गायत्रीकवचम् ४ Gayatrikavacham 4

ॐ अस्य श्रीगायत्रीकवचस्य, ब्रह्मा ऋषिः, गायत्री छन्दः,गायत्री देवता, भूः बीजम्, भुवः शक्तिः, स्वः कीलकम्,गायत्री प्रीत्यर्थं जपे विनियोगः ।अथ ध्यानंपञ्चवक्त्रां दशभुजां सूर्यकोटिसमप्रभाम् ।सावित्रीं ब्रह्म वरदां चन्द्रकोटिसुशीतलाम् ॥त्रिनेत्रां सितवक्त्रां च मुक्ताहारविराजिताम् ।वराभयाङ्कुशकशाहेमपत्राक्षमालिकाम् ॥शङ्खचक्राब्जयुगलं कराभ्यां दधतीं वराम् ।सितपङ्कजसंस्थां च हंसारूढां सुखस्मिताम् ॥ध्यात्वैवं मानसाम्भोजे गायत्रीकवचं जपेत् ॥ॐ ब्रह्मोवाच ।विश्वामित्र महाप्राज्ञ गायत्रीकवचं शृणु ।यस्य विज्ञानमात्रेण त्रैलोक्यं वशयेत्क्षणात् ॥ १॥

oṃ asya śrīgāyatrīkavacasya, brahmā ṛṣiḥ, gāyatrī chandaḥ,gāyatrī devatā, bhūḥ bījam, bhuvaḥ śaktiḥ, svaḥ kīlakam,gāyatrī prītyarthaṃ jape viniyogaḥ |atha dhyānaṃpañcavaktrāṃ daśabhujāṃ sūryakoṭisamaprabhām |sāvitrīṃ brahma varadāṃ candrakoṭisuśītalām ||trinetrāṃ sitavaktrāṃ ca muktāhāravirājitām |varābhayāṅkuśakaśāhemapatrākṣamālikām ||śaṅkhacakrābjayugalaṃ karābhyāṃ dadhatīṃ varām |sitapaṅkajasaṃsthāṃ ca haṃsārūḍhāṃ sukhasmitām ||dhyātvaivaṃ mānasāmbhoje gāyatrīkavacaṃ japet ||oṃ brahmovāca |viśvāmitra mahāprājña gāyatrīkavacaṃ śṛṇu |yasya vijñānamātreṇa trailokyaṃ vaśayetkṣaṇāt || 1||

सावित्री मे शिरः पातु शिखायाममृतेश्वरी ।ललाटं ब्रह्मदैवत्या भ्रुवौ मे पातु वैष्णवी ॥ २॥

sāvitrī me śiraḥ pātu śikhāyāmamṛteśvarī |lalāṭaṃ brahmadaivatyā bhruvau me pātu vaiṣṇavī || 2||

कर्णौ मे पातु रुद्राणी सूर्या सावित्रिकाऽम्बिका ।गायत्री वदनं पातु शारदा दशनच्छदौ ॥ ३॥

karṇau me pātu rudrāṇī sūryā sāvitrikā'mbikā |gāyatrī vadanaṃ pātu śāradā daśanacchadau || 3||

द्विजान् यज्ञप्रिया पातु रसनायां सरस्वती ।साङ्ख्यायनी नासिकां मे कपोलौ चन्द्रहासिनी ॥ ४॥

dvijān yajñapriyā pātu rasanāyāṃ sarasvatī |sāṅkhyāyanī nāsikāṃ me kapolau candrahāsinī || 4||

चिबुकं वेदगर्भा च कण्ठं पात्वघनाशिनी ।स्तनौ मे पातु इन्द्राणी हृदयं ब्रह्मवादिनी ॥ ५॥

cibukaṃ vedagarbhā ca kaṇṭhaṃ pātvaghanāśinī |stanau me pātu indrāṇī hṛdayaṃ brahmavādinī || 5||

उदरं विश्वभोक्त्री च नाभौ पातु सुरप्रिया ।जघनं नारसिंही च पृष्ठं ब्रह्माण्डधारिणी ॥ ६॥

udaraṃ viśvabhoktrī ca nābhau pātu surapriyā |jaghanaṃ nārasiṃhī ca pṛṣṭhaṃ brahmāṇḍadhāriṇī || 6||

पार्श्वौ मे पातु पद्माक्षी गुह्यं गोगोप्त्रिकाऽवतु ।ऊर्वोरोङ्काररूपा च जान्वोः सन्ध्यात्मिकावतु ॥ ७॥

pārśvau me pātu padmākṣī guhyaṃ gogoptrikā'vatu |ūrvoroṅkārarūpā ca jānvoḥ sandhyātmikāvatu || 7||

जङ्घयोः पातु अक्षोभ्या गुल्फयोर्ब्रह्मशीर्षका ।सूर्या पदद्वयं पातु चन्द्रा पादाङ्गुलीषु च ॥ ८॥

jaṅghayoḥ pātu akṣobhyā gulphayorbrahmaśīrṣakā |sūryā padadvayaṃ pātu candrā pādāṅgulīṣu ca || 8||

सर्वाङ्गं वेदजननी पातु मे सर्वदानघा ।इत्येतत्कवचं ब्रह्मन् गायत्र्याः सर्वपावनम् ।पुण्यं पवित्रं पापघ्नं सर्वरोगनिवारणम् ॥ ९॥

sarvāṅgaṃ vedajananī pātu me sarvadānaghā |ityetatkavacaṃ brahman gāyatryāḥ sarvapāvanam |puṇyaṃ pavitraṃ pāpaghnaṃ sarvaroganivāraṇam || 9||

त्रिसन्ध्यं यः पठेद्विद्वान् सर्वान् कामानववाप्नुयात् ।सर्वशास्त्रार्थतत्तवज्ञः स भवेद्वेदवित्तमः ॥ १०॥

trisandhyaṃ yaḥ paṭhedvidvān sarvān kāmānavavāpnuyāt |sarvaśāstrārthatattavajñaḥ sa bhavedvedavittamaḥ || 10||

सर्वयज्ञफलं प्राप्य ब्रह्मान्ते समवाप्नुयात् ।प्राप्नोति जपमात्रेण पुरुषार्थांश्चतुर्विधान् ॥ ११॥

sarvayajñaphalaṃ prāpya brahmānte samavāpnuyāt |prāpnoti japamātreṇa puruṣārthāṃścaturvidhān || 11||

इति श्रीविश्वामित्रसंहितोक्तं गायत्रीकवचं सम्पूर्णम् ॥

iti śrīviśvāmitrasaṃhitoktaṃ gāyatrīkavacaṃ sampūrṇam ||