शारदादेवीस्तोत्रामृतम् Shri Sharadadevi Stotramritam

ब्रह्मयुक्तनित्यशक्तिसृष्टजीवपालिकांरामकृष्णशक्तिशुद्धबुद्धिमुक्तिदायिकाम् ।रामकृष्णभावसिक्तरामकृष्ण वल्लभांतां नमामि शारदां हि विश्वमातृरूपिणीम् ॥ १॥

brahmayuktanityaśaktisṛṣṭajīvapālikāṃrāmakṛṣṇaśaktiśuddhabuddhimuktidāyikām |rāmakṛṣṇabhāvasiktarāmakṛṣṇa vallabhāṃtāṃ namāmi śāradāṃ hi viśvamātṛrūpiṇīm || 1||

ब्रह्मशक्तिदिव्यरूपसर्वसृष्टि भासिकांज्ञानभक्तिपूर्णमूर्तिनित्यसत्यसुस्थिराम् ।प्रेमभक्तिरागशुद्धिनित्यमोक्षदायिनींतां नमामि शारदां हि विश्वमातृरूपिणीम् ॥ २॥

brahmaśaktidivyarūpasarvasṛṣṭi bhāsikāṃjñānabhaktipūrṇamūrtinityasatyasusthirām |premabhaktirāgaśuddhinityamokṣadāyinīṃtāṃ namāmi śāradāṃ hi viśvamātṛrūpiṇīm || 2||

रामकृष्णपूजितां सुपावनीं भवेश्वरींदृष्टिपातशुद्धिदान दक्षजन्मघातिनीम् ।रामकृष्ण शुद्धनित्य भक्तिदानतत्परांतां नमामि शारदां हि विश्वमातृरूपिणीम् ॥ ३॥

rāmakṛṣṇapūjitāṃ supāvanīṃ bhaveśvarīṃdṛṣṭipātaśuddhidāna dakṣajanmaghātinīm |rāmakṛṣṇa śuddhanitya bhaktidānatatparāṃtāṃ namāmi śāradāṃ hi viśvamātṛrūpiṇīm || 3||

रामकृष्णनाममुग्धतत्सुधाकथाप्रियांरामकृष्णलुप्तचित्तसर्वकामवर्जिताम् ।विश्वलोकपूज्यनित्यसिद्धसाधिकासतींतां नमामि शारदां हि विश्वमातृरूपिणीम् ॥ ४॥

rāmakṛṣṇanāmamugdhatatsudhākathāpriyāṃrāmakṛṣṇaluptacittasarvakāmavarjitām |viśvalokapūjyanityasiddhasādhikāsatīṃtāṃ namāmi śāradāṃ hi viśvamātṛrūpiṇīm || 4||

भर्तृदेवरामकृष्णशेषकर्मसाधिकांदीर्घकालपुण्ययोगपूर्णसिद्धिकारिकाम् ।प्राप्त सर्वयोगसिद्धि पूर्णकाममातरंतां नमामि शारदां हि विश्वमातृरूपिणीम् ॥ ५॥

bhartṛdevarāmakṛṣṇaśeṣakarmasādhikāṃdīrghakālapuṇyayogapūrṇasiddhikārikām |prāpta sarvayogasiddhi pūrṇakāmamātaraṃtāṃ namāmi śāradāṃ hi viśvamātṛrūpiṇīm || 5||

गेहिकृत्यगेहकर्मनीति धर्मदेशिकांत्यागिसेव्यदिव्यधर्मकायचित्तमण्डिताम् ।कोटिभक्तकण्ठगीतमातृनामवन्दितांतां नमामि शारदां हि विश्वमातृरूपिणीम् ॥ ६॥

gehikṛtyagehakarmanīti dharmadeśikāṃtyāgisevyadivyadharmakāyacittamaṇḍitām |koṭibhaktakaṇṭhagītamātṛnāmavanditāṃtāṃ namāmi śāradāṃ hi viśvamātṛrūpiṇīm || 6||

ज्ञानभक्तिमिश्रपूर्ण शौर्यवीर्यदायिकांक्लैव्यमोहदीनहीनभीति भावनाशिकाम् ।दृष्टविश्वरामकृष्ण भावपूतनन्दितांतां नमामि शारदां हि विश्वमातृरूपिणीम् ॥ ७॥

jñānabhaktimiśrapūrṇa śauryavīryadāyikāṃklaivyamohadīnahīnabhīti bhāvanāśikām |dṛṣṭaviśvarāmakṛṣṇa bhāvapūtananditāṃtāṃ namāmi śāradāṃ hi viśvamātṛrūpiṇīm || 7||

सर्वसम्प्रदायहीनसत्यधर्मदेशिनींदेशकालजातिमध्यतुच्छभावनाशिनीम् ।देशपूज्यकालपूज्यकार्यहेतुवर्जितांतां नमामि शारदां हि विश्वमातृरूपिणीम् ॥ ८॥

sarvasampradāyahīnasatyadharmadeśinīṃdeśakālajātimadhyatucchabhāvanāśinīm |deśapūjyakālapūjyakāryahetuvarjitāṃtāṃ namāmi śāradāṃ hi viśvamātṛrūpiṇīm || 8||

आद्याशक्तिदिव्यमूर्तिहृद्यशान्तिदायिनींवेदमूर्तिसत्यमूर्तिंकल्पवल्लिरूपिणीम् ।भक्तसूनुचित्तनित्यवित्तवृद्धिकारिणींतां नमामि शारदां हि विश्वमातृरूपिणीम् ॥ ९॥

ādyāśaktidivyamūrtihṛdyaśāntidāyinīṃvedamūrtisatyamūrtiṃkalpavallirūpiṇīm |bhaktasūnucittanityavittavṛddhikāriṇīṃtāṃ namāmi śāradāṃ hi viśvamātṛrūpiṇīm || 9||

सर्वभीतिनाशिनीं च पापपुण्यकारिणींसूपदेशदायिनीं च शोकमोहतारिणीम् ।रामकृष्णभावयुक्तसर्वसिद्धिदायिनींतां नमामि शारदां हि विश्वमातृरूपिणीम् ॥ १०॥

sarvabhītināśinīṃ ca pāpapuṇyakāriṇīṃsūpadeśadāyinīṃ ca śokamohatāriṇīm |rāmakṛṣṇabhāvayuktasarvasiddhidāyinīṃtāṃ namāmi śāradāṃ hi viśvamātṛrūpiṇīm || 10||

इति स्वामिजीवानन्दविरचितं श्रीश्रीशारदादेवीस्तोत्रामृतम् सम्पूर्णम् ।

iti svāmijīvānandaviracitaṃ śrīśrīśāradādevīstotrāmṛtam sampūrṇam |