शारदादेवीस्तोत्रम् ५ Shri Sharadadevi Stotram (3)

संसारसारभूता या, शारदा मातृरूपिणीगाढ़ान्धतमसि सा वै, ज्ञानदीप स्वरूपिणी ।जनानां हृदिसंस्था या, शोभमाना निरन्तरम्शारदां सारदां तां वै शिरसा प्रणमाम्यहम् ॥ १॥

saṃsārasārabhūtā yā, śāradā mātṛrūpiṇīgāṛhāndhatamasi sā vai, jñānadīpa svarūpiṇī |janānāṃ hṛdisaṃsthā yā, śobhamānā nirantaramśāradāṃ sāradāṃ tāṃ vai śirasā praṇamāmyaham || 1||

अभ्युदयाय नारीणां याऽविर्भूता महीतलेदुःखार्तानां सेवायै या सर्वकालेषु तत्परा ।तृष्णाप्रशमनार्थं या, कारुण्यामृतवर्षिणीकरुणार्द्रां शारदां तां भूयो भूयो नमाम्यहम् ॥ २॥

abhyudayāya nārīṇāṃ yā'virbhūtā mahītaleduḥkhārtānāṃ sevāyai yā sarvakāleṣu tatparā |tṛṣṇāpraśamanārthaṃ yā, kāruṇyāmṛtavarṣiṇīkaruṇārdrāṃ śāradāṃ tāṃ bhūyo bhūyo namāmyaham || 2||

अनुभवाय दारिद्र्यदुःखं सम्यक्रूपेण याकुटीरे रामचन्द्रस्य सागता धरणीमिह ।बाल्यात् प्रभृति या गुणैर्जनचित्तापहारिणीशारदां स्नेहरूपां तां भक्तितः प्रणमाम्यहम् ॥ ३॥

anubhavāya dāridryaduḥkhaṃ samyakrūpeṇa yākuṭīre rāmacandrasya sāgatā dharaṇīmiha |bālyāt prabhṛti yā guṇairjanacittāpahāriṇīśāradāṃ sneharūpāṃ tāṃ bhaktitaḥ praṇamāmyaham || 3||

घोषिका नवयुगानां पत्या सम्पूजिता सतीरामकृष्णस्य दयिता, तद्भाष्य रूपिणी तु या ।महासङ्घस्य जननी वरेण्या गुरुरूपिणीस्त्री रत्नभूता या देवी शारदां तां नमाम्यहम् ॥ ४॥

ghoṣikā navayugānāṃ patyā sampūjitā satīrāmakṛṣṇasya dayitā, tadbhāṣya rūpiṇī tu yā |mahāsaṅghasya jananī vareṇyā gururūpiṇīstrī ratnabhūtā yā devī śāradāṃ tāṃ namāmyaham || 4||

मर्त्यानां जननीं देवीमखिलार्तिप्रणाशिनीम्सदसच्चेतरे जीवा येऽन्ये कृपाभिलाषुकाः ।यत्कृपादृष्टिमात्रेण धन्याः सर्वेऽभवन्निहसर्वजीवप्रसूं देवीं शारदां तां स्मराम्यहम् ॥ ५॥

martyānāṃ jananīṃ devīmakhilārtipraṇāśinīmsadasaccetare jīvā ye'nye kṛpābhilāṣukāḥ |yatkṛpādṛṣṭimātreṇa dhanyāḥ sarve'bhavannihasarvajīvaprasūṃ devīṃ śāradāṃ tāṃ smarāmyaham || 5||

अमृतभाषिणीं देवीं श्रवणसुखदां तथासुस्मितवदनां चैव, नयनानन्ददायिनीम् ।निर्वाणदायिनीं देवीं मोहमेधापहारिणीम्मुक्तिमार्गप्रदात्रीं तां शारदां संस्मराम्यहम् ॥ ६॥

amṛtabhāṣiṇīṃ devīṃ śravaṇasukhadāṃ tathāsusmitavadanāṃ caiva, nayanānandadāyinīm |nirvāṇadāyinīṃ devīṃ mohamedhāpahāriṇīmmuktimārgapradātrīṃ tāṃ śāradāṃ saṃsmarāmyaham || 6||

परमां प्रकृतिं देवीं सर्वकारणरूपिणीम्सच्चिदानन्ददां देवीं क्षमाविग्रहधारिणीम् ।सर्वेषामादिभूतां तां भवभीतेः प्रणाशिणीम्शारदां ज्ञानदात्रीं तां पुनः पुनर्नमाम्यहम् ॥ ७॥

paramāṃ prakṛtiṃ devīṃ sarvakāraṇarūpiṇīmsaccidānandadāṃ devīṃ kṣamāvigrahadhāriṇīm |sarveṣāmādibhūtāṃ tāṃ bhavabhīteḥ praṇāśiṇīmśāradāṃ jñānadātrīṃ tāṃ punaḥ punarnamāmyaham || 7||

चन्द्रादप्यकलङ्का या, याष्टासखीसमावृता,जानकीराधिका देव्योः या प्रतीकस्वरूपिणी ।आनन्दघटरूपेण पत्युः स्मृतिं वहन्ति यागृह्णीयात् शारदा माता ममेदं वाक्य संस्तवम् ॥ ८॥

candrādapyakalaṅkā yā, yāṣṭāsakhīsamāvṛtā,jānakīrādhikā devyoḥ yā pratīkasvarūpiṇī |ānandaghaṭarūpeṇa patyuḥ smṛtiṃ vahanti yāgṛhṇīyāt śāradā mātā mamedaṃ vākya saṃstavam || 8||

इति अध्यापिका (कुमारी) मितारायचतुर्धुरिण्याविरचितंश्रीश्रीशारदादेवीस्तोत्रम् सम्पूर्णम् ।

iti adhyāpikā (kumārī) mitārāyacaturdhuriṇyāviracitaṃśrīśrīśāradādevīstotram sampūrṇam |