गायत्रीकवचम् ३ Gayatrikavacham 3

श्रीगणेशाय नमः ॥श्रीपार्वत्युवाच ।देवदेव महादेव संसारार्णवतारकम् ।गायत्रीकवचं देव कृपया कथय प्रभो ॥ १॥

śrīgaṇeśāya namaḥ ||śrīpārvatyuvāca |devadeva mahādeva saṃsārārṇavatārakam |gāyatrīkavacaṃ deva kṛpayā kathaya prabho || 1||

श्रीमहादेव उवाच ।मूलाधारे स्थिता नित्यं कुण्डली तत्त्वरूपिणी ।सूक्ष्मातिसूक्ष्मपरमा बिसतन्तुस्वरूपिणी ॥ २॥

śrīmahādeva uvāca |mūlādhāre sthitā nityaṃ kuṇḍalī tattvarūpiṇī |sūkṣmātisūkṣmaparamā bisatantusvarūpiṇī || 2||

विद्युत्पुञ्जप्रतीकाशा कुण्डली श्रुतिसर्पिणी ।परस्य ब्रह्मग्रहणी पञ्चाशद्वर्णरूपिणी ॥ ३॥

vidyutpuñjapratīkāśā kuṇḍalī śrutisarpiṇī |parasya brahmagrahaṇī pañcāśadvarṇarūpiṇī || 3||

शिवस्य नर्तकी नित्या परब्रह्मप्रपूजिता ।ब्राह्मणस्यैव गायत्री चिदानन्दस्वरूपिणी ॥ ४॥

śivasya nartakī nityā parabrahmaprapūjitā |brāhmaṇasyaiva gāyatrī cidānandasvarūpiṇī || 4||

ब्रह्मण्यवर्त्मवातेयं प्राणात्मा नित्यनूतनात् ।नित्यं तिष्ठति सानन्दा कुण्डली तव विग्रहे ॥ ५॥

brahmaṇyavartmavāteyaṃ prāṇātmā nityanūtanāt |nityaṃ tiṣṭhati sānandā kuṇḍalī tava vigrahe || 5||

अतिगोप्यं महत्पुण्यं त्रिकोटीतीर्थसंयुतम् ।सर्वज्ञानमयी देवी सर्वदानमयी सदा ॥ ६॥

atigopyaṃ mahatpuṇyaṃ trikoṭītīrthasaṃyutam |sarvajñānamayī devī sarvadānamayī sadā || 6||

सर्वसिद्धिमयी देवी पार्वती प्राणवल्लभा ।ॐ ॐ ॐ ॐ भूः ॐ ॐ भुवः ॐ ॐ स्वः ॐ ॐ त ॐ ॐ त्सॐ ॐ वि ॐ ॐ तु ॐ ॐ व ॐ ॐ रे ॐ ॐ ण्यं ॐ ॐ भॐ ॐ र्गो ॐ ॐ दे ॐ ॐ व ॐ ॐ स्य ॐ ॐ धी ॐ ॐ मॐ ॐ हि ॐ ॐ धि ॐ ॐ यो ॐ ॐ यो ॐ ॐ नः ॐ ॐ प्रॐ ॐ चो ॐ ॐ द ॐ ॐ यात् ॐ ॐ । ॐ भूः ॐपातु मे मूलं चतुर्दलसमन्वितम् ।ॐ भुवः ॐ पातु मे लिङ्गं सजलं षड्दलात्मकम् ॥ ७॥

sarvasiddhimayī devī pārvatī prāṇavallabhā |oṃ oṃ oṃ oṃ bhūḥ oṃ oṃ bhuvaḥ oṃ oṃ svaḥ oṃ oṃ ta oṃ oṃ tsaoṃ oṃ vi oṃ oṃ tu oṃ oṃ va oṃ oṃ re oṃ oṃ ṇyaṃ oṃ oṃ bhaoṃ oṃ rgo oṃ oṃ de oṃ oṃ va oṃ oṃ sya oṃ oṃ dhī oṃ oṃ maoṃ oṃ hi oṃ oṃ dhi oṃ oṃ yo oṃ oṃ yo oṃ oṃ naḥ oṃ oṃ praoṃ oṃ co oṃ oṃ da oṃ oṃ yāt oṃ oṃ | oṃ bhūḥ oṃpātu me mūlaṃ caturdalasamanvitam |oṃ bhuvaḥ oṃ pātu me liṅgaṃ sajalaṃ ṣaḍdalātmakam || 7||

ओं स्वः ॐ पातु मे कण्ठं सकाशां दलषोडशम् ।ॐ त ॐ पातु मे रूपं ब्रह्माणं कारणं परम् ॥ ८॥

oṃ svaḥ oṃ pātu me kaṇṭhaṃ sakāśāṃ dalaṣoḍaśam |oṃ ta oṃ pātu me rūpaṃ brahmāṇaṃ kāraṇaṃ param || 8||

