गायत्रीस्तवराजः Gayatristavarajah

श्रीगणेशाय नमः ॥अस्य श्रीगायत्रीस्तवराजस्तोत्रमन्त्रस्य विश्वामित्रः ऋषिः\,सकलजननी चतुष्पदा गायत्री\,परमात्मा देवता\,सर्वोत्कृष्टपरं धाम प्रथमपादो बीजं\, द्वितीयः शक्तिः\, तृतीयःकीलकं\, दशप्रणवसंयुक्ता सव्याहृतिका तुर्यपादसहिता व्यापकं\,मम धर्मार्थकाममोक्षार्थे जपे विनियोगः । अथ न्यासान् कुर्यात् ।अथ ध्यानम् ।गायत्रीं वेदधात्रीं शतमखफलदां वेदशास्त्रैकवेद्यांचिच्छक्तिं ब्रह्मविद्यां परमशिवपदां श्रीपदं वै करोति ।सर्वोत्कृष्टं पदं तत्सवितुरनुपदान्ते वरेण्यं शरण्यंभर्गो देवस्य धीमह्यभिदधति धियो यो नः प्रचोदयादित्यौर्वतेजः ॥ १॥

śrīgaṇeśāya namaḥ ||asya śrīgāyatrīstavarājastotramantrasya viśvāmitraḥ ṛṣiḥ\,sakalajananī catuṣpadā gāyatrī\,paramātmā devatā\,sarvotkṛṣṭaparaṃ dhāma prathamapādo bījaṃ\, dvitīyaḥ śaktiḥ\, tṛtīyaḥkīlakaṃ\, daśapraṇavasaṃyuktā savyāhṛtikā turyapādasahitā vyāpakaṃ\,mama dharmārthakāmamokṣārthe jape viniyogaḥ | atha nyāsān kuryāt |atha dhyānam |gāyatrīṃ vedadhātrīṃ śatamakhaphaladāṃ vedaśāstraikavedyāṃcicchaktiṃ brahmavidyāṃ paramaśivapadāṃ śrīpadaṃ vai karoti |sarvotkṛṣṭaṃ padaṃ tatsavituranupadānte vareṇyaṃ śaraṇyaṃbhargo devasya dhīmahyabhidadhati dhiyo yo naḥ pracodayādityaurvatejaḥ || 1||

साम्राज्यबीजं प्रणवत्रिपादं सव्यापसव्यं प्रजपेत्सहस्रकम् ।सम्पूर्णकामं प्रणवं विभूतिं तथा भवेद्वाक्यविचित्रवाणी ॥ २॥

sāmrājyabījaṃ praṇavatripādaṃ savyāpasavyaṃ prajapetsahasrakam |sampūrṇakāmaṃ praṇavaṃ vibhūtiṃ tathā bhavedvākyavicitravāṇī || 2||

शुभं शिवं शोभनमस्तु मह्यं सौभाग्यभोगोत्सवमस्तु नित्यम् ।प्रकाशविद्यात्रयशास्त्रसर्वं भजेन्महामन्त्रफलं प्रिये वै ॥ ३॥

śubhaṃ śivaṃ śobhanamastu mahyaṃ saubhāgyabhogotsavamastu nityam |prakāśavidyātrayaśāstrasarvaṃ bhajenmahāmantraphalaṃ priye vai || 3||

ब्रह्मास्त्रं ब्रह्मदण्डं शिरसि शिखिमहद्ब्रह्मशीर्षं नमोन्तंसूक्तं पारायणोक्तं प्रणवमथ महावाक्यसिद्धान्तमूलम् ।तुर्यं त्रीणि द्वितीयं प्रथममनुमहावेदवेदान्तसूक्तंनित्यं स्मृत्यानुसारं नियमितचरितं मुलमन्त्रं नमोन्तम् ॥ ४॥

brahmāstraṃ brahmadaṇḍaṃ śirasi śikhimahadbrahmaśīrṣaṃ namontaṃsūktaṃ pārāyaṇoktaṃ praṇavamatha mahāvākyasiddhāntamūlam |turyaṃ trīṇi dvitīyaṃ prathamamanumahāvedavedāntasūktaṃnityaṃ smṛtyānusāraṃ niyamitacaritaṃ mulamantraṃ namontam || 4||

