मधुरकालिकाम्बासुप्रभातम् Siruvachchur Madhurambika Suprabhatam

॥ श्रीः ॥ॐ नमः श्री दक्षिणकालिकायै ॥मातः श्रीमधुराम्बिकाम्ब सिरुवाच्चूर् रम्यदेवालायेभक्तानुग्रहकारणाय सततं सिंहाधिरूढे परे ।भक्तानां स्मरणेन तुष्टहृदये सर्वापदां नाशिनिमातः श्रीमधुराम्बिके सुविदिते ते सुप्रभातं शिवम् ॥ १॥

|| śrīḥ ||oṃ namaḥ śrī dakṣiṇakālikāyai ||mātaḥ śrīmadhurāmbikāmba siruvāccūr ramyadevālāyebhaktānugrahakāraṇāya satataṃ siṃhādhirūḍhe pare |bhaktānāṃ smaraṇena tuṣṭahṛdaye sarvāpadāṃ nāśinimātaḥ śrīmadhurāmbike suvidite te suprabhātaṃ śivam || 1||

श्रीमच्छङ्करशङ्करार्यभगवत्पादैः सुसम्पूजितेतन्मन्त्रैश्च सुमन्त्रिताखिलजनक्षेमप्रदे यन्त्रके ।राजन्ती सकलेष्टमाशु तनुषे मातेव वात्सल्यतःमातः श्रीमधुराम्बिके सुललिते ते सुप्रभातं शिवम् ॥ २॥

śrīmacchaṅkaraśaṅkarāryabhagavatpādaiḥ susampūjitetanmantraiśca sumantritākhilajanakṣemaprade yantrake |rājantī sakaleṣṭamāśu tanuṣe māteva vātsalyataḥmātaḥ śrīmadhurāmbike sulalite te suprabhātaṃ śivam || 2||

त्वं हैमाद्रिसमुद्भवापि च पुनः विन्ध्याद्रिवासा मुदाश्रीमद्दक्षिणकालिकेति सिरुवाच्चूर् नैजरम्यालये ।भक्ताभीष्टफलप्रदे च नमतां सर्वार्तिसंहारिणिमातः श्रीमधुराम्बिके भयहरे ते सुप्रभातं शिवम् ॥ ३॥

tvaṃ haimādrisamudbhavāpi ca punaḥ vindhyādrivāsā mudāśrīmaddakṣiṇakāliketi siruvāccūr naijaramyālaye |bhaktābhīṣṭaphalaprade ca namatāṃ sarvārtisaṃhāriṇimātaḥ śrīmadhurāmbike bhayahare te suprabhātaṃ śivam || 3||

अष्टाभिश्च करैः सहेतिसुभगैः शत्रुक्षये दीक्षितेभक्तानुग्रहणे वराभयकरौ वीरासनं चाश्रिते ।ज्वालामालिकया प्रदीप्तमतुलं शूलं करे बिभ्रतीमातः श्रीमधुराम्बिके सुमहिते ते सुप्रभातं शिवम् ॥ ४॥

aṣṭābhiśca karaiḥ sahetisubhagaiḥ śatrukṣaye dīkṣitebhaktānugrahaṇe varābhayakarau vīrāsanaṃ cāśrite |jvālāmālikayā pradīptamatulaṃ śūlaṃ kare bibhratīmātaḥ śrīmadhurāmbike sumahite te suprabhātaṃ śivam || 4||

कोणानां त्रितयेन रम्यसुमहायन्त्रालये दीव्यसेशक्तीनां नवभिः सुकोणसुगतैर्दिक्पालकैः संवृते ।स्वीयैर्मन्त्रवरैः सुमन्त्रितमहायन्त्रालये दीप्यसेमातः श्रीमधुराम्बिकेऽतिमधुरे ते सुप्रभातं शिवम् ॥ ५॥

koṇānāṃ tritayena ramyasumahāyantrālaye dīvyaseśaktīnāṃ navabhiḥ sukoṇasugatairdikpālakaiḥ saṃvṛte |svīyairmantravaraiḥ sumantritamahāyantrālaye dīpyasemātaḥ śrīmadhurāmbike'timadhure te suprabhātaṃ śivam || 5||

