शारदामणिदशकम् Shri Sharadamanidashakam

मानुषीं तनुमाश्रित्य लोकोद्धारविधायिनीम् ।पतिलीलासहायां च वन्दे तां शारदामणिम् ॥ १॥

mānuṣīṃ tanumāśritya lokoddhāravidhāyinīm |patilīlāsahāyāṃ ca vande tāṃ śāradāmaṇim || 1||

नारायणे यथा लक्ष्मीर्यथा गौरी च शङ्करे ।रामकृष्णे तथा याम्बा वन्दे तां शारदामणिम् ॥ २॥

nārāyaṇe yathā lakṣmīryathā gaurī ca śaṅkare |rāmakṛṣṇe tathā yāmbā vande tāṃ śāradāmaṇim || 2||

धरित्रीव सहिष्णुर्या स्पन्दक्षोभादिवर्जिता ।स्वात्माभासनिरोधा च वन्दे तां शारदामणिम् ॥ ३॥

dharitrīva sahiṣṇuryā spandakṣobhādivarjitā |svātmābhāsanirodhā ca vande tāṃ śāradāmaṇim || 3||

पतिप्रिया पतिप्राणा पतिसेवातिशोभना ।पतिध्यानपरा या वै वन्दे तां शारदामणिम् ॥ ४॥

patipriyā patiprāṇā patisevātiśobhanā |patidhyānaparā yā vai vande tāṃ śāradāmaṇim || 4||

पतिशिक्षा प्रमोदा या ज्ञानभक्ति समुच्चिता ।सर्वार्थसाधिका देवी वन्दे तां शारदामणिम् ॥ ५॥

patiśikṣā pramodā yā jñānabhakti samuccitā |sarvārthasādhikā devī vande tāṃ śāradāmaṇim || 5||

अम्बा या भक्तशिष्याणां जगदम्बा समासदा ।वराभयामृतस्यन्दा वन्दे तां शारदामणिम् ॥ ६॥

ambā yā bhaktaśiṣyāṇāṃ jagadambā samāsadā |varābhayāmṛtasyandā vande tāṃ śāradāmaṇim || 6||

स्वान्तःस्था शास्त्रमर्मज्ञा आबाल्यब्रह्मचारिणी ।पाखण्डोपाधिविध्वंसा वन्दे तां शारदामणिम् ॥ ७॥

svāntaḥsthā śāstramarmajñā ābālyabrahmacāriṇī |pākhaṇḍopādhividhvaṃsā vande tāṃ śāradāmaṇim || 7||

सदाशान्ताब्धिसङ्काशा सदा प्रबोधमालिका ।सदा सत्यविधात्री या वन्दे तां शारदामणिम् ॥ ८॥

sadāśāntābdhisaṅkāśā sadā prabodhamālikā |sadā satyavidhātrī yā vande tāṃ śāradāmaṇim || 8||

दीनार्त्तदुःखहा माता कृपया परया युता ।अबोधं रक्ष सन्तानं मायाचक्रविभेदतः ॥ ९॥

dīnārttaduḥkhahā mātā kṛpayā parayā yutā |abodhaṃ rakṣa santānaṃ māyācakravibhedataḥ || 9||

अद्य ते पुण्यजन्माहः स्मरन् मातृसुगौरवम् ।पादेऽत्र प्रार्थनां देवि ! प्रीत्या सावहिता शृणु ॥ १०॥

adya te puṇyajanmāhaḥ smaran mātṛsugauravam |pāde'tra prārthanāṃ devi ! prītyā sāvahitā śṛṇu || 10||

इति श्रीआत्मप्रज्ञविरचितं श्रीश्रीशारदामणिदशकम् सम्पूर्णम् ।

iti śrīātmaprajñaviracitaṃ śrīśrīśāradāmaṇidaśakam sampūrṇam |