अस्त्रं शस्त्रहतं त्वघोरसहितं दण्डेन वाजीहतंचादित्यादिहतं शिरोन्तसहितं पापक्षयार्थं परम् ।तुर्यात्यादिविलोममन्त्रपठनं बीजं शिखान्तोर्ध्वकंनित्यं कालनियम्यविप्रविदुषां किं दुष्कृतं भूसुरान् ॥ ५॥

astraṃ śastrahataṃ tvaghorasahitaṃ daṇḍena vājīhataṃcādityādihataṃ śirontasahitaṃ pāpakṣayārthaṃ param |turyātyādivilomamantrapaṭhanaṃ bījaṃ śikhāntordhvakaṃnityaṃ kālaniyamyavipraviduṣāṃ kiṃ duṣkṛtaṃ bhūsurān || 5||

नित्यं मुक्तिपदं नियम्य पवनं निर्घोषशक्तित्रयंसम्यग्ज्ञानगुरूपदेशविधिवद्देवींशिखान्तामपि ।षष्ट्यैकोत्तरसङ्ख्ययानुमतसौषुम्नादिमार्गत्रयींध्यायान्नित्यसमस्तवेदजननीं देवीं त्रिसन्ध्यामयीम् ॥ ६॥

nityaṃ muktipadaṃ niyamya pavanaṃ nirghoṣaśaktitrayaṃsamyagjñānagurūpadeśavidhivaddevīṃśikhāntāmapi |ṣaṣṭyaikottarasaṅkhyayānumatasauṣumnādimārgatrayīṃdhyāyānnityasamastavedajananīṃ devīṃ trisandhyāmayīm || 6||

गायत्रीं सकलागमार्थविदुषां सौरस्य बीजेश्वरींसर्वाम्नायसमस्तमन्त्रजननीं सर्वज्ञधामेश्वरीम्म् ।ब्रह्मादित्रयस्पुटार्थकरणीं संसारपारायणींसन्ध्यां सर्वसमानतन्त्रपरया ब्रह्मानुसन्धायिनीम् ॥ ७॥

gāyatrīṃ sakalāgamārthaviduṣāṃ saurasya bījeśvarīṃsarvāmnāyasamastamantrajananīṃ sarvajñadhāmeśvarīmm |brahmāditrayaspuṭārthakaraṇīṃ saṃsārapārāyaṇīṃsandhyāṃ sarvasamānatantraparayā brahmānusandhāyinīm || 7||

एकद्वित्रिचतुःसमानगणनावर्णाष्टकं पादयोःपापादौ प्रणवादिमन्त्रपठने मन्त्रत्रयीसम्पुटाम् ।सन्ध्यायां द्विपदं पठेत्परतरं सायं तुरीयं युतंनित्यानित्यमनन्तकोटिफलदं प्राप्तं नमस्कुर्महे ॥ ८॥

ekadvitricatuḥsamānagaṇanāvarṇāṣṭakaṃ pādayoḥpāpādau praṇavādimantrapaṭhane mantratrayīsampuṭām |sandhyāyāṃ dvipadaṃ paṭhetparataraṃ sāyaṃ turīyaṃ yutaṃnityānityamanantakoṭiphaladaṃ prāptaṃ namaskurmahe || 8||

ओजोऽसीति सहोऽस्यहो बलमसि भ्राजोऽसि तेजस्विनीवर्चस्वी सविताग्निसोमममृतं रूपं परं धीमहि ।देवानां द्विजवर्यतां मुनिगणे मुक्त्यर्थिनां शान्तिना-मोमित्येकमृचं पठन्ति यमिनो यं यं स्मरेत्प्राप्नुयात् ॥ ९॥

ojo'sīti saho'syaho balamasi bhrājo'si tejasvinīvarcasvī savitāgnisomamamṛtaṃ rūpaṃ paraṃ dhīmahi |devānāṃ dvijavaryatāṃ munigaṇe muktyarthināṃ śāntinā-momityekamṛcaṃ paṭhanti yamino yaṃ yaṃ smaretprāpnuyāt || 9||