लोकानां हितकाम्यया करुणया श्रीकालि हत्वा रिपून्नानारूपधरं महोग्रमहिषं शुम्भं निशुम्भं तथा ।रक्ताक्षं शठरक्तजिह्वमपरं चण्डं च मुण्डं क्षणात्चामुण्डे श्रीमधुराम्बिके विजयसे ते सुप्रभातं शिवम् ॥ ६॥

lokānāṃ hitakāmyayā karuṇayā śrīkāli hatvā ripūnnānārūpadharaṃ mahogramahiṣaṃ śumbhaṃ niśumbhaṃ tathā |raktākṣaṃ śaṭharaktajihvamaparaṃ caṇḍaṃ ca muṇḍaṃ kṣaṇātcāmuṇḍe śrīmadhurāmbike vijayase te suprabhātaṃ śivam || 6||

त्वं भीतानदितिजान् सवासवमुखान् देवान् हि संरक्षितुंशक्तीनां च गणैः सहैव समरे तान् चावधीर्दैत्यकान् ।भूयश्चापि भये सदैव मनुजान् रक्षामि रक्षामि चेतिआनन्दात् त्वमसान्त्वयः किल शिवे ते सुप्रभातं शिवम् ॥ ७॥

tvaṃ bhītānaditijān savāsavamukhān devān hi saṃrakṣituṃśaktīnāṃ ca gaṇaiḥ sahaiva samare tān cāvadhīrdaityakān |bhūyaścāpi bhaye sadaiva manujān rakṣāmi rakṣāmi cetiānandāt tvamasāntvayaḥ kila śive te suprabhātaṃ śivam || 7||

वायुर्वाति सुशीतलः सुखकरः शान्तं नभो वर्ततेपूषोदेति फलन्ति चैव तरवः पुष्पन्ति मल्ल्यादयः ।उद्बुध्यस्व शिवे कटाक्षय जनान् भक्तान् हि रक्षेक्षणेमातः श्रीमधुराम्बिके सहृदये ते सुप्रभातं शिवम् ॥ ८॥

vāyurvāti suśītalaḥ sukhakaraḥ śāntaṃ nabho vartatepūṣodeti phalanti caiva taravaḥ puṣpanti mallyādayaḥ |udbudhyasva śive kaṭākṣaya janān bhaktān hi rakṣekṣaṇemātaḥ śrīmadhurāmbike sahṛdaye te suprabhātaṃ śivam || 8||

सर्वे भक्तजनाः सदारशिशुकाः सन्नारिकेलं फलंताम्बूलं कमलं सुगन्धि च नवं गव्यं च गन्धं करे ।धृत्वा त्वां प्रतिपालयन्ति जगतां श्रीमातरं कालिकांमातः श्रीमधुराम्बिके सुललिते ते सुप्रभातं शिवम् ॥ ९॥

sarve bhaktajanāḥ sadāraśiśukāḥ sannārikelaṃ phalaṃtāmbūlaṃ kamalaṃ sugandhi ca navaṃ gavyaṃ ca gandhaṃ kare |dhṛtvā tvāṃ pratipālayanti jagatāṃ śrīmātaraṃ kālikāṃmātaḥ śrīmadhurāmbike sulalite te suprabhātaṃ śivam || 9||

तारानायकशोभिरत्नमकुटे तापिञ्छवर्णोज्ज्वलेतार्तीयीकविलोचनाग्निमहिते ताम्बूलपूर्णानने ।माध्वीकादिमहाभिषेकमुदिते मालाविभूषोज्ज्वलेमातः श्रीमधुराम्बिके शुभकरे ते सुप्रभातं शिवम् ॥ १०॥

tārānāyakaśobhiratnamakuṭe tāpiñchavarṇojjvaletārtīyīkavilocanāgnimahite tāmbūlapūrṇānane |mādhvīkādimahābhiṣekamudite mālāvibhūṣojjvalemātaḥ śrīmadhurāmbike śubhakare te suprabhātaṃ śivam || 10||

व्यादायैव विशालमास्यमचिराद्भित्वा रिपोः चाप्युरःपीत्वा शोणितमाशु रक्तवदने रक्तेक्षणे जिह्विके ।तार्तीयीकविलोचनेन दितिजान् या भस्मसाच्चाकरोःमातः श्रीमधुराम्बिके विधिनुते ते सुप्रभातं शिवम् ॥ ११॥

vyādāyaiva viśālamāsyamacirādbhitvā ripoḥ cāpyuraḥpītvā śoṇitamāśu raktavadane raktekṣaṇe jihvike |tārtīyīkavilocanena ditijān yā bhasmasāccākaroḥmātaḥ śrīmadhurāmbike vidhinute te suprabhātaṃ śivam || 11||

