देवदेवतास्तुतिसङ्ग्रहः Stutisangraha Short Hymns of Various Deities

कराग्रे वसते लक्ष्मी करमध्ये सरस्वती ।करमूले तु गोविन्दः प्रभाते करदर्शनम् ॥

karāgre vasate lakṣmī karamadhye sarasvatī |karamūle tu govindaḥ prabhāte karadarśanam ||

प्रह्लादनारदपराशरपुण्डरीकव्यासाऽम्बरीषशुकशौनकभीष्मदाल्भ्यान् ।रुक्माङ्गदाऽर्जुनवसिष्ठविभीषणादीन्पुण्यानिमान् परमभागवतान् स्मरामि ॥

prahlādanāradaparāśarapuṇḍarīkavyāsā'mbarīṣaśukaśaunakabhīṣmadālbhyān |rukmāṅgadā'rjunavasiṣṭhavibhīṣaṇādīnpuṇyānimān paramabhāgavatān smarāmi ||

अश्वत्थ हुतभुग्वास गोविन्दस्य गदाप्रिय ।अशेषं हर मे पापं वृक्षराज! नमोऽस्तु ते ॥ १॥

aśvattha hutabhugvāsa govindasya gadāpriya |aśeṣaṃ hara me pāpaṃ vṛkṣarāja! namo'stu te || 1||

मूले ब्रह्मा त्वचि विष्णुः शाखायां शङ्कर एव च ।पत्रे पत्रे सर्वदेवा वासुदेवाय ते नमः ॥ २॥

mūle brahmā tvaci viṣṇuḥ śākhāyāṃ śaṅkara eva ca |patre patre sarvadevā vāsudevāya te namaḥ || 2||

श्रीविष्णुवाहनं प्रणमामि भवत्या सर्पाशनं दुःखहरं खगेशम् ।मनोहरे वासुसमानवेगं छन्दोमयं ज्ञानधनं प्रशान्तम् ॥ १॥

śrīviṣṇuvāhanaṃ praṇamāmi bhavatyā sarpāśanaṃ duḥkhaharaṃ khageśam |manohare vāsusamānavegaṃ chandomayaṃ jñānadhanaṃ praśāntam || 1||

विष्णुपुत्राय शान्ताय बलबुद्धियुताय च ।पक्षीन्द्रायाऽतिवेगाय गरुडाय नमो नमः ॥ २॥

viṣṇuputrāya śāntāya balabuddhiyutāya ca |pakṣīndrāyā'tivegāya garuḍāya namo namaḥ || 2||

दीपो ज्योतिः परं ब्रह्म दीपो ज्योतिर्जनार्दनः ।दीपो हरतु मे पापं सन्ध्यादीप ! नमोऽस्तुते ॥ १॥

dīpo jyotiḥ paraṃ brahma dīpo jyotirjanārdanaḥ |dīpo haratu me pāpaṃ sandhyādīpa ! namo'stute || 1||

शुभं करोतु कल्याणमारोग्यं सुखसम्पदाम् ।मम बुद्धिप्रकाशं च दीपज्योति ! नमोऽस्तु ते ॥ २॥

śubhaṃ karotu kalyāṇamārogyaṃ sukhasampadām |mama buddhiprakāśaṃ ca dīpajyoti ! namo'stu te || 2||

शुभं भवतु कल्याणमारोग्यं पुष्टिवर्धनम् ।आत्मतत्त्वप्रबोधाय दीपज्योतिर्नमोऽस्तु ते ॥ ३॥

śubhaṃ bhavatu kalyāṇamārogyaṃ puṣṭivardhanam |ātmatattvaprabodhāya dīpajyotirnamo'stu te || 3||

देवैस्त्वं निर्मिता पूर्वमर्चिताऽसि मुनीश्वरैः ।नमो नमस्ते तुलसि! पापं हर हरिप्रिये ॥ १॥

devaistvaṃ nirmitā pūrvamarcitā'si munīśvaraiḥ |namo namaste tulasi! pāpaṃ hara haripriye || 1||