ओभित्येकमजस्वरूपममलं तत्सप्तधा भाजितंतारं तन्त्रसमन्वितं परतरे पादत्रयं गर्भितम् ।आपोज्योतिरसोऽमृतं जनमहः सत्यं तपः स्वर्भुव-र्भूयोभूय नमामि भूर्भुवःस्वरोमेतैर्महामन्त्रकम् ॥ १०॥

obhityekamajasvarūpamamalaṃ tatsaptadhā bhājitaṃtāraṃ tantrasamanvitaṃ paratare pādatrayaṃ garbhitam |āpojyotiraso'mṛtaṃ janamahaḥ satyaṃ tapaḥ svarbhuva-rbhūyobhūya namāmi bhūrbhuvaḥsvarometairmahāmantrakam || 10||

आदौ बिन्दुमनुस्मरन् परतरे बाला त्रिवर्णोच्चरन्व्याहृत्यादिसबिन्दुयुक्तत्रिपदातारत्रयं तुर्यकम् ।आरोहादवरोहतः क्रमगता श्रीकुण्डलीत्थं स्थितादेवी मानसपङ्कजे त्रिनयना पञ्चानना पातु माम् ॥ ११॥

ādau bindumanusmaran paratare bālā trivarṇoccaranvyāhṛtyādisabinduyuktatripadātāratrayaṃ turyakam |ārohādavarohataḥ kramagatā śrīkuṇḍalītthaṃ sthitādevī mānasapaṅkaje trinayanā pañcānanā pātu mām || 11||

सर्वे सर्ववशे समस्तसमये सत्यात्मिक्रे सात्विकेसावित्रीसवितात्मके शशियुते साङ्ख्यायनीगोत्रजे ।सन्ध्यात्रीण्युपकल्प्य सङ्ग्रहविधिः सन्ध्याभिधानात्मकेगायत्रीप्रणवादिमन्त्रगुरुणा सम्प्राप्य तस्मै नमः ॥ १२॥

sarve sarvavaśe samastasamaye satyātmikre sātvikesāvitrīsavitātmake śaśiyute sāṅkhyāyanīgotraje |sandhyātrīṇyupakalpya saṅgrahavidhiḥ sandhyābhidhānātmakegāyatrīpraṇavādimantraguruṇā samprāpya tasmai namaḥ || 12||

क्षेमं दिव्यमनोरथाः परतरे चेतः समाधीयतांज्ञानं नित्यवरेण्यमेतदमलं देवस्य भर्गो धियम् ।मोक्षश्रीर्विजयार्थिनोऽथ सवितुः श्रेष्ठं विधिस्तत्पदंप्रज्ञा मेधप्रचोदयात्प्रतिदिनं यो नः पदं पातु माम् ॥ १३॥

kṣemaṃ divyamanorathāḥ paratare cetaḥ samādhīyatāṃjñānaṃ nityavareṇyametadamalaṃ devasya bhargo dhiyam |mokṣaśrīrvijayārthino'tha savituḥ śreṣṭhaṃ vidhistatpadaṃprajñā medhapracodayātpratidinaṃ yo naḥ padaṃ pātu mām || 13||

सत्यं तत्सवितुर्वरेण्यविरलं विश्वादिमायात्मकंसर्वाद्यं प्रतिपादपादरमया तारं तथा मन्मथम् ।तुर्यान्यत्त्रितयं द्वितीयमपरं संयोगसव्याहृतिंसर्वाम्नायमनोमयीं मनसिजां ध्यायामि देवीं पराम् ॥ १४॥

satyaṃ tatsaviturvareṇyaviralaṃ viśvādimāyātmakaṃsarvādyaṃ pratipādapādaramayā tāraṃ tathā manmatham |turyānyattritayaṃ dvitīyamaparaṃ saṃyogasavyāhṛtiṃsarvāmnāyamanomayīṃ manasijāṃ dhyāyāmi devīṃ parām || 14||