दृष्ट्वा वीर्यमचिन्त्यमद्भुततमं विस्मापनीयं सदाब्रह्माविष्णुमहेश्वरादिमसुरा यां तुष्टुवुः श्रीसुमैः ।सा त्वं विश्वजनीनवन्द्यविभवे हैयङ्गवीनाशयेमातः श्रीमधुराम्बिकेऽतिसुलभे ते सुप्रभातं शिवम् ॥ १२॥

dṛṣṭvā vīryamacintyamadbhutatamaṃ vismāpanīyaṃ sadābrahmāviṣṇumaheśvarādimasurā yāṃ tuṣṭuvuḥ śrīsumaiḥ |sā tvaṃ viśvajanīnavandyavibhave haiyaṅgavīnāśayemātaḥ śrīmadhurāmbike'tisulabhe te suprabhātaṃ śivam || 12||

द्वाविंशन्मनुभिः सदा सुमहिते श्रीभद्रकालीश्वरीदुर्गालक्ष्मिसरस्वतीत्यभिधया विख्यातचण्डीश्चरि ।शूलोद्भासिकराम्बुजे नतजने सर्वस्वदानोद्यतेमातः श्रीमधुराम्बिके सुसुभगे ते सुप्रभातं शिवम् ॥ १३॥

dvāviṃśanmanubhiḥ sadā sumahite śrībhadrakālīśvarīdurgālakṣmisarasvatītyabhidhayā vikhyātacaṇḍīścari |śūlodbhāsikarāmbuje natajane sarvasvadānodyatemātaḥ śrīmadhurāmbike susubhage te suprabhātaṃ śivam || 13||

सोमे भार्गववासरेऽपि सुजनैः नानादिगन्तागतैःतैलाभ्यक्तशिरोभिरेव सततं संसेविताङ्घ्रिद्वये ।मातॄणां च सुसप्तभिश्च नवभिर्दुर्गादिभिः संवृतेमातर्मङ्गलकारिणीष्टवरदे ते सुप्रभातं शिवम् ॥ १४॥

some bhārgavavāsare'pi sujanaiḥ nānādigantāgataiḥtailābhyaktaśirobhireva satataṃ saṃsevitāṅghridvaye |mātṝṇāṃ ca susaptabhiśca navabhirdurgādibhiḥ saṃvṛtemātarmaṅgalakāriṇīṣṭavarade te suprabhātaṃ śivam || 14||

त्वं बाला त्रिपुरा परा सुललिता प्रत्यङ्गिराः शारदावाचामीश्वरी चण्डिका च बगला ज्वालामुखी वैष्णवी ।लक्ष्मीर्नीलसरस्वती च विजयाशाकम्भरी चान्नदासर्वास्त्वं मधुराम्बिके विजयसे ते सुप्रभातं शिवम् ॥ १५॥

tvaṃ bālā tripurā parā sulalitā pratyaṅgirāḥ śāradāvācāmīśvarī caṇḍikā ca bagalā jvālāmukhī vaiṣṇavī |lakṣmīrnīlasarasvatī ca vijayāśākambharī cānnadāsarvāstvaṃ madhurāmbike vijayase te suprabhātaṃ śivam || 15||

कामानामथ पूरणैकसुविधौ त्वं कामधेनुः शुभेभक्तैश्चिन्तितसर्वदानसुविधौ चिन्तामणिस्त्वं हि नः ।काङ्क्षापूरणचातुरी सुमहितः श्रीकल्पवृक्षः स्वयंमातः श्रीमधुराम्बिकेष्टवरदे ते सुप्रभातं शिवम् ॥ १६॥

kāmānāmatha pūraṇaikasuvidhau tvaṃ kāmadhenuḥ śubhebhaktaiścintitasarvadānasuvidhau cintāmaṇistvaṃ hi naḥ |kāṅkṣāpūraṇacāturī sumahitaḥ śrīkalpavṛkṣaḥ svayaṃmātaḥ śrīmadhurāmbikeṣṭavarade te suprabhātaṃ śivam || 16||

सर्वाश्चर्यमयैकचित्रचरिते विस्मापनीयोऽद्य मेविश्वारातिविनाशनैकनिपुणे विद्यावयोवर्धिनि ।वेदान्तप्रतिपाद्यमानविभवे विश्वैकजीवातुकेमातः श्रीमधुराम्बिके भयहरे ते सुप्रभातं शिवम् ॥ १७॥

sarvāścaryamayaikacitracarite vismāpanīyo'dya meviśvārātivināśanaikanipuṇe vidyāvayovardhini |vedāntapratipādyamānavibhave viśvaikajīvātukemātaḥ śrīmadhurāmbike bhayahare te suprabhātaṃ śivam || 17||

