सुधाधाराकालीस्तोत्रम् श्रीगुह्यकाल्या सुधाधारास्तवः Sudhadharakali Stotram

अचिन्त्यामिताकारशक्तिस्वरूपाप्रतिव्यक्त्यधिष्ठानसत्त्वैकमूर्तिः ।गुणातीतनिर्द्वन्द्वबोधैकगम्यात्वमेका परब्रह्मरूपेण सिद्धा ॥ १॥

acintyāmitākāraśaktisvarūpāprativyaktyadhiṣṭhānasattvaikamūrtiḥ |guṇātītanirdvandvabodhaikagamyātvamekā parabrahmarūpeṇa siddhā || 1||

अगोत्राकृतित्वादनैकान्तिकत्वात्अलक्ष्यागमत्वादशेषाकरत्वात् ।प्रपञ्चालसत्वादनारम्भकत्वात्त्वमेका परब्रह्मरूपेण सिद्धा ॥ २॥

agotrākṛtitvādanaikāntikatvātalakṣyāgamatvādaśeṣākaratvāt |prapañcālasatvādanārambhakatvāttvamekā parabrahmarūpeṇa siddhā || 2||

असाधारणत्वादसम्बन्धकत्वात्अभिन्नाश्रयत्वादनाकारकत्वात् ।अविद्यात्मकत्वादनाद्यन्तकत्वात्त्वमेका परब्रह्मरूपेण सिद्धा ॥ ३॥

asādhāraṇatvādasambandhakatvātabhinnāśrayatvādanākārakatvāt |avidyātmakatvādanādyantakatvāttvamekā parabrahmarūpeṇa siddhā || 3||

यदा नैव धाता न विष्णुर्न रुद्रोन कालो न वा पञ्चभूतानि नाशा ।तदा कारणीभूतसत्वैकमूर्तिःत्वमेका परब्रह्मरूपेण सिद्धा ॥ ४॥

yadā naiva dhātā na viṣṇurna rudrona kālo na vā pañcabhūtāni nāśā |tadā kāraṇībhūtasatvaikamūrtiḥtvamekā parabrahmarūpeṇa siddhā || 4||

न मीमांसका नैव कालादितर्कान साङ्ख्या न योगा न वेदान्तवेदाः ।न देवा विदुस्ते निराकारभावंत्वमेका परब्रह्मरूपेण सिद्धा ॥ ५॥

na mīmāṃsakā naiva kālāditarkāna sāṅkhyā na yogā na vedāntavedāḥ |na devā viduste nirākārabhāvaṃtvamekā parabrahmarūpeṇa siddhā || 5||

न ते नामगोत्रे न ते जन्ममृत्यून ते धामचेष्टे न ते दुःखसौख्ये ।न ते मित्रशत्रू न ते बन्धमोक्षौत्वमेका परब्रह्मरूपेण सिद्धा ॥ ६॥

na te nāmagotre na te janmamṛtyūna te dhāmaceṣṭe na te duḥkhasaukhye |na te mitraśatrū na te bandhamokṣautvamekā parabrahmarūpeṇa siddhā || 6||

न बाला न च त्वं वयस्का न वृद्धान च स्त्री न षण्ढः पुमान्नैव च त्वम् ।न च त्वं सुरो नासुरो नो नरो वात्वमेका परब्रह्मरूपेण सिद्धा ॥ ७॥

na bālā na ca tvaṃ vayaskā na vṛddhāna ca strī na ṣaṇḍhaḥ pumānnaiva ca tvam |na ca tvaṃ suro nāsuro no naro vātvamekā parabrahmarūpeṇa siddhā || 7||

जले शीतलत्वं शुचौ दाहकत्वंविधौ निर्मलत्वं रवौ तापकत्वम् ।तवैषाम्बिके यस्य कस्यापि शक्तिःत्वमेका परब्रह्मरूपेण सिद्धा ॥ ८॥

jale śītalatvaṃ śucau dāhakatvaṃvidhau nirmalatvaṃ ravau tāpakatvam |tavaiṣāmbike yasya kasyāpi śaktiḥtvamekā parabrahmarūpeṇa siddhā || 8||

