गायत्रीतत्त्वस्तोत्रम् Gayatritattvastotram

श्रीगणेशाय नमः ॥श्रीगायत्र्यै नमः ।श्रीगायत्रीतत्त्वमालामन्त्रस्य विश्वामित्र ऋषिः\, अनुष्टुप्छदः\,परमात्मा देवता\, हलो बीजानि\, स्वराः शक्तयः\, अव्यक्तं कीलकम्\,मम समस्तपापक्षयार्थे गायत्रीतत्त्वपाठे विनियोगः ।चतुर्विशतितत्त्वानां यदेकं तत्त्वमुत्तमम् ।अनुपाधि परम्ब्रह्म तत्परञ्ज्योतिरोमिति ॥ १॥

śrīgaṇeśāya namaḥ ||śrīgāyatryai namaḥ |śrīgāyatrītattvamālāmantrasya viśvāmitra ṛṣiḥ\, anuṣṭupchadaḥ\,paramātmā devatā\, halo bījāni\, svarāḥ śaktayaḥ\, avyaktaṃ kīlakam\,mama samastapāpakṣayārthe gāyatrītattvapāṭhe viniyogaḥ |caturviśatitattvānāṃ yadekaṃ tattvamuttamam |anupādhi parambrahma tatparañjyotiromiti || 1||

यो वेदादौ स्वरः प्रोक्तो वेदान्ते च प्रतिष्ठितः ।तस्य प्रकृतिलीनस्य तत्परञ्ज्योतिरोमिति ॥ २॥

yo vedādau svaraḥ prokto vedānte ca pratiṣṭhitaḥ |tasya prakṛtilīnasya tatparañjyotiromiti || 2||

तत्सदादिपदैर्वाच्यं परमं पदमव्ययम् ।अभेदत्वं पदार्थस्य तत्परञ्ज्योतिरोमिति ॥ ३॥

tatsadādipadairvācyaṃ paramaṃ padamavyayam |abhedatvaṃ padārthasya tatparañjyotiromiti || 3||

यस्य मायांशभागेन जगदुत्पद्यतेऽखिलम् ।तस्य सर्वोत्तमं रूपमरूपस्याभिधीमहि ॥ ४॥

yasya māyāṃśabhāgena jagadutpadyate'khilam |tasya sarvottamaṃ rūpamarūpasyābhidhīmahi || 4||

न पश्यन्ति परमं पश्यन्तो हि दिवौकसः ।तं भूतानिलदेवं तु सुपर्णमुपधावताम् ॥ ५॥

na paśyanti paramaṃ paśyanto hi divaukasaḥ |taṃ bhūtāniladevaṃ tu suparṇamupadhāvatām || 5||

यदंशः प्रेरितो जन्तुः कर्मपाशनियन्त्रितः ।आजन्मकृतपापानामपहन्तुं दिवौकसः ॥ ६॥

yadaṃśaḥ prerito jantuḥ karmapāśaniyantritaḥ |ājanmakṛtapāpānāmapahantuṃ divaukasaḥ || 6||

इदं महामुनिप्रोक्तं गायत्रीतत्त्वमुत्तमम् ।यः पठेत्परया भक्त्या स याति षरमां गतिम् ॥ ७॥

idaṃ mahāmuniproktaṃ gāyatrītattvamuttamam |yaḥ paṭhetparayā bhaktyā sa yāti ṣaramāṃ gatim || 7||

सर्ववेदपुराणेषु साङ्गोपाङ्गेषु यत्फलम् ।सकृदस्य जपादेव तत्फलं प्राप्नुयान्नरः ॥ ८॥

sarvavedapurāṇeṣu sāṅgopāṅgeṣu yatphalam |sakṛdasya japādeva tatphalaṃ prāpnuyānnaraḥ || 8||

अभक्ष्यभक्षणात्पूतो भवति ।अगम्यागमनात्पूतो भवति । सर्वपापेभ्यः पूतो भवति ।प्रातरधीयानो रात्रिकृतं पापं नाशयति ।सायमधीयानो दिवसकृतं पापं नाशयति ।मध्यन्दिनमुपयुञ्जानोऽसत्प्रतिग्रहादिना मुक्तो भवति ॥ ९॥

abhakṣyabhakṣaṇātpūto bhavati |agamyāgamanātpūto bhavati | sarvapāpebhyaḥ pūto bhavati |prātaradhīyāno rātrikṛtaṃ pāpaṃ nāśayati |sāyamadhīyāno divasakṛtaṃ pāpaṃ nāśayati |madhyandinamupayuñjāno'satpratigrahādinā mukto bhavati || 9||

अनुप्लवं पुरुषाः पुरुषमभिवदन्ति यं यं काममभिध्यायतितं तमेवाप्नोती पुत्रपौत्रान् कीर्तिसौभाग्यानि चोपलभते ।सर्वभूतात्ममित्रं देहान्ते तद्विशिष्टो गायत्रीपरमं पदमाप्नोति ॥ १०॥

anuplavaṃ puruṣāḥ puruṣamabhivadanti yaṃ yaṃ kāmamabhidhyāyatitaṃ tamevāpnotī putrapautrān kīrtisaubhāgyāni copalabhate |sarvabhūtātmamitraṃ dehānte tadviśiṣṭo gāyatrīparamaṃ padamāpnoti || 10||

इति श्रीवेदसारे गायत्रीतत्त्वस्तोत्रं सम्पूर्णम् ॥

iti śrīvedasāre gāyatrītattvastotraṃ sampūrṇam ||