यन्मूले सर्वतीर्थानि यन्मध्ये सर्वदेवताः ।यदग्रे सर्ववेदाश्च तुलसि! त्वां नमाम्यहम् ॥ २॥

yanmūle sarvatīrthāni yanmadhye sarvadevatāḥ |yadagre sarvavedāśca tulasi! tvāṃ namāmyaham || 2||

मनोजवं मारुततुल्यवेगं जितेन्द्रियं बुद्धिमतां वरिष्ठम् ।वातात्मजं वानरयूथमुख्यं श्रीरामदूतं शिरसा नमामि ॥ १॥

manojavaṃ mārutatulyavegaṃ jitendriyaṃ buddhimatāṃ variṣṭham |vātātmajaṃ vānarayūthamukhyaṃ śrīrāmadūtaṃ śirasā namāmi || 1||

उल्लङ्घ्य सिन्धोः सलिलं सलीलं य शोकवह्निं जनकात्मजायाः ।आदाय तेनैव ददाह लङ्कां नमामि तं प्राञ्जलिराञ्जनेयम् ॥ २॥

ullaṅghya sindhoḥ salilaṃ salīlaṃ ya śokavahniṃ janakātmajāyāḥ |ādāya tenaiva dadāha laṅkāṃ namāmi taṃ prāñjalirāñjaneyam || 2||

धनाध्यक्षाय देवाय नरयानोपवेशिने ।नमस्ते राजराजाय कुबेराय महात्मने ॥

dhanādhyakṣāya devāya narayānopaveśine |namaste rājarājāya kuberāya mahātmane ||

त्वं पुरा सागरोत्पन्नो विष्णुना विधृतः करे ।निर्मितः सर्वदेवैश्च पाञ्चजन्य! नमोऽस्तुते ॥

tvaṃ purā sāgarotpanno viṣṇunā vidhṛtaḥ kare |nirmitaḥ sarvadevaiśca pāñcajanya! namo'stute ||

पीताम्बरालङ्कृतपृष्ठभागं भस्मावगुण्ठाऽखिलरुक्मदेहम् ।विद्युत्सदापिङ्गजटाभिरामं श्रीदत्तयागीशमहंनतोऽस्मि ॥ १॥

pītāmbarālaṅkṛtapṛṣṭhabhāgaṃ bhasmāvaguṇṭhā'khilarukmadeham |vidyutsadāpiṅgajaṭābhirāmaṃ śrīdattayāgīśamahaṃnato'smi || 1||

ब्रह्मानन्दं परमसुखदं केक्त्यं ज्ञानमूर्तिंद्वन्द्वातीतं गगनसदृशंतत्त्वमस्यादिलक्ष्यम् ।एक नित्यं विमलमचलं सर्वधीसाक्षिभूतंभावातीतं त्रिगुणरहितं सद्गुरुं तं नमामि ॥ २॥

brahmānandaṃ paramasukhadaṃ kektyaṃ jñānamūrtiṃdvandvātītaṃ gaganasadṛśaṃtattvamasyādilakṣyam |eka nityaṃ vimalamacalaṃ sarvadhīsākṣibhūtaṃbhāvātītaṃ triguṇarahitaṃ sadguruṃ taṃ namāmi || 2||

त्वमेव माता च पिता त्वमेव त्वमेव बन्धुश्च सखा त्वमेव ।त्वमेव विद्या द्रविणं त्वमेव त्वमेव सर्वं मम देवदेव ॥ १॥

tvameva mātā ca pitā tvameva tvameva bandhuśca sakhā tvameva |tvameva vidyā draviṇaṃ tvameva tvameva sarvaṃ mama devadeva || 1||

पिता माता गुरुर्भ्राता सखा बन्धुस्त्वमेव मे ।विद्या सत्कर्म वित्तं च पुरस्पृष्ठे च पार्श्वयोः ॥ २॥

pitā mātā gururbhrātā sakhā bandhustvameva me |vidyā satkarma vittaṃ ca puraspṛṣṭhe ca pārśvayoḥ || 2||