पपौ क्ष्वेडमुग्रं पुरा यन्महेशःपुनः संहरत्यन्तकाले जगच्च ।तवैव प्रसादान्न च स्वस्य शक्त्यात्वमेका परब्रह्मरूपेण सिद्धा ॥ ९॥

papau kṣveḍamugraṃ purā yanmaheśaḥpunaḥ saṃharatyantakāle jagacca |tavaiva prasādānna ca svasya śaktyātvamekā parabrahmarūpeṇa siddhā || 9||

करालाकृतीन्याननानि श्रयन्तीभजन्ती करास्त्रादि बाहुल्यमित्थम् ।जगत्पालनायाऽसुराणां वधायत्वमेका परब्रह्मरूपेण सिद्धा ॥ १०॥

karālākṛtīnyānanāni śrayantībhajantī karāstrādi bāhulyamittham |jagatpālanāyā'surāṇāṃ vadhāyatvamekā parabrahmarūpeṇa siddhā || 10||

रुचन्ती शिवाभिर्वहन्ती कपालंजयन्ती सुरारीन् वधन्ती प्रसन्ना ।नटन्ती पतन्ती चलन्ती हसन्तीत्वमेका परब्रह्मरूपेण सिद्धा ॥ ११॥

rucantī śivābhirvahantī kapālaṃjayantī surārīn vadhantī prasannā |naṭantī patantī calantī hasantītvamekā parabrahmarūpeṇa siddhā || 11||

अपादाऽपि वाताधिकं धावसि त्वंश्रुतिभ्यां विहीनाऽपि शब्दं शृणोषि ।अनासाऽपि जिघ्रस्यनेत्राऽपि पश्यस्यजिह्वाऽपि नानारसास्वादविज्ञात्वमेका परब्रह्मरूपेण सिद्धा ॥ १२॥

apādā'pi vātādhikaṃ dhāvasi tvaṃśrutibhyāṃ vihīnā'pi śabdaṃ śṛṇoṣi |anāsā'pi jighrasyanetrā'pi paśyasyajihvā'pi nānārasāsvādavijñātvamekā parabrahmarūpeṇa siddhā || 12||

यथा बिम्बमेकं रवेरम्बरस्थंप्रतिच्छायया यावदेकोदकेषु ।समुद्भासतेऽनेकरूपं यथावत्त्वमेका परब्रह्मरूपेण सिद्धा ॥ १३॥

yathā bimbamekaṃ raverambarasthaṃpraticchāyayā yāvadekodakeṣu |samudbhāsate'nekarūpaṃ yathāvattvamekā parabrahmarūpeṇa siddhā || 13||

यथा भ्रामयित्वा मृदं चक्रमध्येकुलालो विधत्ते शरावे घटं च ।महामोहयन्त्रेषु भूतान्यशेषान्तथा मानुषांस्त्वं सृजस्यादिसर्गे ॥ १४॥

yathā bhrāmayitvā mṛdaṃ cakramadhyekulālo vidhatte śarāve ghaṭaṃ ca |mahāmohayantreṣu bhūtānyaśeṣāntathā mānuṣāṃstvaṃ sṛjasyādisarge || 14||

त्वमेका परब्रह्मरूपेण सिद्धा ॥यथा रङ्गरज्वर्कदृष्टिष्वकस्मात्नॄणां रूपदर्वीकराम्बुभ्रमः स्यात् ।जगत्यत्र तत्तन्मये तद्वदेव ।त्वमेकैव तत् तन्निदत्ता समस्तम् ॥ १५॥

tvamekā parabrahmarūpeṇa siddhā ||yathā raṅgarajvarkadṛṣṭiṣvakasmātnṝṇāṃ rūpadarvīkarāmbubhramaḥ syāt |jagatyatra tattanmaye tadvadeva |tvamekaiva tat tannidattā samastam || 15||

त्वमेका परब्रह्मरूपेण सिद्धा ॥महाज्योतिरेकार सिंहासनं यत्स्वकीयान् सुरान् वाहयस्युग्रमूर्तेअवष्टभ्य पद्भ्यां शिवं भैरवं च ।स्थिता तेन मध्ये भवत्यैव मुख्या वर् मुग्धात्वमेका परब्रह्मरूपेण सिद्धा ॥ १६॥

tvamekā parabrahmarūpeṇa siddhā ||mahājyotirekāra siṃhāsanaṃ yatsvakīyān surān vāhayasyugramūrteavaṣṭabhya padbhyāṃ śivaṃ bhairavaṃ ca |sthitā tena madhye bhavatyaiva mukhyā var mugdhātvamekā parabrahmarūpeṇa siddhā || 16||

