देवीमङ्गलाष्टकम् २ Mangalashtakam (3)

ब्रह्माविष्णुर्गिरीशः सुरपतिरनलः प्रेतराड्यातुनाथस्तोयाधीशश्च वायुर्धनदगुहगणेशार्कचन्द्राश्च रुद्राः ।विश्वादित्याश्विसध्या वसुपितृमरुतस्सिद्धविद्याश्च यक्षागन्धर्वाः किन्नराद्याखिलगगनचरा मङ्गलं मे दिशन्तु ॥ १॥

brahmāviṣṇurgirīśaḥ surapatiranalaḥ pretarāḍyātunāthastoyādhīśaśca vāyurdhanadaguhagaṇeśārkacandrāśca rudrāḥ |viśvādityāśvisadhyā vasupitṛmarutassiddhavidyāśca yakṣāgandharvāḥ kinnarādyākhilagaganacarā maṅgalaṃ me diśantu || 1||

वाणी लक्ष्मी धरित्री हिमगिरितनया चण्डिका भद्रकालीब्रह्माद्या मातृसङ्घा अदितिदितिसतीत्यादयो दक्षपुत्र्यः ।सावित्री जह्नुकन्या दिनकरतनयारुन्धती देवपत्न्यःपौलोमाद्यास्तथान्याः खचरयुवतयो मङ्गलं मे दिशन्तु ॥ २॥

vāṇī lakṣmī dharitrī himagiritanayā caṇḍikā bhadrakālībrahmādyā mātṛsaṅghā aditiditisatītyādayo dakṣaputryaḥ |sāvitrī jahnukanyā dinakaratanayārundhatī devapatnyaḥpaulomādyāstathānyāḥ khacarayuvatayo maṅgalaṃ me diśantu || 2||

मत्स्यः कूर्मो वराहो नृहरिरथ वटुर्भार्गवो रामचन्द्रस्सीरी कृष्णश्च खड्गी सकपिलनरनारायणात्रेयवैद्याः ।अन्ये नानावताराः नरकविजयिनश्चक्रमुख्यायुधानितत्पत्न्यस्तत्सुताश्चाप्यखिलहरिकुला मङ्गलं मे दिशन्तु ॥ ३॥

matsyaḥ kūrmo varāho nṛhariratha vaṭurbhārgavo rāmacandrassīrī kṛṣṇaśca khaḍgī sakapilanaranārāyaṇātreyavaidyāḥ |anye nānāvatārāḥ narakavijayinaścakramukhyāyudhānitatpatnyastatsutāścāpyakhilaharikulā maṅgalaṃ me diśantu || 3||

विश्वामित्रो वसिष्ठः कलशभव उतथ्योऽङ्गिराः काश्यपश्चव्यासः कण्वो मरीची क्रतुभृगुपुलहा शौनकोऽत्रिः पुलस्त्यः ।अन्ये सर्वे मुनीन्द्राः कुजबुधगुरुशुक्रार्कजाद्या ग्रहा येनक्षत्राणि प्रजेशाः फणिगणमनवो मङ्गलं मे दिशन्तु ॥ ४॥

viśvāmitro vasiṣṭhaḥ kalaśabhava utathyo'ṅgirāḥ kāśyapaścavyāsaḥ kaṇvo marīcī kratubhṛgupulahā śaunako'triḥ pulastyaḥ |anye sarve munīndrāḥ kujabudhaguruśukrārkajādyā grahā yenakṣatrāṇi prajeśāḥ phaṇigaṇamanavo maṅgalaṃ me diśantu || 4||

तार्क्ष्योऽनन्तो हनूमान् बलिरपि सनकाद्याः शुको नारदश्चप्रह्लादः पाण्डुपुत्रा नृगनलनहुषाः विष्णुरातोऽम्बरीषः ।भीष्माक्रूरोद्धवोशीनरभरतहरिश्चन्द्ररुक्माङ्गदाद्याःअन्ये सर्वे नरेन्द्रा रविशशिकुलजा मङ्गलं मे दिशन्तु ॥ ५॥

tārkṣyo'nanto hanūmān balirapi sanakādyāḥ śuko nāradaścaprahlādaḥ pāṇḍuputrā nṛganalanahuṣāḥ viṣṇurāto'mbarīṣaḥ |bhīṣmākrūroddhavośīnarabharatahariścandrarukmāṅgadādyāḥanye sarve narendrā raviśaśikulajā maṅgalaṃ me diśantu || 5||

