मातृदेवीलीलास्तुतिः Matridevi Lila Stuti

ॐ सदा व्रतैः सतां गतैः सुशास्त्रमार्गवेदितैश्चराचरेषु सत्त्वकेषु वासरं(१) गवेषयन् ।स्वचिद्धनं स्वमातृतोऽद्य लब्धवांस्तु यद्यऽहंसुजोनदीदिनामकं नमामि तत्सुभक्तितः ॥ १॥

oṃ sadā vrataiḥ satāṃ gataiḥ suśāstramārgaveditaiścarācareṣu sattvakeṣu vāsaraṃ(1) gaveṣayan |svaciddhanaṃ svamātṛto'dya labdhavāṃstu yadya'haṃsujonadīdināmakaṃ namāmi tatsubhaktitaḥ || 1||

(२)स्वदक्षदोर्गतं रदाऽक्षसूत्रकं सुमूषकासनंच वामदोर्गतं कुठारमोदकं त्रिदृक् ।सुदीर्घ(३)कुक्षिशुण्डकं भुजङ्गहारि रक्तभंसुजोनदीदिनामकं नमामि तत्सुभक्तितः ॥ २॥

(2)svadakṣadorgataṃ radā'kṣasūtrakaṃ sumūṣakāsanaṃca vāmadorgataṃ kuṭhāramodakaṃ tridṛk |sudīrgha(3)kukṣiśuṇḍakaṃ bhujaṅgahāri raktabhaṃsujonadīdināmakaṃ namāmi tatsubhaktitaḥ || 2||

यदेव मुक्तविद्रुमाऽसिताऽच्छ(४)पीतपञ्चकं(५),त्रिलोचनं किरीटचन्द्रशोभितं द्विजैः(६) श्रि(७)तम् ।श्रुतिक्षि(८)तिर्भवार्तिहृत् सुहंसवाहनंश्रुतौ(९) सुजोनदीदिनामकं नमामि तत्सुभक्तितः ॥ ३॥

yadeva muktavidrumā'sitā'ccha(4)pītapañcakaṃ(5),trilocanaṃ kirīṭacandraśobhitaṃ dvijaiḥ(6) śri(7)tam |śrutikṣi(8)tirbhavārtihṛt suhaṃsavāhanaṃśrutau(9) sujonadīdināmakaṃ namāmi tatsubhaktitaḥ || 3||

(१०)सुमेरुशृङ्गपीठगं सुरक्तवर्णभं सदामृगेन्द्रवाहनं भुजङ्गहारि दुष्टदैत्यहृत् ।हया(११)धिदिग्भुजैश्च भीरु(१२)सप्तकेन यद्वृतंसुजोनदीदिनामकं नमामि तत्सुभक्तितः ॥ ४॥

(10)sumeruśṛṅgapīṭhagaṃ suraktavarṇabhaṃ sadāmṛgendravāhanaṃ bhujaṅgahāri duṣṭadaityahṛt |hayā(11)dhidigbhujaiśca bhīru(12)saptakena yadvṛtaṃsujonadīdināmakaṃ namāmi tatsubhaktitaḥ || 4||

सुकीलप(१३)र्वतस्थितं सुकील(१४)वृन्दमालितं,चतुर्भुजं किरीटचन्द्रशोभि दुष्टभक्षकम् ।त्रिदृक्च यत्सुपूजितं सदाऽन्नपानदैर्जनैःसुजोनदीदिनामकं नमामि तत्सुभक्तितः ॥ ५॥

sukīlapa(13)rvatasthitaṃ sukīla(14)vṛndamālitaṃ,caturbhujaṃ kirīṭacandraśobhi duṣṭabhakṣakam |tridṛkca yatsupūjitaṃ sadā'nnapānadairjanaiḥsujonadīdināmakaṃ namāmi tatsubhaktitaḥ || 5||