अनन्तं वासुकिं शेषंपद्मनाभं च कम्बलम् ।शङ्खपालं धृतराष्ट्रं तक्षकं कालियं तथा ॥ १॥

anantaṃ vāsukiṃ śeṣaṃpadmanābhaṃ ca kambalam |śaṅkhapālaṃ dhṛtarāṣṭraṃ takṣakaṃ kāliyaṃ tathā || 1||

एतानि नवनामानि नागानां च महात्मनाम् ।सायङ्काले पठेन्नित्यं प्रातःकाले विशेषतः ।तस्य विषभयं नास्ति सर्वत्र विजयी भवेत् ॥ २॥

etāni navanāmāni nāgānāṃ ca mahātmanām |sāyaṅkāle paṭhennityaṃ prātaḥkāle viśeṣataḥ |tasya viṣabhayaṃ nāsti sarvatra vijayī bhavet || 2||

करारविन्देन पदारविन्दं मुखारविन्दे विनिवेशयन्तम् ।वटस्य पत्रस्य पुटे शयानं बालं मुकुन्दं मनसा स्मरामि ॥

karāravindena padāravindaṃ mukhāravinde viniveśayantam |vaṭasya patrasya puṭe śayānaṃ bālaṃ mukundaṃ manasā smarāmi ||

अन्नपूर्णे सदापूर्णे शङ्करप्राणवल्लभे ।ज्ञानवैराग्यसिद्।ह्ध्यर्थं भिक्षां देहि च पार्वति ॥

annapūrṇe sadāpūrṇe śaṅkaraprāṇavallabhe |jñānavairāgyasid|hdhyarthaṃ bhikṣāṃ dehi ca pārvati ||

शीतले त्वं जगन्माता शीतले त्वं जगत्पिता ।शीतले त्वं जगद्धात्री शीतलायै नमो नमः ॥ १॥

śītale tvaṃ jaganmātā śītale tvaṃ jagatpitā |śītale tvaṃ jagaddhātrī śītalāyai namo namaḥ || 1||

वन्देऽहं शीतलां देवीं रासभस्थां दिगम्बराम् ।मार्जनींकलशोपेतां शूर्पालङ्कृतमस्तकाम् ॥ २॥

vande'haṃ śītalāṃ devīṃ rāsabhasthāṃ digambarām |mārjanīṃkalaśopetāṃ śūrpālaṅkṛtamastakām || 2||

वन्देऽहं शीतलां देवीं सर्वरोगभयापहाम् ।यामासाद्य निवर्तेत विस्फोटकभयं महत् ॥ ३॥

vande'haṃ śītalāṃ devīṃ sarvarogabhayāpahām |yāmāsādya nivarteta visphoṭakabhayaṃ mahat || 3||

कृष्णानने द्विजह्वे च चित्रगुप्तकरस्थिते ।सदक्षराणां पत्रे च लेख्यं कुरु सदा मम ॥

kṛṣṇānane dvijahve ca citraguptakarasthite |sadakṣarāṇāṃ patre ca lekhyaṃ kuru sadā mama ||

काली काली महाकाली कालिके परमेश्वरी ।सर्वानन्दकरे देवि नारायणि! नमोऽस्तु ते ॥

kālī kālī mahākālī kālike parameśvarī |sarvānandakare devi nārāyaṇi! namo'stu te ||

या कालिका रोगाहरा सुवन्द्या वैश्यैः समस्तैर्व्यवहारदक्षैः ।जनैर्जनानां भयहारिणी च सा देवमाता मयि सौख्यदात्री ॥

yā kālikā rogāharā suvandyā vaiśyaiḥ samastairvyavahāradakṣaiḥ |janairjanānāṃ bhayahāriṇī ca sā devamātā mayi saukhyadātrī ||