कुयोगासने योगमुद्राभ्यनीतिःकुशोभायुपोतस्य बालाननं चजगन्मातरादृक् तवाऽपूर्वलीला ।कथं कारमस्मद्विधैर्देवि गम्यात्वमेका परब्रह्मरूपेण सिद्धा ॥ १७॥

kuyogāsane yogamudrābhyanītiḥkuśobhāyupotasya bālānanaṃ cajaganmātarādṛk tavā'pūrvalīlā |kathaṃ kāramasmadvidhairdevi gamyātvamekā parabrahmarūpeṇa siddhā || 17||

विशुद्धा परा चिन्मयी स्वप्रकाशामृतानन्दरूपा जगद्व्यापिका च ।तवेतद्विधा या निजाकारमूर्तिःकिमस्माभिरन्तर्हृदि ध्यायितव्या ॥ १८॥ वर् भावितव्या

viśuddhā parā cinmayī svaprakāśāmṛtānandarūpā jagadvyāpikā ca |tavetadvidhā yā nijākāramūrtiḥkimasmābhirantarhṛdi dhyāyitavyā || 18|| var bhāvitavyā

त्वमेका परब्रह्मरूपेण सिद्धा ॥महाघोरकालानलज्वलज्ज्वालाहित्यत्त्यन्तवासा महाटाट्टहासा ।जटाभारकाला महामुण्डमालाविशाला त्वमीदृङ्मया ध्यायशम्ब ॥ १९॥ वर् ध्यायसेऽम्ब

tvamekā parabrahmarūpeṇa siddhā ||mahāghorakālānalajvalajjvālāhityattyantavāsā mahāṭāṭṭahāsā |jaṭābhārakālā mahāmuṇḍamālāviśālā tvamīdṛṅmayā dhyāyaśamba || 19|| var dhyāyase'mba

त्वमेका परब्रह्मरूपेण सिद्धा ॥तपो नैव कुर्वन् वपुः सीदयामिव्रजन्नापि तीर्थं पदे खञ्जयामि ।पठन्नापि वेदान् जनिं यापयामित्वदङ्घ्रिद्वयं मङ्गलं साधयामि ॥ २०॥

tvamekā parabrahmarūpeṇa siddhā ||tapo naiva kurvan vapuḥ sīdayāmivrajannāpi tīrthaṃ pade khañjayāmi |paṭhannāpi vedān janiṃ yāpayāmitvadaṅghridvayaṃ maṅgalaṃ sādhayāmi || 20||

त्वमेका परब्रह्मरूपेण सिद्धा ॥तिरस्कुर्वतोऽन्यामरोपासनार्चेपरित्यक्तधर्माध्वरस्यास्य जन्तोः ।त्वदाराधनान्यस्तचित्तस्य किं मेकरिष्यन्त्यमी धर्मराजस्य दूताः ॥ २१॥

tvamekā parabrahmarūpeṇa siddhā ||tiraskurvato'nyāmaropāsanārceparityaktadharmādhvarasyāsya jantoḥ |tvadārādhanānyastacittasya kiṃ mekariṣyantyamī dharmarājasya dūtāḥ || 21||

त्वमेका परब्रह्मरूपेण सिद्धा ॥न मन्ये हरिं नो विधातारमीशंन वह्निं न ह्यर्कं न चेन्द्रादिदेवान् ।शिवोदीरितानेकवाक्यप्रबन्धैःत्वदर्चाविधानं विशत्वम्ब मत्याम् ॥ २२॥

tvamekā parabrahmarūpeṇa siddhā ||na manye hariṃ no vidhātāramīśaṃna vahniṃ na hyarkaṃ na cendrādidevān |śivodīritānekavākyaprabandhaiḥtvadarcāvidhānaṃ viśatvamba matyām || 22||

