गायत्रीनामाष्टाविंशतिस्तोत्रम् Gayatrinamashtavimshatistotram

श्रीगणेशाय नमः ॥ब्रह्मोवाच ।शताक्षरात्मकं देव्या नामाष्टाविंशतिः शतम् ।शृणु वक्ष्याभि तत्सर्वमतिगुह्यं सनातनम् ॥ १॥

śrīgaṇeśāya namaḥ ||brahmovāca |śatākṣarātmakaṃ devyā nāmāṣṭāviṃśatiḥ śatam |śṛṇu vakṣyābhi tatsarvamatiguhyaṃ sanātanam || 1||

भूतिदा भुवना वाणी वसुधा सुमना मही ।हरिणी जननी नन्दा सविसर्गा तपस्विनी ॥ २॥

bhūtidā bhuvanā vāṇī vasudhā sumanā mahī |hariṇī jananī nandā savisargā tapasvinī || 2||

पयस्विनी सती त्यागा चैन्दवी सत्यवीरसा ।विश्वा तुर्या परा रेच्या निर्घृणी यमिनी भवा ॥ ३॥

payasvinī satī tyāgā caindavī satyavīrasā |viśvā turyā parā recyā nirghṛṇī yaminī bhavā || 3||

गोवेद्या च जरिष्ठा च स्कन्दिनी धीर्मतिर्हिमा ।भीषणा योगिनी पक्षी नदी प्रज्ञा च चोदिनी ॥ ४॥

govedyā ca jariṣṭhā ca skandinī dhīrmatirhimā |bhīṣaṇā yoginī pakṣī nadī prajñā ca codinī || 4||

धनिनी यामिनी पद्मा रोहिणी रमणी ऋषिः ।सेनामुखी सामयी च बकुला दोषवर्जिता ॥ ५॥

dhaninī yāminī padmā rohiṇī ramaṇī ṛṣiḥ |senāmukhī sāmayī ca bakulā doṣavarjitā || 5||

सर्वकामदुघा सोमोद्भवाऽहङ्कारवर्जिता ।द्विपदा च चतुष्पादा त्रिपदा चैव षट्पदा ॥ ६॥

sarvakāmadughā somodbhavā'haṅkāravarjitā |dvipadā ca catuṣpādā tripadā caiva ṣaṭpadā || 6||

अष्टापदी नवपदी सा सहस्राक्षरात्मिका ।इदं यः परमं गुह्यं सावित्रीमन्त्रगर्भितम् ॥ ७॥

aṣṭāpadī navapadī sā sahasrākṣarātmikā |idaṃ yaḥ paramaṃ guhyaṃ sāvitrīmantragarbhitam || 7||

नामाष्टविंशतिशतं शृणुयाच्छ्रावयेत्पठेत् ।मर्त्यानाममृतत्वाय भीतानामभयाय च ॥ ८॥

nāmāṣṭaviṃśatiśataṃ śṛṇuyācchrāvayetpaṭhet |martyānāmamṛtatvāya bhītānāmabhayāya ca || 8||

मोक्षाय च मुमुक्षूणां श्रीकामान् प्राप्तये श्रियः ।विजयाय युयुत्सूनां व्याधितानामरोगकृत् ॥ ९॥

mokṣāya ca mumukṣūṇāṃ śrīkāmān prāptaye śriyaḥ |vijayāya yuyutsūnāṃ vyādhitānāmarogakṛt || 9||

वश्याय वश्यकामानां विद्यायै वेदकामिनाम् ।द्रविणाय दरिद्राणां पापिनां पापशान्तये ॥ १०॥

vaśyāya vaśyakāmānāṃ vidyāyai vedakāminām |draviṇāya daridrāṇāṃ pāpināṃ pāpaśāntaye || 10||

वादिनां वादविजये कवीनां कविताप्रदम् । वादविषयेअन्नाय क्षुधितानां च स्वर्गाय नाकमिच्छताम् ॥ ११॥ स्वर्गार्थं

vādināṃ vādavijaye kavīnāṃ kavitāpradam | vādaviṣayeannāya kṣudhitānāṃ ca svargāya nākamicchatām || 11|| svargārthaṃ

पशुभ्यः पशुकामानां पुत्रेभ्यः पुत्रकाङ्क्षिणाम् ।क्लेशिनां शोकशान्त्यर्थं नृणां शत्रुभयाय च ॥ १२॥

paśubhyaḥ paśukāmānāṃ putrebhyaḥ putrakāṅkṣiṇām |kleśināṃ śokaśāntyarthaṃ nṛṇāṃ śatrubhayāya ca || 12||

राजवश्याय द्रष्टव्यं परमं नृपसेविनाम् ।भक्त्यर्थं विष्णुभक्तानां विष्णौ सर्वान्तरात्मनि ॥ १३॥

rājavaśyāya draṣṭavyaṃ paramaṃ nṛpasevinām |bhaktyarthaṃ viṣṇubhaktānāṃ viṣṇau sarvāntarātmani || 13||

