां कृपामयीम् ।प्रसन्नवदनां देवीं द्विभुजां स्थिरलोचनाम् ॥ १॥

dhyāyeccittasarojasthāṃ sukhāsīnāṃ kṛpāmayīm |prasannavadanāṃ devīṃ dvibhujāṃ sthiralocanām || 1||

आलुलायितकेशार्धवक्षःस्थलविमण्डिताम् ।श्वेतवस्त्रावृतार्धाङ्गां, हेमालङ्कारभूषिताम् ॥ २॥

ālulāyitakeśārdhavakṣaḥsthalavimaṇḍitām |śvetavastrāvṛtārdhāṅgāṃ, hemālaṅkārabhūṣitām || 2||

स्वक्रोडन्यस्तहस्तां च ज्ञानभक्तिप्रदायिनीम् ।शुभ्रां ज्योतिर्मयीं जीवपाप सन्तापहारिणीम् ॥ ३॥

svakroḍanyastahastāṃ ca jñānabhaktipradāyinīm |śubhrāṃ jyotirmayīṃ jīvapāpa santāpahāriṇīm || 3||

रामकृष्णगतप्राणां तन्नामश्रवणप्रियाम् ।तद्भावरञ्जिताकारां जगन्मातृस्वरूपिणीम् ॥ ४॥

rāmakṛṣṇagataprāṇāṃ tannāmaśravaṇapriyām |tadbhāvarañjitākārāṃ jaganmātṛsvarūpiṇīm || 4||

जानकीराधिकारूपधारिणीं सर्वमङ्गलाम् ।चिन्मयीं वरदां नित्यां शारदां मोक्षदायिनीम् ॥ ५॥

jānakīrādhikārūpadhāriṇīṃ sarvamaṅgalām |cinmayīṃ varadāṃ nityāṃ śāradāṃ mokṣadāyinīm || 5||

प्रणामःॐ यथाग्नेर्दाहिकाशक्तिः रामकृष्णे स्थिता हि या ।सर्वविद्यास्वरूपां तां, शारदां प्रणमाम्यहम् ॥इति शारदानन्दस्वामिविरचितं श्रीशारदादेवीध्यानम् सम्पूर्णम् ।

praṇāmaḥoṃ yathāgnerdāhikāśaktiḥ rāmakṛṣṇe sthitā hi yā |sarvavidyāsvarūpāṃ tāṃ, śāradāṃ praṇamāmyaham ||iti śāradānandasvāmiviracitaṃ śrīśāradādevīdhyānam sampūrṇam |