वन्दे लक्ष्मीं परशिवमयीं शुद्धजाम्बूनदाभांतेजोरूपां कनकवसनां सर्वभूषोज्ज्ववलाङ्गीम् ।बीजापूरं कनककलशं हेमपद्मं दधानामाद्यां शक्तिं सकलजननीं विष्णुवामाङ्कसंस्थाम् ॥ १॥

vande lakṣmīṃ paraśivamayīṃ śuddhajāmbūnadābhāṃtejorūpāṃ kanakavasanāṃ sarvabhūṣojjvavalāṅgīm |bījāpūraṃ kanakakalaśaṃ hemapadmaṃ dadhānāmādyāṃ śaktiṃ sakalajananīṃ viṣṇuvāmāṅkasaṃsthām || 1||

सुराःऽसुरेन्द्रादिकिरीटमौक्तिकैर्युक्तं सदा यत्तव पादपङ्कजम् ।परावरं पातु वरं सुमङ्गलं नमामि भक्त्या तव कामसिद्धये ॥ २॥

surāḥ'surendrādikirīṭamauktikairyuktaṃ sadā yattava pādapaṅkajam |parāvaraṃ pātu varaṃ sumaṅgalaṃ namāmi bhaktyā tava kāmasiddhaye || 2||

भवानि त्वं महालक्ष्मीः सर्वकामप्रदायिनि ।सुपूजिता प्रसन्ना स्यान्महालक्ष्म्यै नमोऽस्तु ते ॥ ३॥

bhavāni tvaṃ mahālakṣmīḥ sarvakāmapradāyini |supūjitā prasannā syānmahālakṣmyai namo'stu te || 3||

शुक्लां ब्रह्मविचारसारपरमामाद्यां जगद्व्यापिनींवीणापुस्तकधारिणीमभयदां जाड्यान्धकारापहाम् ।हस्ते स्फाटिकमालिकां विदधतीं पद्मासने संस्थितांवन्दे तां परमेश्वरीं भगवतीं बुद्धिप्रदां शारदाम् ॥ १॥

śuklāṃ brahmavicārasāraparamāmādyāṃ jagadvyāpinīṃvīṇāpustakadhāriṇīmabhayadāṃ jāḍyāndhakārāpahām |haste sphāṭikamālikāṃ vidadhatīṃ padmāsane saṃsthitāṃvande tāṃ parameśvarīṃ bhagavatīṃ buddhipradāṃ śāradām || 1||

या कुन्देन्दुतुषारहार धवला या शुभ्रवस्त्रावृताया वीणावरदण्डमण्डितकरा या श्वेतपद्मासना ।या ब्रह्माऽच्युतशङ्करप्रभृतिभिर्देवैः सदा वन्दितासा मां पातु सरस्वती भगवती निःशेषजाड्यापहा ॥ २॥

yā kundendutuṣārahāra dhavalā yā śubhravastrāvṛtāyā vīṇāvaradaṇḍamaṇḍitakarā yā śvetapadmāsanā |yā brahmā'cyutaśaṅkaraprabhṛtibhirdevaiḥ sadā vanditāsā māṃ pātu sarasvatī bhagavatī niḥśeṣajāḍyāpahā || 2||

वीणाधरे विपुल मङ्गलदानशीलेकीर्तिप्रदेऽखिलमनोरथदे महार्हेविद्याप्रदायिनि सरस्वति नौमि नित्यम् ॥ ३॥

vīṇādhare vipula maṅgaladānaśīlekīrtiprade'khilamanorathade mahārhevidyāpradāyini sarasvati naumi nityam || 3||

शारदा शारदाम्भोजवदना वदनाम्बुजे ।सर्वया सर्वदाऽस्माकं सन्निधिं सन्निधिं क्रियात् ॥ ४॥

śāradā śāradāmbhojavadanā vadanāmbuje |sarvayā sarvadā'smākaṃ sannidhiṃ sannidhiṃ kriyāt || 4||

कपिलागोसहस्रं च यो ददाति दिनेदिने ।तत्फलं समवाप्नोति जन्मूभूमेः प्रदर्शनात् ॥ १॥

kapilāgosahasraṃ ca yo dadāti dinedine |tatphalaṃ samavāpnoti janmūbhūmeḥ pradarśanāt || 1||

