मोहनकवचम् Mohana Kavacham

ईश्वर उवाचत्रिकालं गोपितं देवि कलिकाले प्रकाशितम् ।न वक्तव्यं न द्रष्टव्यं तव स्नेहात् प्रकाश्यते ॥ १॥

īśvara uvācatrikālaṃ gopitaṃ devi kalikāle prakāśitam |na vaktavyaṃ na draṣṭavyaṃ tava snehāt prakāśyate || 1||

काली दिगम्बरी देवि जगन्मोहनकारिणी ।तच्छृणुष्व महादेवि त्रैलोक्यमोहनन्त्विदम् ॥ २॥

kālī digambarī devi jaganmohanakāriṇī |tacchṛṇuṣva mahādevi trailokyamohanantvidam || 2||

अस्य महाकालभैरव ऋषिः, अनुष्टुप्छन्दः,श्मशानकालिका देवता, सर्वमोहने विनियोगः ।ऐं क्रीं क्रूं क्रः स्वाहा विवादे पातु मां सदा ।क्लीं दक्षिणकालिकादेवतायै सभामध्ये जयप्रदा ॥ ३॥

asya mahākālabhairava ṛṣiḥ, anuṣṭupchandaḥ,śmaśānakālikā devatā, sarvamohane viniyogaḥ |aiṃ krīṃ krūṃ kraḥ svāhā vivāde pātu māṃ sadā |klīṃ dakṣiṇakālikādevatāyai sabhāmadhye jayapradā || 3||

क्रीं क्रीं श्यामाङ्गिन्यै शत्रु मारय मारय ।ह्रीं क्रीं क्रीं क्लीं त्रैलोक्यं वशमानय ॥ ४॥

krīṃ krīṃ śyāmāṅginyai śatru māraya māraya |hrīṃ krīṃ krīṃ klīṃ trailokyaṃ vaśamānaya || 4||

ह्रीं श्रीं क्री मां रक्ष रक्ष विवादे राजगोचरे ।द्वाविंशत्यक्षरी ब्रह्म सर्वत्र रक्ष मां सदा ॥ ५॥

hrīṃ śrīṃ krī māṃ rakṣa rakṣa vivāde rājagocare |dvāviṃśatyakṣarī brahma sarvatra rakṣa māṃ sadā || 5||

कवचे वर्जिते यत्र तत्र मां पातु कीलका ।सर्वत्र रक्ष मां देवि श्यामा तूग्रस्वरूपिणी ॥ ६॥

kavace varjite yatra tatra māṃ pātu kīlakā |sarvatra rakṣa māṃ devi śyāmā tūgrasvarūpiṇī || 6||

एतेषां परमं मोहं भवद्भाग्ये प्रकाशितंसदा यस्तु पठेद्वापि त्रैलोक्यं वशमानयेत् ॥ ७॥

eteṣāṃ paramaṃ mohaṃ bhavadbhāgye prakāśitaṃsadā yastu paṭhedvāpi trailokyaṃ vaśamānayet || 7||

इदं कवचमज्ञात्वा पूजयेद्घोररूपिणीम् ।सर्वदा स महाव्याधिपीडितो नात्र संशयः ॥ ८॥

idaṃ kavacamajñātvā pūjayedghorarūpiṇīm |sarvadā sa mahāvyādhipīḍito nātra saṃśayaḥ || 8||

अल्पायुः स भवेद्रोगी कथितं तव नारद ।धारणं कवचस्यास्य भूर्जपत्रे विशेषतः ॥ ९॥

alpāyuḥ sa bhavedrogī kathitaṃ tava nārada |dhāraṇaṃ kavacasyāsya bhūrjapatre viśeṣataḥ || 9||

सयन्त्रं कवचं धृत्वा इच्छासिद्धिः प्रजायते ।शुक्लाष्टम्यां लिखेन्मन्त्रं धारयेत् स्वर्णपत्रके ॥ १०॥

sayantraṃ kavacaṃ dhṛtvā icchāsiddhiḥ prajāyate |śuklāṣṭamyāṃ likhenmantraṃ dhārayet svarṇapatrake || 10||

कवचस्यास्य माहात्म्यं नाहं वक्तुं महामुने ।शिखायां धारयेद्योगी फलार्थी दक्षिणे भुजे ॥ ११॥

kavacasyāsya māhātmyaṃ nāhaṃ vaktuṃ mahāmune |śikhāyāṃ dhārayedyogī phalārthī dakṣiṇe bhuje || 11||

इदं कल्पद्रुमं देवि तव स्नेहात् प्रकाश्यते ।गोपनीयं प्रयत्नेन पठनीयं महामुने ॥ १२॥

idaṃ kalpadrumaṃ devi tava snehāt prakāśyate |gopanīyaṃ prayatnena paṭhanīyaṃ mahāmune || 12||

श्रीविष्णुरुवाचइत्येवं कवचं नित्यं महालक्ष्मि प्रपठ्यताम् ।अवश्यं वशमायाति त्रैलोक्यं सचराचरम् ॥ १३॥

śrīviṣṇuruvācaityevaṃ kavacaṃ nityaṃ mahālakṣmi prapaṭhyatām |avaśyaṃ vaśamāyāti trailokyaṃ sacarācaram || 13||

शिवेन कथितं पूर्वं नारदे कलहास्पदे ।तत्पाठान्नारदेनापि मोहितं सचराचरम् ॥ १४॥

śivena kathitaṃ pūrvaṃ nārade kalahāspade |tatpāṭhānnāradenāpi mohitaṃ sacarācaram || 14||

इति क्रियोड्डीशे महातन्त्रराजे देवीश्वरसंवादे मोहनकवचं समाप्तम् ।चतुर्दशः पटलः

iti kriyoḍḍīśe mahātantrarāje devīśvarasaṃvāde mohanakavacaṃ samāptam |caturdaśaḥ paṭalaḥ