सौमङ्गल्यसुभर्तृपुत्रसुखदे सौवासिनीपूजितेसौन्दर्यैकनिधे सुरेन्द्रविनुते सौभाग्यसंवर्धिनि ।सौशील्यादिगुणप्रदे च नमतां सत्सौमनस्यप्रदेमातः श्रीमधुराम्बिके श्रुतिनुते ते सुप्रभातं शिवम् ॥ १८॥

saumaṅgalyasubhartṛputrasukhade sauvāsinīpūjitesaundaryaikanidhe surendravinute saubhāgyasaṃvardhini |sauśīlyādiguṇaprade ca namatāṃ satsaumanasyaprademātaḥ śrīmadhurāmbike śrutinute te suprabhātaṃ śivam || 18||

वीणावेणुमृदङ्गनाट्यमुदिते वीणामुनीन्द्रस्तुतेश्रीदुर्गापरसूक्तमन्त्रसुलभे वाणीरमावीजिते ।दुर्गालक्ष्मिसरस्वतीति विनुते कामेशवामाङ्गकेमातः श्रीमधुराम्बिके सुललिते ते सुप्रभातं शिवम् ॥ १९॥

vīṇāveṇumṛdaṅganāṭyamudite vīṇāmunīndrastuteśrīdurgāparasūktamantrasulabhe vāṇīramāvījite |durgālakṣmisarasvatīti vinute kāmeśavāmāṅgakemātaḥ śrīmadhurāmbike sulalite te suprabhātaṃ śivam || 19||

दीपं दीपयतीह यच्च समये श्रीसोमवारे पुनःतत् शुक्रावधि जाज्ज्वलत्यतितरां चैतन्महत्वं तव ।तल्लिप्तं च सुचन्दनं सुकुसुमं यच्चार्चितं पादयोःनैव क्लाम्यति सर्वशक्तिभरिते ते सुप्रभातं शिवम् ॥ २०॥

dīpaṃ dīpayatīha yacca samaye śrīsomavāre punaḥtat śukrāvadhi jājjvalatyatitarāṃ caitanmahatvaṃ tava |talliptaṃ ca sucandanaṃ sukusumaṃ yaccārcitaṃ pādayoḥnaiva klāmyati sarvaśaktibharite te suprabhātaṃ śivam || 20||

सम्प्राप्तास्तव सन्निधिं हि कृपया सम्प्राप्नुवन्ति ध्रुवंचेतोहारि सुसुन्दरं निजपतिं विद्यावयोभास्वरम् ।सौमगल्यसमृद्धिमाशु ललना विद्यां च बाला धनंसर्वत्रैव जयं सदा सुमधुरे ते सुप्रभातं शिवम् ॥ २१॥

samprāptāstava sannidhiṃ hi kṛpayā samprāpnuvanti dhruvaṃcetohāri susundaraṃ nijapatiṃ vidyāvayobhāsvaram |saumagalyasamṛddhimāśu lalanā vidyāṃ ca bālā dhanaṃsarvatraiva jayaṃ sadā sumadhure te suprabhātaṃ śivam || 21||

किं वा दुष्करमम्बिके तव पदद्वन्द्वैकसक्तात्मनांकिं वा दुर्लभमस्ति तावकमनुं जप्तुः सदा ध्यायिनाम् ।किं वा दुर्जयमस्ति रक्तकुसुमैर्नित्यार्चनां कुर्वतांमातः श्रीमधुराम्बिकेष्टवरदे ते सुप्रभातं शिवम् ॥ २२॥

kiṃ vā duṣkaramambike tava padadvandvaikasaktātmanāṃkiṃ vā durlabhamasti tāvakamanuṃ japtuḥ sadā dhyāyinām |kiṃ vā durjayamasti raktakusumairnityārcanāṃ kurvatāṃmātaḥ śrīmadhurāmbikeṣṭavarade te suprabhātaṃ śivam || 22||

दात्री त्वं निखिलानि चैहिकसुखान्यातृप्ति वन्दारुकेदास्यन्ती सकलं मनोरथफलं चामुष्मिकं देहिनाम् ।सालोक्यादिचतुष्टयं च सहसा दत्वाऽनुगृह्णासि नःमातः श्रीमधुराम्बिकेष्टवरदे ते सुप्रभातं शिवम् ॥ २३॥

dātrī tvaṃ nikhilāni caihikasukhānyātṛpti vandārukedāsyantī sakalaṃ manorathaphalaṃ cāmuṣmikaṃ dehinām |sālokyādicatuṣṭayaṃ ca sahasā datvā'nugṛhṇāsi naḥmātaḥ śrīmadhurāmbikeṣṭavarade te suprabhātaṃ śivam || 23||