आकूत्याद्याश्च तिस्रः सकलमुनिकलत्राणि दारा मनूनांतारा कुन्ती च पाञ्चाल्यथ नलदयिता रुक्मिणी सत्यभामा ।देवक्याद्याश्च सर्वा यदुकुलवनिता राजभार्यास्तथान्याःगोप्यश्चारित्रयुक्ताः सकलयुवतयो मङ्गलं मे दिशन्तु ॥ ६॥

ākūtyādyāśca tisraḥ sakalamunikalatrāṇi dārā manūnāṃtārā kuntī ca pāñcālyatha naladayitā rukmiṇī satyabhāmā |devakyādyāśca sarvā yadukulavanitā rājabhāryāstathānyāḥgopyaścāritrayuktāḥ sakalayuvatayo maṅgalaṃ me diśantu || 6||

विप्रा गावश्च वेदाः स्मृतिरपि तुलसी सर्वतीर्थानि विद्याःनानाशास्त्रेतिहासा अपि सकलपुराणानि वर्णाश्रमाश्च ।साङ्ख्यं ज्ञानं च योगावपि यमनियमौ सर्वकर्माणि कालाःसर्वे धर्माश्च सत्याद्यवयवसहिता मङ्गलं मे दिशन्तु ॥ ७॥

viprā gāvaśca vedāḥ smṛtirapi tulasī sarvatīrthāni vidyāḥnānāśāstretihāsā api sakalapurāṇāni varṇāśramāśca |sāṅkhyaṃ jñānaṃ ca yogāvapi yamaniyamau sarvakarmāṇi kālāḥsarve dharmāśca satyādyavayavasahitā maṅgalaṃ me diśantu || 7||

लोका द्वीपाः समुद्राः क्षितिधरपतयो मेरुकैलासमुख्याःकावेरीनर्मदाद्याः शुभजलसरितः स्वर्द्रुमा दिग्गजेन्द्राः ।मेघा ज्योतींषिनानानरमृगपक्ष्यादयः प्राणिनोऽन्येसर्वौषध्यश्च वृक्षाः सकलतृणलता मङ्गलं मे दिशन्तु ॥ ८॥

lokā dvīpāḥ samudrāḥ kṣitidharapatayo merukailāsamukhyāḥkāverīnarmadādyāḥ śubhajalasaritaḥ svardrumā diggajendrāḥ |meghā jyotīṃṣinānānaramṛgapakṣyādayaḥ prāṇino'nyesarvauṣadhyaśca vṛkṣāḥ sakalatṛṇalatā maṅgalaṃ me diśantu || 8||

भक्त्या संयुक्तचित्ताः प्रतिदिवसमिमान् मङ्गलस्तोत्रमुख्यान्अष्टौ श्लोकान् प्रभाते दिवसपरिणतौ ये च मर्त्याः पठन्ति ।ते नित्यं पूर्णकामा इह भुवि सुखिनश्चार्थवन्तोऽपि भूत्वानिर्मुक्ता सर्वपापैर्वयसि च चरमे विष्णुलोकं प्रयान्ति ॥ ९॥

bhaktyā saṃyuktacittāḥ pratidivasamimān maṅgalastotramukhyānaṣṭau ślokān prabhāte divasapariṇatau ye ca martyāḥ paṭhanti |te nityaṃ pūrṇakāmā iha bhuvi sukhinaścārthavanto'pi bhūtvānirmuktā sarvapāpairvayasi ca carame viṣṇulokaṃ prayānti || 9||

इति मङ्गलाष्टकस्तोत्रं समाप्तम् ॥

iti maṅgalāṣṭakastotraṃ samāptam ||