मनसादेवी द्वादशनामस्तोत्रम् Manasa Devi Dvadashanama Stotram

ॐ नमो मनसायै ।जरत्कारु जगद्गौरी मनसा सिद्धयोगिनी ।वैष्णवी नागभगिनी शैवी नागेश्वरी तथा ॥ १॥

oṃ namo manasāyai |jaratkāru jagadgaurī manasā siddhayoginī |vaiṣṇavī nāgabhaginī śaivī nāgeśvarī tathā || 1||

जरत्कारुप्रियाऽऽस्तीकमाता विषहरीती च ।महाज्ञानयुता चैव सा देवी विश्वपूजिता ॥ २॥

jaratkārupriyā''stīkamātā viṣaharītī ca |mahājñānayutā caiva sā devī viśvapūjitā || 2||

द्वादशैतानि नामानि पूजाकाले च यः पठेत् ।तस्य नागभयं नास्ति तस्य वंशोद्भवस्य च ॥ ३॥

dvādaśaitāni nāmāni pūjākāle ca yaḥ paṭhet |tasya nāgabhayaṃ nāsti tasya vaṃśodbhavasya ca || 3||

नागभीते च शयने नागग्रस्ते च मन्दिरे ।नागभीते महादुर्गे नागवेष्टितविग्रहे ॥ ४॥

nāgabhīte ca śayane nāgagraste ca mandire |nāgabhīte mahādurge nāgaveṣṭitavigrahe || 4||

इदं स्तोत्रं पठित्वा तु मुञ्चते नात्रसंशयः ।नित्यं पठेद्यः दृष्ट्वा नागवर्गः पलायते ॥ ५॥

idaṃ stotraṃ paṭhitvā tu muñcate nātrasaṃśayaḥ |nityaṃ paṭhedyaḥ dṛṣṭvā nāgavargaḥ palāyate || 5||

नागौधं भूषणं कृत्वा स भवेत् नागवाहनाः ।नागासनो नागतल्पो महासिद्धो भवेन्नरः ॥ ६॥

nāgaudhaṃ bhūṣaṇaṃ kṛtvā sa bhavet nāgavāhanāḥ |nāgāsano nāgatalpo mahāsiddho bhavennaraḥ || 6||

॥ इति मनसादेवी द्वादशनामस्तोत्रं सम्पूर्णम् ॥

|| iti manasādevī dvādaśanāmastotraṃ sampūrṇam ||