सरोऽ(१५)न्तरे (१६)सुनागगं विव(१७)र्णभृञ्जलान्तरे,भुजङ्गहारि पायसप्रियं जयप्रदं नृणाम् ।सुरागिणां दुरात्मनां भयप्रदं जटेन्दु यत्सुजोनदीदिनामकं नमामि तत्सुभक्तितः ॥ ६॥

saro'(15)ntare (16)sunāgagaṃ viva(17)rṇabhṛñjalāntare,bhujaṅgahāri pāyasapriyaṃ jayapradaṃ nṛṇām |surāgiṇāṃ durātmanāṃ bhayapradaṃ jaṭendu yatsujonadīdināmakaṃ namāmi tatsubhaktitaḥ || 6||

१ प्रत्यहं नित्यादिकर्ममार्गैः स्वस्वरूपानन्दमन्वेषयन् ।२ सर्वात्मतां प्रकटयति ।३ लम्बोदरं दीर्घनासं च गणेशाकृति यत् ।४ सितम् । ५ मुक्ताविद्रुमहेमनीलधवलछायात्मकपञ्चशिरस्कम् ।६ वेदाभिप्रायज्ञैः ७ महागायत्रीस्वरूपेण स्वीकृतम् । ८ वेदभूः ।९ वेदे च प्रथितं यत् ।१० काश्मीरे प्रसिद्धश्रीचक्रेश्वराख्यपर्वतस्थितम् ।११ अष्टाधिकदशभुजैः ।१२ अमादिदेवीसप्तकेन वृतं शारिकात्म यत् ।१३ काश्मीरे प्रसिद्धज्वालापर्वतगम् । १४ ज्वालादेवी नामकं यत् ।१५ सरसां मध्ये कश्मीरे तु तुलमुल इति संज्ञकेग्रामेऽनेकनागानां मध्ये प्रसिद्धम् । १६ श्रीमहाराज्ञीनागस्थितम् ।१७ जलान्तर्विविधरूपप्रकाशकं राज्ञीसंज्ञकं यत् ।निलिम्पपञ्चम(१)ञ्चगं सुनीलभं त्रिलोचनंत्रिपूर्षु सुन्दरं सुरारिघातकं भयापहम् ।कदम्बवाटिकागतं सुभक्तभीतिहारि यत्सुजोनदीदिनामकं नमामि तत्सुभक्तितः ॥ ७॥

1 pratyahaṃ nityādikarmamārgaiḥ svasvarūpānandamanveṣayan | 2 sarvātmatāṃ prakaṭayati | 3 lambodaraṃ dīrghanāsaṃ ca gaṇeśākṛti yat | 4 sitam | 5 muktāvidrumahemanīladhavalachāyātmakapañcaśiraskam | 6 vedābhiprāyajñaiḥ 7 mahāgāyatrīsvarūpeṇa svīkṛtam | 8 vedabhūḥ | 9 vede ca prathitaṃ yat | 10 kāśmīre prasiddhaśrīcakreśvarākhyaparvatasthitam | 11 aṣṭādhikadaśabhujaiḥ | 12 amādidevīsaptakena vṛtaṃ śārikātma yat | 13 kāśmīre prasiddhajvālāparvatagam | 14 jvālādevī nāmakaṃ yat | 15 sarasāṃ madhye kaśmīre tu tulamula iti saṃjñakegrāme'nekanāgānāṃ madhye prasiddham | 16 śrīmahārājñīnāgasthitam | 17 jalāntarvividharūpaprakāśakaṃ rājñīsaṃjñakaṃ yat |nilimpapañcama(1)ñcagaṃ sunīlabhaṃ trilocanaṃtripūrṣu sundaraṃ surārighātakaṃ bhayāpaham |kadambavāṭikāgataṃ subhaktabhītihāri yatsujonadīdināmakaṃ namāmi tatsubhaktitaḥ || 7||

यदेव वैष्णवैश्चतुर्भुजं च नीलसुन्दरंगदाऽरि(२)शङ्खपद्मकौस्तुभोज्ज्वलं हृदा धृतम् ।सुपीतवस्त्रमा(३)भृतं खगासनं स्वचिद्घनंसुजोनदीदिनामकं नमामि तत्सुभक्तितः ॥ ८॥

yadeva vaiṣṇavaiścaturbhujaṃ ca nīlasundaraṃgadā'ri(2)śaṅkhapadmakaustubhojjvalaṃ hṛdā dhṛtam |supītavastramā(3)bhṛtaṃ khagāsanaṃ svacidghanaṃsujonadīdināmakaṃ namāmi tatsubhaktitaḥ || 8||