नायकं विधिसृष्टानां शान्तये भवति ध्रुवम् ।निःस्पृहाणां नृणां मुक्तिः शाश्वती भवति ध्रुवम् ॥ १४॥

nāyakaṃ vidhisṛṣṭānāṃ śāntaye bhavati dhruvam |niḥspṛhāṇāṃ nṛṇāṃ muktiḥ śāśvatī bhavati dhruvam || 14||

जप्यं त्रिवर्गसंयुक्तं गृहस्थेन विशेषतः ।मुनीनां ज्ञानसिद्ध्यर्थं यतीनां मोक्षसिद्धये ॥ १५॥

japyaṃ trivargasaṃyuktaṃ gṛhasthena viśeṣataḥ |munīnāṃ jñānasiddhyarthaṃ yatīnāṃ mokṣasiddhaye || 15||

उद्यतं चन्द्रकिरणमुपस्थाय कृताञ्जलिः ।कानने वा स्वभवने तिष्ठन् शुद्धो जपेदिदम् ॥ १६॥

udyataṃ candrakiraṇamupasthāya kṛtāñjaliḥ |kānane vā svabhavane tiṣṭhan śuddho japedidam || 16||

सर्वान् कामानवाप्नोति तथैव शिवसन्निधौ ।मम प्रीतिकरं दिव्यं विष्णुभक्तिविवर्धनम् ॥ १७॥

sarvān kāmānavāpnoti tathaiva śivasannidhau |mama prītikaraṃ divyaṃ viṣṇubhaktivivardhanam || 17||

ज्वरार्तानां कुशाग्रेण मार्जयेत्कुष्ठरोगिणाम् ।अङ्गमङ्गं यथालिङ्गं कवचेन तु साधकः ॥ १८॥

jvarārtānāṃ kuśāgreṇa mārjayetkuṣṭharogiṇām |aṅgamaṅgaṃ yathāliṅgaṃ kavacena tu sādhakaḥ || 18||

मण्डलेन विशुध्येत सर्वरोगैर्न संशयः ।मृतप्रजा च या नारी जन्मवन्ध्या तथैव च ॥ १९॥

maṇḍalena viśudhyeta sarvarogairna saṃśayaḥ |mṛtaprajā ca yā nārī janmavandhyā tathaiva ca || 19||

कन्यादिवन्ध्या या नारी तासामङ्गं प्रमार्जयेत् ।पुत्रा नरोगिणस्तास्तु लभन्ते दीर्घजीविनः ॥ २०॥

kanyādivandhyā yā nārī tāsāmaṅgaṃ pramārjayet |putrā narogiṇastāstu labhante dīrghajīvinaḥ || 20||

तास्ताः संवत्सरादर्वाक् गर्भं तु दधिरे पुनः ।पतिविद्वेषिणी या स्त्री अङ्गं तस्याः प्रमार्जयेत् ॥ २१॥

tāstāḥ saṃvatsarādarvāk garbhaṃ tu dadhire punaḥ |patividveṣiṇī yā strī aṅgaṃ tasyāḥ pramārjayet || 21||

तमेव भजते सा स्त्री पतिं कामवशं नयेत् ।अश्वत्थे राजवश्यार्थं बिल्वमूले स्वरूपभाक् ॥ २२॥

tameva bhajate sā strī patiṃ kāmavaśaṃ nayet |aśvatthe rājavaśyārthaṃ bilvamūle svarūpabhāk || 22||

पालाशमूले विद्यार्थी तेजसोऽभिमुखो रवौ ।कन्यार्थी चण्डिकागेहे जपेच्छत्रुभयाय च ॥ २३॥

pālāśamūle vidyārthī tejaso'bhimukho ravau |kanyārthī caṇḍikāgehe japecchatrubhayāya ca || 23||

श्रीकामो विष्णुगेहे च उद्याने श्रीर्वशीभवेत् ।आरोग्यार्थे स्वगेहे च मोक्षार्थी शैलमस्तके ॥ २४॥

śrīkāmo viṣṇugehe ca udyāne śrīrvaśībhavet |ārogyārthe svagehe ca mokṣārthī śailamastake || 24||

सर्वकामो विष्णुगेहे मोक्षार्थी यत्र कुत्रचित् ।जपारम्भे तु हृदयं जपान्ते कवचं पठेत् ॥ २५॥

sarvakāmo viṣṇugehe mokṣārthī yatra kutracit |japārambhe tu hṛdayaṃ japānte kavacaṃ paṭhet || 25||

किमत्र बहुनोक्तेन शृणु नारद तत्त्वतः ।यं यं चिन्तयते नित्यं तं तं प्राप्नोति निश्चितम् ॥ २६॥

kimatra bahunoktena śṛṇu nārada tattvataḥ |yaṃ yaṃ cintayate nityaṃ taṃ taṃ prāpnoti niścitam || 26||

इति श्रीमद्वसिष्ठसंहितायां ब्रह्मनारदसंवादेगायत्रीनामाष्टाविंशतिस्तोत्रं समाप्तम् ॥

iti śrīmadvasiṣṭhasaṃhitāyāṃ brahmanāradasaṃvādegāyatrīnāmāṣṭāviṃśatistotraṃ samāptam ||