आदौ गायत्रिमन्त्रे गुरुकृतनियमं धर्मकर्मानुकूलंसर्वाद्यं सारभूतं सकलमनुमयं देवतानामगम्यम् ।देवानां पूर्वदेवं\, द्विजकुलमुनिभिः सिद्धविद्याधराद्यैःको वा वक्तुं समर्थस्तवमनुमहिमाबीजराजादिमूलम् ॥ १५॥

ādau gāyatrimantre gurukṛtaniyamaṃ dharmakarmānukūlaṃsarvādyaṃ sārabhūtaṃ sakalamanumayaṃ devatānāmagamyam |devānāṃ pūrvadevaṃ\, dvijakulamunibhiḥ siddhavidyādharādyaiḥko vā vaktuṃ samarthastavamanumahimābījarājādimūlam || 15||

गायत्रीं त्रिपदां त्रिबीजसहितां द्विव्याहृतिं त्रैपदांत्रिब्रह्मात्रिगुणां त्रिकालनियमां वेदत्रयीं तां पराम् ।साङ्ख्यादित्रयरूपिणीं त्रिनयनां मातृत्रयीं तत्पराम्त्रैलोक्यत्रिदशविकोटिसहितां सन्ध्यां त्रयीं तां नुमः ॥ १६॥

gāyatrīṃ tripadāṃ tribījasahitāṃ dvivyāhṛtiṃ traipadāṃtribrahmātriguṇāṃ trikālaniyamāṃ vedatrayīṃ tāṃ parām |sāṅkhyāditrayarūpiṇīṃ trinayanāṃ mātṛtrayīṃ tatparāmtrailokyatridaśavikoṭisahitāṃ sandhyāṃ trayīṃ tāṃ numaḥ || 16||

ओमित्येतत्त्रिमात्रात्रिभुवनकरणं त्रिस्वरं वह्निरूपंत्रीणि त्रीणि त्रिपादं त्रिगुणगुणमयं त्रैपुरान्तं त्रिसूक्तम् ।तत्त्वानां पूरवशक्तिं त्रितयगुरुपदं पीठयन्त्रात्मकं तंतस्मादेतत् त्रिपादं त्रिपदमनुसरं त्राहि मां भो नमस्ते ॥ १७॥

omityetattrimātrātribhuvanakaraṇaṃ trisvaraṃ vahnirūpaṃtrīṇi trīṇi tripādaṃ triguṇaguṇamayaṃ traipurāntaṃ trisūktam |tattvānāṃ pūravaśaktiṃ tritayagurupadaṃ pīṭhayantrātmakaṃ taṃtasmādetat tripādaṃ tripadamanusaraṃ trāhi māṃ bho namaste || 17||

स्वस्ति श्रद्धातिमेधा मधुमतिमधुरः संशयः प्रज्ञकान्तिर्विद्या बुद्धिर्बलं श्रीरतनुधनपतिः सौम्यवाक्यानुवृत्तिः ।मेधा प्रज्ञा प्रतिष्ठा मृदुमतिमधुरापूर्णविद्याप्रपूर्णंप्राप्तं प्रत्यूषचिन्त्यं प्रणवपरवशात्प्राणिनां नित्यकर्म ॥ १८॥

svasti śraddhātimedhā madhumatimadhuraḥ saṃśayaḥ prajñakāntirvidyā buddhirbalaṃ śrīratanudhanapatiḥ saumyavākyānuvṛttiḥ |medhā prajñā pratiṣṭhā mṛdumatimadhurāpūrṇavidyāprapūrṇaṃprāptaṃ pratyūṣacintyaṃ praṇavaparavaśātprāṇināṃ nityakarma || 18||