जन्मान्तरसहस्रेण यत्पापं समुपार्जितम् ।तत्सर्वं नाशमाप्नोति जन्मभूमेः प्रदर्शनात् ॥ २॥

janmāntarasahasreṇa yatpāpaṃ samupārjitam |tatsarvaṃ nāśamāpnoti janmabhūmeḥ pradarśanāt || 2||

पुत्रार्थी लभते पुत्रं धनार्थी लभते धनम् ।मोक्षार्थी मोक्षमाप्नोति जन्मभूमेः प्रदर्शनात् ॥ ३॥

putrārthī labhate putraṃ dhanārthī labhate dhanam |mokṣārthī mokṣamāpnoti janmabhūmeḥ pradarśanāt || 3||

करकलितकपालः कुण्डली दण्डपाणिस्तरुणतिमिरनीलव्यालयज्ञोपवीती ।क्रतुसमयसपर्या विघ्नविच्छेदहेतुर्जयति वटुकनाथः सिद्धिदः साधकानाम् ॥

karakalitakapālaḥ kuṇḍalī daṇḍapāṇistaruṇatimiranīlavyālayajñopavītī |kratusamayasaparyā vighnavicchedaheturjayati vaṭukanāthaḥ siddhidaḥ sādhakānām ||

समचरणसरोजं सान्द्रनीलाम्बुदाभंजघननिहितपाणिं मण्डनं मण्डनानाम् ।तरुणतुलसिमालाकन्धरं कञ्जनेत्रंसदयधवलहासं विट्ठलं चिन्तयामि ॥

samacaraṇasarojaṃ sāndranīlāmbudābhaṃjaghananihitapāṇiṃ maṇḍanaṃ maṇḍanānām |taruṇatulasimālākandharaṃ kañjanetraṃsadayadhavalahāsaṃ viṭṭhalaṃ cintayāmi ||

ध्यायेदाजानुबाहुं धृतशरधनुषं बद्धपद्मासनस्थंपीतं वासो वसानं नवकमलदलस्पर्द्धिनेत्रं प्रसन्नम् ।वामाङ्कारूढसीतामुखकमलमिलल्लोचनं नीरदाभंनानालङ्कारदीप्तं दधतमुरुजटामण्डलं रामचन्द्रम् ॥ १॥

dhyāyedājānubāhuṃ dhṛtaśaradhanuṣaṃ baddhapadmāsanasthaṃpītaṃ vāso vasānaṃ navakamaladalasparddhinetraṃ prasannam |vāmāṅkārūḍhasītāmukhakamalamilallocanaṃ nīradābhaṃnānālaṅkāradīptaṃ dadhatamurujaṭāmaṇḍalaṃ rāmacandram || 1||

कल्याणानां निधानं कलिमलमथनं पावनं पावनानांपाथेयं यन्मुमुक्षोः सपदि परमपदप्राप्तये प्रस्थितस्य ।विश्रामस्थामेकं कविवरवचसां जीवनं सज्जनानांबीजं धर्मद्रुमस्य प्रभवतु भवतां भूतये रामनाम ॥ २॥

kalyāṇānāṃ nidhānaṃ kalimalamathanaṃ pāvanaṃ pāvanānāṃpātheyaṃ yanmumukṣoḥ sapadi paramapadaprāptaye prasthitasya |viśrāmasthāmekaṃ kavivaravacasāṃ jīvanaṃ sajjanānāṃbījaṃ dharmadrumasya prabhavatu bhavatāṃ bhūtaye rāmanāma || 2||

राज्यं येन पटान्तलग्नतृणवत्त्यक्तं गुरोराज्ञयापाथेयं परिगृह्य कार्मुकवरं घोर वनं प्रस्थितः ।स्वाधीनः शशिमौलिचापविजये प्राप्तो न वै विक्रियांपायाद् वः स विभीषणाग्रजनिहा रामाभिधानो हरिः ॥ ३॥

rājyaṃ yena paṭāntalagnatṛṇavattyaktaṃ gurorājñayāpātheyaṃ parigṛhya kārmukavaraṃ ghora vanaṃ prasthitaḥ |svādhīnaḥ śaśimaulicāpavijaye prāpto na vai vikriyāṃpāyād vaḥ sa vibhīṣaṇāgrajanihā rāmābhidhāno hariḥ || 3||