सूर्याचन्द्रमसौ तथा कुजबुधौ जीवश्च शुक्रश्शनिःराहुः केतुरभीष्टनित्यवरदा योगाश्च तारागणाः ।श्रीकालीचरणारविन्दपतितं नो पीडयन्ति ध्रुवंश्रीनिःश्रेयसदायिके सुमधुरे ते सुप्रभातं शिवम् ॥ २४॥

sūryācandramasau tathā kujabudhau jīvaśca śukraśśaniḥrāhuḥ keturabhīṣṭanityavaradā yogāśca tārāgaṇāḥ |śrīkālīcaraṇāravindapatitaṃ no pīḍayanti dhruvaṃśrīniḥśreyasadāyike sumadhure te suprabhātaṃ śivam || 24||

सर्वेषां च मनःप्रशान्तिमधुना दत्वाऽनुगृह्णीष्व नःमायामोहितजन्तुजातमधुना विज्ञानपूर्णं कुरु ।सर्वत्रैव चकास्तु भारततले शान्तिः प्रशान्तिः सुखंमातः श्रीमधुराम्बिके सुवरदे ते सुप्रभातं शिवम् ॥ २५॥

sarveṣāṃ ca manaḥpraśāntimadhunā datvā'nugṛhṇīṣva naḥmāyāmohitajantujātamadhunā vijñānapūrṇaṃ kuru |sarvatraiva cakāstu bhāratatale śāntiḥ praśāntiḥ sukhaṃmātaḥ śrīmadhurāmbike suvarade te suprabhātaṃ śivam || 25||

ज्वालामालिनि चण्डिके सुमधुरे सान्द्रान्तरङ्गे सदाअज्ञानात् कृतमन्तुजालमधुना त्वं वै क्षमस्वाम्बिके ।नावा सिन्धुमिवाद्य तारय जनं संसारवारान्निधेःमातः श्रीमधुराम्बिके सकरुणे ते सुप्रभातं शिवम् ॥ २६॥

jvālāmālini caṇḍike sumadhure sāndrāntaraṅge sadāajñānāt kṛtamantujālamadhunā tvaṃ vai kṣamasvāmbike |nāvā sindhumivādya tāraya janaṃ saṃsāravārānnidheḥmātaḥ śrīmadhurāmbike sakaruṇe te suprabhātaṃ śivam || 26||

साम्राज्ञीपुर(सिरुवाच्चूर्)वासिनी भगवती श्रीमाधुरी कालिकासुप्रातः प्रपठेदुषस्यपि मुदा यो वा नरः प्रत्यहम् ।तं वै रक्षति सान्द्रनैजहृदया मातेव वात्सल्यतःमातः श्रीमधुराम्बिके सुललिते ते सुप्रभातं शिवम् ॥ २७॥

sāmrājñīpura(siruvāccūr)vāsinī bhagavatī śrīmādhurī kālikāsuprātaḥ prapaṭheduṣasyapi mudā yo vā naraḥ pratyaham |taṃ vai rakṣati sāndranaijahṛdayā māteva vātsalyataḥmātaḥ śrīmadhurāmbike sulalite te suprabhātaṃ śivam || 27||

देवि त्वां शरणं गतोऽस्मि सततं नान्या गतिस्त्वां विनात्वं मातासि पिता तथैव सहजो बन्धुश्च पुत्री सुतः ।सर्वस्वं हि मम त्वमेव सिरुवाच्चूर् राज्ञि रक्षेक्षणेपाह्यस्मान् सकुटुम्बकान् सुमधुरे ते सुप्रभातं शिवम् ॥ २८॥

devi tvāṃ śaraṇaṃ gato'smi satataṃ nānyā gatistvāṃ vinātvaṃ mātāsi pitā tathaiva sahajo bandhuśca putrī sutaḥ |sarvasvaṃ hi mama tvameva siruvāccūr rājñi rakṣekṣaṇepāhyasmān sakuṭumbakān sumadhure te suprabhātaṃ śivam || 28||

सप्तविंशतिसङ्ख्याकसुप्रातकमलैश्शुभैः ।त्वामर्चयामि मधुरे प्रसीद वरदा भव ॥ २९॥

saptaviṃśatisaṅkhyākasuprātakamalaiśśubhaiḥ |tvāmarcayāmi madhure prasīda varadā bhava || 29||

इति सिरुवाच्चूर् श्रीमधुरकालिकाम्बासुप्रभातं सम्पूर्णम् ।

iti siruvāccūr śrīmadhurakālikāmbāsuprabhātaṃ sampūrṇam |