पञ्चाशद्वर्णमध्ये प्रणवपरयुते मन्त्रमाद्यं नमोन्तंसर्वं सव्यापसव्यं शतगुणमभितो वर्म ह्यष्टोत्तरं ते ।एव नित्यं प्रजप्तं त्रिभुवनसहितं सूर्यमन्तं त्रिपादंज्ञानं विज्ञानगम्यं गगनसुसदृशं ध्यायते यः स मुक्तः ॥ १९॥

pañcāśadvarṇamadhye praṇavaparayute mantramādyaṃ namontaṃsarvaṃ savyāpasavyaṃ śataguṇamabhito varma hyaṣṭottaraṃ te |eva nityaṃ prajaptaṃ tribhuvanasahitaṃ sūryamantaṃ tripādaṃjñānaṃ vijñānagamyaṃ gaganasusadṛśaṃ dhyāyate yaḥ sa muktaḥ || 19||

आदिक्षान्तसबिन्दुयुक्तसहितं मेरुं क्षकारात्मकंव्यस्ताव्यस्तसमस्तवर्गसहितं पूर्णं शताष्टोत्तरम् ।गायत्रीं जपतां त्रिकालसहितां नित्यं सनैमित्तिकमेवंजाप्यफलं शिवेन कथितं सद्भोग्यमोक्षप्रदम् ॥ २०॥

ādikṣāntasabinduyuktasahitaṃ meruṃ kṣakārātmakaṃvyastāvyastasamastavargasahitaṃ pūrṇaṃ śatāṣṭottaram |gāyatrīṃ japatāṃ trikālasahitāṃ nityaṃ sanaimittikamevaṃjāpyaphalaṃ śivena kathitaṃ sadbhogyamokṣapradam || 20||

सप्तव्याहृतिसप्ततारविकृतिः सत्यं वरेण्यं धृतिःसर्वं तत्सवितुश्च धीमहि महाभर्गस्य देवं भजे ।धाम्नो धाम धमाधिधारणमहान्धीमत्पदं ध्यायतेॐ तत्सर्वमनुप्रपूर्णदशकं पादत्रयं केवलम् ॥ २१॥

saptavyāhṛtisaptatāravikṛtiḥ satyaṃ vareṇyaṃ dhṛtiḥsarvaṃ tatsavituśca dhīmahi mahābhargasya devaṃ bhaje |dhāmno dhāma dhamādhidhāraṇamahāndhīmatpadaṃ dhyāyateoṃ tatsarvamanuprapūrṇadaśakaṃ pādatrayaṃ kevalam || 21||

विज्ञाने विलसद्विवेकवचसः प्रज्ञानुसन्धारिणींश्रद्धामेध्ययशःशिरःसुमनसः स्वस्ति श्रियं त्वां सदा ।आयुष्यं धनधान्यलक्ष्मिमतुलां देवीं कटाक्षं परंतत्काले सकलार्थसाधनमदान्मुक्तिर्महत्त्वं पदम् ॥ २२॥

vijñāne vilasadvivekavacasaḥ prajñānusandhāriṇīṃśraddhāmedhyayaśaḥśiraḥsumanasaḥ svasti śriyaṃ tvāṃ sadā |āyuṣyaṃ dhanadhānyalakṣmimatulāṃ devīṃ kaṭākṣaṃ paraṃtatkāle sakalārthasādhanamadānmuktirmahattvaṃ padam || 22||

पृथ्वीगन्धोऽर्चनायां नभसि कुसुमता वायुधूपप्रकर्षोवह्निर्दीपप्रकाशो जलममृतमयं नित्यसङ्कल्पपूजा ।एतत्सर्वं निवेद्यं सुखवति हृदये सर्वदा दम्पतीनांत्वं सर्वज्ञा शिवं मे कृरु तव ममता भक्तवृन्दे प्रसिद्धा ॥ २३॥

pṛthvīgandho'rcanāyāṃ nabhasi kusumatā vāyudhūpaprakarṣovahnirdīpaprakāśo jalamamṛtamayaṃ nityasaṅkalpapūjā |etatsarvaṃ nivedyaṃ sukhavati hṛdaye sarvadā dampatīnāṃtvaṃ sarvajñā śivaṃ me kṛru tava mamatā bhaktavṛnde prasiddhā || 23||