त्वमेका परब्रह्मरूपेण सिद्धा ॥नरा मां विनिन्दन्तु नाम त्यजेन्मांत्यजेद्बान्धवा ज्ञातयः सन्त्यजन्तु । वर् तथा बान्धवायमीया भटा नारके पातयन्तुत्वमेका गतिर्मे त्वमेका गतिर्मे ॥ २३॥

tvamekā parabrahmarūpeṇa siddhā ||narā māṃ vinindantu nāma tyajenmāṃtyajedbāndhavā jñātayaḥ santyajantu | var tathā bāndhavāyamīyā bhaṭā nārake pātayantutvamekā gatirme tvamekā gatirme || 23||

त्वमेका परब्रह्मरूपेण सिद्धा ॥महाकालरुद्रोदितस्तोत्रमेतत्सदा भक्तिभावेन योऽध्येति भक्तःन चापन्न न शोको न रोगो न मृत्युर्भवेत् सिद्धिरन्ते च कैवल्यलाभःत्वमेका परब्रह्मरूपेण सिद्धा ॥ २४॥

tvamekā parabrahmarūpeṇa siddhā ||mahākālarudroditastotrametatsadā bhaktibhāvena yo'dhyeti bhaktaḥna cāpanna na śoko na rogo na mṛtyurbhavet siddhirante ca kaivalyalābhaḥtvamekā parabrahmarūpeṇa siddhā || 24||

इदं शिवायाः कथितं सुधाधाराख्यं स्तवम् ।एतस्य सतताभ्यासात् सिद्धिः करतलेस्थिता ॥एतत्स्तोत्रं च कवचं पद्यं त्रितयमप्यदः ।पठनीयं प्रयत्नेन नैमित्तिकसमर्पणे ॥ वर् नैमित्तिकसमर्हणेसौम्येन्दीवरनीलनीरदघटाप्रोद्दामदेहच्छटालास्योन्मादनिनादमङ्गलचयैः श्रोण्यन्तदोलज्जटाः ।सा काली करवालकालकलना हन्त्वश्रियं चण्डिकाकाली क्रोधकरालकालभयदोन्मादप्रमोदालयानेत्रोपान्तकृतान्तदैत्यनिवहाप्रोद्दान देहामया । वर् देहाभयापायाद्वो जयकालिका प्रवलिका हुङ्कारघोराननाभक्तानामभयप्रदा विजयदा विश्वेशसिद्धासना ॥इति श्रीसुधाधाराकाली स्तोत्रं समाप्तम् ॥इति महाकालसंहितायां श्रीगुह्यकाल्याः सुधाधारास्तवः सम्पूर्णः ।करालोन्मुखी कालिका भीमकान्ताकटिव्याघ्रचर्मावृता दानवन्ता ।हूं हूं कड्मडी नादिनी कालिका तुप्रसन्ना सदा नः प्रसन्नान् पुनातु ॥त्वमेका परब्रह्मरूपेण सिद्धाइन् ऱुद्रयमल उत्तरतन्त्र पटल ४६ (षट्चत्वारींशः पटलः)

idaṃ śivāyāḥ kathitaṃ sudhādhārākhyaṃ stavam |etasya satatābhyāsāt siddhiḥ karatalesthitā ||etatstotraṃ ca kavacaṃ padyaṃ tritayamapyadaḥ |paṭhanīyaṃ prayatnena naimittikasamarpaṇe || var naimittikasamarhaṇesaumyendīvaranīlanīradaghaṭāproddāmadehacchaṭālāsyonmādaninādamaṅgalacayaiḥ śroṇyantadolajjaṭāḥ |sā kālī karavālakālakalanā hantvaśriyaṃ caṇḍikākālī krodhakarālakālabhayadonmādapramodālayānetropāntakṛtāntadaityanivahāproddāna dehāmayā | var dehābhayāpāyādvo jayakālikā pravalikā huṅkāraghorānanābhaktānāmabhayapradā vijayadā viśveśasiddhāsanā ||iti śrīsudhādhārākālī stotraṃ samāptam ||iti mahākālasaṃhitāyāṃ śrīguhyakālyāḥ sudhādhārāstavaḥ sampūrṇaḥ |karālonmukhī kālikā bhīmakāntākaṭivyāghracarmāvṛtā dānavantā |hūṃ hūṃ kaḍmaḍī nādinī kālikā tuprasannā sadā naḥ prasannān punātu ||tvamekā parabrahmarūpeṇa siddhāin rudrayamala uttaratantra paṭala 46 (ṣaṭcatvārīṃśaḥ paṭalaḥ)