नृमुण्डस्रग्युतं भुजङ्गभूषितं शिवायुतंसुपञ्च(४)कं त्रिलोचनं श्मशानभूमिशायि यत् ।जटेन्दु भुक्तिमुक्तिदं सप्रेतकं वृषासनंसुजोनदीदिनामकं नमामि तत्सुभक्तितः ॥ ९॥

nṛmuṇḍasragyutaṃ bhujaṅgabhūṣitaṃ śivāyutaṃsupañca(4)kaṃ trilocanaṃ śmaśānabhūmiśāyi yat |jaṭendu bhuktimuktidaṃ sapretakaṃ vṛṣāsanaṃsujonadīdināmakaṃ namāmi tatsubhaktitaḥ || 9||

अरोग(५)ताऽच्छताप्रतापधी(६)स्वधीसुखाऽभयाऽसुबन्ध(७)ताधृतिप्रसन्नताजयात्मशक्तिभिः ।(८)इनेन्दुभौमसौम्यजीवभार्गवादिरूपि यत्सुजोनदीदिनामकं नमामि तत्सुभक्तितः ॥ १०॥

aroga(5)tā'cchatāpratāpadhī(6)svadhīsukhā'bhayā'subandha(7)tādhṛtiprasannatājayātmaśaktibhiḥ |(8)inendubhaumasaumyajīvabhārgavādirūpi yatsujonadīdināmakaṃ namāmi tatsubhaktitaḥ || 10||

कृपाणखेटशङ्खशूलबाणचापतर्जनीरथाङ्गशोभिदोर्व(९)नं सुदूर्वयाऽनुगं रुचा ।हया(१०)रिमूर्ध्नि संस्थितं सुरारिरक्तपं च (११)यत्सुजोनदीदिनामकं नमामि तत्सुभक्तितः ॥ ११॥

kṛpāṇakheṭaśaṅkhaśūlabāṇacāpatarjanīrathāṅgaśobhidorva(9)naṃ sudūrvayā'nugaṃ rucā |hayā(10)rimūrdhni saṃsthitaṃ surāriraktapaṃ ca (11)yatsujonadīdināmakaṃ namāmi tatsubhaktitaḥ || 11||

सिताऽसिताऽर्कभं(१२) रमाशिवाश्रुतिप्रसूपतिप्रदाकुशत्रु(१३)गोसिताङ्गवाहि चैकशीर्षकम् ।शरास्यकं चतुर्मुखं यदेव मागुण(१४)क्रमात्सुजोनदीदिनामकं नमामि तत्सुभक्तितः ॥ १२॥

sitā'sitā'rkabhaṃ(12) ramāśivāśrutiprasūpatipradākuśatru(13)gositāṅgavāhi caikaśīrṣakam |śarāsyakaṃ caturmukhaṃ yadeva māguṇa(14)kramātsujonadīdināmakaṃ namāmi tatsubhaktitaḥ || 12||

अनेकशीर्षपाददोःश्रवाक्षिवक्षसास्यकंसहस्रवस्त्रवर्णभूषणायुधाकृतिश्रितम् ।अनेकपत्र(१५)शस्त्रनागसत्त्वकर्मभृच्चयत् सुजोनदीदिनामकं नमामि तत्सुभक्तितः ॥ १३॥

anekaśīrṣapādadoḥśravākṣivakṣasāsyakaṃsahasravastravarṇabhūṣaṇāyudhākṛtiśritam |anekapatra(15)śastranāgasattvakarmabhṛccayat sujonadīdināmakaṃ namāmi tatsubhaktitaḥ || 13||