सौम्यं सौभाग्यहेतुं सकलसुखकरं सर्वसौख्यं समस्तंसत्यं सद्भोगनित्यं सुखजनसुहृदं सुन्दरं श्रीसमस्तम् ।सौमङ्गल्यं समग्रं सकलशुभकरं स्वस्तिवाचं समस्तंसर्वाद्यं सद्विवेकं त्रिपदपदयुगं प्राप्तुमध्यासमस्तम् ॥ २४॥

saumyaṃ saubhāgyahetuṃ sakalasukhakaraṃ sarvasaukhyaṃ samastaṃsatyaṃ sadbhoganityaṃ sukhajanasuhṛdaṃ sundaraṃ śrīsamastam |saumaṅgalyaṃ samagraṃ sakalaśubhakaraṃ svastivācaṃ samastaṃsarvādyaṃ sadvivekaṃ tripadapadayugaṃ prāptumadhyāsamastam || 24||

गायत्रीपदपञ्चपञ्चप्रणवद्वन्द्वं विधौ सम्पुटंसृष्ट्यादिक्रमन्त्रजाप्यदशकं देवीपदं क्षुत्त्रयम् ।मन्त्रातिस्थितिकेषु सम्पुटमिदं श्रीमातृकावेष्टनंवर्णान्त्यादिविलोममन्त्रजपनं संहारसम्मोहनम् ॥ २५॥

gāyatrīpadapañcapañcapraṇavadvandvaṃ vidhau sampuṭaṃsṛṣṭyādikramantrajāpyadaśakaṃ devīpadaṃ kṣuttrayam |mantrātisthitikeṣu sampuṭamidaṃ śrīmātṛkāveṣṭanaṃvarṇāntyādivilomamantrajapanaṃ saṃhārasammohanam || 25||

भूराद्यं भूर्भुवःस्वस्त्रिपदपदयुतं त्र्यक्षमाद्यन्तयोज्यंसृष्टिस्थित्यन्तकार्यं क्रमशिखिसकलं सर्वमन्त्रं प्रशस्तम् ।सर्वाङ्गं मातृकाणां मनुमयवपुषं मन्त्रयोगप्रयुक्तंसंहारं क्षादिवर्णं वसुशतगणनं मन्त्रराजं नमामि ॥ २६॥

bhūrādyaṃ bhūrbhuvaḥsvastripadapadayutaṃ tryakṣamādyantayojyaṃsṛṣṭisthityantakāryaṃ kramaśikhisakalaṃ sarvamantraṃ praśastam |sarvāṅgaṃ mātṛkāṇāṃ manumayavapuṣaṃ mantrayogaprayuktaṃsaṃhāraṃ kṣādivarṇaṃ vasuśatagaṇanaṃ mantrarājaṃ namāmi || 26||

विश्वामित्रमुदाहृतं हितकरं सर्वार्थसिद्धिप्रदंस्तोत्राणां परमं प्रभातसमये पारायणं नित्यशः ।वेदानां विधिवादमन्त्रसफलं सिद्धिप्रदं सम्पदांस प्राप्नोत्यपरत्र सर्वसुखदमायुष्यमारोग्यताम् ॥ २७॥

viśvāmitramudāhṛtaṃ hitakaraṃ sarvārthasiddhipradaṃstotrāṇāṃ paramaṃ prabhātasamaye pārāyaṇaṃ nityaśaḥ |vedānāṃ vidhivādamantrasaphalaṃ siddhipradaṃ sampadāṃsa prāpnotyaparatra sarvasukhadamāyuṣyamārogyatām || 27||

इति श्रीविश्वामित्रप्रणीतो गायत्रीस्तवराजः सम्पूर्णः ॥

iti śrīviśvāmitrapraṇīto gāyatrīstavarājaḥ sampūrṇaḥ ||