ॐ त्स ॐ पातु मे ब्रह्माणं पातु सदा मम ।ॐ वि ॐ पातु मे गन्धं सदा शिशिरसंयुतम् ॥ ९॥

oṃ tsa oṃ pātu me brahmāṇaṃ pātu sadā mama |oṃ vi oṃ pātu me gandhaṃ sadā śiśirasaṃyutam || 9||

ॐ तु ॐ पातु मे स्पर्शं शरीरस्य च कारणम् ।ॐ र्व ॐ पातु मे शब्दं शब्दविग्रहकारणम् ॥ १०॥

oṃ tu oṃ pātu me sparśaṃ śarīrasya ca kāraṇam |oṃ rva oṃ pātu me śabdaṃ śabdavigrahakāraṇam || 10||

ॐ रे ॐ पातु मे नित्यं सदा तत्त्वशरीरकम् ।ॐ ण्यं ॐ पातु मे ह्यक्षं सर्वतत्त्वैककारणम् ॥ ११॥

oṃ re oṃ pātu me nityaṃ sadā tattvaśarīrakam |oṃ ṇyaṃ oṃ pātu me hyakṣaṃ sarvatattvaikakāraṇam || 11||

ओं भ ॐ पातु मे श्रोत्रं श्रवणस्य च कारणम् ।ॐ र्गो ॐ पातु मे घ्राणं गन्धोपादानकारणम् ॥ १२॥

oṃ bha oṃ pātu me śrotraṃ śravaṇasya ca kāraṇam |oṃ rgo oṃ pātu me ghrāṇaṃ gandhopādānakāraṇam || 12||

ॐ दे ॐ पातु मे वास्यं सभायां शब्दरूपिणी ।ॐ व ॐ पातु मे बाहुयुगलं ब्रह्मक्रारणम् ॥ १३॥

oṃ de oṃ pātu me vāsyaṃ sabhāyāṃ śabdarūpiṇī |oṃ va oṃ pātu me bāhuyugalaṃ brahmakrāraṇam || 13||

ॐ स्य ॐ पातु मे लिङ्गं षड्दलं षड्दलैर्युरतम् ।ॐ धी ॐ पातु मे नित्यं प्रकृतिं शब्दकारणम् ॥ १४॥

oṃ sya oṃ pātu me liṅgaṃ ṣaḍdalaṃ ṣaḍdalairyuratam |oṃ dhī oṃ pātu me nityaṃ prakṛtiṃ śabdakāraṇam || 14||

ॐ म ओं पातु मे नित्यं मनोब्रह्मस्वरूपिणम् ।ॐ हि ॐ पातु मे बुद्धिं परब्रह्ममयं सदा ॥ १५॥

oṃ ma oṃ pātu me nityaṃ manobrahmasvarūpiṇam |oṃ hi oṃ pātu me buddhiṃ parabrahmamayaṃ sadā || 15||

ॐ धिय ॐ पातु मे नित्यमहङ्कारं यथा तथा ।ॐ यो ॐ पातु मे नित्यं जलं सर्वत्र सर्वदा ।ॐ नः ॐ पातु मे नित्यं तेजःपुञ्जो यथा तथा ॥ १६॥

oṃ dhiya oṃ pātu me nityamahaṅkāraṃ yathā tathā |oṃ yo oṃ pātu me nityaṃ jalaṃ sarvatra sarvadā |oṃ naḥ oṃ pātu me nityaṃ tejaḥpuñjo yathā tathā || 16||

ॐ प्र ॐ पातु मे नित्यमनिलं कार्यकारणम् ।ॐ चो ॐ पातु मे नित्यमाकाशं शिवसन्निभम् ॥ १७॥

oṃ pra oṃ pātu me nityamanilaṃ kāryakāraṇam |oṃ co oṃ pātu me nityamākāśaṃ śivasannibham || 17||

ॐ द ॐ पातु मे जिह्वां जपयज्ञस्य कारणम् ।ॐ यात् ॐ मे नित्यं शिवज्ञानमयं सदा ॥ १८॥

oṃ da oṃ pātu me jihvāṃ japayajñasya kāraṇam |oṃ yāt oṃ me nityaṃ śivajñānamayaṃ sadā || 18||

तत्त्वानि पातु मे नित्यं गायत्री परदैवतम् ।कृष्णा मे सततं पातु ब्रह्माणी भूर्भुवःस्वरोम् ॥ १९॥

tattvāni pātu me nityaṃ gāyatrī paradaivatam |kṛṣṇā me satataṃ pātu brahmāṇī bhūrbhuvaḥsvarom || 19||