१ ब्रह्मविष्णुरुद्रेश्वरसदाशिवाख्यपञ्चदेवात्मपर्यङ्कस्थितं त्रिपुरसुन्दरीस्वरूपं यत् । २ सुदर्शनचक्रं३ लक्ष्मीयुतं विष्णुरूपं यत् । ४ सुपञ्चशिरस्कं शिवात्मकं यत् ।५ नवग्रहाणां तु । आरोग्यं तरणिः शशी विमलतां भौमःप्रतापोदयं बुद्धिं शीतकरात्मजः सुरगुरुर्ज्ञानं सुखंभार्गवः । धैर्यं सूर्यसुतश्च राहुरभयं केतुः प्रसादंध्रुवः शौर्यं कुम्भसमुद्भवोप्यथ जयं दिश्यन्तु सर्वेग्रहाः इत्यात्मकाः चिच्छक्तय एवेत्यर्थः । ६ ज्ञानम् ।७ शौर्यम् । ८ एकादशग्रहात्म । ९ भुजाष्टकम् ।१० महिषोत्तमाङ्गस्थितम् । ११ श्रीदुर्गाख्यम् । १२ रक्तवर्णम् ।१३ गरुडवृषहंसाधिरूढम् ।१४ मायायाः सत्वतमोरजसामुपाधितः विष्णुशिवब्रह्मात्मकं यत् ।१५ वाहनं विराडात्मकं यत् ।पडूरगोविन्दकौलजं हि जोनदीदिभा(१)वनं पठेत्हृदीद्धभा(२)वनो विधाय तत्पदद्वयम् ।मतिं श्रुतौ रमां गृहे यशो जनेषु दीयतेऽन्विह(३)त्वऽमुत्र तस्य निर्भयं(४) चिदीश्वरी पदम् ॥ १४॥

1 brahmaviṣṇurudreśvarasadāśivākhyapañcadevātmaparyaṅkasthitaṃ tripurasundarīsvarūpaṃ yat | 2 sudarśanacakraṃ3 lakṣmīyutaṃ viṣṇurūpaṃ yat | 4 supañcaśiraskaṃ śivātmakaṃ yat | 5 navagrahāṇāṃ tu | ārogyaṃ taraṇiḥ śaśī vimalatāṃ bhaumaḥpratāpodayaṃ buddhiṃ śītakarātmajaḥ suragururjñānaṃ sukhaṃbhārgavaḥ | dhairyaṃ sūryasutaśca rāhurabhayaṃ ketuḥ prasādaṃdhruvaḥ śauryaṃ kumbhasamudbhavopyatha jayaṃ diśyantu sarvegrahāḥ ityātmakāḥ cicchaktaya evetyarthaḥ | 6 jñānam | 7 śauryam | 8 ekādaśagrahātma | 9 bhujāṣṭakam | 10 mahiṣottamāṅgasthitam | 11 śrīdurgākhyam | 12 raktavarṇam | 13 garuḍavṛṣahaṃsādhirūḍham | 14 māyāyāḥ satvatamorajasāmupādhitaḥ viṣṇuśivabrahmātmakaṃ yat | 15 vāhanaṃ virāḍātmakaṃ yat |paḍūragovindakaulajaṃ hi jonadīdibhā(1)vanaṃ paṭhethṛdīddhabhā(2)vano vidhāya tatpadadvayam |matiṃ śrutau ramāṃ gṛhe yaśo janeṣu dīyate'nviha(3)tva'mutra tasya nirbhayaṃ(4) cidīśvarī padam || 14||

(१) भक्तिः सर्वात्मकाद्यशक्त्यनुभवविस्फुरणात्मिका,बहूनां जन्मनामन्ते इति गीतासु ।(२) तीव्रभक्तिमान् । (३) भक्तियुक्तपाठादनन्तरमेव । (४) कैवल्यंइति श्रीमद्दत्तात्रेयवंशीय पडरू इत्युपहितगोविन्दकौलानुज्ञयादैवज्ञकेशवभट्टविरचिता मातृदेवीलीलास्तुतिः समाप्ता ।

(1) bhaktiḥ sarvātmakādyaśaktyanubhavavisphuraṇātmikā,bahūnāṃ janmanāmante iti gītāsu |(2) tīvrabhaktimān | (3) bhaktiyuktapāṭhādanantarameva | (4) kaivalyaṃiti śrīmaddattātreyavaṃśīya paḍarū ityupahitagovindakaulānujñayādaivajñakeśavabhaṭṭaviracitā mātṛdevīlīlāstutiḥ samāptā |