श्रियाश्लिष्टो विष्णुः स्थिरचरगुरुर्वेदविषयोधियां साक्षी शुद्धो हरिरसुरहन्ताब्जनयनः ।गदी शङ्खी चक्री विमलवनमाली स्थिररुचिःशरण्यो लोकेशो मम भवतु कृष्णोऽक्षि विषयः ॥

śriyāśliṣṭo viṣṇuḥ sthiracaragururvedaviṣayodhiyāṃ sākṣī śuddho harirasurahantābjanayanaḥ |gadī śaṅkhī cakrī vimalavanamālī sthiraruciḥśaraṇyo lokeśo mama bhavatu kṛṣṇo'kṣi viṣayaḥ ||

यं शैवाःसमुपासते शिव इति ब्रह्मेति वेदान्तिनोबौद्धा बुद्ध इति प्रमाणपटवः कर्तेति नैयायिकाः ।अर्हन्नित्यथ जैनशासनरताः कर्मेति मीमांसकाःसोऽयं वो विदधातु वाञ्छितफलं त्रैलोक्यनाथो हरिः ॥ १॥

yaṃ śaivāḥsamupāsate śiva iti brahmeti vedāntinobauddhā buddha iti pramāṇapaṭavaḥ karteti naiyāyikāḥ |arhannityatha jainaśāsanaratāḥ karmeti mīmāṃsakāḥso'yaṃ vo vidadhātu vāñchitaphalaṃ trailokyanātho hariḥ || 1||

यं ब्रह्मावरुणेन्द्ररुद्रमरुतः स्तुन्वन्ति दिव्यैः स्तवैर्वेदैः साङ्गपदक्रमोपनिषदैर्गायन्ति यं सामगाः ।ध्यानावस्थिततद्गतेन मनसा पश्यन्ति यं योगिनोयस्याऽन्तं न विदुः सुराऽसुरगणाः देवाय तस्मै नमः ॥ २॥

yaṃ brahmāvaruṇendrarudramarutaḥ stunvanti divyaiḥ stavairvedaiḥ sāṅgapadakramopaniṣadairgāyanti yaṃ sāmagāḥ |dhyānāvasthitatadgatena manasā paśyanti yaṃ yoginoyasyā'ntaṃ na viduḥ surā'suragaṇāḥ devāya tasmai namaḥ || 2||

शान्ताकारं भुजगशयनं पद्मनाभं सुरेशंविश्वाधारं गगनसदृशं मेघवर्णं शुभाङ्गम् ।लक्ष्मीकान्तं कमलनयनं योगिभिर्ध्यानगम्यंवन्दे विष्णुं भवभयहरं सर्वलोकैकनाथम् ॥ ३॥

śāntākāraṃ bhujagaśayanaṃ padmanābhaṃ sureśaṃviśvādhāraṃ gaganasadṛśaṃ meghavarṇaṃ śubhāṅgam |lakṣmīkāntaṃ kamalanayanaṃ yogibhirdhyānagamyaṃvande viṣṇuṃ bhavabhayaharaṃ sarvalokaikanātham || 3||

नमोऽस्त्वनन्ताय सहस्रमूर्तये सहस्रपादाक्षिशिरोरुबाहवे ।सहस्रनाम्ने पुरुषाय शाश्वते सहस्रकोटीयुगधारिणे नमः ॥ ४॥

namo'stvanantāya sahasramūrtaye sahasrapādākṣiśirorubāhave |sahasranāmne puruṣāya śāśvate sahasrakoṭīyugadhāriṇe namaḥ || 4||

आकाशात् पतितं तोयं यथा गच्छति सागरम् ।सर्वदेवनमस्कारः केशवं प्रति गच्छति ॥ ५॥

ākāśāt patitaṃ toyaṃ yathā gacchati sāgaram |sarvadevanamaskāraḥ keśavaṃ prati gacchati || 5||