ॐ अस्य श्रीगायत्रीकवचस्य परब्रह्म ऋषिःऋग्यजुःसामाथर्वाणश्छन्दांसि\, ब्रह्मा देवता\,धर्मार्थकाममोक्षार्थं जपे विनियोगः ॥ॐ भूर्भुवःस्वः तत्सवितुर्वरेण्यं भर्गो देवस्य धीमहि ।धियो यो नः प्रचोदयात् ।कामक्रोधादिकं सर्वं स्मरणाद्याति दूरतः ।इदं कवचमज्ञात्वा ब्रह्मविद्यां जपेद्यदि ॥ २०॥

oṃ asya śrīgāyatrīkavacasya parabrahma ṛṣiḥṛgyajuḥsāmātharvāṇaśchandāṃsi\, brahmā devatā\,dharmārthakāmamokṣārthaṃ jape viniyogaḥ ||oṃ bhūrbhuvaḥsvaḥ tatsaviturvareṇyaṃ bhargo devasya dhīmahi |dhiyo yo naḥ pracodayāt |kāmakrodhādikaṃ sarvaṃ smaraṇādyāti dūrataḥ |idaṃ kavacamajñātvā brahmavidyāṃ japedyadi || 20||

शतकोटिजपेनापि न सिद्धिर्जायते प्रिये ।गायत्रीकवचात्सर्वं स्मरणात्सिध्यति ध्रुवम् ॥ २१॥

śatakoṭijapenāpi na siddhirjāyate priye |gāyatrīkavacātsarvaṃ smaraṇātsidhyati dhruvam || 21||

पठित्वा कवचं विप्रो गायत्रीं सकृदुच्चरेत् ।सर्वपापविनिर्मुक्तो जीवन्मुक्तो भवेद्।ह्विजः ॥ २२॥

paṭhitvā kavacaṃ vipro gāyatrīṃ sakṛduccaret |sarvapāpavinirmukto jīvanmukto bhaved|hvijaḥ || 22||

इदं कवचमज्ञात्वा त्वन्यद्यः कवचं पठेत् ।सर्वं तस्य वृथा देवि त्रैलोक्यमङ्गलादिकम् ॥ २३॥

idaṃ kavacamajñātvā tvanyadyaḥ kavacaṃ paṭhet |sarvaṃ tasya vṛthā devi trailokyamaṅgalādikam || 23||

गायत्री कवचं यस्य जिह्वायां विद्यते सदा ।तदाऽमृतमयी जिह्वा पवित्रा जपपूजने ॥ २४॥

gāyatrī kavacaṃ yasya jihvāyāṃ vidyate sadā |tadā'mṛtamayī jihvā pavitrā japapūjane || 24||

इदं कवचमज्ञात्वा ब्रह्मविद्यां जपेद्यदि ।व्यर्थं भवति चार्वङ्गि तज्जपो वनरोदनम् ॥ २५॥

idaṃ kavacamajñātvā brahmavidyāṃ japedyadi |vyarthaṃ bhavati cārvaṅgi tajjapo vanarodanam || 25||

ब्रह्महत्या सुरापानं स्तेयं गुर्वङ्गनागमः ।महान्ति पातकान्यस्य स्मरणाद्यान्ति दूरतः ॥ २६॥

brahmahatyā surāpānaṃ steyaṃ gurvaṅganāgamaḥ |mahānti pātakānyasya smaraṇādyānti dūrataḥ || 26||

नश्वरं मांसमेदोऽस्थिमज्जाशुक्रविनिर्मितम् ॥ २७॥

naśvaraṃ māṃsamedo'sthimajjāśukravinirmitam || 27||

वातपित्तकफैर्युक्तं स्थूलदेहं तदुच्यते ।सूक्ष्मं ज्योतिर्मयं देहं पञ्चभूतात्मकं विदुः ॥ २८॥

vātapittakaphairyuktaṃ sthūladehaṃ taducyate |sūkṣmaṃ jyotirmayaṃ dehaṃ pañcabhūtātmakaṃ viduḥ || 28||

महापद्मवनान्तस्थं सर्वावयवसंयुतम् ।आधारदेहसम्बन्धाद्गायत्री ब्रह्मणः स्वयम् ॥ २९॥

mahāpadmavanāntasthaṃ sarvāvayavasaṃyutam |ādhāradehasambandhādgāyatrī brahmaṇaḥ svayam || 29||

एतदेव परं ब्रह्म कथिते उभयात्मके ।ब्राह्मणस्यैव जीवात्मा गायत्रीसहितो वपुः ॥ ३०॥

etadeva paraṃ brahma kathite ubhayātmake |brāhmaṇasyaiva jīvātmā gāyatrīsahito vapuḥ || 30||

