शारदादेवीसुप्रभातम् Shri Sharada Devi Suprabhatam

मातः समस्तजगतां परमस्य पुंसःशक्तिस्वरूपिणि शिवे करुणार्द्रचित्ते ।लोकस्य शोकशमनाय कृतावतारेश्रीशारदेऽस्तु शिवदे तव सुप्रभातम् ॥ १॥

mātaḥ samastajagatāṃ paramasya puṃsaḥśaktisvarūpiṇi śive karuṇārdracitte |lokasya śokaśamanāya kṛtāvatāreśrīśārade'stu śivade tava suprabhātam || 1||

बालो भवस्य तमसः परिहारयित्रेलीलामनुष्यवपुषेऽथ गदाधराय ।दत्ते तदर्पितधियाऽप्तसमस्तविद्येश्रीशारदेऽस्तु शुभदे तव सुप्रभातम् ॥ २॥

bālo bhavasya tamasaḥ parihārayitrelīlāmanuṣyavapuṣe'tha gadādharāya |datte tadarpitadhiyā'ptasamastavidyeśrīśārade'stu śubhade tava suprabhātam || 2||

बाल्यात् परे वयसि भर्तरि सम्प्रवृत्तामुन्मत्त इत्यनुचितामवधूय वार्ताम् ।तद्दर्शनक्रमितदुर्गमदूरमार्गेश्रीरामकृष्ण दयिते तव सुप्रभातम् ॥ ३॥

bālyāt pare vayasi bhartari sampravṛttāmunmatta ityanucitāmavadhūya vārtām |taddarśanakramitadurgamadūramārgeśrīrāmakṛṣṇa dayite tava suprabhātam || 3||

संन्यासितं पतिमवेक्ष्य च नोद्विजानेसेवार्पितत्रिकरणे परिशुद्धचित्ते ।तत्साधनाचरमसीम्नि समर्पिताङ्घ्रेश्रीरामकृष्ण परमेश्वरि सुप्रभातम् ॥ ४॥

saṃnyāsitaṃ patimavekṣya ca nodvijānesevārpitatrikaraṇe pariśuddhacitte |tatsādhanācaramasīmni samarpitāṅghreśrīrāmakṛṣṇa parameśvari suprabhātam || 4||

यामेव चात्मजननीं भवतारिणीं चसेवापरां तु बुबुधे गुरुरस्तभेदः ।तस्याः समस्तजगतोऽस्य शरण्यमूर्तेःश्रीरामकृष्ण दयिते तव सुप्रभातम् ॥ ५॥

yāmeva cātmajananīṃ bhavatāriṇīṃ casevāparāṃ tu bubudhe gururastabhedaḥ |tasyāḥ samastajagato'sya śaraṇyamūrteḥśrīrāmakṛṣṇa dayite tava suprabhātam || 5||

आवृण्वती परमिकां प्रकृतिं स्वकीयांसंसारिणीव बहुदुःखजले भवाब्धौ ।सर्वं सहे श्रितजनोद्धरणैकदीक्षेश्रीरामकृष्णदयिते तव सुप्रभातम् ॥ ६॥

āvṛṇvatī paramikāṃ prakṛtiṃ svakīyāṃsaṃsāriṇīva bahuduḥkhajale bhavābdhau |sarvaṃ sahe śritajanoddharaṇaikadīkṣeśrīrāmakṛṣṇadayite tava suprabhātam || 6||

गेहस्य मार्जनविधौ मम कर्मशान्तिंनायात्यसङ्ख्य भुजनिष्क्रियमाणमेवम् ।आकस्मिकोक्तिविवृताखिलशक्तिरूपेश्रीरामकृष्णदयिते तव सुप्रभातम् ॥ ७॥

gehasya mārjanavidhau mama karmaśāntiṃnāyātyasaṅkhya bhujaniṣkriyamāṇamevam |ākasmikoktivivṛtākhilaśaktirūpeśrīrāmakṛṣṇadayite tava suprabhātam || 7||

श्रीरामकृष्णदयिते त्वदधीनसत्त्वेत्वद्भक्तवृन्दपरिपालिनि मुक्तिदात्रि ।त्वद्भावरक्तहृदये त्वदभिन्नतत्त्वेमातः समस्त जगतां तव सुप्रभातम् ॥ ८॥

śrīrāmakṛṣṇadayite tvadadhīnasattvetvadbhaktavṛndaparipālini muktidātri |tvadbhāvaraktahṛdaye tvadabhinnatattvemātaḥ samasta jagatāṃ tava suprabhātam || 8||

इति स्वामि अचलानन्दसरस्वतीप्रणीतं श्रीश्रीशारदादेवीसुप्रभातम् सम्पूर्णम् ।

iti svāmi acalānandasarasvatīpraṇītaṃ śrīśrīśāradādevīsuprabhātam sampūrṇam |