आत्मनां हृदयाम्भोजे प्रदीपकलिकोपमम् ।निर्धूमं च यथा ज्योतिस्तैलाग्निवर्तियोगतः ॥ ३१॥

ātmanāṃ hṛdayāmbhoje pradīpakalikopamam |nirdhūmaṃ ca yathā jyotistailāgnivartiyogataḥ || 31||

तज्ज्योतिः परमं ब्रह्म शुभदं नात्र संशयः ।गायत्रीकवचं न्यासं मातृकास्थानसन्धिषु ॥ ३२॥

tajjyotiḥ paramaṃ brahma śubhadaṃ nātra saṃśayaḥ |gāyatrīkavacaṃ nyāsaṃ mātṛkāsthānasandhiṣu || 32||

स कृत्वा ब्राह्मणश्रेष्ठ चान्यन्यासं समाचरेत् ।अन्यन्यासे तथा सिद्धिरन्यथायाऽरण्यरोदनम् ॥ ३३॥

sa kṛtvā brāhmaṇaśreṣṭha cānyanyāsaṃ samācaret |anyanyāse tathā siddhiranyathāyā'raṇyarodanam || 33||

गायत्रीन्यासमात्रेण परब्रह्ममयो द्विजः ।इदं कवचमज्ञात्वा ब्रह्मचर्यं करोति यः ॥ ३४॥

gāyatrīnyāsamātreṇa parabrahmamayo dvijaḥ |idaṃ kavacamajñātvā brahmacaryaṃ karoti yaḥ || 34||

ब्रह्मचर्यं भवेद्व्यर्थं गायत्रीकवचं विना ।कवचस्य प्रसादेन ब्राह्मणो ज्वलदग्निवत् ॥ ३५॥

brahmacaryaṃ bhavedvyarthaṃ gāyatrīkavacaṃ vinā |kavacasya prasādena brāhmaṇo jvaladagnivat || 35||

कवचं परमेशानि सृष्टिस्थितिलयात्मकम् ।कवचं ब्राह्मण इदं प्रातरुत्थाय यः पठेत् ॥ ३६॥

kavacaṃ parameśāni sṛṣṭisthitilayātmakam |kavacaṃ brāhmaṇa idaṃ prātarutthāya yaḥ paṭhet || 36||

गायत्रीं स सकृत्स्मृत्वा जपलक्षफलं भवेत् ।गायत्रीं दशधा जप्त्वा दशलक्षफलं भवेत् ॥ ३७॥

gāyatrīṃ sa sakṛtsmṛtvā japalakṣaphalaṃ bhavet |gāyatrīṃ daśadhā japtvā daśalakṣaphalaṃ bhavet || 37||

एवं क्रमेण गायत्रीं शतधा प्रजपेद्यदि ।शतलक्षफलं प्राप्य विहरेद्देववद्भुवि ॥ ३८सूर्येन्दोर्ग्रहणे चेदं पठित्वा कवचं द्विजः ।सकृद्यदि जपेद्विद्यां गायत्रीं परमाक्षराम् ॥ ३९॥

evaṃ krameṇa gāyatrīṃ śatadhā prajapedyadi |śatalakṣaphalaṃ prāpya vihareddevavadbhuvi || 38sūryendorgrahaṇe cedaṃ paṭhitvā kavacaṃ dvijaḥ |sakṛdyadi japedvidyāṃ gāyatrīṃ paramākṣarām || 39||

तत्क्षणात्तु भवेत्सिद्धो ब्रह्मसायुज्यमाप्नुयात् ।इदं कवक्षमज्ञात्वा गायत्रीं प्रजपेत्तु यः ॥ ४०॥

tatkṣaṇāttu bhavetsiddho brahmasāyujyamāpnuyāt |idaṃ kavakṣamajñātvā gāyatrīṃ prajapettu yaḥ || 40||

जप एव वृथा तस्य निस्तेजो न च सिद्धिदः ।यः पठेत्कवचं देवि सततं शिवसन्निधौ ॥ ४१॥

japa eva vṛthā tasya nistejo na ca siddhidaḥ |yaḥ paṭhetkavacaṃ devi satataṃ śivasannidhau || 41||

विष्णुदेवस्य कवचं प्रजपेच्छक्तिसन्निधौ ।तेजःपुञ्चमयो विप्रस्तत्क्षणाज्जायते ध्रुवम् ॥ ४२॥

viṣṇudevasya kavacaṃ prajapecchaktisannidhau |tejaḥpuñcamayo viprastatkṣaṇājjāyate dhruvam || 42||

इति श्रीरुद्रयामले पार्वतीश्वरसंवादे गायत्रीकवचं सम्पूर्णम् ॥

iti śrīrudrayāmale pārvatīśvarasaṃvāde gāyatrīkavacaṃ sampūrṇam ||